ગરુડ પુરાણ · અધ્યાય 1.220

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે એકોનવિંશાધિકદ્વિશતતમો ઽધ્યાયઃ
શ્રીગરુડમહાપુરાણમ્- 220
બ્રહ્મોવાચ ।
સપિણ્ડીકરણં વક્ષ્યે પૂર્ણે ઽબ્દે તત્ક્ષયે ઽહનિ ।
કૃતં સમ્યગ્યથાકાલે પ્રેતાદેઃ પિતૃલોકદમ્

સપિણ્ડીકરણં કુર્યાદપરાહ્ને તુ પૂર્વવત્ ।
પિતામહાદિબ્રાહ્મણનિમન્ત્રણમ્ ।
ઓં પુરૂરવાર્દ્રવસંજ્ઞકેભ્યો દેવેભ્ય એતદાસનં નમઃ ।
વામપાર્શ્વે ચાસનદાનમ્ ।
આવાહનમ્ ।
તતઃ પિતામહપ્રપિતામહવૃદ્ધપ્રપિતામહાનાં સપત્નીકાનાં શ્રાદ્ધમહં કરિષ્યે ઇત્યનુજ્ઞાગ્રહણં-પાત્રત્રયકરણં-પાત્રોપરિ કુશં દત્ત્વા પાત્રાન્તરેણ પિધાય અચ્છિદ્રાવધારણાન્તં પરિસમાપ્ય તથૈવ પિતુરપિ સપત્નીકસ્ય પ્રેતપદાન્તનામ્ના શ્રાદ્ધકરણાનુજ્ઞાપનં દેવપાત્રાચ્છિદ્રાવધારણમ્

તત્પરિસમાપ્ય પિતામહપ્રપિતામહવૃદ્ધપ્રપિતામહક્રમેણ પાત્રાણાં મનાક્ ચાલનમ્ ।
ઉદ્ધાટનં કૃત્વા--ઓં યે સમાનાઃ સમનસઃ પિતરો યમરાજ્યે ।
તેષાં લોકઃ સ્વધા નમો યજ્ઞો દેવેષુ કલ્પતામ્ ।
ઓં યે સમાનાઃ સમનસો જીવા જીવેષુ મામકાઃ ।
તેષાં શ્રીર્મયિ કલ્પતામસ્મિન્ લોકે શતં સમાઃ ।
એતન્મન્ત્રદ્વયેન પિતૃપાત્રોદકં પિતામહપ્રપિતામહપાત્રે વૃદ્ધપ્રપિતામહપાત્રં પરિત્યજ્ય પિતામહપ્રપિતામહયોરુદકં પવિત્રઞ્ચ પિતૃપાત્રે ક્ષિપેત્

તતઃ પિતૃબ્રાહ્મણહસ્તે પાત્રસ્થપવિત્રદાનમ્ ।
પાત્રસ્થપુષ્પેણ શિરસઃ કરપાદાર્ચનં બ્રાહ્મણહસ્તે ઽન્ય જલદાનં--હસ્તાભ્યાં પાત્રમુત્થાપ્ય ઓં યા દિવ્યેતિ પઠિત્વા ઓં અમુકગોત્ર મત્પિતામહ અમુકદેવશર્મન્ સપત્નીક એષ તે અર્ઘ્યઃ સ્વધા ।
પિતૃપાત્રેણૈવ પિતામહબ્રાહ્મણહસ્તે સ્તોકમર્ઘ્યોદકં સપવિત્રઙ્ગૃહીત્વાસ્તોકમુદકં પિણ્ડસેચનાર્થં પાત્રાન્તરેણ પિધાય પિતૃબ્રાહ્મણવામપાર્શ્વ દક્ષિણાગ્રકુશોપરિ પિતૃભ્યઃ સ્તાનમસીતિ અધોમુખપાત્રસ્થપનમ્

પિતામહપ્રપિતામહવૃદ્ધપ્રપિતામહેભ્યો ગન્ધાદિદાનમગ્નૌકરણમ્ ।
અવશિષ્ટાન્નં પ્રપિતામહાદિપાત્રે ક્ષિપેત્ ।
પિતામહપાત્રાભિમન્ત્રણપર્યન્તક્રમેણ સમાપ્યાપિ બ્રાહ્મણપાત્રાભિમન્ત્રણમ્ ।
અઙ્ગુષ્ઠનિવેશનં તિલવિકરણં કૃત્વા અમુકગોત્ર એતત્તે અન્નં સઘૃતં સપાનીયં સવ્યઞ્જનં પ્રતિષિદ્ધવર્જિતં યે ચાત્ર ત્વા મનુયાશ્ચ ત્વામનુ તસ્મૈ તે સ્વધા ઇતિ

તતો દેવપ્રભૃતિભ્ય અપોશાનં દદ્યાત્ ।
અતિથિપ્રાપ્તૌ અતિધિશ્રાદ્ધં કુર્યાત્ ।
અસ્મિન્નવસરે વિકિરણમ્ ।
પિતામાહદૌ પ્રશ્રં કૃત્વા પિતૃબ્રાહ્મણમ્ ઓં સ્વદિતં ભવદ્ભિરિતિ પ્રશ્રઃ ।
ઓં અમુકગોત્ર મત્પિતઃ અમુકશર્મન્ સપત્નીક એષ તે પિણ્ડો યે ચાત્રત્વામનુયાશ્ચ ત્વામનુ તસ્મૈ સ્વધેતિ પિણ્ડપાત્રમચ્છિદ્રમસ્તુ ।
તતઃ સઙ્કલ્પ સિદ્ધિવાચનં સમાપ્ય પિણ્ડં દ્વિધા કૃત્વા યે સમાનાઃ સુમનસ ઇતિ મન્ત્રદ્વયં પઠિત્વા પિતામહવૃદ્ધપ્રપિતામહપાત્રેષુ ક્ષિપેત્ ।
પિણ્ડેષુ ગન્ધાદિકં દત્ત્વા પિણ્ડચાલનમ્ ।
અતિથિબ્રાહ્મણે સ્વદિતાદિપ્રશ્રઃ ।
બ્રાહ્મણાનામાચમનમ્ ।
ભુક્તિક્રમેણ તામ્બૂલદાનમ્ ।
સુપ્રોક્ષિતમસ્તુ શિવા આપઃ સન્તુ--વૃદ્ધપ્રપિતામહક્રમેણ બ્રાહ્મણહસ્તે જલદાનમ્ ।
ગોત્રસ્યાક્ષય્યમસ્તુ પિતૃબ્રાહ્મણહસ્તે ઉપતિષ્ટતામિતિ સતિજલદાનમ્

અઘોરાઃ પિતરઃ સન્તુ અસ્ત્વિત્યુક્તે સ્વધાં વાચયિણ્ય ઇતિ પિતામાહદિબ્રાહ્મણાનુજ્ઞાપનમ્

ઓં વાચ્યતાં ઇત્યુક્તે ઓં પિતામહાદિભ્યઃ સ્વધોચ્યતામ્ ।
અસ્તુ સ્વધેત્યુક્તે પિતૃબ્રાહ્મણ પિતૃભ્યઃ સ્વધોચ્યતામિતિ ।
અસ્તુ સ્વધેત્યુક્તે ઓં ઊર્જં વહન્તીરિતિ દક્ષિણાભિમુખવારિધારાત્યાગઃ ।
ઓં વિશ્વેદેવા અસ્મિન્ યજ્ઞે પ્રીયન્તામિતિ દેવબ્રાહ્મણહસ્તે ઓં યવોદકદાનમ્ ।
ઓં દેવતાભ્ય ઇતિ ત્રિર્જપઃ

પિણ્ડપાત્રાણિ ચાલયિત્વા આચમ્ય પિતામહાદિભ્યો દક્ષિણાં દત્ત્વા તતઃ પિતૃ બ્રાહ્મણાય આશિષો મે પ્રદીયન્તામિત્યાશીઃ પ્રાર્થનમ્ ।
પ્રતિગૃહ્યતામિત્યુક્તે દાતારો નો ઽભિવર્ધન્તામિતિ પાત્રમુત્તાનં કૃત્વા વાજે વાજેદૃવિસર્જનમ્ ।
અભિરણ્યતામિતિ પિતૃબ્રાહ્મણવિસર્જનમ્

સપિણ્ડીકરણશ્રાદ્ધં વ્યાસપ્રોક્તં મયા તવ ।
શ્રાદ્ધં વિષ્ણુઃ શ્રાદ્ધકર્તા ફલં શ્રાદ્ધાદિકં હરિઃ