ગરુડ પુરાણ · અધ્યાય 1.183

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે દ્વ્યાશીત્યધિકશતતમો ઽધ્યાયઃ
શ્રીગરુડમહાપુરાણમ્- 183
હરિરુવાચ ।
મરિચં શૃઙ્ગવેરં ચ કુટજત્વચમેવ ચ ।
પાનાચ્ચ ગ્રહણી નશ્યેચ્છશાઙ્કાઙ્કિતશેખર !

પિપ્પલી પિપ્પલીમૂલં મરિચં તગરં વચા ।
દેવદારુરસં પાઠાં ક્ષીરેણ સહ પેષયેત્

અનેનૈવ પ્રયોગેણ હ્યતિસારો વિનશ્યતિ ।
મરીચતિલપુષ્પાભ્યા મઞ્જનં કામલાપહમ્

હરીતકી સમગુડા મધુના સહ યોજિતા ।
વિરેચનકરી રુદ્ર ! ભવતીતિ ન સંશયઃ

ત્રિફલા ચિત્રકં ચિત્રં તથા કટુકરોહિણી ।
ઉરુસ્તમ્ભહરં હ્યેતદુત્તમન્તુ વિરેચનમ્

હરીતકી શૃઙ્ગવેરં દેવદારુ ચ ચન્દનમ્ ।
ક્વાથયેચ્છાગદુગ્ધેન અપામાર્ગસ્ય મૂલકમ્ ।
ઊરુસ્તમ્ભં જયન્ત્યા વા સપ્તરાત્રેણ નાશયેત્

અનન્તાશૃઙ્ગવેરસ્ય સૂક્ષ્મચૂર્ણાનિ કારયેત્ ।
ગુગ્ગુલં ગુડતુલ્યં ચ ગુટિકામુપયુજ્યચ ।
વાયુઃ સ્નાયુગતં ચૈવ અગ્નિમાન્દ્યં ચ નાશયેત્

સઙ્ખપુષ્પીન્તુ પુષ્પેણ સમુદ્ધૃત્ય સપત્રિકામ્ ।
સમૂલાં છાગદુગ્ધેન અપસ્મારહરં પિબેત્

અશ્વગન્ધાભયે ચૈવ ઉદકેન સમં પિબેત્ ।
રક્તપિત્તં વિનશ્યેત્તુ નાત્ર કાર્યા વિચારણા

હરીતકીકુષ્ઠચૂર્ણં કૃત્વા આસ્યં ચ પૂરયેત્ ।
શીતં પીત્વાથ પાનીયં સર્વચ્છર્દિનિવારણમ્

ગડૂચીપદ્મકારિષ્ટધાન્યાકં રક્તચંન્દનમ્ ।
પિત્તશ્લેષ્મજ્વરચ્છર્દિદાહતૃષ્ણાઘ્નમગ્નિકૃત્ ।
ઓં હું નમ ઇતિ

શ્રોત્રે બદ્ધ્વા શઙ્ખપુષ્પીં જ્વરં મન્ત્રેણ વૈ હરેત્ ।
ઓં જમ્ભિની સ્તમ્ભિની મોહય સર્વવ્યાધીન્મે વજ્રેણ ઠઃ ઠઃ સર્વવ્યાધીન્મે વજ્રેણ ફટ્ ઇતિ

પુષ્પમષ્ટશતં જપ્ત્વા હસ્તે દત્ત્વા નખં સ્પૃશેત્ ।
ચાતુર્થિકો જ્વરો રુદ્ર અન્યે ચૈવ જ્વરાસ્તથા

જ્મ્બૂફલં હરિદ્રા ચ સર્પસ્યૈવ તુ કઞ્ચુકમ્ ।
સર્વજ્વરાણાં ધૂપો ઽયં હરશ્ચાતુર્થિકસ્ય ચ

કરવીરં ભૃઙ્ગપત્રં લવણં કુષ્ઠકર્કટે ।
ચતુર્ગુણેન મૂત્રેણ પચેત્તૈલં હરેચ્ચ તત્ ।
પામાં વિચર્ચિકાં કુષ્ઠમભ્યઙ્ગાદ્ધિ વ્રણાનિ વૈ

પિપ્પલીમધુપાનાચ્ચ તથા મધુરભોજનાત્ ।
પ્લીહા વિનશ્યતે રુદ્ર તથા સૂરણસેવનાત્

પિપ્પલીઞ્ચ હરિદ્રાઞ્ચ ગોમૂત્રેણ સમન્વિતામ્ ।
પ્રક્ષિપેચ્ચ ગુદદ્વારે અર્શાંસિ વિનિવારયેત્

અજાદુગ્ધમાર્દ્રકઞ્ચ પીતં પ્લીહાદિનાશનમ્ ।
સૈન્ધવઞ્ચ વિડઙ્ગાનિ સોમરાજી તુ સર્ષપાઃ

રજની દ્વે વિષઞ્ચૈવ ગોમૂત્રેણૈવ પેષયેત્ ।
કુષ્ઠનાશશ્ચ તલ્લેપાન્નિમ્બપત્રાદિના તથા