કાવ્યાલંકારસૂત્ર (અન્ય આવૃત્તિ) · અધ્યાય 1.3

સાપિ વૈદર્ભી, તાત્સ્થ્યાત્ ॥ વ્કલ્_1,2.22* ॥
તૃતીયો ઽધ્યાયઃ ।
લોકો વિદ્યા પ્રકીર્ણ ચ કાવ્યાઙ્ગાનિ

લોકવૃત્તં લોકઃ

શબ્દસ્મૃત્યભિધાનકોશચ્છન્દોવિચિતિકલાકામશાસ્ત્રદણ્ડનીતિપૂર્વા વિદ્યાઃ

શબ્દસ્મૃતેઃ શબ્દશુદ્ધિઃ

અભિધાનકોશાત્ પદાર્થનિશ્ચયઃ

છન્દોવિચિતેર્વૃત્તસંશયચ્છેદઃ

કલાશાસ્ત્રેભ્યઃ કલાતત્ત્વસ્ય સંવિત્

કામશાસ્ત્રતઃ કામોપચારસ્ય

દણ્ડનીતેર્નયાપનયયોઃ

ઇતિવૃત્તકુટિલત્વં ચ તતઃ

લક્ષ્યજ્ઞત્વમભિયોગો વૃદ્ધસેવાવેક્ષણં પ્રતિભાનમવધાનં ચ પ્રકીર્ણમ્

તત્ર કાવ્યપરિચયો લક્ષ્યજ્ઞત્વમ્

કાવ્યબન્ધોદ્યમો ઽભિયોગઃ

કાવ્યોપદેશગુરુશુશ્રૂષણં વૃદ્ધસેવા

પદાધાનોદ્ધરણમવેક્ષણમ્

કવિત્વબીજં પ્રતિભાનમ્

ચિત્તૈકાગ્ર્યમવધાનમ્

તદ્દેશકાલાભ્યામ્

વિવિક્તો દેશઃ

રાત્રિયામસ્તુરીયઃ કાલઃ

કાવ્યં ગદ્યં પદ્યં ચ

ગદ્યં વૃત્તગન્ધિ ચૂર્ણમુત્કલિકાપ્રાયં ચ

પદ્યભાગવદ્વૃત્તગન્ધિ

અનાવિદ્ધલલિતપદં ચૂર્ણમ્

વિપરીતમુત્કલિકાપ્રાયમ્

પદ્યમનેકભેદમ્

તદનિબદ્ધં નિબદ્ધં ચ

ક્રમસિદ્ધિસ્તયોઃ સ્રગુત્તંસવત્

નાનિબદ્ધં ચકાસ્ત્યેકતેજઃપરમાણુવત્

સંદર્ભેષુ દશરૂપકં શ્રેયઃ

તદ્ધિ ચિત્રં ચિત્રપટવદ્વિશેષસાકલ્યાત્

તતો ઽન્યભેદકૢપ્તિઃ