ગરુડ પુરાણ · અધ્યાય 1.124

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ભીષ્મપઞ્ચકાદિવ્રતં નામ ત્રયોવિંશત્યુત્તરશતતમો ઽધ્યાયઃ
શ્રીગરુડમહાપુરાણમ્- 124
બ્રહ્મોવાચ ।
શિવરાત્રિવ્રતં વક્ષ્યે કથાં વૈ સર્વકામદામ્ ।
યથા ચ ગૌરી ભૂતેશં પૃચ્છતિ સ્મ પરં વ્રતમ્

ઈશ્વરૌવાચ ।
માઘફાલ્ગુનયોર્મધ્યે કૃષ્ણા યા તુ ચતુર્દશી ।
તસ્યાં જાગરણાદ્રુદ્રઃ પૂજિતો ભુક્તિમુક્તિદઃ

કામયુક્તો હરઃ પૂજ્યો દ્વાદશ્યામિ કેશવઃ ।
ઉપોષિતૈઃ પૂજિતઃ સન્નરકાત્તરયત્તથા

નિષાદશ્ચર્બુદે રાજા પાપી સુન્દરસેનકઃ ।
સ કુક્રુરૈઃ સમાયુક્તો મૃગાન્હન્તું વનં ગતઃ

મૃગાદિ કમસંપ્રાપ્ય ક્ષુત્પિપાસાર્દિતો ગિરૌ ।
રાત્રૌ તડાગતીરેષુ નિકુઞ્જે જાગ્રદાસ્થિતઃ

તત્રાસ્તિ લિઙ્ગં સ્વં રક્ષઞ્છરીરં ચાક્ષિપત્તતઃ ।
પર્ણાનિ ચાપતન્મૂર્ધ્નિ લિઙ્ગસ્યૈવ ન જાનતઃ

તેન ધૂલિનિરોધાય ક્ષિપ્તં નીરં ચ લિઙ્ગકે ।
શરઃ પ્રમાદેનૈકસ્તુ પ્રચ્યુતઃ કરપલ્લવાત્

જાનુભ્યામવનીં ગત્વા લિઙ્ગં સ્પ્ટષ્ટ્વા ગૃહીતવાન્ ।
એવં સ્નાનં સ્પર્શનં ચ પૂજનં જાગરો ઽભવત્

પ્રાતર્ગૃહાગતો ભાર્યાદત્તાન્નં ભુક્તવાન્સ ચ ।
કાલે મૃતો યમભટૈઃ પાશૈર્બદ્ધ્વા તુ નીયતે

તદા મમ ગણૈર્યુદ્ધે જિત્વા મુક્તીકૃતઃ સ ચ ।
કુક્કુરેણ સહૈવાભૂદ્ગણો મત્પાર્શ્વગો ઽમલઃ

એવમજ્ઞાનતઃ પુણ્યઞ્જ્ઞાનાત્પુણ્યમથાક્ષયમ્ ।
ત્રયોદશ્યાં શિવં પૂજ્ય કુર્યાત્ત નિયમં વ્રતી

પ્રાતર્દેવ ! ચતુર્દશ્યાં જાગરિષ્યામ્યહં નિશિ ।
પૂજાં દાનં તપો હોમં કરિષ્યામ્યાત્મશક્તિતઃ

ચતુર્દશ્યાં નિરાહારો ભૂત્વા શમ્ભો પરે ઽહનિ ।
ભોક્ષ્યે ઽહં ભુક્તિમુક્ત્યર્થં શરણં મે ભવેશ્વર

પઞ્ચગવ્યામૃતૈઃ સ્નાપ્ય તત્કાલે ગુરું શ્રિતઃ ।
ઓં નમો નમઃ શિવાય ગન્ધાદ્યઃ પૂજયેદ્ધરમ્

તિલતણ્ડુલવ્રીહીંશ્ચ જુહુયાત્સઘૃતં ચરુમ્ ।
હુત્વા પૂર્ણાહુતિં દત્ત્વા શૃણુયાદ્ગીતસત્કથામ્

અર્ધરાત્રે ત્રિયામે ચ ચતુર્થે ચ પુનયર્જત્ ।
મૂલમન્ત્રં તથા જપ્ત્વા પ્રભાતે તુ ક્ષમાપયેત્

અવિઘ્નેન વ્રતં દેવ ! ત્વત્પ્રસદાન્મયાર્ચિતમ્ ।
ક્ષમસ્વ જગતાં નાથ ! ત્રૈલોક્યાધિપતે હર !

યન્મયાદ્ય કૃતં પુણ્યં યદ્રુદ્રસ્ય નિવેદિતમ્ ।
ત્વત્પ્રસાદાન્મયા દેવ ! વ્રતમદ્ય સમાપિતમ્

પ્રસન્નો ભવ મે શ્રીમન્ ગૃહં પ્રતિ ચ ગમ્યતામ્ ।
ત્વદાલોકનમાત્રેણ પવિત્રો ઽસ્મિ ન સંશયઃ

ભોજયેદ્ધ્યાનનિષ્ઠાંશ્ચ વસ્ત્રચ્છત્રાદિકં દદેત્ ।
દેવાદિદેવ ભૂતેશ લોકાનુગ્રહકારક

યન્મયા શ્રદ્ધયા દત્તં પ્રીયતાં તેન મે પ્રભુઃ ।
ઇતિ ક્ષમાપ્ય ચ વ્રતી કુર્યાદ્વાદશવાર્ષિકમ્

કીર્તિશ્રીપુત્રરાજ્યાદિ પ્રાપ્ય શૈવં પુરં વ્રજેત્ ।
દ્વાદશેષ્વપિ માસેષુ પ્રકુર્યાદિહ જાગરમ્

વ્રતી દ્વાદશ સંભોજ્ય દીપદઃ સ્વર્ગમાપ્નુયાત્