ગરુડ પુરાણ · અધ્યાય 1.233

ઇતિ શ્રીગારુડે મહાપુરાણે કુલામૃતસ્તોત્રં નામ દ્વાત્રિંશદુત્તરદ્વિશતતમો ઽધ્યાયઃ
શ્રીગરુડમહાપુરાણમ્- 233
સૂત ઉવાચ ।
સ્તોત્રં તત્સં પ્રવક્ષ્યામિ માર્કણ્ડેયન ભાષિતમ્ ।
દામોદરં પ્રપન્નો ઽસ્મિ કિન્નો મૃત્યુઃ કરિષ્યતિ

શઙ્ખચક્રધરં દેવં વ્યક્તરૂપિણમવ્યયમ્ ।
અધો ઽક્ષજં પ્રપન્નોસ્મિ કિન્નો મૃત્યુઃ કરિષ્યતિ

વરાહં વામનં વિષ્ણું નારસિંહં જનાર્દનમ્ ।
માધવં ચ પ્રપન્નો ઽસ્મિ કિન્નો મૃત્યુઃ કરિષ્યતિ

પુરુષં પુષ્કરક્ષેત્રબીજં પુણ્યં જગત્પતિમ્ ।
લોકનાથં પ્રપન્નો ઽસ્મિ કિન્નો મૃત્યુઃ કરિષ્યતિ

સહસ્રશિરસં દેવં વ્યક્તાવ્યક્તં સનાતનમ્ ।
મહાયોગં પ્રપન્નો ઽસ્મિ કિન્નો મૃત્યુઃ કરિષ્યતિ

ભૂતાત્માનં મહાત્માનં યજ્ઞયોનિમયોનિજમ્ ।
વિશ્વરૂપં પ્રપન્નો ઽસ્મિ કિન્નો મૂત્યુઃ કરિષ્યતિ

ઇત્યુદીરિતમાકર્ણ્ય સ્તોત્રં તસ્ય મહાત્મનુઃ ।
અપયાતસ્તતો મૃત્યુર્વિષ્ણુદૂતૈઃ પ્રપીડિતઃ

ઇતિ તેન જિતો મૃત્યુર્માર્કણ્ડેયેન ધીમતા ।
પ્રસન્ને પુણ્ડરીકાક્ષે નૃસિંહે નાસ્તિદુર્લભમ્

મૃત્ય્વષ્ટકમિદં પુણ્યં મૃત્યુપ્રશમનં શુભમ્ ।
માર્કણ્ડેયહિતાર્થાય સ્વયં વિષ્ણુરુવાચ હ

ઇદં યઃ પઠતે ભક્ત્યા ત્રિકાલં નિયતં શુચિઃ ।
નાકાલે તસ્ય મૃત્યુઃ સ્યાન્નરસ્યાચ્યુતચેતસઃ

હૃત્પદ્મમધ્યે પુરુષં પુરાણં નારાયણં શાશ્વતમપ્રમેયમ્ ।
વિચિન્ત્ય સૂર્યાદતિરાજમાનં મૃત્યું સ યોગિ જિતવાંસ્તથૈવ