ગરુડ પુરાણ · અધ્યાય 1.232

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે નૃસિંહસ્તોત્રં નામૈકત્રિંશદુત્તરદ્વિશતતમો ઽધ્યાયઃ
શ્રીગરુડમહાપુરાણમ્- 232
સૂત ઉવાચ ।
કુલામૃતં પ્રવક્ષ્યામિ સ્તોત્રં યત્તુ હરો ઽબ્રવીત્ ।
પૃષ્ટઃ શ્રીનારદેનૈવ નારદાય તથા શૃણુ

નારદ ઉવાચ ।
યઃ સંકારે સદા દ્વન્દ્વૈઃ કામક્રોધૈઃ શુભાશુભૈઃ ।
શબ્દાદિવિષયૈર્બદ્ધઃ પીડ્યમાનઃ સ દુર્મતિઃ

ક્ષણં વિમુચ્યતે જન્તુર્મૃત્યુસંસારસાગરાત્ ।
ભગવઞ્છ્રોતુમિચ્છામિ ત્વત્તો હિ ત્રિપુરાન્તક

તસ્ય તદ્વચનં શ્રુત્વા નારદસ્ય ત્રિલોચનઃ ।
ઉવાચ તમૃષિં શમ્ભુઃ પ્રસન્નવદનો હરઃ

મહેશ્વર ઉવાચ ।
જ્ઞાનામૃતં પરં ગુહ્યં રહસ્યમૃષિસત્તમ ।
વક્ષ્યામિ શૃણુ દુઃ ખઘ્નં ભવબન્ધભયામહમ્

તૃણાદિ ચતુરાસ્યાન્તં ભૂતગ્રામં ચતુર્વિધમ્ ।
ચરાચરં જગત્સર્વં પ્રસુપ્તં યસ્ય માયયા

તસ્ય વિષ્ણો પ્રિસાદેન યદિ કશ્ચિત્પ્રબુધ્યતે ।
સ નિસ્તરતિ સંસારં દેવાનામપિ દુસ્તરમ્

ભોગૈશ્વર્યમદોન્મત્તસ્તતત્ત્વજ્ઞાનપરાઙ્મુખઃ ।
પુત્રદારકુટુમ્બેષુ મત્તાઃ સીદન્તિજન્તવઃ

સર્વ એકાર્ણવે મગ્ના જીર્ણા વનગજા ઇવ ।
યસ્ત્વાનનં નિબધ્નાતિ દુર્મતિઃ કોશકારવત્

તસ્ય મુક્તિં ન પશ્યામિ જન્મકોટિશતૈરપિ ।
તસ્માન્નારદ સર્વેષાં દેવાનાં દેવમવ્યયમ્ ।
આરાધયેત્સદા સમ્યગધ્યાયેદ્વિષ્ણું મુદાન્વિતઃ

યસ્તુ વિશ્વમનાદ્યન્તમજમાત્મનિ સંસ્થિતમ્ ।
સર્વજ્ઞમચલં વિષ્ણું સદા ધ્યાયેત્સમુચ્યતે

દેવં ગર્ભોચિતં વિષ્ણું સદા ધ્યાયન્વિમુચ્યતે ।
અશિરીરં વિધાતારં સર્વજ્ઞાનમનોરતિમ્ ।
અચલં સર્વગં વિષ્ણું સદા ધ્યાયન્વિમુચ્યતે

નિર્વિકલ્પં નિરાભાસં નિષ્પ્રપઞ્ચં નિરામયમ્ ।
વાસુદેવં ગુરું વિષ્ણું સદા ધ્યાયન્વિમુચ્યતે

સર્વાત્મકઞ્ચ વૈ યાવદાત્મચૈતન્યરૂપકમ્ ।
શુભમેકાક્ષરં વિષ્ણું સદા ધ્યાયન્વિમુચ્યતે

વાક્યાતીતં ત્રિકાલજ્ઞં વિશ્વેશં લોકસાક્ષિણમ્ ।
સર્વસ્માદુત્તમં વિષ્ણું સદા ધ્યાયન્વિમુચ્યતે

બ્રહ્માદિદેવગન્ધર્વૈર્મુનિભિઃ સિદ્ધચારણૈઃ ।
યોગિભિઃ સેવિતં વિષ્ણું સદા ધ્યાયન્વિમુચ્યતે

સંસારબન્ધનામુક્તિમિચ્છંલ્લોકો હ્યશેષતઃ ।
સ્તુત્વૈવં વરદં વિષ્ણું સદા ધ્યાયન્વિમુચ્યતે

સંસારબન્ધનાત્કો ઽપિ મુક્તિમિચ્છન્સમાહિતઃ ।
અનન્તમવ્યયં દેવં વિષ્ણં વિશ્વપ્રતિષ્ઠિતમ્ ।
વિશ્વેશ્વરમજં વિષ્ણું સંદા ધ્યાયન્વિમુચ્યતે

સૂત ઉવાચ ।
નારદેન પુરા પૃષ્ટ એવં સ વૃષભધ્વજઃ ।
યેત્તેન તસ્મૈ વ્યાખ્યાતં તન્મયા કથિતં તવ

તમેવ સતતન્ધ્યાયન્નિર્વ્યયં બ્રહ્મ નિષ્કલમ્ ।
અવાપ્સ્યસિ ધ્રુવં તાત ! શાશ્વતં પદમવ્યયમ્

અશ્વમેધસહસ્રાણિ વાજપેયશતાનિ ચ ।
ક્ષણમેકાગ્રચિત્તસ્ય કલાં નાર્હન્તિ ષોડશીમ્

શ્રુત્વા સુરઋષિર્વિષ્ણોઃ પ્રાધાન્યમિદમીશ્વરાત્ ।
સ વિષ્ણું સમ્યગારાધ્ય સિદ્ધઃ પદમવાપ્તવાન્

યઃ પઠેચ્છૃણુયાદ્વા પિ નિત્યમેવ સ્તવોત્તમમ્ ।
કોટિજન્મકૃતં પાપમપિ તસ્ય પ્રણશ્યતિ

વિષ્ણોઃ સ્તવમિદં દિવ્યં મહાદેવેન કીર્તિતમ્ ।
પ્રયત્નાદ્યઃ પઠેન્નિત્ય મમૃતત્વં સ ગચ્છતિ