ગરુડ પુરાણ · અધ્યાય 1.200

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે નવનવત્યધિકશતતમો ઽધ્યાયઃ
શ્રીગરુડમહાપુરાણમ્- 200
ભૈરવ ઉવાચ ।
વક્ષ્યે વાયુજયં દેવિ જયા જયવિદેશકમ્ ।
વાય્વગ્નિજલશક્રાખ્યં મઙ્ગલાનાઞ્ચતુષ્ટયમ્

વામદક્ષિણસંસ્થશ્ચ વાયુશ્ચ બહુલો ભવેત્ ।
ઊર્ધ્વવાહી ભવેદગ્નિરધસ્તુ વરુણો ભવેત્

મહેન્દ્રો મધ્યસંસ્થસ્તુ શુક્લપક્ષે તુ વામગઃ ।
કૃષ્ણપક્ષે દક્ષિણગ ઉદયસ્ય ત્ર્યહન્ત્ર્યહમ્

વહેત્પ્રતિપદાદ્યે ચ વિપરીતે ભવેન્નતિઃ ।
ઉદયઃ સૂર્યમાર્ગેણ ચન્દ્રેણાસ્તમયો યદિ

વર્ધન્તે ગુણસંઘાતા અન્યથા વિઘ્નમૌચિતમ્ ।
સંક્રાન્ત્યઃ ષોડશપ્રોક્તા દિવા રાત્રૌ વરાનને

યદા ચ સંક્રમેદ્વાયુરર્ધાર્ધપ્રહરે સ્થિતઃ ।
સ્વાસ્થ્યાહાનિસ્તદા જ્ઞેયા વાયુર્ભ્રમતિ દેહિષુ

દક્ષિણે ચ પુટે વાયુર્હિતો ભોજનમૈથુને ।
ખડ્ગહસ્તો જયેદ્યુદ્ધે રિપૂન્કામસમન્વિતઃ

વામેવ ગમનં શ્રેષ્ઠં સર્વકાર્યેષુ ભૂષિતમ્ ।
વાયુર્વહતિ તત્રસ્થઃ પ્રશ્રો ભૂતસ્ય શોભનઃ

માહેન્દ્રે વારુણે વાતે કો ઽપિ દોષો ન જાયતે ।
અનાવૃષ્ટિર્દક્ષવાહે વૃષ્ટિઃ સ્યાદ્વામવાહકે