ધર્મસૂત્ર · અધ્યાય 25

તદ્ આહુઃ કતિધાવકીર્ણી પ્રવિશતીતિ ।

મરુતઃ પ્રાણેનેન્દ્રે બલેન બૃહસ્પતિંબ્રહ્મવર્ચસેનાગ્નિમ્ એવેતરેણ સર્વેણેતિ ।

સો ઽમાવાસ્યાયાં નિશ્ય્ અગ્નિમ્ ઉપસમાધાયપ્રાયશ્ચિત્તાજ્યાહુતીર્ જુહોતિ ।

કામાવકીર્ણો ઽસ્મ્ય્ અવકીર્ણો ઽસ્મિ કામકામાયસ્વાહા । કામાભિદુગ્ધો ઽસ્મિ અભિદુગ્ધો ઽસ્મિ કામકામાય સ્વાહેતિસમિધમ્ આધાય અનુપર્યુક્ષ્ય યજ્ઞવાસ્તુ કૃત્વોપોત્થાયસમાસિઞ્ચતુ ઇત્ય્ એતયા ત્રિર્ ઉપતિષ્ઠેત ।

ત્રય ઇમે લોકા એષાં લોકાનામ્ અભિજિત્યા અભિક્રાન્ત્યાઇતિ ।

એતદ્ એવૈકેષામ્ કર્માધિકૃત્ય યો ઽપ્રયત ઇવ સ્યાત્ સૈત્થં જુહુયાદ્ ઇત્થમ્ અનુમન્ત્રયેત વરો દક્ષિણેતિ પ્રાયશ્ચિત્તમવિશેષાત્ ।

અનાર્જવપૈશુનપ્રતિષિદ્ધાચારાનાદ્યપ્રાશનેષુ શૂદ્રાયાં ચ રેતઃ સિક્ત્વા(સિચ્) અયોનૌ(યોનિ) ચ દોષવતિ ચ કર્મણ્ય્ અપિસંધિપૂર્વે ઽબ્લિઙ્ગાભિર્ અપ ઉપસ્પૃશેદ્ વારુણીભિર્ અન્યૈર્ વાપવિત્રૈઃ ।

પ્રતિષિદ્ધવાઙ્મનસાપચારે વ્યાહૃતયઃ પઞ્ચસત્યાન્તાઃ ।

સર્વાસ્વ્ અપો વાચામેદ્ અહશ્ ચ માદિત્યાશ્ ચ પુનાતુઇતિ પ્રાતા રાત્રિશ્ ચ મા વરુણશ્ ચ પુનાત્વ્ ઇતિ સાયમ્ ।

અષ્ટો વા સમિધ આદધ્યાદ્ દેવકૃતસ્યેતિ હુત્વાએવ સર્વસ્માદ્ એનસો મુચ્યતે ।