ગરુડ પુરાણ · અધ્યાય 1.127

શ્રીગરુડમહાપુરાણમ્- 127
બ્રહ્મોવાચ ।
માઘમાસે શુક્લપક્ષે સૂર્યર્ક્ષેણ યુતા પુરા ।
એકાદશી તથા ચૈકા ભીમેન સમુપોષિતા

આશ્ચર્ય તુ વ્રતં કૃત્વા પિતૄણામનૃણો ઽભવત્ ।
ભીમદ્વાદશી વિખ્યાતા પ્રાણિનાં પુણ્યવર્ધિની

નક્ષત્રેણ વિનાપ્યેષા બ્રહ્મહત્યાદિ નાશયેત્ ।
વિનિહન્તિ મહાપાપં કુનૃપો વિષયં યથા

કુપુત્ત્રસ્તુ કુલં યદ્વત્કુભાર્યા ચ પતિં યથા ।
અધર્મં ચ યથા ધર્મઃ કુમન્ત્રી ચ યથા નૃપમ્

અજ્ઞાનેન યથા જ્ઞાનં શૌચમાશૌચકં યથા ।
અશ્રદ્ધયા યથા શ્રદ્ધા સત્યઞ્ચૈવાનૃતૈર્યથા

હિમં યથોષ્ણમાહન્યાદનર્થં ચાર્થસંચયઃ ।
યથા પ્રકર્તિનાદ્દાનં તપો વૈ વિસ્મયાદ્યથા

અશિક્ષયા યથા પુત્રો ગાવો દૂરગતૈર્યથા ।
ક્રોધેન ચ યથા શાન્તિર્યથા વિત્તમવદ્ધનાત્

જ્ઞાનેનૈયથા વિદ્યા નિષ્કામેન યથા ફલમ્ ।
તથૈવ પાપનાશાય પ્રોક્તેયં દ્વાદશી શુભા

બ્રહ્મહત્યા સુરા પાન સ્તેયં ગુર્વઙ્ગનાગમઃ ।
યુગપત્તુપ્રજાતાનિહન્તિ ત્રિપુષ્કરમ્

ન ચાપિ નૈમિષં ક્ષેત્રં કુરુક્ષેત્રં પ્રભાસકમ્ ।
કાલિન્દી યમુના ગઙ્ગા ન ચૈવ ન સરસ્વતી

ચૈવ સર્વતીર્થાનિ એકાદશ્યાઃ સમાનિ હિ ।
ન દાનં ન જપો હોમો ન ચાન્યત્સુકૃતં ક્રચિત્

એકતઃ પૃથિવીદાનમેકતો હરિવાસરઃ ।
તતો ઽપ્યેકા મહાપુણ્યા ઇયમેકાદશી વરા

અસ્મિન્વરાહપુરુષં કૃત્વા દેવં તુ હાટકમ્ ।
ઘટોપરિ નવે પાત્રે કૃત્વા વૈ તામ્રભાજને

સર્વબીજભૃતે વિપ્રાઃ સિતવસ્ત્રાવગણ્ઠિતે ।
સહિરણ્યપ્રદીપાદ્યૈઃ કૃત્વા પૂજાં પ્રયત્નનઃ

વરાહાય નમઃ પાદૌ ક્રોડાકૃતયે નમઃ કટિમ્ ।
નાભિં ગંભીરઘોષયા ઉરઃ શ્રીવત્સધારિણે

બાહું સહસ્રશિરસે ગ્રીવાં સર્વેશ્વરાય ચ ।
મુખં સર્વાત્મને પૂજ્યં લલાટં પ્રભવાય ચ

કેશાઃ શતમયૂખાય પૂજ્યા દેવસ્ય ચક્રિણઃ ।
વિધિના પૂજયિત્વા તુ કૃત્વા જાગરણં નિશિ

શ્રુત્વા પુરાણં દેવસ્ય માહાત્મ્યપ્રતિપાદકમ્ ।
પ્રાતર્વિપ્રાય દત્ત્વા ચ યાચકાય શુભાય તત્

કનકક્રોડસહિતં સન્નિવેદ્ય પરિચ્છદમ્ ।
પશ્ચાત્તુ પારણં કુર્યાન્નાતિતૃપ્તઃ સકૃદ્વ્રતઃ

એવં કૃત્વા નરો વિદ્યાન્ન ભૂય સ્તનપો ભવેત્ ।
ઉપોષ્યૈકાદશીં પુણ્યાં મુચ્યતે વૈ ઋણત્રયાત્ ।
મનો ઽભિલષિતાવાપ્તિઃ કૃત્વા સર્વવ્રતાદિકમ્