દિવ્યાવદાન · અધ્યાય 31

425.001. <425>તસ્માત્તર્હિ ભિક્ષવો ઽનભિસમિતાનાં ચતુર્ણામાર્યસત્યાનામભિસમયાય, અધિમાત્રં વીર્યં તીવ્રચ્છન્દો વીર્યં શબ્દાપયામિ।
425.002. ઉત્સાહ ઉન્નતિરપ્રતિવાણિઃ।
425.002. સ્મૃત્યા સંપ્રજન્યેન અપ્રમાદતો યોગઃ કરણીયઃ।
425.003. દ્રુતમેષાં ચતુર્ણાં દુઃખસ્યાર્યસત્યસ્ય દુઃખસમુદયસ્ય નિરોધસ્ય નિરોધગામિન્યાઃ પ્રતિપદ આર્યસત્યસ્ય અમીષાં ચતુર્ણામાર્યસત્યાનામનભિસમિતાનામભિસમયાય અધિમાત્રં તીવ્રચ્છન્દો વીર્યં વ્યાયામ ઉત્સાહ ઉન્નતિરપ્રતિવાણિઃ સ્મૃત્યા સંપ્રજન્યેનાપ્રમાદતો યોગઃ કરણીયઃ॥
425.007. અસ્મિંશ્ચ ખલુ પુનર્ધર્મપર્યાયે ભાષ્યમાણે ભિક્ષૂણાં ષષ્ટિમાત્રાણામનુપાદાય આસ્રવેભ્યશ્ચિત્તાઅનિ વિમુક્તાનિ।
425.008. સંબહુલાનાં શ્રાવકાણાં બ્રહ્મણાં ગૃહપતીનાં ચ વિરજસ્કં વિગતમલં ધર્મચક્ષુરુદપાદિ વિશુદ્ધમ્॥
425.010. ઇદમવોચદ્ભગવાન્।
425.010. આત્તમનસસ્તે ભિક્ષવો ભગવતો ભાષિતમભ્યનન્દન્॥
425.011. ઇતિ શ્રીદિવ્યાવદાને શાર્દૂલકર્ણાવદાનમ્॥
********** અવદાન 34 **********
426.001. દિવ્34 દાનાધિકરણમહાયાનસૂત્રમ્।
426.001. એવં મયા શ્રુતમ્।
426.002. એકસ્મિન્ સમયે ભગવાઞ્છ્રાવસ્ત્યાં વિઅહ્રતિ જેતવને ઽનાથપિણ્ડદસ્યારામે મહતા ભિક્ષુસંઘેન સાર્ધમ્।
426.003. તત્ર {ભગવાન્} ભિક્ષૂનામન્ત્રયતે સ્મ--સપ્તગ્ત્રિંશતા ભિક્ષવ આકારૈઃ પણ્ડિતો દાનં દદાતિ।
426.004. કાલે દાનં દદાતિ તથાગતાનુજ્ઞાતમ્।
426.005. કલ્પિતં દાનં દદાતિ ત્રિવસ્તુપરિશુદ્ધમ્।
426.005. સત્કુત્ય દાનં દદાતિ સર્વદોષવિક્ષેપવિગમાર્થમ્।
426.006. સ્વહસ્તેન દાનં દદાત્યસારાત્કાયાત્સારસંગ્રહાર્થમ્।
426.006. સ્કન્ધં દાનં દદાતિ મહાત્યાગભોગવિપાકપ્રતિલાભસંવર્તનીયમ્।
426.007. વર્ણસમ્પન્નં દાનં દદાતિ પ્રાસાદિકવિપાકપ્રતિસંવર્તનીયમ્।
426.007. ગન્ધસમ્પન્નં દાનં દદાતિ ગન્ધવિપાકપ્રતિલાભસંવર્તનીયમ્।
426.008. રસસમ્પન્નં દાનં દદાતિ રસરસાગ્રવ્યઞ્જનવિપાકપ્રતિલાભસંવર્તનીયમ્।
426.009. પ્રણીતં દાનં દદાતિ પ્રણીતભોગવિપાકપ્રતિલાભસંવર્તનીયમ્।
426.010. વિપુલં દાનં દદાતિ વિપુલભોગવિપાકપ્રતિલાભસંવર્તનીયમ્।
426.010. અન્નદાનં દદાતિ ક્ષુત્તર્ષવિચ્છેદવિપાકપ્રતિલાભસંવર્તનીયમ્।
426.011. પાનદાનં દદાતિ સર્વત્ર જાતિષુ તૃડ્વિચ્છેદવિપાકપ્રતિલાભસંવર્તનીયમ્।
426.012. વસ્ત્રદાનં દદાતિ પ્રણીતવસ્ત્રભોગવિપાકપ્રતિલાભસંવર્તનીયમ્।
426.012. પ્રતિશ્રયં દાનં દદાતિ હર્મ્યકૂટાગારપ્રાસાદભવનવિમાનોદ્યાનારામવિશેષવિપાકપ્રતિલાભસંવર્તનીયમ્।
426.014. શય્યાદાનં દદાત્યુચ્ચકુલભોગવિપાકપ્રતિલાભસંવર્તનીયમ્।
426.014. યાનં દાનં દદાતિ ઋદ્ધિપાદવિપાકપ્રતિલાભસંવર્તનીયમ્।
426.015. ભૈષજ્યદાનં દદાતિ અજરામરણવિશોકસંક્લિષ્ટનિરોધનિવાણવિપાકપ્રતિલાભસંવર્તનીયમ્।
426.016. ધર્મદાનં દદાતિ જાતિસ્મરપ્રતિલાભસંવર્તનીયમ્।
426.016. પુષ્પદાનં દદાતિ બોધ્યઙ્ગપુષ્પવિપાકપ્રતિલાભસંવર્તનીયમ્।
426.017. માલ્યદાનં દદાતિ રાગદ્વેષમોહવિશુદ્ધવિપાકપ્રતિલાભસંવર્તનીયમ્।
426.018. ગન્ધદાનં દદાતિ દિવ્યગન્ધસુખોપપત્તિવિપાકપ્રતિલાભસંવર્તનીયમ્।
426.019. ધૂપદાનં દદાતિ સંક્લેશદૌર્ગન્ધપ્રહાણવિપાકપ્રતિલાભસંવર્તનીયમ્।
426.019. છત્રદાનં દદાતિ ધર્મૈશ્વર્યાધિપત્યવિપાકપ્રતિલાભસંવર્તનીયમ્।
426.020. ઘણ્ટાદાનં દદાતિ મનોજ્ઞસ્વરવિપાકપ્રતિલાભસંવર્તનીયમ્।
426.021. વાદ્યદાનં દદાતિ બ્રહ્મસ્વરનિર્ઘોષવિપાકપ્રતિલાભસંવર્તનીયમ્।
426.021. પટ્ટદાનં દદાતિ દેવમનુષ્યાભિષેકપટ્ટબન્ધવિપાકપ્રતિલાભસંવર્તનીયમ્।
426.022. તથાઅગતચૈત્યેષુ તથાગતબિમ્બેષુ ચ સુગન્ધોદકસ્નાનં દાનં દદાતિ દ્વાત્રિંશન્મહાપુરુષલક્ષણાશીત્યનુવ્યઞ્જનવિપાકપ્રતિલાભસંવર્તનીયમ્।
426.023. સૂત્રદાનં દદાતિ સર્વત્ર જાતિષૂત્પસ્યતા ગ્રાહ્યકુલેષૂપપદ્ય સમન્તપ્રાસાદિકવિપાકપ્રતિલાભસંવર્તનીયમ્।
426.025. પઞ્ચસારદાનં દદાતિ સર્વત્ર જાતિષુ મહાબલવિપાકપ્રતિલાભસંવર્તનીયમ્।
426.025. મૈત્ર્યાત્મકદાનં દદાતિ વ્યાપાદપ્રહાણવિપાકપ્રતિલાભસંવર્તનીયમ્।
426.026. કરુણાશ્રિતદાનં દદાતિ મહાસુખવિપાકપ્રતિલાભસંવર્તનીયમ્।
426.027. મુદિતાશ્રિતદાનં દદાતિ સર્વથા મુદિતાનન્દવિપાકપ્રતિલાભસંવર્તનીયમ્।
426.028. ઉપેક્ષાશ્રિતં દાનં દદાતિ અરતિપ્રહાણવિપાકપ્રતિલાભસંવર્તનીયમ્।
426.028. વિચિત્રોપચિત્રં દાનં દદાતિ નાનાબહુવિધવિચિત્રોપભોગવિપાકપ્રતિલાભસંવર્તનીયમ્।
426.029. સર્વાર્થપરિત્યાગં દાનં દદાતિ અનુત્તરસમ્યક્સમ્બોધિવિપાકપ્રતિલાભસંવર્તનીયમ્।
426.030. એભિર્ભિક્ષવઃ સપ્તત્રિંશત્પ્રકારૈઃ પણ્ડિતો દાનં દદાતિ॥
426.031. ઇદમવોચદ્ભગવાન્।
426.031. આત્તમનસસ્તે ભિક્ષવો ભગવતો ભાષિતમભ્યનન્દન્॥
426.032. ઇતિ શ્રીદિવ્યાવદાને દાનાધિકરણમહાયાનસૂત્રં સમાપ્તમ્॥
********** અવદાન 35 **********
427.001. દિવ્35 ચૂડાપક્ષાવદાનમ્ ।
427.002. બુદ્ધો ભગવાઞ્ શ્રાવસ્ત્યાં વિહરતિ સ્મ જેતવને ઽનાથપિણ્ડદસ્યારામે।
427.002. શ્રાવસ્ત્યામન્યતમો બ્રાહ્મણઃ પ્રતિવસતિ।
427.003. તેન સદૃશાત્ કુલાત્ કલત્રમાનીતમ્।
427.003. સ તયા સાર્ધં ક્રીડતિ તમતે પરિચારયતિ।
427.004. તસ્યાપત્યં જાતં જાતં કાલં કરોતિ।
427.004. અથાપરેણ સમયેન તસ્ય પત્ની આપન્નસત્ત્વા।
427.005. સ કરે કપોલં દત્ત્વા ચિન્તાપરો વ્યવસ્થિતઃ।
427.005. તસ્ય નાતિદૂરે વૃદ્ધયુવતિઃ પ્રતિવસતિ।
427.006. તયા દૃષ્ટઃ।
427.006. સા કથયતિ--કસ્માત્ત્વં બ્રાહ્મણ કરે કપોલં દત્વા ચિન્તાપરો વ્યવસ્થિતહ્? સ કથયતિ--મમાપત્યં જાતં જાતં કાલં કરોતિ।
427.007. મમ ચેદાનીં પત્ની આપન્નસત્ત્વા સંવૃત્તા।
427.008. યદપ્યન્યદપત્યં જનયિષ્યતિ, તદપિ કાલં કરિષ્યતિ।
427.008. સ કથયતિ--યદા તવ પત્વ્યાઃ પ્રસવકાલઃ સ્યાત્, તદા માં શબ્દાપયેથા ઇતિ।
427.009. અથાપરેણ સમયેન તસ્ય પત્ન્યાઃ પ્રસવકાલે જાતઃ।
427.010. તેન સા વૃદ્ધયુવતિઃ શબ્દાપિતા।
427.010. તયા સા પ્રસવાપિતા।
427.010. પુત્રો જાતઃ।
427.011. તયા સ દારકઃ સ્નાપયિત્વા શુક્લેન વેષ્ટયિત્વા નવનીતેનાસ્યં પૂરયિત્વા દારિકાયા હસ્તે ઽનુપ્રદત્તઃ।
427.012. સા દારિકોક્તા--ઇમં દારકં ચતુર્મહાપથે ધારય।
427.012. યં કંચિત્ પશ્યસિ બ્રાહ્મણં વા, સ વક્તવ્યહ્--અયં દારકઃ પાદાભિવન્દનં કરોતીતિ।
427.013. અસ્તં ગતે આદિત્યે યદિ જીવતિ, ગૃહીત્વા આગચ્છ।
427.014. અથ કાલં કરોતિ, તત્રૈવારોપયિતવ્યઃ।
427.014. સા તમાદાય ચતુર્મહાપથે ગત્વા સ્થિતા।
427.015. આચરિતં તીર્થ્યાનાં કલ્યમેવોત્થાય તીર્થોપસ્પર્શનાય ગચ્છન્તિ।
427.016. સા દારિકા સગૌરવા સપ્રતીશા પાદભિવન્દનં કૃત્વા કથયતિ--અયં દારક આર્યાણાં પાદાભિવન્દનં કરોતિ।
427.017. તે કથયન્તિ--ચિરં જીવ, દીર્ઘમાયુઃ પાલયતુ, માતાપિત્રોર્મનોરથં પૂરયતુ।

427.018. સ્થવિરસ્થ્વિરા ભિક્ષવઃ પૂર્વાહ્ણકાલસમયે નિવાસ્ય પાત્રચીવરમાદાય શ્રાવસ્ત્યાં પિણ્ડાય પ્રવિશન્તિ।
427.019. સા દારિકા સગૌરવા સપ્રતીશા પાદાભિવન્દનં કૃત્વા કથયતિ--અયં દારક આર્યાણાં પાદાભિવન્દનં કરોતીતિ।
427.020. સ્થવિરાઃ કથયન્તિ--સુચિરં જીવતુ, દીર્ઘમાયુઃ પાલયતુ, માતાપિત્રોમનોરથં પૂરયતુ।
427.021. ભગવાન્ પૂર્વાહ્ણે નિવાસ્ય પાત્રચીવરમાદાય શ્રાવસ્તીં પિણ્ડાય પ્રવિશતિ સ્મ।
427.022. સા દારિકા સગૌરવા સપ્રતીશા પાદાભિવન્દનં કૃત્વા કથયતિ--ભગવાન્, અયં દારકો ભગવતઃ પાદાભિવન્દનં કરોતીતિ।
427.023. ભગવાનાહ--ચિરં જીવતુ, દીર્ઘમાયુઃ પાલયતુ, માતાપિત્રોમનોરથં પૂરયતુ।
427.024. વિકાલીભૂતે પશ્યતિ--યાવજ્જીવતિ।
427.025. સા તં ગૃહીત્વા ગૃહમાગતા।
427.025. સા તૈઃ પૃષ્ટા--જીવતિ દારકહ્? સા કથયતિ--જીવતિ।
427.026. તે કથયન્તિ--કુત્ર ધારિતહ્? અસ્મિન્ મહાપથે।
427.026. તે કથયન્તિ--કિં ભવતુ દારકસ્ય નામ? અયં દારકો મહાપથે ધારિતઃ।
427.027. ભવતુ દારક્સ્ય મહાપન્થક ઇતિ નામ।
427.027. મહાપન્થકો દારક ઉન્નીતો વર્ધિતો મહાન્ સંવૃત્તઃ।
427.028. સ યદા મહાન્ સંવૃત્તસ્તદા લિપ્યામુપન્યસ્તઃ, સંખ્યાયાં ગણનાયાં મુદ્રાયાં બ્રાહ્મણિકાયામીર્યાયાં શૌચે સમુદાચારે ભસ્મગ્રહે ઔત્કરે ભોસ્કારે ઋગ્વેદે યજુર્વેદે સામવેદે ઽથર્વવેદે યજને યાજને ઽધ્યયને ઽધ્યાપને દાને પ્રતિગ્રહે।
427.030. ષટ્કર્મનિરતો બ્રાહ્મણઃ સંવૃત્તઃ।
427.031. સ પઞ્ચશતગણં બ્રાહ્મણકર્મ ઓં વાચયિતુમારબ્ધઃ।
427.031. તસ્ય ભૂયઃ ક્રીડતો રમતઃ પરિચારયતઃ પત્ની આપન્નસત્ત્વા સંવૃત્તા।
427.032. તસ્યાઃ પ્રસવકાલો જાતઃ।
427.032. તેન સા વૃદ્ધયુવતિહ્<428> શબ્દાપિતા।
428.001. તયા પ્રસવિતા।
428.001. તસ્યાઃ પુત્રો જાતઃ।
428.001. તયા સ દારકઃ સ્નાપયિત્વા શુક્લેન વસ્ત્રેણ વેષ્ટયિત્વા નવનીતેનાસ્યં પૂરયિત્વા દારિકાયા હસ્તે દત્તઃ।
428.002. સા દારિકોક્તા--ઇમં ત્વં દારકં ચતુર્મહાપથે ધારય।
428.003. યદિ કંચિત્પશ્યસિ શ્રમણં બ્રાહ્મણં વા, સ વક્તવ્યહ્--અયં દારક આર્યસ્ય પાદાભિવન્દનં કરોતિ।
428.004. અસ્તં ગત આદિત્યે યદિ જીવતિ, ગૃહીત્વા આગચ્છ।
428.005. અથ કાલં કરોતિ, તત્રૈવારોપયિત્વા આગચ્છ।
428.005. સા દારિકા અલસજાતીયા તં દારકમાદાય પન્થલિકાયાં સ્થિતા।
428.006. આચરિતં તીર્થ્યાનાં કલ્યમેવોત્થાય તીર્થોપસ્પર્શકા ગચ્છન્તિ।
428.006. સા દારિકા સગૌરવા સપ્રતીશા પાદભિવન્દનં કૃત્વા કથયતિ--આર્ય, અયં દરક આર્યાણાં પાદાભિવન્દનં કરોતિ।
428.008. તે કથયન્તિ--ચિરં જીવતુ, દીર્ઘમાયુઃ પાલયતુ, માતાપિત્રોમનોરથં પૂરયતુ।
428.009. સા તં વિકાલીભૂતે પશ્યતિ--યાવજ્જીવતિ।
428.009. સા તં ગૃહીત્વા ગૃહમાગતા।
428.009. સા તૈઃ પૃષ્ટા--જીવતિ દારકહ્? સા કથયતિ--જીવતીતિ।
428.010. તે કથયન્તિ--કુત્ર ત્વયૈષ ધારિતહ્? સા કથયતિ--અમુષ્યાં પન્થલિકાયામ્।
428.011. તે કથયન્તિ--કિં ભવતુ દારકસ્ય નામ? અયં દારકઃ પન્થલિકાયાં ધારિતઃ।
428.012. ભવતુ દારકસ્ય નામધેયં પન્થક ઇતિ।
428.012. પન્થકો દારક ઉન્નીતો વર્ધિતો મહાન્ સંવૃત્તિઃ।
428.013. સ યદા મહાન્ સંવૃત્તસ્તદા લિપ્યમુપન્યસ્તઃ।
428.013. તસ્ય સીત્યુક્તે ધમિતિ વિસ્મરતિ।
428.014. અથ તસ્યાચાર્યઃ કથયતિ--બ્રાહ્મણ, મયા પ્રભૂતદારકાઃ પાઠયિતવ્યાઃ।
428.015. ન શક્ષ્યામ્યહં પન્થકં પાઠયિતુમ્।
428.015. મહાપન્થકસ્યાલ્પમુચ્યતે પ્રભૂતં ગૃહ્ણાતિ, અસ્ય તુ પન્થકસ્ય સીત્યુક્તે ધમિતિ વિસ્મરતિ।
428.016. બ્રાહ્મણઃ સંલક્ષયતિ--સર્વે બ્રાહ્મણા લિપ્યક્ષરકુશલા ભવન્તિ, વેદબ્રાહ્મણ એષ ભવિષ્યતિ।
428.017. સ તેનાધ્યાપકસ્ય વેદં પાઠયિતું સમર્પિતઃ।
428.017. તસ્ય ઓમિત્યુક્તે ભૂરિતિ વિસ્મરતિ, ભૂરિત્યુક્ત ઓમિતિ વિસ્મરતિ।
428.018. અધ્યાપકઃ કથયતિ--પ્રભૂતા માણવકાઃ પાઠયિતવ્યા મયા।
428.019. ન શક્યામ્યહં પન્થકં પાઠયિતુમ્।
428.019. અસ્ય ઓમિત્યુક્તે ભૂરિતિ વિસ્મરતિ, ભૂરિત્યુક્ત ઓમિતિ વિસ્મરતિ।
428.020. બ્રાહ્મણઃ સંલક્ષયતિ--ન સર્વે બ્રાહ્મણા વેદપારગા ભવન્તિ।
428.021. જાતિબ્રાહ્મણ એવાયં ભવિષ્યતીતિ।
428.021. સ યત્ર ક્વચિન્નિમન્ત્રિતકો ગચ્છતિ, તમેવ પન્થકમાદાય ગચ્છતિ।
428.022. અથ તેન સમયેન સ બ્રાહ્મણો ગ્લાનીભૂતઃ।
428.022. સ મૂલગણ્ડપત્રફલભૈષજ્યૈરુપસ્થીયમાનો હીયત એવ।
428.023. સ તેન મહાપન્થક ઉક્તહ્--પુત્ર, ત્વં મમાત્યયાદશોચ્યો ઽસિ।
428.024. અપિ તુ ત્વયા પન્થકસ્ય યોગોદ્વહનં કર્તવ્યમિતિ।
428.024. ઇત્યુક્ત્વા--
428.025. સર્વે ક્ષયાન્તા નિચયાઃ પતનાન્તાઃ સમુચ્છ્રયાઃ।
428.026. સમ્યોગા વિપ્રયોગાન્તા મરણાન્તં ચ જીવિતમ્