મહાભારત · અધ્યાય 12.54

અથાવ્રવીન્મહાતેજા વાક્યં કૌરવનન્દનઃ ।
હન્ત ધર્માન્પ્રવક્ષ્યામિ દૃઢે વાઙ્ભનસી મમ ॥

તવ પ્રસાદાદ્ગોવિન્દ ભૂતાત્મા હ્યસિ શાશ્વતઃ । યુધિષ્ઠિરસ્તુ ધર્માત્મા માં ધર્માનનુપૃચ્છતુ ।
એવં પ્રીતો ભવિષ્યામિ ધર્માન્વક્ષ્યામિ ચાખિલાન્ ॥

યસ્મિન્રાજર્ષભે જાતે ધર્માત્મનિ મહાત્મનિ ।
અહૃષ્યન્નૃષયઃ સર્વે સ માં પૃચ્છતુ પાણ્ડવઃ ॥

સર્વેષાં દીપ્તયશસાં કુરૂણાં ધર્મચારિણામ્ ।
યસ્ય નાસ્તિ સમઃ કશ્ચિત્સ માં પૃચ્છતુ પાણ્ડવઃ ॥

ધૃતિર્દમો બ્રહ્મચર્યં ક્ષમા ધર્મશ્ચ નિત્યદા ।
યસ્મિન્નોજશ્ચ તેજશ્ચ સ માં પૃચ્છતુ પાણ્ડવઃ ॥

સમ્બન્ધિનોઽતિથીન્ભૃત્યાન્સંશ્રિતાંશ્ચૈવ યો ભૃશમ્ ।
સમ્માનયતિ સત્કૃત્ય સ માં પૃચ્છતુ પાણ઼્ડવઃ ॥

સત્યં દાનં તપઃ શૌર્યં શાન્તિર્દાક્ષ્યમસમ્ભ્રમઃ ।
યસ્મિન્નેતાનિ સર્વાણિ સ માં પૃચ્છતુ પાણ્ડવઃ ॥

યો ન કામાન્ન સંરમ્ભાન્ન ભયાન્નાર્થકારણાત્ ।
કુર્યાદધર્મં ધર્માત્મા સ માં પૃચ્છતુ પાણ્ડવઃ ॥

સત્યનિત્યઃ ક્ષમાનિત્યો જ્ઞાનનિત્યોઽતિથિપ્રિયઃ ।
યો દદાતિ સતાં નિત્યં સ માં પૃચ્છતુ પાણ્ડવઃ ॥

ઇજ્યાધ્યયનનિત્યશ્ચ ધર્મે ચ નિરતઃ સદા ।
ક્ષાન્તઃ શ્રુતરહસ્યશ્ચ સ માં પૃચ્છતુ પાણ્ડવઃ ॥
વાસુદેવ ઉવાચ ।

લજ્જયા પરયોપેતો ધર્મરાજો યુધિષ્ઠિરઃ ।
અભિશાપભયાદ્ભીતો ભવન્તં નોપસર્પતિ ॥

લોકસ્ય કદનં કૃત્વા લોકનાથો વિશામ્પતે ।
અભિશાપભયાદ્ભીતો ભવન્તં નોપસર્પતિ ॥

પૂજ્યાન્માન્યાંશ્ચ ભક્તાંશ્ચ ગુરૂન્સમ્બન્ધિબાન્ધવાન્ ।
અર્ઘાર્હાનિષુભિર્ભિત્ત્વા ભવન્તં નોપસર્પતિ ॥
ભીષ્મ ઉવાચ ।

બ્રાહ્મણાનાં યથા ધર્મો દાનમધ્યયનં તપઃ ।
ક્ષત્રિયાણાં તથા કૃષ્ણ સમરે દેહપાતનમ્ ॥

પિતૄન્પિતામહાન્ભ્રાતૄન્ગુરૂન્સમ્બન્ધિબાન્ધવાન્ ।
મિથ્યાપ્રવૃત્તાન્યઃ સખ્યે નિહન્યાદ્ધર્મ એવ સઃ ॥

સમયત્યાગિનો લુબ્ધાન્ગુરૂનપિ ચ કેશવ ।
નિહન્તિ સમરે પાપાન્ક્ષત્રિયો યઃ સ ધર્મવિત્ ॥

યો લોભાન્ન સમીક્ષેત ધર્મસેતું સનાતનમ્ ।
નિહન્તિ યસ્તં સમરે ક્ષત્રિયો વૈ સ ધર્મવિત્ ॥

લોહિતોદાં કેશતૃણાં ગજશૈલાં ધ્વજદ્રુમામ્ ।
મહીં કરોતિ યુદ્ધેષુ ક્ષત્રિયો યઃ સ ધર્મવિત્ ॥

આહૂતેન રણે નિત્યં યોદ્ધવ્યં ક્ષત્રબન્ધુના ।
ધર્મ્યં સ્વર્ગ્યં ચ લોક્યં ચ યુદ્ધં હિ મનુરબ્રવીત્ ॥
વૈશમ્પાયન ઉવાચ ।

એવમુક્તસ્તુ ભીષ્મેણ ધર્મપુત્રો યુધિષ્ઠિરઃ ।
વિનીતવદુપાગમ્ય તસ્થૈ સન્દર્શનેઽગ્રતઃ ॥

અથાસ્ય પાદૌ જગ્રાહ ભીષ્મશ્ચાપિ નનન્દ તમ્ ।
મૂર્ધ્નિં ચૈનમુપાઘ્રાય નિષીદેત્યબ્રવીત્તદા ॥

તમુવાચાથ ગાઙ્ગેયો વૃષભઃ સર્વધન્વિનામ્ ।
માં પૃચ્છ તાત વિસ્રબ્ધં મા ભૈસ્ત્વં કુરુસત્તમ ॥