બૃહત્પારાશરહોરાશાસ્ત્રમ્ · અધ્યાય 93

અથ અભુક્તમૂલશાન્ત્યધ્યાયઃ

જ્યેષ્ઠામૂલમયોર્યસ્માદધિપાવિન્દ્રરાક્ષસૌ ।
મહાવૈરાત્ તયોઃ સન્ધિર્મહાદોષપ્રદઃ સ્મૃતઃ

અભુક્તમૂલજં પુત્રં પુત્રીં વાઽપિ પરિત્યજેત્ ।
અથવાઽબ્દાષ્ટકં તાતસ્તન્મુખં ન વિલોકયેત્

તદ્દોષપરિહારાર્થમથ શાન્તિવિધિં બ્રુવે ।
તત્રાઽદૌ દોષબહુલ્યાન્ મૂલશાન્તિર્નિગદ્યતે

જન્મતો દ્વાદશાહે વા તદૃક્ષે વા શુભે દિને ।
જાતસ્ય વાઽષ્ટમે વર્ષે શાન્તિં કુર્યાદ્ વિધાનતઃ

સુસમે ચ શુભે સ્થાને ગોમયેનોપલેપિતે ।
મણ્ડપં સ્વગૃહાત્ પ્રાચ્યામુદીચ્યાં વા પ્રકલ્પયેત્

ચતુર્દ્વારસમાયુક્તં તોરણાદ્યૈરલઙ્કૃતમ્ ।
કુણ્ડં ગ્રહાદિયજ્ઞાર્થં તદ્બહિશ્ચ પ્રકલ્પયેત્

સુવર્ણેન તદર્ધેન તદર્ધાર્ધેન વા પુનઃ ।
નક્ષત્રદેવતારૂપં કુર્યાદ્ વિત્તાનુસારતઃ

શ્યામવર્ણં મહોગ્રં ચ દ્વિશિરસ્કં વૃકાનનમ્ ।
ખડ્ગચર્મધરં તદ્વદ્ ધ્યેયં કુણપવાહનમ્

સુવર્ણસ્ય ચ મૂલ્યં વા સ્થાપયિત્વા પ્રપૂજયેત્ ।
સુવર્ણં સર્વદૈવત્યં યતઃ શાસ્ત્રેષુ નિશ્ચિતમ્

આચાર્યં વરયેત્ પશ્ચાત્ સ્વસ્તિવાચનુપૂર્વકમ્ ।
કલશસ્થાપનં કુર્યાત્ સ્વગૃહ્યોક્તવિધાનતઃ

પઞ્ચગવ્યાદિકં ક્ષેપ્યં કલશે તીર્થવારિ ચ ।
શતૌષધ્યાદિકં તત્ર શતચ્છિદ્રઘટે ક્ષિપેત્

વંશપાત્રં ચ સંસ્થાપ્ય તત્ર વૈ પશ્ચિમામુખમ્ ।
અર્ચેયેન્નિરૃતિં દેવં શુક્લવસ્ત્રાક્ષતાદિભિઃ

ઇન્દ્રં તદધિદેવં ચ જલં પ્રત્યધિદૈવતમ્ ।
સ્વસ્વશાખોક્તમન્ત્રેણ પ્રધાનાદીન્પ્રપૂજયેત્

દેવાધિદેવપ્રીત્યર્થં હોમં કુર્યાદ્યથાવિધિ ।
અષ્ટોત્તરં સહસ્રં વા શતં વા નિયતેન્દ્રિયઃ

મૃત્યુપ્રશમનાર્થં ચ મન્ત્રં ત્રયમ્બકં જપેત્ ।
પ્રાર્થયેચ્ચ તતો દેવમભિષેકાર્થમાદરાત્

ભદ્રાસનોપવિષ્ટસ્ય સસ્ત્રીપુત્રસ્ય મન્ત્રવિત્ ।
આચાર્યો યજમાનસ્ય કુર્યાત્ પ્રીત્યાભિષેચનમ્

વસ્ત્રાન્તરિતકુમ્ભાભ્યાં સ્નાપયેત્તદનન્તરમ્ ।
શુક્લામ્બરધરસ્તદ્વત્ શ્વેતગન્ધાનુલેપનઃ

ધેનું પયસ્વિનીં દદ્યાદાચાર્યાય ચ શક્તિતઃ ।
ઋત્વિગ્ભ્યો દક્ષિણાં દદ્યાદ્ બ્રાહ્મણાંશ્ચાપિ ભોજયેત્

યત્પાપં યચ્ચ મે દૌઃસ્થ્યં સર્વગાત્રેષ્વવસ્થિતમ્ ।
તત્સર્વં ભક્ષયાજ્ય ત્વં લક્ષ્મીં પુષ્ટિં ચ વર્ધય

અનેનૈવ તુ મન્ત્રેણ સમ્યગાજ્યં વિલોકયેત્ ।
મૂલગણ્ડોદ્ભવસ્તૈવં સર્પપાપં પ્રણશ્યતિ