હરિવંશ · અધ્યાય 101

પુનર્ એવ મહાબાહો કૃષ્ણસ્ય જગતીપતેઃ
કૃતાર્થાઃ સર્વથા વિપ્ર નારાયણસમાશ્રયાત્ ।
જાતા હિ વયમ્ અદ્યૈવ તત્કથાશ્રવણાદ્ દ્વિજ ।
ઇત્ય્ ઉક્તઃ સ સ્મિતં કૃત્વા પ્રણમ્ય મુનિપુંગવમ્ ।
માહાત્મ્યં શ્રોતુમ્ ઇચ્છામિ પરમં દ્વિજસત્તમ ॥

ન હિ મે તૃપ્તિર્ અસ્તીહ શૃણ્વતસ્ તસ્ય ધીમતઃ
કર્મણામ્ અનુસંધાનં પુરાણસ્ય મહાત્મનઃ ॥

નાન્તઃ શક્યં પ્રભાવસ્ય વક્તું વર્ષશતૈર્ અપિ
ગોવિન્દસ્ય મહારાજ શ્રૂયતામ્ ઇદમ્ ઉત્તમમ્ ॥

શરતલ્પે શયાનેન ભીષ્મેણ પરિચોદિતઃ
ગાણ્ડીવધન્વા બીભત્સુર્ માહાત્મ્યં કેશવસ્ય યત્ ॥

રાજ્ઞાં મધ્યે મહારાજ જ્યેષ્ઠં ભ્રાતરમ્ અબ્રવીત્
યુધિષ્ઠિરં જિતામિત્રમ્ ઇતિ તચ્ છૃણુ કૌરવ ॥

પુરાહં દ્વારકાં યાતઃ સંબન્ધીન્ અવલોકકઃ
ન્યવસં પૂજિતસ્ તત્ર ભોજવૃષ્ણ્યન્ધકોત્તમૈઃ ॥

તતઃ કદાચિદ્ ધર્માત્મા દીક્ષિતો મધુસૂદનઃ
એકાહેન મહાબાહુઃ શાસ્ત્રદૃષ્ટેન કર્મણા ॥

તતો દીક્ષિતમ્ આસીનમ્ અભિગમ્ય દ્વિજોત્તમઃ
કૃષ્ણં વિજ્ઞાપયામ્ આસ પરિત્રાહીતિ ચાબ્રવીત્ ॥

રક્ષાધિકારો ભવતઃ પરિરક્ષસ્વ માં વિભો
ચતુર્થાંશં હિ ધર્મસ્ય રક્ષિતા લભતે ફલમ્ ॥

ન ભેતવ્યં દ્વિજશ્રેષ્ઠ રક્ષામિ ત્વાં કુતો ઽનઘ
બ્રૂહિ તત્ત્વેન ભદ્રં તે યદ્ય્ અપિ સ્યાત્ સુદુષ્કરમ્ ॥

જાતો જાતો મહાબાહો પુત્રો મે હ્રિયતે વિભો
ત્રયો હૃતાશ્ ચતુર્થં ત્વં કૃષ્ણ રક્ષિતુમ્ અર્હસિ ॥

બ્રાહ્મણ્યાઃ સૂતિકાલો ઽદ્ય તત્ર રક્ષા વિધીયતામ્
યથા ધ્રિયેદ્ અપત્યં મે તથા કુરુ જનાર્દન ॥

તતો મામ્ આહ ગોવિન્દો દીક્ષિતો ઽસ્મિ ક્રતાવ્ ઇતિ
રક્ષા ચ બ્રાહ્મણે કાર્યા સર્વાવસ્થાગતૈર્ અપિ ॥

શ્રુત્વાહમ્ એવં કૃષ્ણસ્ય તતો ઽવોચં નરોત્તમ
માં નિયોજય ગોવિન્દ રક્ષિષ્યામિ દ્વિજં ભયાત્ ॥

ઇત્ય્ ઉક્તઃ સ સ્મિતં કૃત્વા મામ્ ઉવાચ જનાર્દનઃ
રક્ષ્યસીત્ય્ એવમ્ ઉક્તસ્ તુ વ્રીડિતો ઽસ્મિ નરાધિપ ॥

તતો માં વ્રીડિતં જ્ઞાત્વા પુનર્ આહ જનાર્દનઃ
ગમ્યતાં કૌરવશ્રેષ્ઠ શક્યતે યદિ રક્ષિતુમ્ ॥

ત્વત્પુરોગાશ્ ચ ગચ્છન્તુ વૃષ્ણ્યન્ધકમહારથાઃ
ઋતે રામં મહાબાહુઃ પ્રદ્યુમ્નં ચ મહાબલમ્ ॥

તતો ઽહં વૃષ્ણિસૈન્યેન મહતા પરિવારિતઃ
તમ્ અગ્રતો દ્વિજં કૃત્વા પ્રયાતઃ સહ સેનયા ॥