ગૌરગઓવિન્દાર્ચનસ્મરણપદ્ધતિ · શ્લોક 241-260

ગૃહમ્ અસ્યાસ્ તુ યાવટે પિતા સાગર-સંજ્ઞકઃ

અસ્યા માતા ભવેદ્ વેલા પતિર્ અસ્યાસ્ તુ દુર્બલઃ ।
વસુ-રામાનન્દતયા ખ્યાતા ગૌર-રસે હ્ય્ અસૌ

પ્રોષિત-ભર્તૃકા-લક્ષણં યથા (ઉન્ 5.89)--
દૂર-દેશં ગતે કાન્તે ભવેત્ પ્રોષિત-ભર્તૃકા ।
પ્રિય-સંકીર્તનં દૈન્યમ્ અસ્યાસ્ તાનવ-જાગરૌ ।
માલિન્યમ્ અનવસ્થાનં જાડ્ય-ચિન્તાદયો મતાઃ

ઉદાહરણં યથા (ઉન્ 5.90)--
વિલાસી સ્વચ્છન્દં વસતિ મથુરાયાં મધુ-રિપુ*
ર્વસન્તઃ સન્તાપં પ્રથયતિ સમન્તાદ્ અનુપદમ્ ।
દુરાશેયં વૈરિણ્ય્ અહહ મદ્-અભીષ્ટોદ્યમ-વિધૌ
વિધત્તે પ્રત્યૂહં કિમ્ ઇહ ભવિતા હન્ત શરણમ્

વામ-પ્રખરા-લક્ષણોદાહરણે તૂક્તે; અસ્યા યૂથો યથા શ્રી-કૃષ્ણ-ગણોદ્દેશ-દીપિકાયામ્ (1.247)--
તુઙ્ગભદ્રા ચિત્રલેખા સુરઙ્ગી રઙ્ગવાટિકા ।
મઙ્ગલા સુવિચિત્રાઙ્ગી મોદિની મદનાપિ ચ

અસ્યા મન્ત્રોદ્ધારો યથા ઈશાન-સંહિતાયામ્--
વાગ્-ભવશ્ ચેન્દુલેખા ચ ચતુર્થી વહ્નિ-જાયિકા ।
મન્ત્રઃ સ્યાચ્ ચેન્દુલેખાયા અષ્ટાર્ણઃ સમુદીરિતઃ

મન્ત્રો યથા--ઐમ્ ઇન્દુલેખાયૈ સ્વાહા ।
અસ્યા ધ્યાનં યથા તત્રૈવ--
હરિતાલ-સમાન-દેહ-કાન્તિં
વિકસદ્-દારિમ-પુષ્પ-શોભિ-વસ્ત્રામ્ ।
અમૃતં દદતીં મુકુન્દ-વક્ત્રે
ભજ આલીમ્ અહમ્ ઇન્દુલેખિકાખ્યામ્

દક્ષિણે ઽસ્મિન્ દલે કામ-લતા-નામાસ્તિ કુઞ્જકમ્ ।
અત્યન્ત-સુખદં તપ્ત-જામ્બૂનદ-સમ-પ્રભમ્

શ્રી-ચમ્પકલતા તિષ્ઠ-ત્યમુષ્મિન્ કૃષ્ણ-વલ્લભા ।
અસૌ વાસક-સજ્જાત્વમ્ આપન્ના રતિ-યુગ્-ઘરૌ

વામ-મધ્યા ચમ્પકાભા ચાતકાભ-શુભામ્બરા ।
તત્-સેવા રત્ન-માલાયા દાનં ચામર-ચાલનમ્

સાર્ધ-ત્રયોદશ-દિન-માસ-દ્વય-સમન્વિતાઃ ।
મનુ-સંખ્યા-હાયનાશ્ ચ વયોમાનં ભવેત્ પુનઃ (14-2-13 1।2)

માતાસ્યા વાટિકા ખ્યાતા પિતા ચારામ-સંજ્ઞકઃ ।
અસ્યાશ્ ચ ભર્તા ચણ્ડાખ્યસ્ તથા ગૌર-રસે હ્ય્ અસૌ ।
શિવાનન્દતયા ખ્યાતિમ્ આગતા હિ કલૌ યુગે

વાસક-સજ્જા-લક્ષણં યથા (ઉન્ 5.76-77)--
સ્વવાસક-વશાત્ કાન્તે સમેષ્યતિ નિજં વપુઃ ।
સજ્જી-કરોતિ ગેહં ચ યા સા વાસક-સજ્જિકા

ચેષ્ટાસ્યાઃ સ્મર-સંક્રીડા-સઙ્કલ્પ-વર્ત્મ-વીક્ષણમ્ ।
સખી-વિનોદ-વાર્ત્તા ચ મુહુર્ દૂતિ-ક્ષણાદયઃ

ઉદાહરણં યથા (ઉન્ 5.78)--
રતિ-ક્રીડા-કુઞ્જં કુસુમ-શયનીયોજ્જ્વલ-રુચિં
વપુઃ સાલઙ્કારં નિજમ્ અપિ વિલોક્ય સ્મિત-મુખી ।
મુહુર્ ધ્યાયં ધ્યાયં કિમ્ અપિ હરિણા સઙ્ગમ-વિધિં
સમૃદ્ધ્યન્તિ રાધા મદન-મદ-માદ્યન્ મતિર્ અભૂત્

વામ-પ્રખરા-લક્ષણોદાહરણે તૂક્તે; અસ્યા યૂથો યથા (કૃષ્ણ-ગણોદ્દેશે 1.244)--
કુરઙ્ગાક્ષી સુરચિતા મણ્ડલી મણિમણ્ડના ।
ચણ્ડિકા ચન્દ્રલતિકા કન્દુકાક્ષી સુમન્દિરા

અસ્યા મન્ત્રોદ્ધારો યથા ગારુડે--
આદૌ ચ ચમ્પકલતા ઙે ઽન્તા વૈશ્વાનર-પ્રિયા ।
મન્ત્રો ઽયં ચમ્પકલતા-પ્રેમદો વસુ-વર્ણકઃ

મન્ત્રો યથા--ચમ્પકલતાયૈ સ્વાહા ।
અસ્યા ધ્યાનં યથા તત્રૈવ--
ચમ્પકાવલિ-સમાન-કાન્તિકાં
ચાતકાભ-વસનાં સુભૂષણામ્ ।
રત્ન-માલ્ય-યુત-ચામરોદ્યતાં
ચારુ-ચમ્પકલતાં સદા ભજે

રક્ષોદલે શ્યામ-વર્ણે કુઞ્જે શ્રી-રઙ્ગદેવિકા ।
સુખદાખ્યે નિવસતિ નિત્યં શ્રી-હરિ-વલ્લભા

પદ્મ-કિઞ્જલ્ક-વર્ણાભા જબા-પુષ્પ-નિભામ્બરા ।
ઉત્કણ્ઠિતા-ભાવ-યુક્તા શ્રી-કૃષ્ણે રતિ-ભાક્ સદા