ગરુડ પુરાણ · અધ્યાય 2.37

ઇતિ શ્રીગારુડે મહાપુરાણે ઉત્તરખણ્ડે દ્વિતીયાંશે ધર્મકાણ્ડે પ્રેતકલ્પે શ્રીકૃષ્ણગરુડસંવાદે ઽનશનમૃત ગતિનિરૂપણં નામ ષટ્ત્રિંશો ઽધ્યાયઃ
શ્રીગરુડમહાપુરાણમ્- 37
તાર્ક્ષ્ય ઉવાચ ।
ઉદકુમ્ભપ્રદાનં મે કથયસ્વ યથાતથમ્ ।
વિધિના કેન કર્તવ્યા કૃતિરેષા જનાર્દન

કિંલક્ષણાઃ કેન પૂર્ણાઃ કસ્ય દેયા જનાર્દન ।
કસ્મિન્ કાલે પ્રદાતવ્યા પ્રેતતૃપ્તિપ્રસાધકાઃ

શ્રીકૃષ્ણ ઉવાચ ।
સત્યં પુનઃ પ્રવક્ષ્યામિ ઉદકુમ્ભપ્રદાનકમ્ ।
પ્રેતોદ્દેશેન દાતવ્યા અન્નપાનીયસંયુતાઃ ।
વિશેષેણ મહાપક્ષિન્ પ્રેતમુક્તિપ્રદાયકાઃ

દ્વાદશાહે ચ પણ્માસે ત્રૈપક્ષે વાપિ વત્સરે ।
ઉદકુમ્ભાઃ પ્રદાતવ્યા માર્ગે તસ્ય સુખાય વૈ

અહન્યહનિ દાતવ્યા ઉદકુમ્ભાસ્તિલૈર્યુતાઃ ।
સુલિપ્તે ભૂમિભાગે તુ પક્કાન્નજલપૂરિતાઃ

પ્રેતસ્ય તત્ર દાતવ્યં ભાજનઞ્ચ યદૃચ્છયા ।
સુપ્રીતસ્તેન દત્તેન પ્રેતો યામ્યૈઃ સ ગચ્છતિ

દ્વાદશાહે વિશેષેણ ઉદકમ્ભાન્ પ્રદાપયેત્ ।
વિધિના તત્ર સઙ્કલ્પય ઘટાન્ દ્વાદશસંખ્યકાન્

એકાષિ બર્ધની તત્ર પક્વાન્નફલપૂરિતા ।
વિષ્ણુમુદ્દિશ્ય દાતવ્યા સંકલ્પ્ય બ્રાહ્મણે શુભે

એકો વૈ ધર્મરાજાય તેન તુષ્ટેન મુક્તિભાક્ ।
ચિત્રગુપ્તાય ચૈકં તુ ગતસ્તત્ર સુખી ભવેત્

ષોડશાદ્યાઃ પ્રદાતવ્યા માષાન્નજલપૂરિતાઃ

ઉક્ત્રાન્તિશ્રાદ્ધમારભ્ય શ્રાદ્ધષોડષોડશકસ્ય તુ ।
ષોડશબ્રાહ્મણાનાન્તુ એકૈકં વિનિવદયેત્

એકાદશાહાત્પ્રભૃતિ દેયો નિત્યં દૃઢાહ્વયઃ ।
પક્વાન્નજલપૂર્ણો હિ યાવત્ સંવત્સરં દિનમ્

જલપાત્રાણિ વૃદ્ધાનિ દત્તાનિઘટકાનિ ચ ।
એકા વૈ વર્ધની તત્ર તસ્યાં પાત્રન્તુ વંશજમ્

વસ્ત્રેણાચ્છાદયેત્ તાન્તુ પૂજયિત્વા સુગન્ધિભિઃ ।
બ્રાહ્મણેભ્યો વિશેષેણ જલપૂર્ણાનિ દાપયેત્

અહન્યહનિ સઙ્કલ્પ્ય વિધિપૂર્વં ખગેશ્વર ।
બ્રાહ્મણાય કુલીનાય વેદવૃત્તયુતાય ચ

વિદ્યાવૃત્તવતે દેયં મૂર્ખે તન્ન કદાચન ।
સમર્થો વેદવૃત્તાઢ્યસ્તારણે તરણે ઽપિ ચ