બૃહત્પારાશરહોરાશાસ્ત્રમ્ · અધ્યાય 48

અથ વિશેષનક્ષત્રદશાફલાધ્યાયઃ

સ્થાનસ્થિતિવશેનૈવં ફલં પ્રોક્તં પુરાતનૈઃ ।
મિથો ભાવેશસમ્બન્ધાત્ફલાનિ કથયામ્યહમ્

લગ્નેશસ્ય ગશાકાલે સત્કીતિર્દેહજં સુખમ્ ।
ધનેશસ્ય દશાયાં તુ ક્લેશો વા મૃત્યુતો ભયમ્

સહજેશદશાકાલે જ્ઞેયં પાપફલં નૃણામ્ ।
સુખાધીશદશાયાં તુ ગૃહભૂમિસુખં ભવેત્

પઞ્ચમેશસ્ય પાકે ચ વિદ્યાપ્તિઃ પુત્રજં સુખમ્ ।
રોગેશસ્ય દશાકાલે દેહપીડા રિપોર્ભયમ્

સપ્તમેશસ્ય પાકે તુ સ્ત્રીપીડા મૃત્યુતો ભયમ્ ।
અષ્ટમેશદશાકાલે મૃત્યુભીતિર્ધનક્ષતિઃ

ધર્મશસ્ય દશાયાં ચ ભૂરિલ્લાભો યશઃસુખમ્ ।
દશમેશદશાકાલે સમ્માનં નૃપસંસદિ

લાભેશસ્ય દશાકાલે લાભે બાધા રુજોભયમ્ ।
વ્યયેશસ્ય દશા નૃણાં બહુકષ્ટપ્રદા દ્વિજ

દશારમ્ભે શુભસ્થાને સ્થિતસ્યાપિ શુભં ફલમ્ ।
અશુભસ્થાનગસ્યૈવં શુભસ્યાપિ ન શોભનમ્

પઞ્ચમેશેન યુક્તસ્ય કર્મેશસ્ય દશા શુભા ।
નવમેશેન યુક્તસ્ય કર્મેશસ્યાતિશભના

પઞ્ચમેશેન યુક્તસ્ય ગ્રહસ્યાપિ દશા શુભા ।
તથા ધર્મપયુક્તસ્ય દશા પરમશોભના

સુખેશસહિતસ્યાપિ ધર્મેશસ્ય દશા શુભા ।
પઞ્ચમસ્થાનગસ્યાપિ માનેશસ્ય દશાશુભા

એવં ત્રિકોણનાથાનાં કેન્દ્રસ્થાનાં દશાઃ શુભાઃ ।
તથા કોણસ્થિતાનાં ચ કેન્દ્રેશાનાં દશાઃ શુભાઃ

કેન્દ્રેશઃ કોણભાવસ્થઃ કોણેશઃ કેન્દ્રગો યદિ ।
તયોર્દશાં શુભાં પ્રાહુર્જ્યોતિઃશાસ્ત્રવિદો જનાઃ

ષષ્ઠાષ્ટમવ્યયાધીશા અપિ કોણેશસંયુતા ।
તેષાં દશાઽપિ શુભદા કથિતા કાલકોવિદૈઃ

કોણેશો યદિ કેમ્દ્રસ્થઃ કેન્દ્રેશો યદિ કોણગઃ ।
તાભ્યાં યુક્તસ્ય ખેટસ્ય દૃષ્ટિયુક્તસ્ય ચૈતયોઃ

દશાં શુભપ્રદાં પ્રાહુર્વિદ્વાંસો દૈવચિન્તકાઃ ।
લગ્નેશો ધર્મભાવસ્થો ધર્મેશો લગ્નગો યદિ

એતયોસ્તુ દશાકાલે સુખધર્મસમુદ્ભવઃ ।
કર્મેશો લગ્નરાશિસ્થો લગ્નેશઃ કર્મભાવગઃ

તયોર્દશાવિપાકે તુ રાજ્યલાભો ભવેદ્ધ્રુવમ્ ।
ત્રિષડાયગતાનાં ચ ત્રિષડાયાધિપૈર્યુજમ્

શુભાનામપિ ખેટાનાં દશા પાપફલપ્રદા ।
મારકસ્થાનગાનાં ચ મારકેશયુજામપિ

રન્ધ્રસ્થાનગતાનાં ચ દશાઽનિષ્ટફલપ્રદા ।
એવં ભાવેશસમ્બન્ધાદૂરનીયં દશાફલમ્