ગરુડ પુરાણ · અધ્યાય 1.144

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે રામાયણવર્ણનં નામ ત્રિચત્વારિંશદુત્તરશતતમો ઽધ્યાયઃ
શ્રીગરુડમહાપુરાણમ્- 144
બ્રહ્મોવાચ ।
હરિવંશં પ્રવક્ષ્યામિ કૃષ્ણમાહાત્મ્યમુત્તમમ્ ।
વસુદેવાત્તુ દેવક્યાં વાસુદેવો બલો ઽભવત્

ધર્માદિરક્ષણાર્થાય હ્યધર્માદિવિનષ્ટયે ।
કૃષ્ણઃ પીત્વા સ્તનૌ ગાઢં પૂતનામનયત્ક્ષયમ્

શકટઃ પરિવૃત્તો ઽથ ભગ્નૌ ચ યમલાર્જુનૌ ।
દમિતઃ કાલિયો નાગો ધેનુકો વિનિપાતિતઃ

ધૃતો ગોવર્ધનઃ શૈલ ઇન્દ્રેણ પરિપૂજિતઃ ।
ભારાવતરણં ચક્રે પ્રતિજ્ઞાં કૃતવાન્હરિઃ

રક્ષણાયાર્જુનાદેશ્ચ હ્યરિષ્ટાદિર્નિપાતિતઃ ।
કેશી વિનિહતો દૈત્યો ગોપાદ્યાઃ પરિતોષિતાઃ

ચાણૂરો મુષ્ટિકો મલ્લઃ કંસો મઞ્ચાન્નિપાતિતઃ ।
રુક્મિણીસત્યભામાદ્યાઃ હ્યષ્ટૌ પત્ન્યો હરેઃ પરાઃ

ષોઢશ સ્ત્રીસહસ્રાણિ હ્યન્યાન્યાસ મહાત્મનઃ ।
તાસાં પુત્રાશ્ચ પૌત્રાદ્યાઃ શતશો ઽથ સહસ્રશઃ

રુક્મિણ્યાઞ્ચૈવ પ્રદ્યુમ્નો ન્યવધીચ્છંબરઞ્ચ યઃ ।
તસ્ય પુત્રો ઽનિરુદ્ધો ઽભૂદુષાબાણસુતાપતિઃ

હરિશકરયોર્યત્ર મહાયુદ્ધં બભૂવ હ ।
બાણબાહુસહસ્રઞ્ચ ચ્છિન્નં બાહુદ્વયં હ્યભૂત્

નરકો નિહતો યેન પારિજાતં જહાર યઃ ।
બલશ્ચ શિસુપાલશ્ચ હતશ્ચ દ્વિવિદઃ કપિઃ

અનિરુદ્ધાદભૂદ્વજ્રઃ સ ચ રાજા ગતે હરૌ ।
સન્દીપનિં ગુરુઞ્ચક્રે સપુત્રઞ્ચ ચકાર સઃ ।
મથુરાયાં ચોગ્રસેનં પાલનં ચ દિવૌકસામ્