મહાભારત · અધ્યાય 13.153

કેષાં દેવા મહાભાગાઃ સન્નમન્તે મહાત્મનામ્ ।
લોકેઽસ્મિંસ્તનૃષીન્સર્વઞ્શ્રોતુમિચ્છામિ સત્તમ ॥
ભીષ્મ ઉવાચ ।

ઇતિહાસમિમં વિપ્રાઃ કીર્તયન્તિ પુરાવિદઃ ।
અસ્મિન્નર્થે મહાપ્રાજ્ઞાસ્તં નિબોધ યુધિષ્ઠિર ॥

વૃત્રં હત્વાઽપ્યુપાવૃત્તં ત્રિદશાનાં પુરસ્કૃતમ્ ।
મહેન્દ્રમનુસમ્પ્રાપ્તં સ્તૂયમાનં મહર્ષિભિઃ ॥

શ્રિયા પરમયા યુક્તં રથસ્થં હરિવાહનમ્ ।
માતલિઃ પ્રાઞ્જલિર્ભૂત્વા દેવમિન્દ્રમુઘાચ હ ॥

નમસ્કૃતાનાં સર્વેષાં ભગવંસ્ત્વં પુરસ્કૃતઃ ।
યેષાં લોકે નમસ્કુર્યાત્તાન્બ્રવીતુ ભવાન્મમ ॥

તસ્ય તદ્વચનં શ્રુત્વા દેવરાજઃ શચીપતિઃ ।
યન્તારં પરિપૃચ્છન્તં તમિન્દ્રઃ પ્રત્યુવાચ સઃ ॥

ધર્મં ચાર્થં ચ કામં ચ યેષાં ચિન્તયતાં મતિઃ ।
નાધર્મે વર્તતે નિત્યં તાન્નમસ્યામિ માતલે ॥

યે રૂપગુણસમ્પન્નાઃ પ્રમદાહૃદયન્ગમાઃ ।
નિવૃત્તાઃ કામભોગેષુ તાન્નમસ્યામિ માતલે ॥

સ્વેષુ ભોગેષુ સન્તુષ્ટાઃ સુવાચો વચનક્ષમાઃ ।
અમાનકામાશ્ચાર્ઘાર્હાસ્તાન્નમસ્યામિ માતલે ॥

ધનં વિદ્યાસ્તથૈશ્વર્યં યેષાં ન ચલયેન્મતિમ્ ।
ચલિતાં યે નિગૃહ્ણન્તિ તાન્નિત્યં પૂજયામ્યહમ્ ॥

ઇષ્ટૈર્દારૈરુપેતાનાં શુચીનામગ્નિહોત્રિણામ્ ।
ચતુષ્પાદકુટુમ્બાનાં માતિલે પ્રણમામ્યહમ્ ॥

મહતસ્તપસા પ્રાપ્તૌ ધનસ્ય વિપુલસ્ય ચ ।
કત્યાગસ્તસ્ય ન વૈ કાર્યો યોઽત્માનં નાવબુધ્યતે ॥

યેષામર્થસ્તથા કામો ધર્મમૂલવિવર્ધિતઃ ।
ધર્માર્થૌ તસ્ય નિયતૌ તાન્નમસ્યામિ માતલે ॥

ધર્મમૂલાર્થકામાનાં બ્રાહ્મણાનાં ગવામપિ ॥
પતિવ્રતાનાં નારીણાં પ્રણામં પ્રકરોમ્યહમ્ ॥

યે ભુક્ત્વા માનુષાન્ભોગાન્પૂર્વે વયસિ માતલે ।
તપસા સ્વર્ગમાયાન્તિ શશ્વત્તાન્પૂજયામ્યહમ્ ॥

અસમ્ભોગાન્નચાસક્તાન્ધર્મનિત્યાઞ્જિતેન્દ્રિયાન્ ।
સન્ન્યસ્તાનચલપ્રખ્યાન્મનસા પૂજયામિ તાન્ ॥

જ્ઞાનપ્રસન્નવિદ્યાનાં નિરૂઢં ધર્મમીપ્સિતમ્ ।
પરૈઃ કીર્તિતશૌચાનાં માતલે તાન્નમામ્યહમ્ ॥