ગરુડ પુરાણ · અધ્યાય 1.185

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વૈદ્યશાસ્ત્રે ચતુરશીત્યધિકશતતમો ઽધ્યાયઃ
શ્રીગરુડમહાપુરાણમ્- 185 ।
હરિરુવાચ ।
આં ગણપતયે ઇતિ અયં ગણપતેર્ન્મન્ત્રો ધનવિદ્યાપ્રદાયકઃ

ઇમમષ્ટસહસ્રઞ્ચ જપ્ત્વા બદ્ધ્વા શિખાં તતઃ ।
વ્યવહારે જયઃ સ્યાચ્ચ શતં જાપાન્નૃણાં પ્રિયઃ

તિલાનાં તુ ઘૃતાક્તાનાં કૃષ્ણાનાં રુદ્ર હોમયેત્ ।
અષ્ટોત્તરસહસ્રન્તુ રાજા વશ્યસ્ત્રિભિર્દિનૈઃ

અષ્ટમ્યાઞ્ચ ચતુર્દશ્યામુપોષ્યાભ્યર્ચ્ય વિઘ્નરાટ્ ।
તિલાક્ષતાનાં જુહુયાદષ્ટોત્તરસહસ્રકમ્ ।
અપાજિતઃ સ્યાદ્યુદ્ધે ચ સર્વે તઞ્ચ સિષેવિરે

જપ્ત્વા ચાષ્ટસહસ્રન્તુ તતશ્ચાષ્ટશતેન હિ ।
શિખાં બદ્ધ્વા રાજકુલે વ્યવહારે જયો ભવેત્

હ્રીઙ્કારં સવિસર્ગઞ્ચ પ્રાતઃ કાલે નરસ્તુ યઃ ।
સ્ત્રીણાં લલાટે વિન્યસ્ય વશતાં નયતિ ધ્રુવમ્

સુસમાહિતચિત્તેન વિન્યસ્ય પ્રમદાલયે ।
સોત્કામાં કામિનીં કુર્યાન્નાત્ર કાર્યા વિચારણા

જુહુયાદયુતં યસ્તુ શુચિઃ પ્રયતમાનસઃ ।
દૃષ્ટિમાત્રે સદા તસ્ય વશ્યમાયાન્તિ યોષિતઃ

મનઃ શિલાપત્રકઞ્ચ સગોરોચનકુઙ્કુમમ્ ।
કૃત એભિશ્ચ તિલકે વશ્યમાયાન્તિ યોષિતઃ

ભૃઙ્ગરાટ્ સહદેવા ચ વચા શ્વેતાપરાજિતા ।
તેનૈવ તિલકં કૃત્વા ત્રૈલોક્યં વશતાં નયેત્

ગોરોચના મીનપિત્તમાભ્યાઞ્ચ કૃતવર્તિકઃ ।
યઃ પુમાંસ્તિલકં કુર્યાદ્વામહસ્તકનિષ્ઠયા ।
સ કરોતિ વશે સર્વં ત્રૈલોક્યં નાત્ર સંશયઃ

ગોરોચના મહાદેવ ! ધાતુશોણિતભાવિતા ।
એતૈર્વૈતિલકં કૃત્વા સા નરં યં નિરીક્ષતે ।
તત્ક્ષણાત્તં વશે કુર્યા ન્નાત્ર કાર્યા વિચારણા

નાગેશ્વરઞ્ચ શૈલેયં ત્વક્પત્રઞ્ચ હરીતકી ।
ચન્દનં કુષ્ઠસૂક્ષ્મૈલારક્તશાલિસમન્વિતા

એતૈર્ધૂપો વશકરઃ સ્મરબાણૈઃ સ્મારાર્દનઃ ।
રતિકાલે મહાદેવ પાર્વતીપ્રિય શઙ્કર

નિજશુક્રં ગૃહી ત્વા તુ વામહસ્તેન યઃ પુમાન્ ।
કામિનીચરણં વામં લિંપેત્સ સ્યાત્સ્ત્રિયાઃ પ્રિયઃ

સૈન્ધવઞ્ચ મહાદેવ પારાવતમલં મધુ ।
એભિર્લિપ્તે તુ લિઙ્ગે વૈ કામિનીવશકૃદ્ભવેત્

પુષ્પાણિ પઞ્ચરક્તાનિ ગૃહીત્વા યાનિ કાનિ ચ ।
તત્તુલ્યઞ્ચ પ્રિયઙ્ગુઞ્ચ પેષયેદેકયોગતઃ ।
અનેન લિપ્તલિઙ્ગસ્ય કામિનીવશતામિયાત્

હયગન્ધા ચ મઞ્જિષ્ઠા માલતીકુસુમાનિ ચ ।
શ્વેતસષર્પ એતૈશ્ચ લિપ્તલિઙ્ગઃ સ્ત્રિયાઃ પ્રિયઃ

મૂલન્તુ કાકજઙ્ઘાયા દુગ્ધપીતન્તુ શોષનુત્ ।
અશ્વગન્ધાનાગબલાગુડમાષનિષેવિણઃ ।
રૂપં ભવેદ્યથા તદ્વન્નવયૌવનચારિણામ્

લૌહચૂર્ણસમાયુક્તં ત્રિફલાચૂર્ણમેવ વા ।
મધુના સેવિતં રુદ્ર પરિણામાખ્યશૂલનુત્

ક્વથિતોદકપાનન્તુ શમ્બૂકક્ષારકં તથા ।
મૃગશૃઙ્ગં હ્યગ્નિદગ્ધં ગવ્યાજ્યેન સમન્વિતમ્ ।
પીત હૃત્પૃષ્ઠશૂલાનાં ભવેન્નાશકરં શિવ

હિઙ્ગુ સૌવર્ચલં શુણ્ઠી વૃષધ્વજ મહૌષધમ્? ।
એભિસ્તુ ક્વથિતં વારિ પીતં વૈ સર્વશૂલનુત્

અપામાર્ગસ્ય વૈ મૂલં સામુદ્રલવણાન્વિતમ્ ।
આસ્વાદિ તમજીર્ણસ્ય શૂલસ્ય સ્યાદ્વિમર્દનમ્

વટરોહાઙ્કુરો રુદ્ર તણ્ડુલોદકઘર્ષિતઃ ।
પીતઃ સતક્રો ઽતીસારં ક્ષયં નયતિ શઙ્કર

અઙ્કોટમૂલં કર્ષાર્ધં પિષ્ટં તણ્ડુલવારિણા ।
સર્વાતીસારગ્રહણીં પીતં હરતિ ભૂતપ

મરીચશુણ્ઠિકુટજત્વક્ચૂર્ણઞ્ચ ગુડાન્વિતમ્ ।
ક્રમાત્તદ્દ્વિગુણં પીતં ગ્રહણીવ્યાધિનાશનમ્

શ્વેતાપરાજિતામૂલં હરિદ્રાસિક્થતણ્ડુલાઃ ।
અપામાર્ગત્રિકટુકમેષાઞ્ચ વટિકા શિવ ।
વિષૂચિકામહાવ્યાધિં હરત્યેવ ન સંશયઃ

ત્રિફલાગુરુ ભૂતેશ શિલાજતુ હરીતકી ।
એકૈકમેષાં ચૂર્ણન્તુ મધુના ચ વિમિશ્રિતમ્ ।
પીતં સર્વઞ્ચ મેહન્તુ ક્ષયં નયતિ શઙ્કર

અર્કક્ષીરપ્રસ્થમેકં તિલતૈલં તથૈવ ચ ।
મનઃ શિલામરીચાનાં સિન્દૂરસ્ય પલં પલમ્

ચૂર્ણં કૃત્વા તામ્રપાત્રે ત્વાતપૈઃ શોષયેત્તતઃ ।
પીતં સ્નુહીગતં દુગ્ધં સૈન્ધવં શૂલનુદ્ભવેત્

ત્રિકટુત્રિફલાનક્તં તિલતૈલં તથૈવ ચ ।
મનઃ શિલા નિમ્બપત્રં જાતીપુષ્પમજાપયઃ

તન્મૂત્રં સઙ્ખનાભિશ્ચ ચન્દનં ઘર્ષયેત્તતઃ ।
એભિશ્ચ વર્તિકાં કૃત્વા ત્વક્ષિણી ચાઞ્જયેત્તતઃ

નશ્યતે પટલં કાચં પુષ્પઞ્ચ તિમિરાદિકમ્ ।
વિભીતકસ્ય વૈ ચૂર્ણં સમધુ શ્વાસનાશનમ્

પિપ્પલીત્રિફલાચૂર્ણં મધુસૈન્ધવસંયુતમ્ ।
સર્વરોગજ્વરશ્વાસશોષપીનસહૃદ્ભવેત્

દેવદારોશ્ચ વૈ ચૂર્ણં અજામત્રેણ ભાવયેત્ ।
એકવિંશતિવારંવૈત્વક્ષિણી તેન ચાઞ્જયેત્ ।
રાત્ર્યન્ધતા પટલતા નશ્યેન્નિર્લોમતા તથા

પિપ્પલીકેતકં રુદ્ર હરિદ્રામલકં વચા ।
સર્વાક્ષિરોગા નશ્યેયુઃ સક્ષીરાદઞ્જનાત્તતઃ

કાકજઙ્ઘાશિગ્રુમૂલે મુખેન વિધૃતે શિવ ।
ચર્વિત્વા દન્તકીટાનાં વિનાશો હિ ભવેદ્ધર