કામસૂત્ર · અધ્યાય 2.8

નાયકસ્ય સંતતાભ્યાસાત્ પ્રૈશ્રમમ્ ઉપલભ્ય રાગસ્ય ચાન્:ઉપશમમ્ અનુમતા તેન તમ્ અધો ઽવપાત્ય પુરુષાયિતેન સાહાય્યં દદ્યાત્.

સ્વાભિપ્રાયાદ્ વા વિકલ્પ-યોજનાર્થિની.

નયક-કુતૂહલાદ્ વા.

તત્ર યુક્ત-યન્ત્રેણૈવેતરેણોત્થાપ્યમાના તમ્ અધઃ પાતયેત્. એવં ચ રતમ્ અ:વિછિન્ન-રસં તથા પ્રવૃત્તમ્ એવ સ્યાત્. ઇત્ય્ એકો ઽપ્ય્ અયં માર્ગઃ.

પુનર્ આરમ્ભેણાદિત એવોપક્રમેત્. ઇતિ દ્વિતીયઃ.

સા પ્રકીર્યમાણ-કેશ-કુસુમા શ્વાસ-વિચ્છિન્ન-હાસિની વક્ત્ર-સંસર્ગાર્થં સ્તનાભ્યામ્ ઉરઃ પીડયન્તી પુનઃ પુનઃ શિરો નામયન્તી યાશ્ ચેષ્ટાઃ પૂર્વમ્ અસૌ દર્શિતવાંસ્ તા એવ પ્રકુર્વીત. પાતિતા પ્રતિપાતયામીતિ હસન્તી તર્જયન્તી પ્રતિઘ્નતી ચ બ્રૂયાત્. પુનશ્ ચ વ્રીડાં((27)) દર્શયેત્. શ્રમં વિરામાભીપ્સાં ચ. પુરુષોપસૃપ્તૈર્ એવોપસર્પેત્.

તાનિ ચ વક્ષ્યામઃ((28))
સેચ્તિઓન્ (પ્રકરણ)18

પુરુષઃ શયનસ્થાયા યોષિતસ્ તદ્-વચન-વ્યાક્ષિપ્ત-ચિત્તાયા ઇવ નીવીં વિશ્લેષયેત્. તત્ર વિવદમાનાં કપોલ-ચુમ્બનેન પર્યાકુલયેત્.

સ્થિર-લિઙ્ગશ્ ચ તત્રૈનાં પરિસ્પૃશેત્.

પ્રથમ-સંગતા ચેત્ સંહતોર્વોર્ અન્તરે ઘટ્ટનમ્.

કન્યાયાશ્ ચ.

તથા સ્તનયોઃ સંહતયોર્ હસ્તયોઃ કક્ષયોર્ અંસયોર્ ગ્રીવાયામ્ ઇતિ ચ.

સ્વૈરિણ્યાં યથા:સાત્મ્યં યથા-યોગં ચ. અલકે ચુમ્બનાર્થમ્ એનાં નિર્દયમ્ અવલમ્બેત્ હનુ-દેશે ચાઙ્ગુલિ-સંપુતેન.

તત્રેતરસ્ય વ્રીડા નિમીલનં ચ. પ્રથમ-સમાગમે કન્યાયાશ્ ચ.

રતિ-સંયોગે ચૈનાં કથમ્ અનુરજ્યત ઇતિ પ્રવૃત્ત્યા પરીક્ષેત.

યુક્ત-યન્ત્રેણોપસૃપ્યમાના યતો દૃષ્ટિમ્ આવર્તયેત્ તત એવૈનાં પીડયેત્. એતદ્ રહસ્યં યુવતીનામ્ ઇતિ સુવર્ણનાભઃ.

ગાત્રાણાં સ્રંસનં નેત્ર-નિમીલનં વ્રીડા-નાશઃ સમધિકા ચ રતિ-યોજનેતિ સ્ત્રીણાં ભાવ-લક્ષણમ્..2.8.18 હસ્તૌ વિધુનોતિ સ્વિદ્યતિ દશત્ય્ ઉત્થાતું ન દદાતિ પાદેનાહન્તિ રતાવમાને ચ પુરુષાતિવર્તિની.

તસ્યાઃ પ્રાગ્ યન્ત્ર-યોગાત્ કરેણ સંબાધં ગજ ઇવ ક્ષોભયેત્. આ મૃદુ-ભાવાત્. તતો યન્ત્ર-યોજનમ્.

ઉપસૃપ્તકં [1]મન્થનં [2]હુલો((29)) [3]અવમર્દનં [4]પીડિતકં [5]નિર્ઘાતો [6]વરાહ-ઘાતો [7]વૃષ-ઘાતશ્ [8]ચટક-વિલસિતં [9]સંપુટ ઇતિ પુરુષોપસૃપ્તાનિ.

ન્યાય્યમ્ ઋજુ-સંમિશ્રણમ્ ઉપસૃપ્તકમ્.

હસ્તેન લિઙ્ગં સર્વતો ભ્રામયેદ્ ઇતિ [1]મન્થનમ્.

નીચી-કૃત્ય જઘનમ્ ઉપરિષ્ટાદ્ ઘટ્ટયેદ્ ઇતિ [2]હુલઃ.

તદ્ એવ વિપરીતં સ:રભસમ્ [3]અવમર્દનમ્.

લિઙ્ગેન સમાહત્ય પીડયંશ્ ચિરમ્ અવતિષ્ઠેતેતિ [4]પીડિતકમ્.

સુ:દૂરમ્ ઉત્કૃષ્ય વેગેન સ્વ-જઘનમ્ અવપાતયેદ્ ઇતિ [5]નિર્ઘાતઃ.

એકત એવ ભૂયિષ્ઠમ્ અવલિખેદ્ ઇતિ [6]વરાહ-ઘાતઃ.

સ એવોભયતઃ પર્યાયેણ [7]વૃષાઘાતઃ.

સકૃન્ મિશ્રિતમ્ અ:નિષ્ક્રમય્ય દ્વિસ્ ત્રિશ્ ચતુર્ ઇતિ ઘટ્ટયેદ્ ઇતિ [8]ચટક-વિલસિતમ્.

રાગાવસાનિકં વ્યાખ્યાતં કરણં [9]સંપુટમ્ ઇતિ((30)).

તેષાં સ્ત્રી-સાત્મ્યાદ્ વિકલ્પેન પ્રયોગઃ.
સેચ્તિઓન્ (પ્રકરણ)17બ્((31))

પુરુષાયિતે તુ [1]સંદંશો [2]ભ્રમરકઃ [3]પ્રેઙ્ખોલિતમ્((32)) ઇત્ય્ અધિકાનિ.

બાડવેન લિઙ્ગમ્ અવગૃહ્ય નિષ્કર્ષન્ત્યાઃ પીડયન્ત્યા વા ચિરાવસ્થાનં [1]સંદંશઃ.

યુક્ત-યન્ત્રા ચક્રવદ્ ભ્રમેદ્ ઇતિ [2]ભ્રમરક આભ્યાસિકઃ.

તત્રેતરઃ સ્વ-જઘનમ્ ઉત્ક્ષિપેત્.

જઘનમ્ એવ દોલાયમાનં સર્વતો ભ્રામયેદ્ ઇતિ [3]પ્રેઙ્ખોલિતકમ્.

યુક્ત-યન્ત્રૈવ લલાટે લલાટં નિધાય વિશ્રામ્યેત.

વિશ્રાન્તાયાં ચ પુરુષસ્ય પુનર્ આવર્તનમ્. ઇતિ પુરુષાયિતાનિ.

ભવન્તિ ચાત્ર શ્લોકાઃ.
પ્રચ્છાદિત-સ્વભાવાપિ ગૂઢાકારાપિ કામિની. વિવૃણોત્ય્ એવ ભાવં સ્વં રાગાદ્ ઉપરિવર્તિની..

યથા-શીલા ભવેન્ નારી યથા ચ રતિ-લાલસા. તસ્યા એવ વિચેષ્ટાભિસ્ તત્ સર્વમ્ ઉપલક્ષયેત્..

ન ત્વ્ એવ ર્તૌ ન પ્રસૂતાં ન મૃગીં ન ચ ગર્ભિણીમ્. ન ચાતિ:વ્યાયતાં((33)) નારીં યોજયેત્ પુરુષાયિતે..