દિવ્યાવદાન · અધ્યાય 3

033.009. ભૂતપૂર્વં ભિક્ષવો ઽસ્મિન્નેવ ભદ્રકલ્પે વિંશતિવર્ષસહસ્રાયુષિ પ્રજાયાં કાશ્યપો નામ સમ્યક્સમ્બુદ્ધો લોક ઉદપાદિ વિદ્યાચરણસમ્પન્નઃ સુગતો લોકવિદનુત્તરઃ પુરુષદમ્યસારથિઃ શાસ્તા દેવાનાં મનુષ્યાણાં ચ।
033.011. બુદ્ધો ભગવાન્ વારાણસીં નગરીમુપનિશ્રિત્ય વિહરતિ।
033.012. તસ્યાયં શાસને પ્રવ્રજિતઃ।
033.012. ત્રિપિટકસંઘસ્ય ચ ધર્મવૈયાવૃત્યં કરોતિ।
033.012. યાવદન્યતમસ્યાર્હત ઉપધિવારઃ પ્રાપ્તઃ।
033.013. સ વિહારં સંમર્ષ્ટુમારબ્ધઃ।
033.013. વાયુનેતશ્ચામુતશ્ચ સંકારો નીયતે।
033.013. સ સંલક્ષયતિ--તિષ્ઠતુ તાવદ્ યાવદ્વાયુરુપશમં ગચ્છતીતિ।
033.014. વૈયાવૃત્યકરેણાસંમૃષ્ટો વિહારો દૃષ્ટઃ।
033.015. તેન તીવ્રેણ પર્યવસ્થાનેન ખરવાક્કર્મ નિશ્ચારિતમ્--કસ્ય દાસીપુત્રસ્યોપધિવાર ઇતિ।
033.015. તેન અર્હતા શ્રુતમ્।
033.015. સ સંલક્ષયતિ--પર્યવસ્થિતો ઽયમ્।
033.016. તિષ્ઠતુ તાવત્।
033.016. પશ્ચાત્ સંજ્ઞાપયિષ્યામીતિ।
033.017. યદા અસ્ય પર્યવસ્થાનં વિગતં તદા તસ્ય સકાશમુપસંક્રમ્ય કથયતિ--જાનીષે ત્વં કો ઽહમિતિ? સ કથયતિ--જાને ત્વં કાશ્યપસ્ય સમ્યક્સમ્બુદ્ધસ્ય શાસને પ્રવ્રજિતો ઽહમપીતિ।
033.018. સ કથયતિ--યદ્યપ્યેવં તથાપિ તુ યન્મયા પ્રવ્રજ્ય ચરણીયં તત્કૃતમહં સકલબન્ધનાબદ્ધઃ।
033.019. ખરં તે વાક્કર્મ નિશ્ચારિતમ્।
033.020. અત્યયમત્યયતો દેશય।
033.020. અપ્યેવૈતત્કર્મ તનુત્વં પરિક્ષયં પર્યાદાનં ગચ્છેદિતિ।
033.021. તેનાત્યયમત્યયતો દેશિતમ્।
033.021. યત્તેન નરક ઉપપદ્ય દાસીપુત્રેણ ભવિતવ્યમ્, તન્નરકે નોપપન્નઃ।
033.022. પઞ્ચ તુ જન્મશતાનિ દાસ્યાઃ કુક્ષૌ ઉપપન્નઃ।
033.022. યાવદેતર્હ્યપિ ચરમે ભવે દાસ્યા એવ કુક્ષૌ ઉપપન્નઃ।
033.023. યત્ સંઘસ્યોપસ્થાનં કૃતમ્, તેનાઢ્યે મહાધને મહાભોગે કુલે જાતઃ।
033.024. યત્તત્ર પઠિતં સ્વાધ્યાયિતં સ્કન્ધકૌશલં ચ કૃતમ્, તેન મમ શાસને પ્રવ્રજ્ય સર્વક્લેશપ્રહાણાદર્હત્ત્વં સાક્ષાત્કૃતમ્।
033.025. ઇતિ હિ ભિક્ષવ એકાન્તકૃષ્ણાનાં કર્મણામેકાન્તકૃષ્ણો વિપાકઃ, એકાન્તશુક્લાનાં કર્મણામેકાન્તશુક્લો વિપાકઃ, વ્યતિમિશ્રાણાં વ્યતિમિશ્રઃ।
033.027. તસ્માત્ તર્હિ ભિક્ષવ એકાન્તકૃષ્ણાનિ કર્માણ્યપાસ્ય વ્યતિમિશ્રાણિ ચ, એકાન્તશુક્લેષ્વેવ કર્મસ્વાભોગઃ કરણીયઃ।
033.028. ઇત્યેવં વો ભિક્ષવઃ શિક્ષિતવ્યમ્॥
033.029. ઇદમવોચદ્ભગવાન્।
033.029. આત્તમનસસ્તે ભિક્ષવો ભગવતો ભાષિતમભ્યનન્દન્નિતિ॥
033.030. ઇતિ શ્રીદિવ્યાવદાને પૂર્ણાવદાનં દ્વિતીયમ્॥
********** અવદાન 3 **********
034.001. દિવ્3 મૈત્રેયાવદાનમ્।
034.002. યદા રાજ્ઞા ભાગધેન અજાતશત્રુણા વૈદેહીપુત્રેણ નૌક્રમો માતાપિત્રોર્માપિતસ્તદા વૈશાલકૈર્લિચ્છવિભિર્ભગવતો ઽર્થે નૌક્રમો માપિતઃ।
034.003. નાગાઃ સંલક્ષયન્તિ--વયં વિનિપતિતશરીરા યન્નુ વયં ફણસંક્રમેણ ભગવન્તં નદી{દીમ્} ગઙ્ગામુત્તારયેમ ઇતિ।
034.004. તૈઃ ફણસંક્રમો માપિતઃ।
034.005. તત્ર ભગવાન્ ભિક્ષૂનામન્ત્રયતે સ્મ--રાજગૃહાત્ શ્રાવસ્તીં ગન્તુમ્ યો યુષ્માકં ભિક્ષવ ઉત્સહતે રાજ્ઞો માગધસ્યાજાતશત્રોર્વૈદેહીપુત્રસ્ય નૌસંક્રમેણ નદીગઙ્ગામુત્તર્તુમ્, સ તેન તરતુ, યો વા ભિક્ષવો વૈશાલકાનાં લિચ્છવીનાં નૌસંક્રમેણ, સો ઽપિ તેનોત્તરરુ।
034.007. અહમપિ આયુષ્મતા આનન્દેન ભિક્ષુણા સાર્ધં નાગાનાં ફણસંક્રમેણ નદીં ગઙ્ગામુત્તરિષ્યામિ।
034.008. તત્ર કેચિત્ રાજ્ઞો માગધસ્યાજાતશત્રોર્વૈદેહીપુત્રસ્ય નૌસંક્રમેણોત્તીર્ણાઃ, કેચિત્ વૈશાલિકાનાં લિચ્છવીનાં નૌસંક્રમેણ।
034.010. ભગવાનપિ આયુષ્મતા આનન્દેન સાર્ધં નાગાનાં ફણસંક્રમેણોત્તીર્ણઃ।
034.010. અથાન્યતમોપાસકસ્તસ્યાં વેલાયાં ગાથાં ભાષતે--
034.012. યે તરન્ત્યર્ણવં સરઃ સેતું કૃત્વા વિસૃજ્ય પલ્વલાનિ।
034.013. કોલં હિ જનાઃ પ્રબન્ધિતા ઉત્તીર્ણા મેધાવિનો જનાઃ

034.014. ઉત્તીર્ણો ભગવાન્ બુદ્ધો બ્રાહ્મણસ્તિષ્ઠતિ સ્થલે।
034.015. ભિક્ષવો ઽત્ર પરિસ્નાન્તિ કોલં બધ્નન્તિ શ્રાવકાઃ

034.016. કિં કુર્યાદુદપાનેન આપશ્ચેત્ સર્વતો યદિ।
034.017. છિત્ત્વેહ મૂલં તૃષ્ણાયાઃ કસ્ય પર્યેષણાં ચરેત્

ઇતિ॥
034.018. અદ્રાક્ષીદ્ભગવાનન્યતમસ્મિન્ ભૂભાગે ઉન્નતોન્નતં પૃથિવીપ્રદેશમ્।
034.018. દૃષ્ટ્વા ચ પુનરાયુષ્મન્તમામન્ત્રયતે--ઇચ્છસિ ત્વમાનન્દ યો ઽસૌ યૂય ઊર્ધ્વં વ્યામસહસ્રં તિર્યક્ ષોડશપ્રવેધો નાનારત્નવિચિત્રો વિતઃ, તં દ્રષ્ટુમ્? એતસ્ય ભગવન્ કાલઃ, એતસ્ય સુગતસમયઃ, યો ઽયં ભગવાન્ યૂપમુચ્છ્રાપયેત્, ભિક્ષવઃ પશ્યેયુઃ।
034.022. તતો ભગવતા ચક્રસ્વતિકનન્દ્યાવર્તેન જાલાવનદ્ધેનાનેકપુણ્યશતનિર્જાતેન ભીતાનામાશ્વાસનકરેણ પૃથિવી પરામૃષ્ટા।
034.024. નાગાઃ સંલક્ષયન્તિ--કિમર્થં ભગવતા પૃથિવી પરામૃષ્ટેતિ? યાવત્ પશ્યન્તિ યૂયં દ્રષ્ટુકામાઃ।
034.024. તતસ્તૈરુચ્છ્રાપિતઃ।
034.024. ભિક્ષવો યૂપં દ્રષ્ટુમારબ્ધાઃ।
034.025. આયુષ્માનપિ ભદ્દાલી અલ્પોત્સુકઃ પાંસુકૂલં સીવ્યતિ।
034.025. તત્ર ભગવાન્ ભિક્ષૂનામન્ત્રયતે સ્મ--આરોહપરિણાહં નિમિત્તં ભિક્ષવો યૂપસ્ય ગૃહ્ણીત, અન્તર્ધાસ્યતીતિ।
034.026. અન્તર્હિતઃ।
034.027. ભિક્ષવો બુદ્ધં ભગવન્તં પપ્રચ્છુહ્--પશ્ય ભદન્ત ભિક્ષવો યૂપં પશ્યન્તિ।
034.027. આયુષ્માનપિ ભદ્દાલી અલ્પોત્સુકઃ પાંસુકૂલં સીવ્યતિ।
034.028. કિં તાવત્ વીતરરાગત્વાદાહોસ્વિત્ પર્યુપાસિતપૂર્વત્વાત્? તદ્યદિ તાવદ્ વીતરાગત્વાત્, સન્ત્યન્યે ઽપિ વીતરાગાઃ।
034.029. અથ પર્યુપાસિતપૂર્વત્વાત્? કુત્ર કેન પર્યુપાસિતમિતિ।
034.030. ભગવાનાહ--અપિ ભિક્ષવો વીતરાગત્વાદપિ પર્યુપાસિતપૂર્વત્વાત્।
034.030. કુત્રાનેન પર્યુપાસિતમ્?
035.001. <35>ભૂતપૂર્વં ભિક્ષવો રાજાભૂત પ્રણાદો નામ શક્રસ્ય દેવેન્દ્રસ્ય વયસ્યકઃ।
035.001. સો ઽપુત્રઃ પુત્રાભિનન્દી કરે કપોલં દત્ત્વા ચિન્તાપરો વ્યવસ્થિતહ્--અનેકધનસમુદિતો ઽહમપુત્રશ્ચ।
035.002. મમાત્યયાદ્ રાજવંશસમુચ્છેદો ભવિષ્યતીતિ।
035.003. તતઃ શક્રેણ દૃષ્ટઃ પૃષ્ટશ્ચ--માર્ષ, કસ્માત્ ત્વં કરે કપોલં દત્ત્વા ચિન્તાપરસ્તિષ્ઠસીતિ? સ કથયતિ--કૌશિલ, અનેકધનસમુદિતો ઽહમપુત્રશ્ચ।
035.005. મમાત્યયાદ્ રાજવંશસ્યોચ્છેદો ભવિષ્યતિ।
035.005. શક્રઃ કથયતિ--માર્ષ, મા ત્વં ચિન્તાપરસ્તિષ્ઠ।
035.006. યદિ કશ્ચિત્ ચ્યવનધર્મા દેવપુત્રો ભવિષ્યતિ, તત્તે પુત્રત્વે સમાદાપયિષ્યામીતિ।
035.007. ધર્મતા ખલુ ચ્યવનધર્મણો દેવપુત્રસ્ય પઞ્ચ પૂર્વનિમિત્તાનિ પ્રાદુર્ભવન્તિ--અક્લિષ્ટાનિ વાસાંસિ સંક્લિશ્યન્તિ, અમ્લાનાનિ માલ્યાનિ મ્લાયન્તે, દૌર્ગન્ધં મુખાન્નિશ્ચરતિ, ઉભાભ્યાં કક્ષાભ્યાં સ્વેદઃ પ્રઘરતિ, સ્વે ચાસને ધૃતિં ન લભતે।
035.009. યાવદન્યતમસ્ય દેવપુત્રસ્ય પઞ્ચ પૂર્વનિમિત્તાનિ પ્રાદુર્ભૂતાનિ।
035.010. સ શક્રેણ દેવેન્દ્રેણોક્તહ્--માર્ષ, પ્રણાદસ્ય રાજ્ઞો ઽગ્રામહિષ્યાઃ કુક્ષૌ પ્રતિસંધિં ગૃહાણેતિ।
035.011. સ કથયતિ--પ્રમાદસ્થાનં કૌશિકમ્।
035.011. બહુકિલ્બિષ્કારિણો હિ કૌશિક રાજાનઃ।
035.012. મા અધર્મેણ રાજ્યં કૃત્વા નરકપરાયણો ભવિષ્યામીતિ।
035.012. શક્રઃ કથયતિ--માર્ષ, અહં તે સ્મારયિષ્યામિ।
035.013. પ્રમત્તાઃ કૌશલિક દેવા રતિબહુલાઃ।
035.013. એવમેતન્માર્ષ।
035.013. તથાપિ ત્વહં ભવન્તં સ્મારયામિ।
035.014. તેન પ્રણાદસ્ય રાજ્ઞો ઽગ્રમહિષ્યાઃ કુક્ષૌ પ્રતિસંધિર્ગૃહીતા।
035.014. યસ્મિન્નેવ દિવસે પ્રતિસંધિર્ગૃહીતા, તસ્મિન્ દિવસે મહાજનકાયેન પ્રણાદો મુક્તઃ।
035.015. સા અષ્ટાનાં વા નવાનાં વા માસાનામત્યયાત્ પ્રસૂતા।
035.016. દારકો જાતો ઽભિરૂપો દર્શનીયઃ પ્રાસાદિકો ગૌરઃ કનકવર્ણશ્છત્રાકારશિરાઃ પ્રલમ્બબાહુર્વિસ્તીર્ણલલાટઃ સંગતભ્રૂસ્તુઙ્ગનાસઃ।
035.017. તસ્ય જ્ઞાતયઃ સંગમ્ય સમાગમ્ય નામધેયં વ્યવસ્થાપયન્તિ--કિં ભવતુ દારકસ્ય નામેતિ।
035.018. જ્ઞાતય ઊચુહ્--યસ્મિન્નેવ દિવસે ઽયં દારકો માતુઃ કુક્ષિમવક્રાન્તઃ, તસ્મિન્નેવ દિવસે મહાજનકાયેન નાદો મુક્તઃ।
035.019. યસ્મિન્નેવ દિવસે જાતસ્તસ્મિન્નેવ દિવસે મહાજનકાયેન નાદો મુક્તઃ।
035.020. તસ્માત્ ભવતુ દારકસ્ય મહાપ્રણાદ ઇતિ નામ।
035.021. તસ્ય મહાપ્રણાદ ઇતિ નામધેયં વ્યવસ્થાપિતમ્।
035.021. મહાપ્રણાદો દારકો ઽષ્ટાભ્યો ધાત્રીભ્યો ઽનુપ્રદત્તો દ્વાભ્યાંસંધાત્રીભ્યાં દ્વાઘ્યાં મલધાત્રીભ્યાં દ્વાભ્યાં ક્ષીરધાત્રીભ્યાં દ્વાભ્યાં ક્રીડનિકાભ્યામ્।
035.023. સો ઽષ્ટાભિર્ધાત્રીભિરુન્નીયતે વર્ધ્યતે ક્ષીરેણ દધ્ના નવનીતેન સર્ણ્પિષા સર્પિમણ્ડેનાન્યૈશ્ચોત્તપ્તોત્તપ્તૈરુપકરણવિશેષૈઃ।
035.024. આશુ વર્ધતે હ્રદસ્થામિવ પઙ્કજમ્।
035.024. યદા મહાન્ સંવૃત્તસ્તદા લિપ્યામુપન્યસ્તઃ।
035.025. સંખ્યાયાં ગણનાયાં મુદ્રાયામુદ્ધારે ન્યાસે નિક્ષેપે વસ્તુપરીક્ષાયાં દારુપરીક્ષાયાં રત્નપરીક્ષાયાં હસ્તિપરીક્ષાયામશ્વપરીક્ષાયાં કુમારપરીક્ષાયાં કુમારીપરીક્ષાયામ્।
035.026. સો ઽષ્ટાસુ પરીક્ષાસૂદ્ઘટ્ટકો વાચકઃ પટુપ્રચારઃ પણ્ડિતઃ સંવૃત્તઃ।
035.027. સ યાનિ તાનિ રાઅજ્ઞાં ક્ષત્રિયાણાં મૂર્ધ્નાભિષિક્તાનાં જનપદૈશ્વર્યસ્થામવીર્યમનુપ્રાપ્તાનાં મહાન્તં પૃથિવીમણ્ડલમભિનિર્જિત્યાધ્યાસતાં પૃથગ્ ભવન્તિ શિલ્પસ્થાનકર્મસ્થાનાનિ, તદ્યથા--હસ્તિશિક્ષાયામશ્વપૃષ્ઠે રથે શરે ધનુષિ પ્રયાણે નિર્યાણે ઽઙ્કુશગ્રહે પાશગ્રહે તોમરગ્રહે યષ્ટિબન્ધે પદબન્ધે શિખાબન્ધે દૂરવેધે મર્મવેધે ઽક્ષુણ્ણવેધે દૃઢપ્રહારિતાયાં પઞ્ચસુ સ્થાનેષુ કૃતાવી સંવૃત્તઃ॥
035.032. ધર્મતા ખલુ ન તાવત્ પુત્રસ્ય નામ પ્રજ્ઞાયતે યાવત્ તાતો જીવતિ।
035.032. અપરેણ સમયેન <36>પ્રણાદો રાજા કાલગતઃ।
036.001. મહાપ્રણાદો રાજ્યે પ્રતિષ્ઠિતઃ।
036.001. સ યાવત્તાવદ્ ધર્મેણ રાજ્યં કારયિત્વા અધર્મેણ કારયિતું પ્રવૃત્તઃ।
036.002. તતઃ શક્રેણ દેવેન્દ્રેણોક્તહ્--માર્ષ, મયા ત્વં પ્રણાદસ્ય રાજ્ઞઃ સમાદાપિતઃ।
036.003. મા અધર્મેણ રાજ્યં કારય, મા નરકપરાયણો ભવિષ્યસીતિ।
036.004. સ યાવત્તાવદ્ ધર્મેણ રાજ્યં કારયિત્વા પુનરપિ અધર્મેણ રાજ્યં કારયિતું પ્રવૃત્તઃ।
036.004. દ્વિરપિ શક્રેણોક્તહ્--માર્ષ, મયા ત્વં પ્રણાદસ્ય રાજ્ઞઃ પુત્રત્વે સમાદાપિતઃ।
036.005. મા અધર્મેણ રાજ્યં કારય, મા નરકપરાયણો ભવિષ્યસીતિ।
036.006. સ કથયતિ--કૌશિક, વયં રાજાનઃ પ્રમત્તા ઇતિ રતિબહુલાઃ ક્ષણાદ્ વિસ્મરામઃ।
036.007. કિંચિત્ત્વમસ્માકં ચિહ્નં સ્થાપય, યં દૃષ્ટ્વા દાનાનિ દાસ્યામઃ, પુણ્યાનિ કારયિષ્યામ ઇતિ।
036.008. ન ચ શક્યતે વિના નિમિત્તેન પુણ્યં કર્તુમ્।
036.008. તતઃ શક્રેણ દેવેન્દ્રેણ વિશ્વકર્મણો દેવપુત્રસ્યાજ્ઞા દત્તા--ગચ્છ ત્વં વિશ્વકર્મન્ રાજ્ઞો મહાપ્રણાદસ્ય નિવેશને।
036.009. દિવ્યં મણ્ડલવાટં નિર્મિણુ, યૂપં ચોચ્છ્રાપય।
036.010. ઊર્ધ્વં વ્યામસહસ્રેણ તિર્યક્ ષોડશપ્રવેધં નાનારત્નવિચિત્રં સર્વસૌવર્ણમિતિ।
036.011. તતો વિશ્વકર્મણા દેવપુત્રેણ મહાપ્રણાદસ્ય રાજ્ઞો નિવેશને દિવ્યો મણ્ડલવાટો નિર્મિતો યૂપશ્ચોચ્છ્રિતઃ।
036.012. ઊર્ધ્વં વ્યામસહસ્રં નાનારત્નવિચિત્રો દિવ્યઃ સર્વસૌવર્ણઃ।
036.012. તતો મહાપ્રણાદેન રાજ્ઞા દાનશાલા માપિતા।
036.013. તસ્ય માતુલો ઽશોકો નામ યૂપસ્ય પરિચારકો વ્યવસ્થિતઃ।

036.014. તતો યૂપદર્શનોદ્યુક્તઃ સર્વ એવ જમ્બુદ્વીપનિવાસી જનકાય આગત્ય ભુક્ત્વા યૂપં પશ્યતિ, સ્વકર્માનુષ્ઠાનં ન કરોતિ।
036.015. તતઃ કૃષિકર્માન્તાઃ સમુચ્છિન્નાઃ।
036.015. રાજ્ઞઃ કરપ્રત્યાયા નોત્તિષ્ઠન્તે।
036.016. અમાત્યૈઃ સ્તોકાઃ કરપ્રત્યાયા ઉપનીતાઃ।
036.016. મહાપ્રણાદો રાજા પૃચ્છતિ--ભવન્તઃ, કસ્માત્ સ્તોકાઃ કરપ્રત્યાયા ઉપનીતાહ્? દેવ, જમ્બુદ્વીપનિવાસી જનકાય આગત્ય ભુક્ત્વા યૂપં પશ્યતિ, સ્વકર્માનુષ્ઠાનં ન કરોતિ।
036.018. કૃષિકર્માન્તાઃ સમુચ્છિન્નાઃ।
036.018. રાજ્ઞઃ કરપ્રત્યાયા નોત્તિષ્ઠન્ત ઇતિ।
036.019. રાજા કથયતિ--સમુચ્છિદ્યતાં દાનશાલેતિ।
036.019. તૈઃ સમુચ્છિન્ના।
036.019. તતો ઽપ્યસૌ જનકાયઃ સ્વપથ્યદનમાદાય ભુક્ત્વા યૂપં નિરીક્ષમાણસ્તિષ્ઠતિ, સ્વકર્માનુષ્ઠાનં ન કરોતિ।
036.021. કૃષિકર્માન્તાઃ સમુચ્છિન્નાઃ।
036.021. તથાપિ કરપ્રત્યાયા નોત્તિષ્ઠન્તે।
036.021. રાજા પૃચ્છતિ--ભવન્તઃ, દાનશલાઃ સમુચ્છિન્નાઃ।
036.022. ઇદાનીં કરપ્રત્યાયા નોત્તિષ્ઠન્ત ઇતિ।
036.022. અમાત્યાઃ કથયન્તિ--દેવ, જનકાયઃ સ્વપથ્યદનમાદાય ભુક્ત્વા યૂપં નીરીક્ષમાણસ્તિષ્ઠતિ, સ્વકર્માનુષ્ઠાનં ન કરોતિ।
036.023. કૃષિકર્માન્તાઃ સમુચ્છિન્નાઃ, યતઃ કરપ્રત્યાયા નોત્તિષ્ઠન્તે।
036.024. તતો રાજ્ઞા મહાપ્રણાદેન દાનાનિ દત્ત્વા પુણ્યાનિ કૃત્વા સ યૂપો નદ્યાં ગઙ્ગાયામાપ્લાવિતઃ।
036.025. કિં મન્યધ્વે ભિક્ષવો યો ઽસૌ માપ્રણાદસ્યાશોકો નામ માતુલઃ, એષ એવાસૌ ભદ્દાલી ભિક્ષુઃ।
036.026. તત્રાનેન પર્યુપાસિતપૂર્વઃ॥
036.027. કુત્ર ભદન્ત અસૌ યૂપો વિલયં ગમિષ્યતિ? ભવિષ્યન્તિ ભિક્ષવો ઽનાગતે ઽધ્વનિ અશીતિવર્ષસહસ્રાયુષો મનુષ્યાઃ।
036.028. અશીતિવર્ષસહસ્રાયુષાં મનુષ્યાણાં શઙ્ખો નામ રાજા ભવિષ્યતિ સમ્યમની ચક્રવર્તી ચતુરન્તવિજેતા ધાર્મિકો ધર્મરાજા સપ્તરત્નસમન્વાગતઃ।
036.029. તસ્યેમાન્યેવં રૂપાણિ સપ્ત રત્નાનિ ભવિષ્યન્તિ।
036.030. તદ્યથા--ચક્રરત્નં હસ્તિરત્નમશ્વરત્નં મણિરત્નં સ્ત્રીરત્નં ગૃહપતિરત્નં પરિણાયકરત્નમેવ સપ્તમમ્।
036.031. પૂર્ણં ચાસ્ય ભવિષ્યતિ સહસ્રં પુત્રાણાં શૂરાણાં વીરાણાં વરાઙ્ગરૂપિણાં પરસૈન્યપ્રમર્દકાનામ્।
036.032. સ ઇમામેવ સમુદ્રપર્યન્તાં પૃથિવીમખિલામકણટકામનુત્પીડામદણ્ડેનાશસ્રેણ ધર્મેણ <37>સમયેન અભિનિર્જિત્યાધ્યાવસિષ્યતિ।
037.001. શઙ્ખસ્ય રાજ્ઞો બ્રહ્માયુર્ નામ બ્રાહ્મણઃ પુરોહિતો ભવિષ્યતિ।
037.002. તસ્ય બ્રહ્મવતી નામ પત્ની ભવિષ્યતિ।
037.002. સા મૈત્રેયાંશેન સ્ફુરિત્વા પુત્રં જનયિષ્યતિ મૈત્રેયં નામ।
037.003. બ્રહ્માયુર્માણવો ઽશીતિમાણવકશતાનિ બ્રાહ્મણકાન્ મન્ત્રાન્ વાચયિષ્યતિ।
037.003. સ તાન્ માણવકાન્ મૈત્રેયાય અનુપ્રદાસ્યતિ।
037.004. મૈત્રેયો માણવો ઽશીતિમાણવકસહસ્રાણિ બ્રાહ્મણકાન્ મન્ત્રાન્ વાચયિષ્યતિ।
037.005. અથ ચત્વારો મહારાજાશ્ચતુર્મહાનિધિસ્થાહ્--
037.006. પિઙ્ગલશ્ચ કલિઙ્ગેષુ મિથિલાયાં ચ પાણ્ડુકઃ।
037.007. એલાપત્રશ્ચ ગાન્ધારે શઙ્ખો વારાણસીપુરે