ગરુડ પુરાણ · અધ્યાય 1.182

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે એકાશીત્યધિકશતતમો ઽધ્યાયઃ
શ્રીગરુડમહાપુરાણમ્- 182
હરિરુવાચ ।
શરદ્ગ્રીષ્મવસન્તેષુ પ્રાયશો દધિ ગર્હિતમ્ ।
હેમન્તે શિશિરે ચૈવ વર્ષાસુ દધિ શસ્યતે

ભુક્તે તુ શર્કરા પીતા નવનીતેન બુદ્ધિકૃત્ ।
ગુડસ્ય તુ પુરાણસ્ય પલમેકન્તુ ભક્ષયેત્ ।
સ્ત્રીસહસ્રઞ્ચ સંગચ્છેત્પુમાન્બલયુતો હર !

કુષ્ઠં સંચૂર્ણિતં કૃત્વા ઘૃતમાક્ષિકસંયુતમ્ ।
ભક્ષયેત્સ્વપ્નવેલાયાં બલીપલિતનાશનમ્

અતસીમાષગોધૂમચૂર્ણં કૃત્વા તુ પિપ્પલી ।
ઘૃતેન લેપયેદ્ગત્રમોભિઃ સાર્ધં વિચક્ષણઃ ।
કન્દર્પસદૃશો મર્ત્યો નિત્યં ભવતિ શઙ્કર !

યવાસ્તિલાશ્વગન્ધા ચ મુશલી સરલા ગુડમ્ ।
એભિશ્ચ રચિતાં જગ્ધ્વા તરુણો બલવાન્ભવેત્

હિઙ્ગુ સૌવર્ચલં શુણ્ઠીં પીત્વા તુ ક્વથિતોદકૈઃ ।
પરિણામાખ્યશૂલઞ્ચ અજીર્ણઞ્ચૈવ નશ્યતિ

ધાતકીં સોમરાજીઞ્ચ ક્ષીરેણ સહ પેષયેત્ ।
દુર્બલશ્ચ ભવેત્સ્થૂલો નાત્ર કાર્યા વિચારણા

શર્કરામધુસંયુક્તં નવનીતં બલી લિહેત્ ।
ક્ષીરાશી ચ ક્ષયી પુષ્ટિં મેધાઞ્ચૈવાતુલાં વ્રજેત્

કુલીરચૂર્ણં સક્ષીરં પીતઞ્ચ ક્ષયરેગનુત્ ।
ભલ્લાતકં વિડઙ્ગઞ્ચ યવક્ષારઞ્ચ સૈન્ધવમ્

મનઃ શિલા શઙ્ખચૂર્ણં તૈલપક્વં તથૈવ ચ ।
લોમાનિ શાતયત્યેવ નાત્ર કાર્યા વિચારણા

માલૂરસ્ય રસં ગૃહ્ય જલૌકાં તત્ર પેષયેત્ ।
હસ્તૌ સંલેપયેત્તેન ત્વગ્નિસ્તમ્ભનમુત્તમમ્

શાલ્મલીરસમાદાય ખરમૂત્રે નિધાય તમ્ ।
અગ્નયાદૌ વિક્ષિપેત્તેન હ્યગ્નિસ્તમ્ભનમુત્તમમ્

વાયસ્યા ઉદરં ગૃહ્ય મણ્ડૂકવસયા સહ ।
ગુટિકાં કારયેત્તેન તતો ઽગ્નૌ સંક્ષૈપેત્સુધીઃ ।
એવમેતત્પ્રયોગેણ હ્યગ્નિસ્તમ્ભનમુત્તમમ્

મુણ્ડીત્વક્ચ વચા મુસ્તં મરિચં તગરં તથા ।
ચર્વિત્વા ચ ત્વિમં સદ્યો જિહ્વયા જ્વલનં લિહેત્

ગોરોચનાં ભૃઙ્ગરાજં ચૂર્ણોકૃત્યઘૃતં સમમ્ ।
દિવ્યામ્ભસઃ સ્તમ્ભનં સ્યાન્મન્ત્રેણાનેન વૈ તથા ।
ઓં અગ્નિસ્તમ્ભનં કુરુ કુરુ

ઓં નમો ભગવતે જલં સ્તમ્ભય સં સં સં કેક કેકઃ ચરચર ।
જલસ્તમ્ભનમન્ત્રો ઽયં જલં સ્તમ્ભયતે શિવ !

ગૃધ્રાસ્થિઞ્ચ ગવાસ્થિઞ્ચ તથા નિર્માલ્યમેવ ચ ।
અરેર્યો નિખનેદ્દ્વારે પઞ્ચત્વમુ પયાતિ સઃ

પઞ્ચરક્તાનિ પુષ્પાણિ પૃથગ્જાત્યા સમાલભેત્ ।
કુઙ્કુમેન સમાયુક્તમાત્મરક્તસમન્વિતમ્

પુષ્પેણ તુ સમં પિષ્ટ્વા રોચનાયાઃ પલૈકતઃ ।
સ્ત્રિયા પુંસા કૃતો રુદ્ર ! તિલકો ઽયં વશીકરઃ

બ્રહ્મદણ્ડી તુ પુષ્યેણ ભક્ષ્યે પાને વશીકરઃ ।
યષ્ટિ મધુ પલૈકેન પક્વમુષ્ણોદકં પિબેત્

વિષ્ટમ્ભિકાઞ્ચ હૃચ્છૂલં હરત્યેવ મહેશ્વર ! ।
ઓં હ્રૂં જઃ ।
મન્ત્રો ઽયં હરતે રુદ્ર ! સર્વવૃશ્ચિકજં વિષમ્

પિપ્પલી નવનીતઞ્ચ શૃઙ્ગવેરં ચ સૈન્ધવમ્ ।
મરિચં દધિ કુષ્ઠઞ્ચ નસ્યે પાને વિષં હરેત્

ત્રિફલાર્દ્રકકુષ્ઠં ચ ચન્દનં ઘૃતસંયુતમ્ ।
એતત્પાનાચ્ચ લેપાચ્ચ વિષનાશો ભવેચ્છિવ !

પારાવતસ્ય ચાક્ષીણિ હરિતાલં મનઃ શિલા ।
એતદ્યોગાદ્વિષં હન્તિ વૈનતેય ઇવોરગાન્

સૈન્ધવં ત્ર્યૂષણં ચૈવ દધિમધ્વાજ્યસંયુતમ્ ।
વૃશ્ચિકસ્ય વિષં હન્તિ લેપો ઽયં વૃષભધ્વજ !

બ્રહ્મદણ્ડીતિલાન્ક્વાથ્ય ચૂર્ણં ત્રિકટુકં પિબેત્ ।
નાશયેદ્રુદ્ર ! ગુલ્માનિ નિરુદ્ધં રક્તમેવ ચ

પીત્વા ક્ષીરં ક્ષૌદ્રયુતં નાશયેદસૃજઃ સ્ત્રુતિમ્ ।
આટરૂપકમૂલેન ભગં નાભિં ચ લેપયેત્ ।
સુખં પ્રસૂયતે નારી નાત્ર કાર્યા વિચારણા

શર્કરાં મધુસંયુક્તાં પીત્વા તણ્ડુલવારિણા ।
રક્તાતિસારશમનં ભવતીતિ વૃષધ્વજ !