દ્વાવિંશત્યવદાનકથા · અધ્યાય 7

ઇતિ દ્વાવિંશત્યવદાનકથાયાં જીર્ણોદ્ધારણબિમ્બકથા ષષ્ટમઃ પરિચ્છેદઃ ॥
વિઇ. સ્નાનકથા
અથાનન્તર મૈત્રેયો ભગવન્તમ્ ઉવાચ સઃ ।
ચૈત્યાનાં બુદ્ધબિમ્બાનાં સ્નાનાનાં કથ્યતાં ફલમ્

ભગવાન્ આહ ॥
અજિત શૃણુ મૈત્રેય સ્નાનસ્ય ફલમ્ ઉત્તમમ્ ।
ચૈત્યાઞાં બુદ્ધબિમ્બાનાં વક્ષ્યે લોકાર્થહેતવે

નાનાગન્ધૈઃ સુગન્ધૈઃ સ્નપયતિ સુગતં પુષ્પધૂપાઙ્ગરાગૈર્
યો વા પૂજં કરોતિ પ્રમુદિતમનસા શ્રવ્યવાદિત્રશબ્દૈઃ ।
મન્દાકિન્યાં વિજૃમ્ભત્કનકમયસરોજસ્ય કિઞ્જલ્કરેણુ-
વ્યાપ્તાયાં સ્નાતિ સો ઽન્તે સકલકલિમલક્ષાલિતો યાન્તિ મોક્ષમ્

દિવ્યસ્ત્રીપીનતુઙ્ગસ્તનજઘનઘનાઘાતવિક્ષોભિતાયાં
જૃમ્ભજ્જામ્બૂનદાબ્જચ્યુતસુરભિરસોદ્ગારગન્ધં ક્ષિપત્યામ્ ।
મન્દાકિન્યાં સુરૌઘાઃ પ્રતિદિનમ્ ઉદકક્રીડયા યદ્ રમન્તે
નાનાગન્ધોદકેન સ્નપનફલમ્ ઇદં બુદ્ધભટ્ટારકસ્ય

એવં મૈત્રેય મહાનુશંસા તથાગતેષુ કૃતપુણ્યાનિ સ્વલ્પમ્ અપિ બહુ ફલમ્ ॥
અથ તસ્મિન્ સમયે ભગવાન્ સર્વસભાશ્રિતલોકાનાં કાઙ્ક્ષાચ્છેદનાર્થમ્ ઊર્ણાકોશાદ્ ભ્રૂવિવરાન્તરાદ્ દિવ્યાં પ્રભામ્ ઉત્સસર્જ । તયા પ્રભયા ત્રિસાહસ્રલોકધાતુમ્ અવભાસ્ય યાવદ્ ભવાગ્રપર્યન્તમ્ અવભાસયતિ સ્મ ॥
તત્રૈકપ્રદેશે ધર્મકોશવતીમહાનગર્યાં ધર્મમતિર્ નામ શ્રેષ્ઠી પ્રતિવસતિ સ્મ ॥ સ ચ મહાધનો મહાભોગો વિસ્તીર્ણપરિવારો ધનધાન્યસંપન્નો ગૃહક્ષેત્ર-ઉદ્યાનદાસદાસીપ્રેષકજનસંપન્નઃ । તતસ્ તયા પ્રભયા સર્વાવન્તં ગૃહં બાહ્યાભ્યન્તરમ્ અવભાસિતમ્ । તતસ્ તયા પ્રભયા તસ્ય શરીરં સ્પૃષ્ટ્વા, પ્રહ્લાદિતમના ઃ કથયતિ ॥
અહો કસ્ય પ્રભાવ એષ ન ભૂતો ન ભવિષ્યતિ, હેતુભૂતં કં પૃચ્છેયમ્ ॥ ઇત્ય્ ઉક્ત્વા તૂષ્ણીમ્ અભૂત્ ॥
તતો ભગવતો રશ્મિજાલપ્રભયા ગાથામ્ અભાષત ॥
પ્રભાવવિષયે હ્ય્ એષ બુદ્ધસ્ય ચ જગદ્ગુરોઃ ।
તસ્માત્ સર્વપ્રયત્નેન બુદ્ધે ભક્તિક્રિયાં કુરુ

બુદ્ધં તેન વિજાનાહિ સત્ત્વાનાં મોક્ષદાયકમ્ ।
ભવામ્ભોધિનિમગ્નાનાં ક્લેશજાલવિમોચકમ્

શરણમ્ અનાથબૂતાનાં રોગશોકવિનાશનમ્ ।
તારણં સર્વસત્ત્વાનાં સંસારદુઃખસાગરાત્

ઇત્ય્ ઉક્ત્વાન્તર્હિતો ઽભૂત્ ॥ અથ સ ધર્મમતિઃ શ્રેષ્ઠી બુદ્ધે ભગવતિ પ્રસન્નપ્રમોદ્યજાતેન પૂજાપુરઃસરેણ પુષ્પધૂપાદિના પૂજાર્ઘં દત્ત્વા પુષ્પાઞ્જલિં ભગવતે પ્રક્ષિપ્તવાન્ ॥ તતો બુદ્ધાનુભાવેન સર્વપુષ્પાણિ પુષ્પમણ્ડપ ઇવ તસ્થુઃ । ધૂપો ઽભ્રકૂટવત્ સંસ્થિતઃ સિતનીલપીતહરિતારુણચિત્ર ઇવ શિરસિ સમલંકૃતો ઽભૂત્ ॥
અથ સ શ્રેષ્ઠી બુદ્ધે ભગવતિ ચિત્તં પ્રસાદ્ય નમસ્કારં કૃત્વા બુદ્ધમ્ અનુસ્મરન્ સુખેન તિષ્ઠતિ ॥ તતસ્ તસ્ય શ્રેષ્ઠિન અલ્પાયુત્વાત્ કાલં ગત્વા તસ્ય પુણ્યપ્રભાવેન ત્રાયત્રિંશેષુ દેવેષૂપપન્નઃ ॥ તતો દિવ્યસ્ત્રીભિઃ સહ મન્દાકિન્યાં સ્નાત્વા સુખલીલયા તિષ્ઠતિ ॥ તતઃ સ્વપુણ્યવિપાકેન રત્નકૂટાગારે નિષદ્ય સ્વર્ગં સ્વર્ગાદ્ ભ્રમતિ રમિત્વા ક્રીડિત્વા ક્રમતશ્ ચ સ રત્નમતીતિ ખ્યાતવાન્ ॥ તતશ્ ચ શક્રો દેવાનામ્ ઇન્દ્રઃ સુધર્માયાં દેવસભાયાં બુદ્ધસ્ય વર્ણં ભાસન્તં તં દદર્શ ॥
અથ શક્રો દેવેન્દ્રસ્ તં દેવપુત્રં કૂટાગાર _ _ ં સુતપ્તં કુશલમૂલં દૃષ્ટ્વા ચ ગાથયા પ્રત્યભાષત્ ॥
ગાત્રં કેન વિમૃષ્ટકાઞ્ચનનિભં પદ્મોત્પલાભં તવ
ગાત્રશ્રીર્ અતુલા કૃતેયમ્ ઇહ તે દેહાત્ પ્રભા નિઃસૃતા ।
વક્ત્રં કેન વિબુદ્ધપદ્મસદૃશં ચામીકરાભં તવ
બ્રૂહિ ત્વં મમ દેવતે ફલમ્ ઇદં યત્ કર્મજં ભુજ્યતે

રત્નમતિદેવપુત્ર ઉવાચ ॥
સશ્રાવકો નરાદિત્ય આકીર્ણો વરલક્ષણૈઃ ।
તત્ કર્મ કુશલં કૃત્વા રાજતે ઽભ્યધિકં મમ ।
જલજેન્દુવિશુદ્ધાભ ં વદન ં કાન્તદર્શનમ્

શક્રઃ પ્રાહ ॥
અહો ગુણમયં ક્ષેત્રં સર્વદોષવિવર્જિતમ્ ।
યત્ર ન્યસ્તં ત્વયા બીજમ્ ઇષ્ટં સ્વર્ગોપપત્તયે

કો નાર્ચયેત્ પ્રવરકાઞ્ચનરાશિગૌરં
બુદ્ધં વિશુદ્ધકમલાયતચારુનેત્રમ્ ।
યત્રાધિકારજનિતાન્ય્ અમરેષુ તસ્ય
રેજુઃ સુખાનિ ગગણેષ્વ્ ઇવ પૂર્ણચન્દ્રમ્

ધર્મતા ખલુ દેવપુત્રસ્ય અચિરોપપન્નસ્ય ત્રીણિ ચિત્તાન્ય્ ઉત્પદ્યન્તે ॥ કુતશ્ ચ્યુતઃ કુત્રોપપન્નઃ કેન કર્મણેતિ ॥ સ પશ્યતિ મનુષ્યેભ્યશ્ ચ્યુતઃ પ્રણીતેષુ દેવેષુ ત્રાયત્રિંસેષૂપપન્નઃ ભગવતો ઽન્તિકે ચિત્તં પ્રસાદ્યેતિ ॥
અથ તસ્ય દેવપુત્રસ્ય ચેતસ્ય્ એતદ્ અભવત્ ॥ ન મમ પ્રતિરૂપં સ્યાદ્ યદ્ અહં પર્યુષિતપરિવાસો ભગવન્તં દર્શનાયોપસંક્રામયેયમ્ । ઇતિ સ દેવપુત્ર ઃ સર્વાઙ્ગવિરાજિતગાત્રો રત્નચૂડસુગન્ધાદિસંસૃષ્ટદેહ અનેકદેવપુત્રસહસ્રપરિવૃતસ્ તેનૈવ રત્નકૂટાગારેણ સહ ભગવતઃ સકાશમ્ ઉપસંક્રાન્તઃ । તતો ભગવન્તં દિવ્યપુષ્પૈર્ અવકીર્ય ભગવતઃ પુરસ્તાન્ નિષણ્ણો ધર્મશ્રવણાય ॥
અથ ખલુ ભગવાન્ સ દેવપુત્રસ્યાશયાનુશય ં ધાતુ ં પ્રકૃતિં ચ જ્ઞાત્વા ચતુરાર્યસત્યપ્રતિવેધિકી ં ધર્મદેશના ં કૃતવાન્ ॥ યાં શ્રુત્વા તસ્ય દેવપુત્રસ્ય વિંશતિશિખરસમુદ્ગત ં સત્કાયદૃષ્ટિશૈલં જ્ઞાનવજ્રેણ ભિત્ત્વા શ્રોતાપત્તિફલં સાક્ષાત્કૃતમ્, સ દૃષ્ટસત્યસ્ ત્રિર્ ઉદાનમ્ ઉદાનયતિ ॥
ઇદમ્ અસ્માકં ભદન્ત ન માત્રા ન દેવતાભિર્ ન રાજ્ઞા નેષ્ટજનબન્ધુવર્ગેણ કૃતમ્ । યદ્ ભગવતા ઉચ્છોષિતા રુધિરાશ્રુસમુદ્રા લઙ્ઘિતા અસ્થિપર્વતા ઃ પિહિતા ન્ય્ અપાયદ્વારાણિ વિવૃતાનિ સ્વર્ગદ્વારાણિ પ્રતિસ્થાપિતા ઃ સ્મો દેવમાનુષ્યેષ્વ્ ઇતિ આહ ચ ॥
તવાનુભાવાત્ પિહિતઃ સુઘોરો હ્ય્ અપાયમાર્ગો બહુદોષયુક્તઃ ।
અપાવૃતા સ્વર્ગગતિઃ સુપુણ્યા નિર્વાણમાર્ગશ્ ચ મયોપલબ્દઃ

ત્વદાશ્રયાચ્ ચાપ્તમ્ અપેતદોષં મયાદ્ય શુદ્ધં સુવિશુદ્ધચક્ષુઃ ।
પ્રાપ્તં ચ શાન્તં પદમ્ આર્યકાન્તં તીર્ણશ્ ચ દુઃખાર્ણવપારમ્ અસ્મિ

નરવરેન્દ્ર નરામરપૂજિત વિગતજન્મજરામરણામય ।
ભવસહસ્રસુદુર્લભદર્શન સ ફલમ્ અદ્ય મુને તવ દર્શનમ્

અથ સ દેવપુત્રો ભગવતશ્ ચરણયોઃ પ્રણિપત્ય સંજાતહર્સઃ સુરલોકાભિમુખં દિવં જગામ ॥
અથ સ દેવપુત્રો વણિગ્ ઇવ લબ્ધલાભઃ સસ્યસંપન્ન ઇવ કર્ષકઃ શૂર ઇવ જિતસંગ્રામઃ સર્વરોગપરિમુક્ત ઇવાતુરો યયા વિભૂત્યા ભગવત્સકાશમ્ આગતસ્ તયૈવ વિભૂત્યા સ્વભવનં ગતઃ ॥
યં દૃષ્ટ્વા સંદિગ્ધમનસો ભિક્ષવો ભગવન્તં પપ્રચ્છુઃ । કાનિ કર્માણિ કૃતાન્ય્ ઉપચિતાનિ સા દેવપુત્રસ્યેદૃશી વિભૂતિર્ આસિત્ ॥ અવરકેણ કુશલમૂલેન સમન્વાગતઃ સ દેવપુત્ર ઇતિ ॥
અથ ભગવાન્ ક્ષણં તૂષ્ણીમ્ આસ્થાય સર્વાવન્તં ભિક્ષુગણમ્ આમન્ત્ર્યૈવમ્ આહ ॥ ભિક્ષવો વઃ કિમ્ આશ્ચર્યભૂતં તદ્ધેતું પ્રવક્ષ્યામિ શૃણુત ॥
ઉપ્તે બીજ્[એ] અઙ્કુરઃ સ્યાત્ પૃથિવ્યાં તસ્માદ્ વલ્લી સુપ્રજાતા સુપુષ્પા ।
બહ્વી શાખા બહુપત્ત્રા ફલાદ્યા લોકે તદ્વજ્ જ્ઞેયમ્ એવં પ્રકારાઃ

બીજ ઉપ્તે હિ વરો બીજાઙ્કુરો હિ મહાન્, યથા બીજાઙ્કુરો પૃથિવ્યાઃ, ધરણીતલાલ્ લટા પ્રજાતાન્યશેષાન્ મહાપ્રજાતાનાં, બહુશાખાપત્ત્રા સપુષ્પજાતાત્રાન્તરે ફલપ્રસિદ્ધા સુબહુપ્રકારાત્ ॥
તથા મનુષ્યા વરશ્રેષ્ઠબીજં સુપાત્રક્ષેત્રે પ્રતિરોપયન્તિ ।
તદુભવો વૃક્ષ ન નીચ કશ્ ચિત્ ક્ષયં ન યાન્તિ સતતં ફલન્તિ

તસ્માત્ કસ્ય ચિદ્ ભિક્ષો બીજાઙ્કુરં મહત્તરમ્ ।
સર્વેષાં ચૈવ બીજાનાં પુણ્યબીજં સુબીજકમ્

તત્ કસ્ય હેતોઃ ॥
ભૂતપૂર્વં ભિક્ષવો ઽતીતે ઽ ધ્વન્ય્ અસંખ્યેય કલ્પૈર્ મલ્લા નામ જનપદે કુશિનગરપત્તનવને ભગવતઃ પ્રભૂતરત્નસ્ય તથાગતસ્ય ધાતુસ્તૂપમ્ એકમ્ અસ્તિ । તસ્મિન્ નગરે વિભવવિહીનમહાદીનપરમદરિદ્રઃ શાન્તમતિર્ નામ શ્રેષ્ઠી પ્રતિવસતિ સ્મ ॥ તસ્યાનુજો વિગતમતિર્ નામ, તયોર્ મિલિત્વા તાભ્યામ્ અનેકયત્નેન ધનાર્જનં કૃતં તથાપિ ન સફલમ્ અભૂત્ । તત્ કસ્માદ્ ધેતોઃ પૂર્વકુશલદાનહીનત્વાત્ ॥
તતઃ પ્રભૂતરત્નતથાગતસ્ય શાસને સમુત્પન્નઃ પ્રકૃતિપરિશુદ્ધિર્ નામોપાસકઃ પ્રતિવસ્તિ સ્મ ॥ સ ધર્મચિત્તકઃ કરુણાચિત્તમ્ ઉપસ્થાપ્ય સર્વસત્ત્વેભ્યો નિત્યં ધર્મં દેશયતિ ॥
તદ્યથા ॥
યે કે ચિત્ પશ્ચિમે કાલે સર્ષપફલમાત્રં તથાગતસ્ય શરીરધાતું પૂજયિષ્ય ન્ તિ । તથાગતધાતુસ્તૂપં પૂજયિષ્ય ન્ તિ । તેષાં સર્વકર્મભયો ઽન્તશઃ પૈશુન્યપાપકા અકુશલાન્ દુઃખધર્માન્ ન ક્રમિષ્ય ન્ તિ ॥ યે યે માનવાસ્ તથાગતધાતુસ્તૂપં પ્રદક્ષિણં કુર્વન્તિ પૂજયન્તિ સ્વદોષપરિહારાર્થમ્, તે પ્રમાદાદ્ ગમ્યાગમ્ય પ્રાણિવધાદિદોષવિલયં ભવેયુઃ ॥
શુભાનિ ધર્મઃ પરિશુદ્ધધર્મઃ પૂર્વાણિ પાપાનિ વિશુદ્ધધર્મઃ ।
અહો હિ ધર્મઃ પરમાર્યધર્મઃ પવિત્રધર્મઃ શુભકારિધર્મઃ

અથ સ દરિદ્રપુરુષો બુદ્ધસ્ય ધર્મં શ્રુત્વા પ્રસાદજાતો નિત્યમ્ એવ ધર્મ ં શ્રોતું ગચ્છતીતિ ॥ તદાનુજો વિગતમૈત્ર્ ભ્રાતરં ઉવાચ । ભ્રાત આ કિં તવ મર્યાદં વ્યપહાય કાર્યં ધર્મશ્રુતેન કિમ્, ત્વયા સહ વર્તનં ન સુકરં કર્તુમ્ , પરપ્રેષકો ભૂત્વા વર્તયામીત્ય્ ઉક્ત્વા સ્વગૃહાન્ નિષ્ક્રમ્ય સ્વચ્છન્દેન, અન્યસ્ય પ્રેષકો ઽભૂત્ ॥ અથ સ દરિદ્રો ભ્રાતા વિયોગે સતિ ચિત્તવ્યાકુલીભૂત્વા તથાપિ સ્વયમ્ એવ મન ઃ પ્રશાન્ત્ય ધર્મેષુ ચિન્તાપરો વ્યવસ્થિતઃ ॥ અથૈકસ્મિન્ દિને રક્તકાષાયવસ્ત્રપાત્રધારી ભિક્ષુર્ એકો દ્વારમૂલેષ્વ્ અથિષ્ઠત્ પિણ્ડપાત્રં યાચિતુમ્ ॥ તં દૃષ્ટ્વા શીઘ્રમ્ એવ ગૃહં પ્રવિશ્યાદ્રાક્ષીત્ કિં ચિન્ ન વિદ્યતે । આત્મનાહારાય પરિત્ ત્ આનિ તણ્ડુલાન્ય્ એવ સન્તિ, સ સહસા ગૃહીત્વા તસ્મૈ પ્રાયચ્છત્ ॥
ભિક્ષુર્ અપિ તેન યથા દત્ત ં તથા ગૃહીત્વા તમ્ ઉવાચ ॥
દરિદ્રે ઽપિ ચ પુણ્યાત્મા દરિદ્રે ત્યાગદુર્લભઃ ।
તસ્માત્ પુણ્યાનુભાવેન દારિદ્ર્ ય્ અં તે પ્રણશ્યતુ

ભદ્રં ભવતુ તે ભદ્ર નાશયતુ અભદ્રકમ્ ।
બુદ્ધે ભક્તિપ્રસાદો ઽસ્તુ તેન સ્વર્ગોપપત્તયે

ઇત્ય્ ઉક્ત્વાન્તર્હિતો ઽભૂત્ ॥ અથ તસ્ય દરિદ્રસ્યૈતદ્ અભવત્ ।
કિં કર્તવ્યમ્ ઇદાનીં મે હા ધિગ્ જન્મ ચ જીવિતમ્ ।
વિભવસ્ય વિહીનેન મરણં શોભનં ભવેત્

પુનર્ અપિ તસ્યૈતદ્ અભવત્ ॥ પ્રકૃતિપરિશુદ્ધિનામોપાસકસકાશાદ્ ધર્મ શ્રુતં મે । યે કે ચિત્ પશ્ચિમે કાલે સર્ષપફલમાત્રં તથાગતસ્ય શરીરધાતું પૂજયિષ્યન્તિ, તથાગતસ્ય ધાતુસ્તૂપં પૂજયિષ્યન્તિ, તેષાં પૂર્વકર્માવરણાનિ ક્ષયો ભવિષ્યતીતિ । પાપક્ષયત્વાચ્ ચિત્ત ં પરિશુધ્યતે, ચિત્તપરિશુદ્ધત્વાદ્ ધર્મ પરિશુધ્યતે, ધર્મપરિશુદ્ધત્વાત્ તેનૈવ ફલં લભ્યતે ॥ તથા શ્રુતં મે પરિશુદ્ધધર્મેતિ ॥
અથ તસ્યૈતદ્ અભવત્ । તથા તથાગતં પૂજયેયમ્ ઇતિ સો ઽ પિ નિર્વાણં ગતઃ । તથાપ્ય્ અસ્ય ધાતુસ્તૂપમ્ અસ્તિ તમ્ અહં પૂજયેયમ્ ઇતિ ॥ પુનસ્ તસ્યૈતદ્ અભવત્ ॥
સામગ્ર્યાચ વિહીનેન કિંવિધૈર્ અપિ પૂજયેત્ ।
પુષ્પં ધૂપસ્ તથા ગન્ધં દીપનૈવેદ્યમ્ એવ ચ ।
એતૈર્ વિધિં વિના પૂજા કિં પૂજાફલમ્ આપ્યતે

ઇતિ દરિદ્રઃ સમનુશોચ્ય તિષ્ઠતિ દીનમાનસઃ ॥
અથ તસ્ય ધર્મશ્રુતસ્ય પુણ્યાનુકૂલ પ્રતોદેનેવ પ્રચોદયતિ સ્મ ॥ તસ્ય મનસિ એતદ્ અભવત્ ॥ ન મમ પ્રતિરૂપં સ્યાદ્ યદ્ અહં તથાગતધાતુસ્તૂપ ઉપાસિતવ્ય ઃ પાનીયમાત્રેણ સ્નાનં કર્તવ્યમ્ । ઇતિ મત્વા મૃન્મયઘતં ગૃહીત્વા નદ્યાં તીરે સ્નાત્વા પરિશુદ્ધમાનસો જલમ્ આદાય તસ્મિન્ સ્તૂપે સ્નાપયતિ સ્મ ॥ તતો દિનમાસાત્યાયાદ્ એકસ્મિન્ દિને ચૈત્યબિમ્બસ્નાનાય જલમ્ આદાતું ગચ્છતિ ॥
જલમ્ આદાય તદા ગત્વા સ્નાનં ચાપિ પ્રકલ્પિતમ્ ।
તદા ઘટાત્ પતિતાનિ રત્નાનિ વિવિધાનિ ચ

તતઃ સ શાન્તમતિસ્ તાનિ દૃષ્ટ્વા પ્રસાદજાતો મનસીત્ય્ અભૂત્ ॥
નમસ્કરોમિ સ્તૂપાય ચૈત્યાય ધર્મધાતવે ।
નિર્યાતયામિ રત્નાનિ ચૈત્યાય શુદ્ધચેતસા

તતઃ સ પ્રતિનિવૃત્ય નદ્યાસ્ તીરે પ્રગચ્છતિ ।
દદર્શ સ દરિદ્રેણ રત્નાનિ ચ સમાકુલા

વજ્રવૈડૂર્યમસારમુક્તામણિક્યબાહુલમ્ ।
કર્કેતનેન્દ્રનીલાદિ પુષ્પરાગાદિના તથા ।
નદ્યાઃ પ્રવાહં ક્ષોભિત્વા સસાર સિકતાસ્થલે

બુદ્ધપુણ્યાનુભાવેન દરિદ્રેણાચિરેણ ચ ।
પ્રાપ્યતે રત્નલાભાનિ સ્વપ્નોપમેવ ઈદૃશા

તતઃ સ દરિદ્રસ્ તાનિ સ્વેચ્છયા ગૃહ્ય પુનર્ અપિ । સ્વં ભવનં પ્રતિનિવૃત્ય ચિન્તયન્ન્ ઉવાચ ॥
અહો ગુણમયં ક્ષેત્રં સર્વદોષવિવર્જિતમ્ ।
સેવયા સ્વલ્પમાત્રેણ પ્રાપ્તો ઽહં સફલં પદમ્

તતઃ સ મહાધનો ઽભૂત્ સુષ્કહ્રદો નીરગાસરિત્સમૂહૈર્ ઇતસ્ તતઃ પ્રવેશિત ઇવ પૂર્ણો ઽભૂત્ ॥ તતઃ પ્રભૃતિ રાજ્ઞા રાજામાત્યૈર્ બ્રાહ્મણૈઃ સંમાનિતઃ સાધુભિર્ લોકસંમતો ઽભૂત્ ॥ સાધુ સત્પુરુષ એષ લોકે પ્રખ્યાતઃ ॥
અથ સ શ્રેષ્ઠી ઉલ્લાસિતમના હર્ષસૌમનસ્યજાતો બુદ્ધે ચિત્તં પ્રસાદયામ્ આસ ॥
તતો દિનમાસાત્યયાત્ તસ્યૈતદ્ અભવત્ ॥
અહો બુદ્ધપ્રભાવો હિ અચિન્ત્યસંપદપ્રદઃ ।
ભિક્ષા રાશિષઃ સંપ્રાપ્તા દારિદ્ર્યં દુઃખિતં ગતમ્

અથ સ શ્રેષ્ઠી મહતા સત્કારેણ સ્તૂપેષુ રત્નમય કૂટાગાર ં કૃતમ્ અભૂત્ । નાનાગન્ધોદકેન સ્નાપનં કૃતં ત્રિધા પ્રદક્ષિણીકૃત્ય મૂર્ધ્ના પ્રણિપત્ય સાઞ્જલિં ચ પ્રણિધાનં ચકાર । ભગવન્ મે જન્માન્તરે તથાવિધેન તથાગતેષુ મનઃપ્રસાદઃ સન્ રત્નમયકૂટાગારેણ સહ સ્વર્ગે ત્રાયત્રિંશેષ્વ્ ઉપપત્તિર્ ભવેયમ્ ॥ ઇત્ય્ ઉક્ત્વા નિત્યમ્ એવ તસ્મિન્ સ્તૂપે પર્યુપાસિતઃ ॥
અથ સ શ્રેષ્ઠી સંસારિકે કૃતકરણીયો બુદ્ધે ભગવતિ ચિત્તં પ્રસાદ્ય કાલગતઃ ॥ કાલં ગત્વા ધર્મકોશવતિનગરે ધર્મમતિશ્રેષ્ઠિજન્મ બભૂવ ।
મહાધનો મહાભોગો વિસ્તીર્ણધનધાન્યસંપન્ન ઇહૈવ જન્મનિ મયિ પ્રસાદ્ય ભક્તિતઃ પૂજાં કૃતવાન્ । તત્ સર્વં મમાગ્રે વહન્તિ ।
પ્રાદુર્ભૂતં જલાન્ય્ અગ્રે મુક્તાવલીવ શોભિતા ।
પુષ્પં ચ પુષ્પકૂટેવ ધૂપો ઽભ્રકૂટવત્ સ્થિતઃ