ધર્મસૂત્ર · અધ્યાય 24

રહસ્યં પ્રાયશ્ચિત્તમ્ અવિખ્યાતદોષસ્ય ।

ચતુરૃચં તરત્સમન્દીત્ય્ અપ્સુ જપેદ્ અપ્રતિગ્રાહ્યંપ્રતિજિઘૃક્ષન્ પ્રતિગૃહ્ય વા ।

અભોજ્યં બુભુક્ષમાણઃ પૃથિવીમ્ આવપેત્ ।

ઋત્વન્તરારમણ ઉદકોપસ્પર્શનાચ્ છુદ્ધિમ્ એકે ।

સ્ત્રીષુ ।

પયોવ્રતો વા દશરાત્રં ઘૃતેન દ્વિતીયમ્ અદ્ભિસ્તૃતીયં દિવાદિષ્વ્ એકભક્તિકો જલક્લિન્નવાસા લોમાનિ નખાનિ ત્વચમ્માંસં શોણિતં સ્નાય્વસ્થિ મજ્જાનમ્ ઇતિ હોમા આત્મનો મુખે મૃત્યોર્ આસ્યેજુહોમીત્ય્ અન્તતઃ સર્વેષાં પ્રાયશ્ચિત્તં ભ્રૂણહત્યાયાઃ ।

અથાન્યત્ ।

ઉક્તો નિયમઃ ।

અગ્ને ત્વં પારયેતિ (ર્વ્ 1,189.2) મહાવ્યાહૃતિભિર્જુહુયાત્ કૂષ્માણ્ડૈશ્ ચાજ્યમ્ ।

તદ્વ્રત એવ વા બ્રહ્મહત્યાસુરાપાનસ્તેયગુરુતલ્પેષુપ્રાણાયામૈસ્ તાન્તો ઽઘમર્ષણં જપન્ સમમ્ અશ્વમેધાવભૃથેનેદંચ પ્રાયશ્ચિત્તમ્ ।

સાવિત્રીં વા સહસ્રકૃત્વ આવર્તયન્ પુનીતેહૈવાત્માનમ્ ।

અન્તર્જલે વાઘમર્ષણં ત્રિર્ આવર્તયન્સર્વપાપેભ્યો વિમુચ્યતે ।