ગરુડ પુરાણ · અધ્યાય 1.180

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે એકોનાશીત્યધિકશતતમો ઽધ્યાયઃ
શ્રીગરુડમહાપુરાણમ્- 180
હરિરુવાચ ।
વચા માંસી ચ બિલ્વઞ્ચ તગરં પદ્મકેસરમ્ ।
નાગપુષ્પં પ્રિયઙ્ગુઞ્ચ સમભાગાનિ ચૂર્ણયેત્ ।
અનેન ધૂપિતો મર્ત્યઃ કામવદ્વિચરેન્મહીમ્

કર્પૂરં દેવદારુઞ્ચ મધુના સહ યોજયેત્ ।
લિઙ્ગલેપાચ્ચ તેનૈવ વશીકુર્યાત્સ્ત્રિયં કિલ

મૈથુનં પુરુષો ગચ્છેદ્ગૃહ્ણીયાત્સ્વકમિન્દ્રિયમ્ ।
વામહસ્તેન વામઞ્ચ હસ્તં લિંપેત્તુ યત્સ્ત્રિયાઃ ।
આલિપ્તા સ્ત્રી વશં યાતિ નાન્યં પુરુષમિચ્છતિ

ઓં રક્તચામુણ્ડે અમુકં મે વશમાનય આનય ઓં હ્રીં હ્રૈં હ્રઃ ફટ્ ।
ઇમં જપ્ત્વાયુતં મન્ત્રં તિલકેન ચ શઙ્કર ! ।
ગોરોચનાસંયુતેન સ્વરક્તેન વશી ભવેત્

સૈન્ધવં કૃષ્ણલવણં સૌવીરં મત્સ્યપિત્તકમ્ ।
મધુ સર્પિઃ સિતાયુક્તં સ્ત્રીણાં તદ્ભગલેપનાત્

યઃ પુમાન્મૈથુનં ગચ્છેન્નાન્યાં નારીં ગમિષ્યતિ ।
શઙ્કપુષ્પી વચા માંસી સોમ રાજી ચ ફલ્ગુકમ્

માહિષં નવનીતઞ્ચ ત્વકીકૃત્ય ભિષગ્વરઃ ।
સમૂલાનિ સ પત્રાણિ ક્ષીરેણાજ્યેન પેષયેત્

ગુટિકાં શોધિતાં કૃત્વા નારીયોન્યા પ્રવેશયેત્ ।
દશવારં પ્રસૂતાપિ પુનઃ કન્યા ભવિષ્યતિ

સર્ષપાશ્ચ વચા ચૈવ મદનસ્ય ફલાનિ ચ ।
માર્જારવિષ્ઠા ધત્તુર સ્ત્રીકેશેન સમન્વિતઃ

ચાતુર્થિકહરો ધૂપો ડાકિનીજ્વરનાશકઃ ।
અર્જુનસ્ય ચ પુષ્પાણિ ભલ્લાતકવિડઙ્ગકે

બલા ચૈવ સર્જરસં સૌવીરસર્ષપાસ્તથા ।
સર્પયૂકામક્ષિકાણાં ધૂમો મશકનાશનઃ

ભૂતલાયાશ્ચ ચૂર્ણેન સ્તમ્ભઃ સ્યાદ્યોનિપૂરણાત્ ।
તેન લેપનતો યોનૌ ભગસ્તમ્ભસ્તુ જાયતે