મહાભારત · અધ્યાય 2.100

આમન્ત્રયામિ ભરતાંસ્તથા વૃદ્ધં પિતામહમ્ ॥
રાજાનં સોમદત્તં ચ મહારાજં ચ બાહ્લિકમ્ ॥

દ્રોણં કૃપં નૃપાંશ્ચાન્યાનશ્વત્થામાનમેવ ચ । વિદુરં ધૃતરાષ્ટ્રં ચ ધાર્તરાષ્ટ્રાંશ્ચ સર્વશઃ ॥ 2-100-3અસૌમદત્તિં મહાવીર્યં વિકર્ણં ચ મહામતિમ્ । યુયુત્સું સઞ્જયં ચૈવ તથૈવાન્યાન્સભાસદઃ ॥ 2-100-4અગાન્ધારીં ચ મહાભાગાં માતરં ચ તથા પૃથામ્ । સર્વાનામન્ત્ર્ય ગચ્છામિ દ્રષ્ટાઽસ્મિ પુનરેત્ય વઃ ॥
વૈશમ્પાયન ઉવાચ ॥

ન ચ કિઞ્ચિદથોચુસ્તં હ્રિયાઽસન્ના યુધિષ્ઠિરમ્ ।
મનોભિરેવ કલ્યાણં દધ્યુસ્તે તસ્ય ધીમતઃ ॥
વિદુર ઉવાચ ॥

આર્યા પૃથા રાજપુત્રી નારણ્યં ગન્તુમર્હતિ ।
સુકુમારી ચ વૃદ્ધા ચ નિત્યં ચૈવ સુખોચિતા ॥

ઇહ વત્સ્યતિ કલ્યાણી સત્કૃતા મમ વેશ્મનિ ।
ઇતિ પાર્થા વિજાનીધ્વમગદં વોઽસ્તુ સર્વશઃ ॥
પાણ્ડવા ઊચુઃ ।

તથેત્યુક્ત્વાઽબ્રુવન્સર્વે યથા નો વદસેઽનઘ ।
ત્વં પિતૃવ્યઃ પિતૃસમો વયં ચ ત્વત્પરાયણાઃ ॥

યથાઽજ્ઞાપયસે વિદ્વંસ્ત્વં હિ નઃ પરમો ગુરુઃ ।
યચ્ચાન્યદપિ કર્તવ્યં તદ્વિધત્સ્વ મહામતે ॥
વિદુર ઉવાચ ॥

યુધિષ્ઠિર વિજાનીહિ મમેદં ભરતર્ષભ ।
નાધર્મેણ જિતઃ કશ્ચિદ્વ્યથતે વૈ પરાજયે ॥

ત્વં વૈ ધર્મં વિજાનીષે યુદ્ધે જેતા ધનઞ્જયઃ ।
હન્તાઽરીણાં ભીમસેનો નકુલસ્ત્વર્થસઙ્ગ્રહી ॥

સંયન્તા સહદેવસ્તુ ધૌમ્યો બ્રહ્મવિદુત્તમઃ ।
ધર્માર્થકુશલા ચૈવ દ્રૌપદી ધર્મચારિણી ॥

અન્યોન્યસ્ય પ્રિયાઃ સર્વે તથૈવ પ્રિયદર્શનાઃ ।
પરૈરભેદ્યાઃ સન્તુષ્ટાઃ કો વોન ન સ્પૃહયેદિહ ॥

એષ વૈ સર્વકલ્યાણઃ સમાધિસ્તવ ભારત ।
નૈનં શત્રુર્વિષહતે શક્રેણાપિ સમોઽપ્યુત ॥

હિમવત્યનુશિષ્ટોઽસિ મેરુસાવર્ણિના પુરા ।
દ્વૈપાયનેન કૃષ્ણેન નગરે વારણાવતે ॥

ભૃગુતુઙ્ગે ચ રામેણ દૃષ્ટદ્વત્યાં ચ શમ્ભુના ।
અશ્રૌષીરસિ તસ્યાપિ મહર્ષેરઞ્જનં પ્રતિ ॥

કલ્માષીતીરસંસ્થસ્ય ગતસ્ત્વં શિષ્યતાં ભૃગોઃ ।
દ્રષ્ટા સદા નારદસ્તે ધૌમ્યસ્તેઽયં પુરોહિતઃ ॥

માહાસીઃ સામ્પરાયે ત્વં બુદ્ધિં તામૃષિપૂજિતામ્ ।
પુરૂરવસમૈલં ત્વં બુદ્ધ્યા જયસિ પાણ્ડવ ॥

શક્ત્યા જયસિ રાજ્ઞોઽન્યાનૃષીન્ધર્ગોપસેવયા ।
ઐન્દ્રે જયે ધૃતમના યામ્યે કોપવિધારણે ॥

તથા વિસર્ગે કૌબેરે વારુણે કોપવિધારણે ॥
આત્મપ્રદાનં સૌમ્યત્વમદ્ભ્યશ્ચૈવોપજીવનમ્ ॥

ભૂમેઃ ક્ષમા ચ તેજશ્ચ સમગ્રં સૂર્યમણ્ડલાત્ ।
વાયોર્બલં પ્રાપ્નુહિ ત્વં ભૂતેભ્યશ્ચાત્મસમ્પદમ્ ॥

અગદં વોઽસ્તુ ભદ્રં વો દ્રષ્ટાઽસ્મિ પુનરાગતાન્ ।
આપદ્ધર્માર્થકૃચ્છ્રેષુ સર્વકાર્યેષુ વા પુનઃ ॥

યથાવત્પ્રતિપદ્યેથાઃ કાલે કાલે યુધિષ્ઠિર ।
આપૃષ્ટોઽસીહ કૌન્તેય સ્વસ્તિ પ્રાપ્નુહિ ભારત ॥

કૃતાર્થં સ્વસ્મિમન્તં ત્વાં દ્રક્ષ્યામઃ પુનરાગતમ્ ।
ન હિ વો વૃજિનં કિઞ્ચિદ્વેદ કશ્ચિત્પુરાકૃતમ્ ॥
વૈશમ્પાયન ઉવાચ ॥

એવમુક્તસ્તથેત્યુક્ત્વા પાણ્ડવઃ સત્યવિક્રમઃ ।
ભીષ્મદ્રોણૌ નમસ્કૃત્ય પ્રાતિષ્ઠત યુધિષ્ઠિરઃ ॥