ગરુડ પુરાણ · અધ્યાય 1.199

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે અષ્ટનવત્યધિકશતતમોધ્યાયઃ
શ્રીગરુડમહાપુરાણમ્- 199
ભૈરવ ઉવાચ ।
અથ ચૂડામણિં વક્ષ્યે શુભાશુભવિશુદ્ધયે ।
સૂર્યં દેવીં ગણં સોમ સ્મૃત્વા તુ વિલિખેન્નરઃ

ત્રિરેખા ગોમૂર્ત્રિકાભા અથવા પ્રશ્રવાક્યતઃ ।
દિશસ્થાનપ્રસૂતો વા ધ્વજાદીન્ગણયેત્ક્રમાત્

ધ્વજો ધૂમો ઽથ સિંહશ્ચ શ્વા વૃષઃ ખરદન્તિનૌ ।
ધ્વાઙ્ક્ષશ્ચ અષ્ટમો જ્ઞેયો નામ મન્ત્રૈશ્ચ તાન્ન્યસેત્

ધ્વજસ્થાને ધ્વજં દૃષ્ટ્વા રાજ્યચિન્તાધનાદિકમ્ ।
ધ્વજસ્થાને સ્થિતો ધૂમ્રો ધાતુચિન્તા ચ લાભકૃત્

ધ્વજસ્થાને સ્થિતે સિંહે ધનલાભાદિકં ભવેત્ ।
સ્થિતે શુનિધ્વજસ્થાને દાસીચિન્તાસુખાદિકમ્

ધ્વજસ્થાને વૃષં દૃષ્ટ્વા સ્થાનચિન્તા ચ લાભકમ્ ।
ધ્વજસ્થાને ખરં દૃષ્ટ્વા દુઃ ખક્લેશાદિકં ભવેત્

ધ્વજસ્થાને ગજં દૃષ્ટ્વા સ્થાનચિન્તાજયાદિકમ્ ।
ધ્વજસ્થાને તથા ધ્વાઙ્ક્ષે ક્લેશચિન્તા ધનક્ષયઃ

ધૂમ્રસ્થાને ધ્વજં દૃષ્ટ્વા પૂર્વં દુઃ ખં તતો ધનમ્ ।
ધૂમ્રે ધૂમ્રં તથા દૃષ્ટ્વા કલિદુઃ ખાદિકં ભવેત્

ધૂમ્રસ્થાને સ્થિતે સિંહે મનશ્ચિન્તાધનાદિકમ્ ।
ધૂમ્રસ્થાને શુનિ સ્થિતે જયલાભાદિકં ભવેત્

ધૂમ્રસ્થાને વૃષં દૃષ્ટ્વા નારીગો ઽશ્વધનાદિકમ્ ।
ધૂમ્રસ્થાને ખરં દૃષ્ટ્વા વ્યાધિશ્ચાપિ ધનક્ષયઃ

ધૂમ્રસ્થાને ગજે દૃષ્ટે રાજ્યલાભજયાદિકમ્ ।
ધૂમ્રસ્થાને સ્થિતે ધ્વાઙ્ક્ષે ધનરાજ્યવિનાશનમ્

સિંહસ્થાને ધ્વજં દૃષ્ટ્વા રાજ્યલાભાદિ નિર્દિશેત્ ।
સિંહસ્થાને સ્થિતે ધૂમ્રે કન્યાપ્રાપ્તિર્ધનાદિકમ્

સિંહસ્થાને સ્થિતે સિંહે જયો મિત્રસમાગમઃ ।
કૌલેયકે સિંહગતે સ્ત્રીચિન્તા ગ્રામલાભકમ્

સિંહ સ્થાને વૃષં દૃષ્ટ્વા ગૃહક્ષેત્રાર્થલાભકમ્ ।
સિંહસ્થાને ગજં દૃષ્ટ્વા ગ્રામસ્વામિત્વમેવ ચ

સિંહસ્થાને ગજં દૃષ્ટ્વા આરોગ્યાયુઃ સુખાદિકમ્ ।
સિંહસ્થાનેસ્થિતે ધ્વાઙ્ક્ષે કન્યાધાન્યગુણાદિકમ્

શુનઃ સ્થાને ધ્વજં દૃષ્ટ્વા સ્થાનચિન્તાસુખાદિકમ્ ।
શુનઃ સ્થાને સ્થિતે ધૂમ્રે કલહં કાર્યનાશનમ્

શુનઃ સ્થાન સ્થિતે સિંહે કાર્યાસિદ્ધિર્ભવિષ્યતિ ।
સ્થિતે શુનિ શુનઃ સ્થાને ધનનાશો ભવિષ્યતિ

શુનઃ સ્થાને વૃષં દૃષ્ટ્વા રોગી રોગાદ્વિ મુચ્યતે ।
શુનઃ સ્થાને ખરં દૃષ્ટ્વા કલહસ્ય ભયં ભવેત્

શુનઃ સ્થાને ગજં દૃષ્ટ્વા પુત્રભાર્યાસમાગમઃ ।
શ્વસ્થાને ચ સ્થિતે ધ્વાઙ્ક્ષે પીડાસ્યાત્કુલનાશનમ્

વૃષસ્થાને ધ્વજં દૃષ્ટ્વા રાજપૂજાસુખાદિકમ્ ।
વૃષસ્થાને સ્થિતે ધૂમ્રે રાજપૂજાસુખાદિકમ્

વૃષસ્થાને સ્થિતે સિંહે સૌભાગ્યઞ્ચ ધનાદિકમ્ ।
સ્થિતે શુનિ વૃષસ્થાને બલશ્રીકામ ઈરિતઃ

વૃષસ્થાને વૃષં દૃષ્ટ્વા કીર્તિતુષ્ટિસુખાદિકમ્ ।
વૃષસ્થાને ખરં દૃષ્ટ્વા મહાલાભાદિકં ભવેત્

વૃષસ્થાને ગજં દૃષ્ટ્વા સ્ત્રીગજાદિસમાગમઃ ।
વૃષસ્થાને સ્થિતે ધ્વાઙ્ક્ષે સ્થાનમાનસમાગમઃ

ખરસ્થાને ધ્વજં દૃષ્ટ્વા રોગશોકાદિકં ભવેત્ ।
ખરસ્થાને સ્થિતે ધૂમ્રે તસ્કરાદિભયં ભવેત્

ખરસ્થાને સ્થિતે સિંહે પૂજાશ્રીવિજયાદિકમ્ ।
સ્થિતે શુનિખરસ્થાને સન્તાપધનનાશનમ્

ખરસ્થાને વૃષં દૃષ્ટ્વા સુખં પ્રિયસમાગમઃ ।
ખરસ્થાને ખરં દૃષ્ટ્વા દુઃ ખીપીડાદિ નિર્દિશેત્

ખરસ્થાને ગજં દૃષ્ટ્વા સુખપુત્ત્રાદિકં ભવેત્ ।
ખરસ્થાને સ્થિતે ધ્વાઙ્ક્ષે કલહો વ્યાધિરેવ ચ

ગજસ્થાને ધ્વજં દૃષ્ટ્વા સ્ત્રીજયશ્રીસુખાદિકમ્ ।
ગજસ્થાનેસ્થિતે ધૂમ્રે ધનધાન્યસમાગમઃ

ગજસ્થાને સ્થિતે સિંહે જયસિદ્ધિસમાગમઃ ।
સ્થિતે શુનિ ગજસ્થાને આરોગ્યં સુખસમ્પદઃ

ગજસ્થાને વૃષં દૃષ્ટ્વા રાજમાનધનાદિકમ્ ।
ગજસ્થાને ખરં દૃષ્ટ્વા પૂર્વં દુઃ ખં તતઃ સુખમ્

ગજસ્થાને ગજં દૃષ્ટ્વા ક્ષેત્રધાન્યસુખાદિકમ્ ।
ગજસ્થાનેસ્થિતે ધ્વાઙ્ક્ષે ધનધાન્યસમાગમઃ

ધ્વાઙ્ક્ષસ્થાને ધ્વજં દૃષ્ટ્વા કાર્યનાશો ભવિષ્યતિ ।
ધ્વાઙ્ક્ષસ્થાને સ્થિતે ધૂમ્રે કલિદુઃ ખં ગમિષ્યતિ

ધ્વાઙ્ક્ષસ્થાને સ્થિતે સિંહે વિગ્રહો દુઃ ખમેવ ચ ।
ધ્વાઙ્ક્ષસ્થાને સ્થિતે શ્વાને ગૃહભઙ્ગભયાદિકમ્

ધ્વાઙ્ક્ષસ્થાને વૃષં દૃષ્ટ્વા સ્થાનભ્રંશભયાદિકમ્ ।
ધ્વાઙ્ક્ષસ્થાને ખરં દૃષ્ટ્વા ધનનાશપરાજયૌ

ધ્વાઙ્ક્ષસ્થાને ગજં દૃષ્ટ્વા ધનકીર્ત્યાદિકં ભવેત્ ।
ધ્વાઙ્ક્ષસ્થાને સ્થિતે ધ્વાઙ્ક્ષે વિદેશગમનાદિકમ્