ગરુડ પુરાણ · અધ્યાય 1.181

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે અશીત્યધિકશતતમો ઽધ્યાયઃ
શ્રીગરુડમહાપુરાણમ્- 181
હરિરુવાચ ।
તામ્બૂલઞ્ચ ઘૃતં ક્ષૌદ્રં લવણં તામ્રભાજને ।
તથા પયઃ સમાયુક્તં ચક્ષુઃ શૂલહરં પરમ્

હરીતકી વચા કુષ્ઠં વ્યોષં હિઙ્ગુ મનઃ શિલા ।
કાસે શ્વાસે ચ હિક્કાયાં લિહ્યાત્ક્ષૌદ્રં ઘૃપ્લુતમ્

પિપ્પલીત્રિફલાચૂર્ણં મધુના લેહયેન્નરઃ ।
નશ્યતે પીનસઃ કાસઃ શ્વાસશ્ચ બલવત્તરઃ

સમૂલચિત્રકં ભસ્મપિપ્પલીચૂર્ણકં લિહેત્ ।
શ્વાસં કાસઞ્ચ હિક્કાઞ્ચ મધુમિશ્રં વૃષધ્વજ !

નીલોત્પલં શર્કરા ચ મધુકં પદ્મકં સમમ્ ।
તણ્ડુલોદકસંમિશ્રં પ્રશમેદ્રક્તવિક્રિયાઃ

શુણ્ઠી ચ શર્કરા ચૈવ તથા ક્ષૌદ્રેણ સંયુતા ।
કોકિલસ્વર એવ સ્યાદ્ગુટિકા ભુક્તિમાત્રતઃ

હરિતાલં શઙ્ખચૂર્ણં કદલીદલભસ્મના ।
એતદ્દ્રવ્યેણ ચોદ્વર્ત્ય લોમશાતનમુત્તમમ્

લવણં હરિતાલઞ્ચ તુમ્બિન્યાશ્ચ ફલાનિ ચ ।
લાક્ષારસસમાયુક્તં લોમશાતનમુત્તમ્

સુધા ચ હરિતાલઞ્ચ શઙ્ખભસ્મ મનઃ શિલા ।
સૈન્ધવેન સહૈકત્ર છાગમૂત્રેણ પેષયેત્

તત્ક્ષણોદ્વર્તનાદેવ લોમશાતનમુત્તમમ્ ।
શઙ્ખમામલકં પત્રં ધાતક્યાઃ કુસુમાનિ ચ

પિષ્ટ્વા તત્પયસા સાર્ધં સપ્તાહં ધારયેન્મુખે ।
સ્નિગ્ધાઃ શ્વેતાશ્ચ દન્તાશ્ચ ભવન્તિ વિમલપ્રભાઃ