ગરુડ પુરાણ · અધ્યાય 1.128

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે એકાદશીમાહાત્મ્યં નામ સપ્તવિંશત્યુત્તરશતતમો ઽધ્યાયઃ
શ્રીગરુડમહાપુરાણમ્- 128
બ્રહ્મોવાચ ।
વ્રતાનિ વ્યાસ વક્ષ્યામિ યૈસ્તુષ્ટઃ સર્વદો હરિઃ ।
શાસ્ત્રોદિતો હિ નિયમો વ્રતં તચ્ચ તપો મતમ્

નિયમાસ્તુ વિશેષાઃ સ્યુઃ વ્રતસ્યાસ્ય દમાદયઃ ।
નિત્યં ત્રિષવણં સ્નાયાદધઃ શયી જિતેન્દ્રિયઃ

સ્ત્રીશૂદ્રપતિતાનાં તુ વર્જયેદભિભાષણમ્ ।
પવિત્રાણિ ચ પઞ્ચૈવ જુહુયાચ્ચૈવ શક્તિતઃ

કૃચ્છ્રાણ્યેતાનિ સર્વાણિ ચરેત્સુકૃતવાન્નરઃ ।
કેશાનાં રક્ષણાર્થં તુ દ્વિગુણં વ્રતમાચરેત્

કાંસ્યં માષં મસૂરં ચચણકં કોરદૂષકમ્ ।
શાકં મધુ પરાન્નં ચ વર્જયેદુપવાસવાન્

પુષ્પાલઙ્કારવસ્ત્રાણિ ધૂપગન્ધાનુલેપનમ્ ।
ઉપવાસેન દુષ્યેત્તુ દન્તધાવનમઞ્જનમ્

દન્તકાષ્ઠં પઞ્ચગવ્યં કૃત્વા પ્રાતર્વ્રતં ચરેત્ ।
અસકૃજ્જલપાનાચ્ચ તામ્બૂલસ્ય ચ ભક્ષણાત્

ઉપવાસઃ પ્રદુષ્યેત દિવાસ્વપ્ના ક્ષમૈથુનાત્ ।
ક્ષમા સત્યં દયા દાનં શૌચમિન્દ્રિયનિગ્રહઃ

દેવપૂજાગ્નિહવને સન્તોષોસ્તેયમેવ ચ ।
સર્વવ્રતેષ્વયં ધર્મઃ સામાન્યો દશધાસ્મૃતઃ

નક્ષત્રદર્શનાન્નક્તમનક્તં નિશિ ભોજનમ્ ।
ગોમૂત્રં ચ પલ દદ્યાદર્ધાઙ્ગુષ્ઠં તુ ગોમયમ્

ક્ષીરં સપ્તપલં દદ્યાદ્દધ્નશ્ચૈવ પલત્રયમ્ ।
ઘૃતમેકફલં દદ્યાત્પલમેકં કુશોદકમ્

ગાયત્ત્ર્યા ચૈવ ગન્ધેતિ આપ્યાયસ્વ દૃ દધિગ્રહઃ ।
તેજો ઽસીતિ ચ દેવસ્ય બ્રહ્મકૂર્ચવ્રતં ચરેત્

અગ્ન્યાધાનં પ્રતિષ્ઠાં તુ યજ્ઞદાનવ્રતાનિ ચ ।
વેદવ્રતવૃષોત્સર્ગચૂડાકરણમેખલાઃ

માઙ્ગલ્યમભિષેકં ચ મલમાસે વિવર્જયત્ ।
દર્શાદ્દર્શસ્ય ચાન્દ્રઃ સ્યાત્ત્રિંશાહોભિસ્તુ સાવનઃ

રવિસંક્રમણાત્સૌરો નાક્ષત્રઃ સપ્તવિંશતિઃ ।
સૌરો માસો વિવાહાય યજ્ઞાદૌ સાવનસ્થિતિઃ

યુગ્માગ્નિયુગભૂતાનિ ષણ્મુન્યોર્વસુરન્ધ્રયોઃ ।
રુદ્રેણ દ્વાદશી યુક્તા ચતુર્દશ્યાથ પૂર્ણિમા

પ્રતિપદ્યપ્યમાવાસ્યા તિથ્યોર્મસ્યં મહાફલમ્ ।
એતદ્વ્યસ્તં મહાઘોરં હન્તિ પુણ્યં પુરા કૃતમ્

પ્રારબ્ધતપસા સ્ત્રીણાં રજો હન્યાદ્વ્રતં ન હિ ।
અન્યૈર્દાનાદિકં કુર્યાત્કાયિકં સ્વયમેવ ચ

ક્રોધાત્પ્રમાદાલ્લોભાદ્વા વ્રતભઙ્ગો ભવેદ્યદિ ।
દિનત્રયં ન ભુઞ્જીત શિરસો મુણ્ડનં ભવેત્

અસામર્થ્યે શરીરસ્ય પુત્રાદીન્કારયેદ્વ્રતમ્ ।
વ્રતસ્થં મૂર્છિતં વિપ્રં જલાદીન્યનુપાયયેત્