ગરુડ પુરાણ · અધ્યાય 1.221

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શ્રાદ્ધાનુષ્ઠાનં નામવિંશાધિકદ્વિશતતમો ઽધ્યાયઃ
શ્રીગરુડમહાપુરાણમ્- 221
બ્રહામોવાચ ।
ધર્મસારમહં વક્ષ્યે સંક્ષેપાચ્છુણુ શઙ્કર ।
ભુક્તિમુક્તિપ્રદં સૂક્ષ્મં સર્વપાપવિનાશનમ્

શ્રુતં ધર્મં બલં ધૈર્યં સુખમુત્સાહમેવ ચ ।
શોકો હરતિ વૈ નૄણાં તસ્માચ્છોકં પરિત્યજેત્

કર્મદારાઃ કર્મલોકાઃ કર્મસમ્બન્ધિબાન્ધવાઃ ।
કર્માણિ પ્રેરયન્તીહ પુરુષં સુખદુઃ ખયોઃ

દાનમે પરો ધર્મો દાનાત્સર્વમવાપ્યતે ।
દાનાઃત્સ્વર્ગશ્ચ રાજ્યઞ્ચ દદ્યાદ્દનં તતો નરઃ

એકતો દાનમેવાહુઃ સમગ્રવરદક્ષિણમ્ ।
એકતો ભયભીતસ્ય પ્રાણિનઃ પ્રાણરક્ષણમ્

તપસા બ્રહ્મચર્યેણ યજ્ઞૈઃ સ્નાનેન વા પુનઃ ।
ધર્મસ્ય નાશકા યે ચ તે વૈ નિરયગામિનઃ

યે ચ હોમજપસ્નાનદેવતાર્ચનતત્પરાઃ ।
સત્યક્ષમાદયાયુક્તાસ્તે નરાઃ સ્વર્ગગામિનઃ

ન દાતા સુખદુઃ ખાનાં ન ચ હર્તાસ્તિ કશ્ચન ।
ભુઞ્જતે સ્વકૃતાન્યેવ દુઃ ખાનિ ચ સુખાનિ ચ

ધર્માર્થં જીવિતં યેષાં દુર્ગાણ્યતિતરન્તિ તે ।
સન્તુષ્ટઃ કો ન શક્નોતિ ફલમૂલૈશ્ચ વર્તિતુમ્

સર્વ એવ હિ સૌખ્યેન સઙ્કટાન્યવગાહતે ।
ઇદમેવ હિ લોભસ્ય કાર્યં સ્યા દતિદુષ્કરમ્

લોભાત્ક્રોધઃ પ્રભવતિ લોભાદ્દ્રોહઃ પ્રવર્તતે ।
લોભાન્મોહશ્ચ માયા ચ માનો મત્સર એવ ચ

રાગદ્વેષાનૃતક્રોધલોમમોહમદોજ્ઝિતઃ ।
યઃ સ શાન્તઃ પરં લોકં યાતિ પાપવિવર્જિતઃ

દેવતા મુનયો નાગા ગન્ધર્વા ગુહ્યકા હર ।
ધાર્મિકં પૂજયન્તીહ ન ધનાઢ્યં ન કામિનમ્

અનન્તબલવીર્યેણ પ્રજ્ઞયા પૌરુષેણ વા ।
અલભ્યં લભતે મર્ત્યસ્તત્ર કા પરિવેદના

સર્વસત્ત્વદયાલુત્વં સર્વેન્દ્રિયવિનિગ્રહઃ ।
સર્વત્રાનિત્યબુદ્ધિત્વં શ્રેયઃ પરમિદં સ્મૃતમ્

પશ્યન્નિવાગ્રતો મૃત્યું યો ધર્મં નાચરેન્નરઃ ।
અજાગલસ્તનસ્યેવ તસ્ય જન્મ નિરર્થકમ્

ભ્રૂણહા બ્રહ્મહા ગોઘ્નઃ પિતૃહા ગુરુતલ્પગઃ ।
ભૂમિં સર્વગુણોપેતાં દત્ત્વા પાપૈઃ પ્રમુચ્યતે

ન ગોદાનાત્પરં દાનં કિઞ્ચિદસ્તીતિ મે મતિઃ ।
યા ગૌર્ન્યાયાર્જિતા દત્તા કૃત્સ્નં તારયતે કુલમ્

નાન્નદાનાત્પરં દાનં કિઞ્ચિદસ્તિ વૃષધ્વજ ! ।
અન્નેન ધાર્યતે સર્વં ચરાચરમિદં જગત્

કન્યાદાનં વૃષોત્સર્ગસ્તીર્થસેવા શ્રુતં તથા ।
હસ્ત્યશ્વરથદાનાનિ મણિરત્નવસુન્ધરાઃ

અન્નદાનસ્ય સર્વાણિ કલાં નાર્હન્તિ ષોડશીમ્ ।
અન્નાત્પ્રાણા બલં તેજશ્ચાન્નાદ્વીર્યં ધૃતિઃ સ્મૃતિઃ

કૂપવાપીતડાગાદીનારામાંશ્ચૈવ કારયેત્ ।
ત્રિસપ્તકુલમુદ્ધૃત્ય વિષ્ણુલોકે મહીયતે

સાધૂનાં દર્શનં પુણ્યં તીર્થાદપિ વિશિષ્યતે ।
કાલેન તીર્થં ફલતિ સદ્યઃ સાધુસમાગમઃ

સત્યં દમસ્તપઃ શૌચં સન્તોષશ્ચ ક્ષમાર્જવમ્ ।
જ્ઞાનં શમો દયા દાનમેષ ધર્મઃ સનાતનઃ