બૃહત્પારાશરહોરાશાસ્ત્રમ્ · અધ્યાય 91

અથ ગ્રહણજાતશાન્ત્યધ્યાયઃ

સૂર્યેન્દુગ્રહણે કાલે યેષાં જન્મ ભવેદ્ દ્વિજ ।
વ્યાધિઃ કષ્ટં ચ દારિદ્ર્યં તેષાં મૃત્યુભયં ભવેત્

અતઃ શાન્તિં પ્રવક્ષ્યામિ જનાનાં હિતકાઙ્ક્ષયા ।
સૂર્યસ્યેન્દોશ્ચ ગ્રહેણં યસ્મિનૃક્ષે પ્રજાયતે

તન્નક્ષત્રપતે રૂપં સુવર્ણેન પ્રકલ્પયેત્ ।
સૂર્યગ્રહે સૂર્યરૂપં સુવર્ણેન સ્વશક્તિતઃ

ચન્દ્રગ્રહે ચન્દ્રરૂપં રજતેન તથૈવ ચ ।
રાહુરૂપં પ્રકુર્વીત સીસકેન વિચક્ષણઃ

શુચૌ દેશે સમં સ્થાનં ગોમયેન પ્રલેપયેત્ ।
તત્ર ચ સ્થાપયેદ્ વસ્ત્રં નૂતનં સુમનોહરમ્

ત્રયાણામેવ રૂપાણાં સ્થાપનં તત્ર કારયેત્ ।
સૂર્યગ્રહે પ્રદાતવ્યં સૂર્યપ્રીતિકરં ચ યત્

રક્તાક્ષતં રક્તગન્ધં રક્તમાલ્યામ્બરાદિકમ્ ।
ચન્દ્રગ્રહે પ્રદાતવ્યં ચન્દ્રપ્રીતિકરં ચ યત્

શ્વેતગન્ધં શ્વેતપુષ્પં શ્વેતમાલ્યામ્બરાદિકમ્ ।
રાહવે ચ પ્રદાતવ્યં કૃષ્ણપુષ્પામ્બરાદિકમ્

દદ્યાન્નક્ષત્રનાથાય શ્વેતગન્ધાદિકં તથા ।
સૂર્યં સમ્પૂજયેદ્ધીમાનાકૃષ્ણેતિ ચ મન્ત્રતઃ

અથા ચન્દ્રં ઇમે દેવા ઇતિ મન્ત્રેણ ભક્તિતઃ ।
દૂર્વાભિ પૂજયેદ્રાહું કયા ન ઇતિ મન્ત્રતઃ

સૂર્યેન્દ્વોરર્કપાલાશમિદ્ભિર્જુહુયાત્ ક્રમાત્ ।
તથા ચ રાહોઃ પ્રીત્યર્થં દૂર્વાભિર્દ્વિજસત્તમ

બ્રહ્મવૃક્ષસમિદ્ભિશ્ચ ભેશાય જુહુયાત્ પુનઃ ।
અભિષેકં તતઃ કુર્યાત્ જાતસ્ય કલહોદકૈઃ

આચાર્યં પૂજયેદ્ભક્ત્યા સુશાન્તો વિજિતેન્દ્રિયઃ ।
બ્રાહ્મણાન્ ભોજયેત્વા તુ યથાશક્તિ વિસર્જયેત્

એવં ગ્રહણજાતસ્ય શાન્તિં કૃત્વા વિધાનતઃ ।
સર્વવિઘ્નં વિનિર્જિત્વા સૌભાગ્યં લભતે નરઃ