ગરુડ પુરાણ · અધ્યાય 1.228

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ભગવદ્ભક્તિવિવરણં નામ સપ્તવિંશત્યધિકદ્વિશતતમો ઽધ્યાયઃ
શ્રીગરુડમહાપુરાણમ્- 228
સૂતૌવાચ ।
મુક્તિહેતુમનાદ્યન્તમજમવ્યયમક્ષયમ્ ।
યો નમેત્ સર્વલોકસ્ય નમસ્યો જાયતે નરઃ

વિષ્ણુમાનન્દમદ્વૈતં વિજ્ઞાનં સર્વગં પ્રભુમ્ ।
પ્રણમામિ સદા ભક્ત્યા ચેતસા હૃદયાલયમ્

યો ઽન્તસ્તિષ્ઠન્નશેષસ્ય પશ્યતીશઃ શુભાશુભમ્ ।
તં સર્વસાક્ષિણં વિષ્ણું નમસ્યે પરમેશ્વરમ્

શક્તેનાપિ નમસ્કારઃ પ્રયુક્તશ્ચક્રપાણયે ।
સંસારતૃણવર્ગાણામુદ્વેજનકરો હિ સઃ

કૃષ્ણે સ્ફુરજ્જલધરોદરચારુકૃષ્ણે લોકાધિકારપુરુષે પરમપ્રમેયે ।
એકો હિ ભાવગુણમાત્રદૃઢપ્રણામઃ સદ્યઃ શ્વપાકમપિ સાધયિતું સશક્તઃ

પ્રણમ્ય દણ્ડબદ્ભૂમૌ નમસ્કારેણ યોર્ઽચયેત્ ।
સ યાં ગતિમવાપ્નોતિ ન તાં ક્રતુશતૈરપિ

દુર્ગસંસારકાન્તારાકૂપારે ઽપિ પ્રધાવતામ્ ।
એકઃ કૃષ્ણે નમસ્કારો મુક્ત્યા તાંસ્તારયિષ્યતિ

આસીનો વા શયાનો વાતિષ્ઠન્ વા યત્ર તત્ર વા ।
નમો નારાયણાયેતિ મન્ત્રૈકશરણો ભવેત્

નારાયણેતિ શબ્દો ઽસ્તિ વાગસ્તિ વશવર્તિની ।
તથાપિ નરકે મૂઢાઃ પતન્તીતિ કિમદ્ભુતમ્

ચતુર્મુખો વા યદિ કોટિવક્ત્રો ભવેન્નરઃ કોપિ વિશુદ્ધચેતાઃ ।
સ વૈ ગુણાનામયુતૈકદેશં વદેન્ન વા દેવવરસ્ય વિષ્ણોઃ

વ્યાસાદ્યા મુનયઃ સર્વે સ્તુવન્તો મધુસૂદનમ્ ।
મતિક્ષયાન્નિવર્તન્તે ન ગોવિન્દગુણક્ષયાત્

અવશેનાપિ યન્નામ્નિ કીર્તિતે સર્વપાતકૈઃ ।
પુમાન્ વિમુચ્યતે સદ્યઃ સિંહત્રસ્તો મૃગા યથા ।
બદ્ધઃ પરિકરસ્તેન મોક્ષાય ગમનં પ્રતિ

સ્વપ્ને ઽપિ નામ સ્પૃશતો ઽપિ પુંસઃ ક્ષયં કરોત્યક્ષયપાપરાશિમ્ ।
પ્રત્યક્ષતઃ કિં પુનરત્ર પુંસા પ્રકીર્તિતે નામ્નિ જનાર્દનસ્ય

નમઃ કૃષ્ણાચ્યુતાનન્તવાસુદેવેત્યુદીરિતમ્ ।
યૈર્ભાવભાવિતૈર્વિપ્રન તે યમપુરં યયુઃ

ક્ષયો ભવેદ્યથા વહ્નેસ્તમસો ભાસ્કરોદયે ।
તથૈવ કલુષૌઘસ્ય નામસંકીર્તનાદ્ધરેઃ

ક્વ નાકપૃષ્ઠગમનં પુનરાયાતિ ન ક્ષયમ્ ।
ગચ્છતાં દૂરમધ્વાનં કૃષ્ણમૂર્છિતચેતસામ્

પાથેયં પુણ્ડરીકાક્ષનામસંકીર્તનં હરેઃ ।
સંસારસર્પસંદષ્ટવિષચેષ્ટૈકભેષજમ્ ।
કૃષ્ણેતિ વૈષ્ણવં ક્ષાન્તં જપ્ત્વા મુક્તો ભવેન્નરઃ

ધ્યાયન્ કૃતે જપેન્મન્ત્રૈસ્ત્રેતાયાં દ્વાપરેર્ઽચયન્ ।
યદાપ્નોતિ તદાપ્નોતિ તદાપ્નોતિ કલૌ સંસ્મૃત્યકેશવમ્

જિહ્વાગ્રે વર્તતે યસ્ય હરિરિત્યક્ષરદ્વયમ્ ।
સંસારસાગરં તીર્ત્વા સ ગચ્છેદ્વૈષ્ણવં પદમ્

વિજ્ઞાતદુષ્કૃતિસહસ્રસમાવૃતો ઽપિશ્રેયઃ પરન્તુ પરિશુદ્ધિમ ભીપ્સમાનઃ ।
સ્પપ્નાન્તરે ન હિ પુનશ્ચ ભવં સ પશ્યેન્નારાયણસ્તુતિકથાપરમો મનુષ્યઃ