ગૌરગઓવિન્દાર્ચનસ્મરણપદ્ધતિ · શ્લોક 321-340

વયો ઽસ્યા એક-માસાઢ્યા હાયનાસ્ તુ ત્રયોદશ ।
સપ્ત-વિંશતિભિર્ યુક્તં દિનૈશ્ ચ સમુદીરિતમ્ (13-1-27)

ગોપાલ-ભટ્ટ-નામાસૌ ખ્યાતા ગૌર-રસે કલૌ

અસ્યા મન્ત્રોદ્ધારો યથા કિશોરી-તન્ત્રે--
ગણેશો મુખ-વૃત્તાઢ્યો નાદ-બિન્દુ-સમન્વિતઃ ।
ઙે ઽન્તા વહ્નિ-પ્રિયાન્તા ચ મન્ત્રો વૈ ગુણ-મઞ્જરી

મન્ત્રો યથા--ગાં ગુણ-મઞ્જર્યૈ સ્વાહા
અસ્યા ધ્યાનં યથા તત્રૈવ--
જબા-નિભ-દુકૂલાઢ્યાં તડિદ્-આલિ-તનુ-ચ્છવિમ્ ।
કૃષ્ણામોદ-કૃતાપેક્ષાં ભજે ઽહં ગુણ-મઞ્જરીમ્

લીલાનન્દ-પ્રદો નામ્ના સુદેવ્યાઃ કુઞ્જકોત્તરે ।
તત્રૈવ તિષ્ઠતિ સદા મઞ્જુલાલી સુમઞ્જરી

રૂપ-મઞ્જરિકા-સખ્ય-પ્રાયા સા ગુણ-સમ્પદા ।
જબા-રાજિ-દુકૂલેયં તપ્ત-હેમ-તનુ-ચ્છવિઃ

લીલા-મઞ્જરી નામાસ્યા વામ-મધ્યાત્વમ્ આશ્રિતા ।
વયઃ-સપ્તાહ-યુક્તાસૌ સાર્ધ-ત્રિદશ-હાયના (13-6-7)

કલૌ ગૌર-રસે લોક-નાથ-ગોસ્વામિતાં ગતા

અસ્યા મન્ત્રોદ્ધારો યથા કિશોરી-તન્ત્રે--
લક્ષ્મી-યુક્તા મઞ્જુલાલી મઞ્જરી વહ્નિ-જાયિકા ।
ચતુર્થ્યન્તા ભવેન્ મન્ત્રો દશાર્ણઃ ખલુ કથ્યતે

મન્ત્રો યથા--શ્રીં મઞ્જુલાલી-મઞ્જર્યૈ સ્વાહા
અસ્યા ધ્યાનં યથા તત્રૈવ--
પ્રતપ્ત-હેમાઙ્ગ-રુચિં મનોજ્ઞાં
શોણામ્બરાં ચારુ-સુભૂષણાઢ્યામ્ ।
શ્રી-રાધિકા-પાદ-સરોજ-દાસીં
તાં મઞ્જુલાલીં નિયતં ભજામિ

વૈશાખ-કુઞ્જાદ્ આગ્નેયે કુઞ્જો ઽસ્તિ સુમનોહરઃ
વિલાસાનન્દદો નામ્ના-ત્રાસ્તે વિલાસ-મઞ્જરી

વિલાસ-મઞ્જરી રૂપ-મઞ્જરી-સખ્યમ્ આશ્રિતા ।
સ્વકાન્ત્યા સદૃશીં ચક્રે યા દિવ્યાં સ્વર્ણ-કેતકીમ્

ચઞ્ચરીક-દુકૂલેયં વામા મૃદ્વીત્વમ્ આશ્રિતા
કનિષ્ઠા રસ-મઞ્જર્યાશ્ ચતુર્ભિર્ દિવસૈર્ ઇયમ્ (12-11-26)

જીવ-ગોસ્વામિતાં પ્રાપ્તા કલૌ ગૌર-રસે ત્વ્ અસૌ

અસ્યા મન્ત્રોદ્ધારો યથા કિશોરી-તન્ત્રે--
શ્રિયા પ્રચેતસા ચૈવ નાદ-બિન્દ્વ્ આસ્ય-વૃત્ત-ગા ।
વિલાસ-મઞ્જરી ઙે ઽન્તા સ્વાહાન્તો મનુર્ ઈરિતઃ

મન્ત્રો યથા--શ્રીં વાં વિલાસ-મઞ્જર્યૈ સ્વાહા
અસ્યા ધ્યાનં યથા તત્રૈવ--
સ્વર્ણ-કેતક-વિનિન્દિ-કાયકાં
નિન્દિત-ભ્રમર-કાન્તિકામ્બરામ્ ।
કૃષ્ણ-પાદ-કમલોપસેવનીમ્
અર્ચયામિ સુવિલાસ-મઞ્જરીમ્

નૈરૃતે શ્રી-રઙ્ગદેવી-કુઞ્જાત્ કુઞ્જો ઽસ્તિ પશ્ચિમઃ ।
કૌસ્તૂર્યાનન્દદો નામ્ના તત્રાસ્તે કૌસ્તૂરી-મઞ્જરી

કાચ-તુલ્યામ્બરા ચાસૌ શુદ્ધ-હેમાઙ્ગ-કાન્તિ-ભાક્ ।
વયસ્ ત્રિદશ-વર્ષાસૌ વામા મૃદ્વીત્વમ્ આશ્રિતા

શ્રી-કૃષ્ણ-કવિરાજાખ્યાં પ્રાપ્તા ગૌર-રસે કલૌ

અસ્યા મન્ત્રોદ્ધારો યથા કિશોરી-તન્ત્રે--
શ્રી-બીજેન સમાયુક્તા ઙે ઽન્તા કૌસ્તૂરી-મઞ્જરી ।
સ્વાહાન્ત ઇતિ વૈ પ્રોક્તો નવાર્ણ-મન્ત્ર ઉચ્યતે