ગરુડ પુરાણ · અધ્યાય 1.132

(ઇતિ કૃષ્ણાષ્ટમીવ્રતમ્) ।
ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે કૃષ્ણાષ્ટમીવ્રતનિરૂપણં ના મૈકત્રિંશદુત્તરશતતમો ઽધ્યાયઃ
શ્રીગરુડમહાપુરાણમ્- 132
બ્રહ્મોવાચ ।
નક્તાશી ત્વષ્ટમીં યાવદ્વર્ષાન્તે ચૈવ ધેનુદઃ ।
પૌરન્દરપદં યાતિ સદ્ગતિવ્રતમુચ્યતે !

શુક્લાષ્ટભ્યાં પૌષમાસે મહારુદ્રેતિ સાધુ વૈ ।
મત્પ્રીતયે કૃતં દેવિ શથસાહસ્રિકં ફલમ્

અષ્ટમી બુધવારેણ પક્ષયોરુભયોર્યદા ।
ભવિષ્યતિ તદા તસ્યાં વ્રતમેતત્કથા પરા

તસ્યાં નિયમકર્તારો ન સ્યુઃ ખણ્ડિતસમ્પદઃ ।
તણ્ડુલસ્યાષ્ટમુષ્ટીનાં વર્જયિત્વાઙ્ગુલિદ્વયમ્

ભક્તં સદ્ભક્તિશ્રદ્ધાભ્યાં મુક્તિકામી હિ માનવઃ ।
આમ્ર પત્રપુટે કૃત્વા યો ભુડ્ક્તે કુશવોષ્ટિતે

કલમ્બિકામ્લિકોપેતં કામ્યં તસ્ય ફલં ભવે (લભે) ત્ ।
બુધં પઞ્ચોપચારેણ પૂજયિત્વા જલાશયે

શક્તિતો દક્ષિણં દદ્યાત્કર્કરીં તણ્ડુલાન્વિતામ્ ।
બું બુધાયેતિ બીજં સ્યાત્સ્વાહાન્તઃ કમલાદિકઃ

બાણચાપધરંશ્યામં દલે ચાઙ્ગનિ મધ્યતઃ ।
બુધાષ્ટમીકથા પુણ્યા શ્રોતવ્યા કૃતિભિર્ધ્રુવમ્

પુરે પાટલિપુત્રાખ્યે વીરો નામ દ્વિજોત્તમઃ ।
રમ્ભા ભાર્યા તસ્ય ચાસીત્કૌશિકઃ પુત્ર ઉત્તમઃ

દુહિતા વિજયાનામ્ની વ (ધ) નપાલો વૃષો ઽભવત્ ।
ગૃહીત્વા કૌશિકસ્તં ચ ગ્રીષ્મે ગઙ્ગાં ગતો ઽરમત્

ગોપાલકૈર્વૃષશ્ચૌરૈઃ ક્રીડાસ્થોપહૃતો બલાત્ ।
ગઙ્ગાતઃ સ ચ ઉત્થાય વનં બભ્રામ દુઃ ખિતઃ

જલાર્થં વિજયા ચાગાદ્ભ્રા(ન્મા) ત્રા સાર્ધં ચ સાપ્યગાત્ ।
પિપાસિતો મૃણાલાર્થો આગતો ઽથ સરોવરમ્

દિવ્યસ્ત્રીણાં ચ પૂજાદીન્દૃષ્ટ્વા ચાપ્યથ વિસ્મિતઃ ।
સ તા ગત્વા યયાચે ઽન્નં સાનુજો ઽહં બુભુક્ષિતઃ

સ્ત્રિયો ઽબ્રુવન્વ્રતં કર્તું દાસ્યામશ્ચ કુરુ વ્રતમ્ ।
પત્ન્યર્થં ધનપાના (લાર્) થં પૂજયામાસતુર્બુધમ્

પુટદ્વયં ગૃહીત્વાન્નં બુભુજાતે પ્રદત્તકમ્ ।
સ્ત્રિયો ગતાસ્તૌ ધનદૌ ધનપાનમપશ્યતામ્

ચૌરૈર્દત્તં ગૃહીત્વાથ પ્રદોષે પ્રાપ્તવાન્ ગૃહમ્ ।
વીરં ચ દુઃ ખિતં નત્વા રાત્રૌ સુપ્તો યથાસુખમ્

કન્યાં ચ યુવતીં દૃષ્ટ્વા કસ્મૈ દેયા સુતા મયા ।
યમાયેત્યબ્રવીદ્દુઃ ખાત્સાચારાદ્વ્રતસત્ફલાત્

સ્વર્ગં ગતૌ ચ પિતરૌ વ્રતં રાજ્યાય કૌ શિકઃ ।
ચક્રે ઽયોધ્યામહારાજ્યં દત્ત્વા ચ ભગિનીં યમે

યમો ઽપિ વિજયામાહ ગૃહસ્થા ભવ મે પુરે ।
નોદ્ધાટયાન્યત્રગતે યમે સા ન તથાકરોત્ ।
અપશ્યન્માતરં સ્વાં સા પાશયાતનયા સ્થિતામ્

અથોદ્વિગ્ના કોશિકોક્તં જ્ઞાત્વા મુક્તિપ્રદં વ્રતમ્ ।
ચક્રે ચ સા તતો મુક્તા માતા તસ્માચ્ચરેદ્વ્રતમ્

વ્તપુણ્યપ્રભાવેણ સ્વર્ગં ગત્વાવસત્સુખમ્