ગરુડ પુરાણ · અધ્યાય 2.7

ઇતિ શ્રીગારુડે મહાપુરાણે ઉત્તરખણ્ડે દ્વિદૃ ધદૃપ્રેતકલ્પે શ્રીકૃષ્ણગરુડસંવાદે વૃષોત્સર્ગમાહાત્મ્યનિરૂપણં નામ ષષ્ઠો ઽધ્યાયઃ
શ્રીગરુડમહાપુરાણમ્- 7
ગરુડ ઉવાચ ।
શ્રુતં મે મહાદાખ્યાનં વૃષોત્સર્ગફલં હરે ।
પુનરન્યાં કથાં બ્રૂહિ યત્ર તે મહિમાદ્ભુતઃ

શ્રીકૃષ્ણ ઉવાચ ।
અહં તે કથયામ્યદ્ય સંવાદં પરમાદ્ભુતમ્ ।
સન્તપ્તકસ્ય ચ પ્રેતૈસ્તદ્રૂપજ્ઞાપનાય વૈ

વિપ્રઃ સન્તપ્તકઃ કશ્ચિત્ તપસાદગ્ધકિલ્બિષઃ ।
સંસારાસારતાં જ્ઞાત્વારણ્યષ્વેવ ચચાર હ

વૈખાનસમુનિવ્રાતૈઃ પ્રાણિપાતકૃતેક્ષણઃ ।
સ કદાચિત્ તીર્થયાત્રામુદ્દિશ્ય સ્માટતિદ્વિજઃ

પ્રત્યાકૃષ્ટેન્દ્રિયત્વાચ્ચ બહિર્વૃત્તિનિરોધકઃ ।
સંસ્કારમાત્રગમનો માર્ગભ્રષ્ટો બભૂવ હ

ચલન્નેવં સ્નાનકાલે મધ્યાહ્ને ઽથાભિલાષુકઃ ।
જલસ્યોન્મીલ્ય નયને દિશઃ સર્વા ન્યભીલયત્

સ દદર્શ તદા ગુલ્મૈર્વોરુદ્વૃક્ષશતૈશ્ચિતમ્ ।
ત્વક્સારૈઃ શાખિશાખાભિઃ સંકુલં ગહનંવનમ્

તત્ર તાલાસ્તમાલાશ્ચ પ્રિયાલાઃ પનસાસ્તથા ।
શ્રીપર્ણો શાલશાખોટસ્યન્દનાસ્તિન્દુકાસ્તથા

સર્જાર્જુનામ્રાતકાશ્ચ શ્લેષ્મા તકભિભીતકૌ ।
પિચુમર્દશ્ચિઞ્ચિણી ચ કર્કન્ધૂકર્ણિકારકાઃ

એતે ચાન્યે ચ બહવો વૃક્ષાસ્તેષુ ન દૃશ્યતે ।
પક્ષિણામપિ વૈ પન્થા મનુષ્યસ્ય કુતઃ પુનઃ

તસ્મિન્ વને મહાઘોરે સિંહવ્યાઘ્રસમાકુલે ।
તરક્ષુગવયૈરૃક્ષૈર્મહિષૈશ્ચ નિષેવિતે

કુઞ્જ રૈરુરુભિર્નાગૈર્મર્કટૈશ્ચ તથામૃગૈઃ ।
શ્વાપદૈશ્ચ તથા ચાન્યૈઃ પિશાચૈ રાક્ષસૈર્વૃતે

સન્તપ્તકો દ્વિજઃ કિઞ્ચિદ્ભયસન્ત્રસ્તમાનસઃ ।
કાન્દિશીકઃ સમભવઢ્ યદ્ભવિષ્યો યયૌ પુનઃ

ઝઙ્કારેષુ ચ ઝિલ્લીનાં ઘૂકાનાં ઘૂત્કૃતેષ્વપિ ।
દત્તકર્ણઃ કુનીલાઙ્ગશ્ચચાલ પદપઞ્ચકમ્

સ તત્ર વટવૃક્ષાગ્રે સ્નાયુવદ્ધં શવં તથા ।
દદર્શ તદ્ભુજશ્ચૈવ પઞ્ચ પ્રેતાન્ સુદારુણામ્

શિરાસ્થિચર્મશેષાઙ્ગાન્ પૃષ્ઠલગ્નોદરાન્ ખગ ।
ત્યક્તાન્નાસિકયા નેત્રકૂપપાતભયાદિવ

સૂચીક્રકકચકવ્રાતઘાતપાતિતકીકસાન્ ।
વસાક્તનવમસ્તિષ્કસ્વાદનિત્યમહોત્સવાન્

રણત્કોટિમહાદંષ્ટ્રાનસ્થિગ્રન્થ્યવઘટ્ટિતાન્ ।
તાન્દૃષ્ટ્વા ત્રસ્તહૃદયો ગતિમાકુઞ્ચ્ય સંસ્થિતઃ

તે વિલોક્યાગતં વિપ્રમટવીં જનવર્જિતામ્ ।
અહં પૂર્વમહં પૂર્વં યામીત્યાક્ત્વા પ્રદુદ્રુવુઃ

તેષુ દ્વૌદ્વાવગૃહ્ણીતામસ્ય હસ્તાવથાપરે ।
દ્વૌદ્વૌ પાદાવગૃહ્ણીતાં મૂર્ધાનં પઞ્ચમો ઽગ્રહીત્

સ્વજાત્યુચિતવાક્યેન સ્ફુટવર્ણવતાબ્રુવન્ ।
અહં જક્ષામ્યહં ભક્ષામીતિ કર્ષણતત્પરાઃ

સહસૈવ સહૈવામું ગૃહાત્વા વ્યગમન્વિયમ્ ।
કિયત્સ્થિતં બટૌ માંસં ક્રિયન્નેતિન્યભાલયન્

તે ઽપશ્યન્નિજદંષ્ટ્રાયઃ પાટિતાન્ત્રમિમં શવમ્ ।
અવતીર્ય તતો વ્યોમ્નો ગૃહીત્વા ચરણૈઃ

સ્વખણ્ડિતશરીરન્તુ પુનર્વ્યોમૈવ ચક્રમુઃ ।
સ નીયમાનમાત્માનં વિલોક્ય વિયતિ દ્વિજઃ

જગામ મનસા માં સ શરણં ભયવિહ્વલઃ ।
નમશ્ચક્રે ચક્રધરં ચેતસા ચિન્મયં સમમ્

વક્રં નક્રં ચક્રપાતેન દૂરે કૃત્વા હૃત્વા તસ્ય દુઃ ખં મુકુન્દઃ ।
માતઙ્ગં યો ઽમૂમુચન્નક્રવક્ત્રાત્પાશંસો ઽસૌ કર્મણાં મે લુનાતુ

રુદ્ધાઞ્શુદ્ધાન્ ભૂપતીન્માગધેન ભીમેનૈનં ઘાતયિત્વા મુરારિઃ ।
નિર્બદ્ધાન્યો ભર્ગયજ્ઞાય મુક્તશ્ચક્રો મે ઽસૌ કર્મપાશં લુનાતુ

મનસૈવૈહ મામસ્તૌત્સ્તૂયમાનો ઽહમુત્થિતઃ ।
અગચ્છં સહસા તત્ર યત્ર પ્રેતૈઃ સ નીયતે

દૃષ્ટ્વા તૈર્નોયમાનન્તુ કૌતુકં મે ઽભવત્ખગ ।
પપ્રચ્છ ન કિયન્તં વૈ કાલં તાન્પૃષ્ઠતો ઽન્વગામ્

મમ સન્નિધિમાત્રેણ દ્વિજાતિં તઞ્ચ સર્પહન્ ।
તત્કાલં શિવિકાસુપ્તભૂપાલસુખમાવિશત્

મણિભદ્રાસ્તતો મેરું ગચ્છન્દૃષ્ટો મયા પથિ ।
નિકોચ્યાક્ષિ સ્વપાર્શ્વં સ નીતો વૈ યક્ષરાણ્મયા

તમવોચં મહાયક્ષં ત્વં હિ પ્રતિભટો ભવ ।
પ્રેતાન્નાશય તદ્ભૂયઃ શવઞ્ચ હર તદ્ગતમ્

ઇત્યુક્તઃ સ મહાઘોરં કૃત્વા રોષં સુદુઃ સહમ્ ।
જગ્રાહ પ્રેતરૂપં તત્પ્રેતાનામપિ દુઃ ખદમ્

સ વિવૃત્ય સ્વકૌ બાહૂ સૃક્કિણી પરિલેલિહન્ ।
ભેદયન્નુરુવાતેન પ્રેતાંસ્તાન્સંમુખો યયૌ

બાહુભ્યાં દ્વૌ દ્વૌ ચ પદ્ભ્યાં મૂર્ધ્નૈકં ચ સમાહરત્ ।
પ્રેતાનથાપિ સહસા જઘાન દૃઢમુષ્ટિના

તે વિવર્ણમુખાઃ સર્વે તં દ્વિજઞ્ચ શવં તથા ।
એકૈકં હસ્તપાદૈશ્ચ ગૃહીત્વા યુદ્ધમારભન્

તે નખૈસ્તલઘાતૈશ્ચ પાદઘાતૈસ્તથૈવ ચ ।
દંષ્ટ્રાઘાતૈશ્ચ સર્વે તમેકં પ્રેતં વ્યદારયન્

તેષાં પ્રહારાન્વિફલાન્કૃત્વા સંપ્રતિ તાનથ ।
જીવં ન તુ શવં તેષાં જહ્રે પ્રાણમિવાન્તકઃ

હૃતમાત્રે શવે તે તુ પારિયાત્રે ગિરૌ દ્વિજમ્ ।
મુક્ત્વાધમાત્રે પ્રમુદિતા એકં પ્રેતં સુદારુણાઃ

સ વાયુગમનઃ પ્રેતઃ પ્રાપ્તસ્તૈઃ ક્ષણમાત્રતઃ ।
અદૃશ્યતાં યયૌ તે ઽથ હતાશા વિપ્રમાગમન્

પ્રારબ્ધમાત્રે વિપ્રસ્ય પાટને તત્ર પર્વતે ।
મમ સ્થાનસ્ય વિપ્રસ્ય મહિમ્નેવ ચ તત્ક્ષણે

સદ્યઃ સ્મૃતિઃ સમુત્પન્ના તેષાં પૂર્વસ્ય જન્મનઃ ।
વિપ્રં પ્રદક્ષિણીકૃત્યદ્વિજર્ષભમથાબ્રુવન્

અદ્ય નઃ ક્ષન્તુમર્હે ઽસીત્યુક્ત્વા તે સુરદામ્ભિકાઃ ।
ગિરેરિવ પરાવર્તં સમુદ્રસ્યેવ શોષણમ્

તેષાં તદ્વચનં શ્રુત્વાપૃચ્છત્કેયૂયમિત્યથ ।
કિં માયા કિમુ વા સ્વપ્ન ઉતાહો ચિત્તવિભ્રમઃ

પ્રેતા ઊચુઃ ।
અવેહિ તત્ત્વમેવૈતત્પ્રેતા વૈ કર્મજા વયમ્ ।
બ્રાહ્મણ ઉવાચ ।
કિંનામાનઃ કિમાચારાઃ કથઞ્ચેમાં દશાં ગતાઃ

અવિનીતાઃ કથં પૂર્વં વિનીતાઃ સામ્પ્રતં કથમ્ ।
પ્રેતા ઊચુઃ ।
શૃણુ વિપ્રેન્દ્ર વક્ષ્યામઃ પ્રશ્રાનામનુપૂર્વશઃ

ઉત્તરાણિ મહાયોગિંસ્ત્વદ્દર્શનગતાંહસઃ ।
અહં પર્યુષિતો નામ્ના એષ સૂચીમુખઃ સ્મૃતઃ

તૃતીયઃ શીઘ્રગસ્તુર્યોરોધકો લેખકઃ પરઃ ।
બ્રાહ્મણ ઉવાચ ।
પ્રેતાનાં કર્મજાતાનાં કુતો નામ નિરર્થકમ્

નિરુક્તિમેષાં નામ્નાં વૈ પ્રેતા વદત મા ચિરમ્ ।
શ્રીકૃષ્ણ ઉવાચ ।
એવમુક્તાસ્તુ વિપ્રેણ પૃથગુત્તરમબ્રુવન્

પર્યુષિત ઉવાચ ।
કદાચિચ્છ્રાદ્ધકાલે વૈ મયા વિપ્રો નિમન્ત્રિતઃ

સ ચ કૃત્વા વિલમ્બેન વૃદ્ધો મદ્ગૃહમાગતઃ ।
અકૃતશ્રાદ્ધકર્માહં તં પાકં ભુક્તવાન્ ક્ષુધા

અદદામન્નમાકૃષ્ય વિપ્રે પર્યુષિતં કિયત્ ।
તસ્માત્ પાપાન્મૃતઃ પાપો યોનિં વૈ કુત્સિતાં ગતઃ

યતઃ પર્યુષિતં દત્તં તતઃ પર્યુષિતઃ સ્મૃતઃ ।
સૂચીમુખ ઉવાચ ।
કદાચિદ્બ્રાહ્મણી કાચિત્તીર્થં ભદ્રવટં યયૌ

પઞ્ચવર્ષસુતા વૃદ્ધા પુત્રમાત્રૈકજીવિતા ।
અહં ક્ષત્ત્રિયદાયાદસ્તસ્યા રોધમકારિષમ્

વને તુ વિજને તત્ર પાપાધ્વગગતિં ગતઃ ।
તસ્યાઃ સવસ્ત્રં પાથેયં તત્સૂનોર્વસનાનિ ચ

ગૃહીતાનિ મયા વિપ્ર શિરસ્યાપીડ્ય મુષ્ટિના ।
તૃષાર્તસ્તત્ક્ષણં બાલઃ પાત્રસંસ્થં જલંપિબન્

તાવન્માત્રોદકે દેશે મયા હુઙ્કૃત્ય વારિતઃ ।
મયાથ સકલં પીતં જલં પાત્રાત્તૃષાવતા

બાલો ઽપિ ભયસન્ત્રસ્તઃ પિપાસુર્વ્યસુરાપતત્ ।
પુત્રશોકાન્મૃતા માતા કૂપે પ્રાસ્ય નિજં વપુઃ

એતસ્માત્પાતકાદ્વિપ્ર પ્રેતત્વં પ્રાપ્તવાનહમ્ ।
સૂચ્યગ્રપ્રાયવિવરમુખઃ પર્વતદેહવાન્

યદ્યપિ પ્રાપ્નુયાં ભક્ષ્યં ભક્ષિતુન્તુ ન શક્યતે ।
મયા ક્ષુધાનલેનાપિ જ્વલતાસ્યં નિકોચિતમ્

અત આસ્યે તુ વિવરં સૂચ્યગ્રેણ સમંમમ ।
એતસ્માત્કારણાદ્વિપ્રે નામ્ના સૂચીમુખો ઽસ્મ્યહમ્

શીઘ્રગ ઉવાચ ।
પુરાહં વૈશ્યજાતીયઃ સાકં સખ્યા ચ કેનચિત્ ।
વાણિજ્યં કર્તુમગમં દેશમન્યં મહાધનઃ

મિત્રં ચ મે બહુધનં તસ્ય લોભો મહાંસ્તતઃ ।
જાતો ઽપ્યદૃષ્ટવૈમુખ્યાન્મે નષ્ટં મૂલમપ્યુત

તતસ્તસ્માત્તુ નિષ્ક્રાન્તાવાવાં નાવાથ નિમ્નગામ્ ।
માર્ગગાં તર્તુમારબ્ધૌ લોહિતાયતિ ભાસ્કરે

સખા સ ચ મદુત્સઙ્ગે સુષ્વાપાધ્વક્લમાકુલઃ ।
અભૂત્તદાતિ પાપસ્ય ક્રૂરા મતિરતીવ મે

તમુત્સઙ્ગગતં સૂરે નષ્ટે પૂરે ઽક્ષિપં તદા ।
કત્કૃત્યં કુર્વતો નાવિ લોકૈસ્તુ જ્ઞાતમેવ ન

તસ્ય યદ્વસ્તુ તત્સર્વં મણિમુક્તાદિકાઞ્ચનમ્ ।
આદાય શીગ્રગસ્તસ્માદ્દેશાત્સ્વગૃહમાગતઃ

તત્સર્વં સ્વગૃહે મુક્ત્વા તસ્ય પત્ન્યૈ ન્યવેદયમ્ ।
દસ્યુભિર્મે હતો ભ્રાતા ધનમાચ્છિદ્ય વૈ પથિ

પ્રજાવતિ પ્રદ્રુતો ઽહં મા રોદીત્યેવમબ્રવમ્ ।
શોકાર્તા સાપિ તત્કાલં મમત્વં ગૃહબન્ધુષુ

ત્યક્ત્વા ચાતિ પ્રિયાન્પ્રાણાઞ્જુહાવાગ્નૌ યથાવિધિ ।
તતો નિષ્કણ્ટકં તદ્ધિ વીક્ષ્ય હૃષ્ટો ગતો ગૃહમ્

અભુઞ્જં સર્વમાગત્ય યાવજ્જીવં તુ તદ્ધનમ્ ।
મિત્રં પૂરે હિ નિઃ ક્ષિપ્ય યદહં શીઘ્રમાગતઃ

એતસ્માત્કારણાત્પ્રેતઃ શીઘ્રગો ઽહં તુ નામતઃ ।
રોધક ઉવાચ ।
અહન્તુ શૂદ્રજાતીયઃ પુરાભૂવં મુનીશ્વર

રાજપ્રસાદાપ્તમહાશતગ્રામાધિકારવાન્ ।
વૃદ્ધૌ મે પિતરાવાસ્તાં લઘુરેકઃ સહોદરઃ

શીઘ્રં સ ચ મયા ભ્રાતા લુબ્ધેનૈકઃ પૃથક્કૃતઃ ।
આપ્તવાન્પરમં દુઃખં સોન્નવસ્ત્રવિવર્જિતઃ

અદત્તાં પિતરૌ ચ્છન્નં કિઞ્ચિત્કિઞ્ચિત્તુ તસ્ય ચ ।
તસ્મૈ પિતૃભ્યાં યદ્દત્તમાપ્તેભ્યસ્તન્મયા શ્રુતમ્

તત્સર્વં તત્ત્વતો જ્ઞાત્વા પિત્રો રોધમકારયમ્ ।
શૂન્યમન્દિર એકસ્મિન્બદ્ધ્વા તુ નિગડૈર્દૃઢૈઃ

તતસ્તૌ જહતુઃ પ્રાણાન્દુઃ ખિતૌ વિષપાનતઃ ।
સોસૌ બાલો ઽપિ બભ્રામ પિતૃભ્યાં રહિતો દ્વિજ

પુરઃ પત્તનખર્વાચાન્ ખેટાનપિ મૃતઃ ક્ષુધા ।
એતસ્માત્પાતકાદ્વિપ્ર મૃતઃ પ્રેતત્વમાગતઃ

રુદ્ધૌ તુ પિતરૌ યસ્માન્નામ્નાહં રોધકસ્તતઃ ।
લેખક ઉવાચ ।
અહં વિપ્ર પુરાભૂવમવન્ત્યાં દ્વિજલસત્તમઃ

ભદ્રસ્ય રાજ્ઞો દેવાનાં પૂજને ઽધિકૃતો હ્યહમ્ ।
બહ્વ્યસ્તુ પ્રતિમાસ્તત્ર બભૂવુર્બહુનામિકાઃ

હેમ્નસ્તદઙ્ગેષુ બહુ રત્નજાતં બભૂવ હ ।
તાસાં મે કુર્વતઃ પૂજાં પાપા મતિરજાયત

અખિલં તીક્ષ્ણલોહેન તાસામઙ્ગં વિશીર્ય ચ ।
ઉલ્લેખનઞ્ચ રત્નાનાં નેત્રાદિભ્યઃ કૃતં મયા

તથાકૃતાન્યથાઙ્ગાનિ પ્રતિમાનાં નિરીક્ષ્ય ચ ।
નેત્રાણિ ચ વિરત્નાનિ નૃપશ્ચુક્રોધ વહ્નિવત્

પ્રતિજજ્ઞે નૃપઃ પશ્ચાદેષ બ્રાહ્મણપુઙ્ગવઃ ।
આભ્યો રત્નં સુવર્ણઞ્ચ હૃતં યેન ભવિષ્યતિ

જ્ઞાતશ્ચ સ હિ મે વધ્યો ભવિષ્યતિ ન સંશયઃ ।
અહં તત્સકલં જ્ઞાત્વા રાત્રાવસિધરો ગૃહમ્

રાજ્ઞઃ પ્રવિશ્ય રાજાનં પશુમારમમારયમ્ ।
ગૃહીત્વાથ મણીન્ સ્વર્ણં નિશીથે ઽહં ગતો ઽન્યતઃ

વ્યાઘ્રેણ મહાતારણ્યે નખટઙ્કૈર્વિટઙ્કિતઃ ।
લેખનાત્પ્રતિમાયા યન્મયા લોહેન કર્તિતમ્

એતસ્માત્પાતકાત્પ્રેતો લેખકો નામતો ઽસ્મ્યહમ્ ।
આસીન્નરકભોગાન્તે નઃ પ્રેતત્વમિદં દ્વિજ

બ્રાહ્મણ ઉવાચ ।
સંજ્ઞાસ્તાદૃશ્ય આખ્યાતા યથૈતા ભવતા દશાઃ ।
વદન્ત્વાચારમાત્રં મે પ્રેતા આહારમપ્યુત

પ્રેતા ઊચુઃ ।
વેદમાર્ગાનુસરણં લજ્જા ધર્મો દમઃ ક્ષમા ।
ધૃતિર્જ્ઞાનં નૈવ યત્ર વયં તત્ર વસામહે

તસ્ય પીડાં વપં કુર્મો નૈવ શ્રાદ્ધં ન તર્પણમ્ ।
યસ્ય ગેહે તદઙ્ગાત્તુ માંસઞ્ચ રુધિરં ક્રમાત્

જક્ષામશ્ચ પિબામશ્ચ ઉક્ત આચાર એષ નઃ ।
શૃણુ ચાહારમસ્માકં સર્વલોકવિગર્હિતમ્

દૃષ્ટસ્ત્વયા ચ કિઞ્ચિદ્વૈ બ્રૂમોજ્ઞાતં ત્વયાનઘ ।
વમનં વિડૂ દૂષિકા ચ શ્લેષ્મા મૂત્રાશ્રુણી તથા

એતદ્ભક્ષ્યઞ્ચ પાનઞ્ચ મા પૃચ્છાતઃ પરં દ્વિજ ।
લજ્જા નો જાયતે સ્વામિન્નાહારં વદતાં સ્વકમ્

અજ્ઞાનાસ્તામસા મન્દા કાન્દિશીકા વયં વિભો ।
અકસ્માજ્જન્મનાં વિપ્ર સ્મૃતિઃ પ્રાપ્તા તુ પૌર્વિકી

વિનીતત્વાવિનીતત્વે જાનીમો નૈવ નઃ પ્રભો ।
શ્રીકૃષ્ણ ઉવાચ ।
એવં વદત્સુ પ્રેતેષુ તથા શ્રુતવતિ દ્વિજે

અદર્શયમહં રૂપં તદા તાર્ક્ષ્યેદમેવ વૈ ।
સ તુ દૃષ્ટ્વા દ્વિજશ્રેષ્ઠો હૃદ્ગતં પુરુષં પુરઃ

સ્તોત્રૈસ્તુષ્ટાવ પક્ષીશ દણ્ડવત્પ્રણનામ મામ્ ।
તે ઽપિ તેપુસ્તતઃ પ્રેતા આશ્ચર્યોત્ફુલ્લચક્ષુષઃ

પ્રણયેન સ્ખલદ્વાચઃ ખગ નોચુઃ કિમપ્યુત ।
રજસા ગોરચિત્તાનાં તમસા મૂઢચેતસામ્ ।
કૃપયા યઃ સમુદ્ધારં કુરુષે વૈ નમો ઽસ્ત તે

એવં દ્વિજાતૌ બ્રુવતિ પ્રભૂ તપ્રભૈશ્ચ મુખ્યાંબરચારિયુક્તૈઃ ।
તદા મદિચ્છાપ્રભવૈર્વિમાનૈઃ ષડ્ભિઃ સમન્તાદ્રુરુચે ગિરિઃ સઃ

ઇત્થં વિમાનેન મદીયલોકં ગતો દ્વિજરસો ઽપ્યથ પઞ્ચમિસ્તૈઃ ।
પ્રેતા યયુઃ સ્વર્ગમગણ્યપુણ્યં સત્સઙ્ગસંસર્ગવશાત્સુપર્ણમ્

પ્રેતાઃ સંગવશેન નાકમવન્સન્તપ્તકો બ્રાહ્મણો વિષ્વક્સન ઇતિ પ્રસિદ્ધવિભવો નામ્ના ગણે મે ઽભવત્ ।
એતત્તે સકલં મયા નિગાદિતં યશ્ચૈતદુત્કીર્તયેદ્યશ્ચેદં શૃણુયાન્ન સો ઽપિ પુરુષઃ પ્રેતત્વમાપ્નોતિ હિ