ધર્મસૂત્ર · અધ્યાય 23
સુરાપસ્ય બ્રાહ્મણસ્યોષ્ણામ્ આસિઞ્ચેયુઃ સુરામ્ આસ્યેમૃતઃ શુધ્યેત્ ।
અમત્યા પાને પયો ઘૃતમ્ ઉદકં વાયું પ્રતિત્ર્યહંતપ્તાનિ સ કૃચ્છ્રસ્ તતો ઽસ્ય સંસ્કારઃ ।
મૂત્રપુરીષરેતસાં ચ પ્રાશને ।
શ્વાપદોષ્ટ્રખરાણાં ચાઙ્ગસ્ય ।
ગ્રામ્યકુક્કુટસૂકરયોશ્ ચ ।
ગન્ધાઘ્રાણે સુરાપસ્ય પ્રાણાયામા ઘૃતપ્રાશનં ચ ।
પૂર્વૈશ્ ચ દષ્ટસ્ય ।
તપ્તે લોહશયને ગુરુતલ્પગઃ શયીત ।
સૂર્મીં વા શ્લિષ્યેજ્જ્વલન્તીમ્ ।
લિઙ્ગં વા સવૃષણમ્ ઉત્કૃત્ય અઞ્જલાવ્ આધાયદક્ષિણાપ્રતીચીં વ્રજેદ્ અજિહ્મમ્ આ શરીરનિપાતાત્ ।
મૃતઃ શુધ્યેત્ ।
સખીસયોનિસગોત્રાશિષ્યભાર્યાસુ સુનુષાયાં ગવિ ચગુરુતલ્પસમઃ ।
અવકર ઇત્ય્ એકે ।
શ્વભિર્ આદયેદ્ રાજા નિહીનવર્ણગમને સ્ત્રિયંપ્રકાશમ્ ।
પુમાંસં ઘાતયેત્(હન્) ।
યથોક્તં વા ।
ગર્દભેનાવકીર્ણી નિરૃતિં ચતુષ્પથે યજેત્ ।
તસ્યાજિનમ્ ઊર્ધ્વબાલં પરિધાય લોહિતપત્રઃ સપ્તગૃહાન્ ભક્ષં ચરેત્કર્માચક્ષાણઃ ।
સંવત્સરેણ શુધ્યેત્ ।
રેતઃસ્કન્દને ભયે રોગે સ્વપ્ને ઽગ્નીન્ધનભૈક્ષચરણાનિ સપ્તરાત્રમ્ અકૃત્વાજ્યહોમઃ સમિધો વારેતસ્યાભ્યામ્ ।
સૂર્યાભ્યુદિતો બ્રહ્મચારી તિષ્ઠેદ્(સ્થા) અહરભુઞ્જાનો ઽભ્યસ્તમિતશ્ ચ રાત્રિં જપન્ સાવિત્રીમ્ ।
અશુચિં દૃષ્ટ્વા આદિત્યમ્ ઈક્ષેત પ્રાણાયામં કૃત્વા ।
અભોજ્યભોજને ઽમેધ્યપ્રાશને વા નિષ્પુરીષીભાવઃ ।
ત્રિરાત્રાવરમ્ અભોજનમ્ ।
સપ્તરાત્રં વા સ્વયંશીર્ણાન્ય્ ઉપભુઞ્જાનઃફલાન્ય્ અનતિક્રામન્ ।
પ્રાક્પઞ્ચનખેભ્યશ્ છર્દનં ઘૃતપ્રાશનં ચ ।
આક્રોશાનૃતહિંસાસુ ત્રિરાત્રં પરમં તપઃ ।
સત્યવાક્યે વારુણીમાનવીભિર્ હોમઃ ।
વિવાહમૈથુનનર્માર્તસંયોગેષ્વ્ અદોષમ્ એકે ઽનૃતમ્ ।
ન તુ ખલુ ગુર્વર્થેષુ ।
સપ્ત પુરુષાનિતશ્ ચ પરતશ્ ચ હન્તિ મનસાપિગુરોર્(ગુરુ) અનૃતં વદન્ન્ અલ્પેષ્વ્ અપ્ય્ અર્થેષુ ।
અન્ત્યાવસાયિનીગમને કૃચ્છ્રાબ્દઃ ।
અમત્યા દ્વાદશરાત્રઃ ।
ઉદક્યાગમને ત્રિરાત્રસ્ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0