બ્રહ્મવૈવર્ત પુરાણ · અધ્યાય 4.115

અથ પઞ્ચદશાધિકશતતમોઽધ્યાયઃ
નારાયણ ઉવાચ
અથ ભીતા રક્ષકાસ્તે સમૂતુર્બાણમીશ્વરમ્ ।
સ્કન્દં ગણેશં દુર્ગાં ચ દણ્ડવત્પ્રણિપત્ય ચ

રક્ષકા ઊચુઃ
અહો દુષ્ટશ્ચ કાલોઽયમતીવ દુરતિક્રમઃ ।
સ્વતન્ત્રા બાલિકા પ્રૌઢા પતિમિચ્છતિ સાંપ્રતમ્

અસઙ્ગસંગમં નાથ સાધૂનાં દુઃખકારણમ્ ।
સંસર્ગજા ગુણા દોષા ભવન્તિ સતતં નૃણામ્

ચિત્રલેખા સ્વયં દૂતી સમાનીય પરં વરમ્ ।
રણશૂરં મહાવીરં નૃપેન્દ્રં ચ મહારથમ્

યુવાનં વ્યાધિહીનં ચ કન્દર્પાદપિ સુન્દરમ્ ।
સંભોગં કારયામાસ બુબુધે ન દિવાનિશમ્

સાંપ્રતં તવ કન્યા સાઽપ્યૂષાગર્ભવતી સતી ।
કુલજા કુલયોશ્ચૈવ તપ્તાઙ્ગારસ્વરૂપિણી

દૌહિત્રો વાઽપિ દૌહિત્રી બભુવ સાંપ્રતં તવ।
કન્યાં પશ્ય મહાપ્રૌઢાં નગરીં નાગરાન્વિતામ્

નખવિક્ષતસર્વાઙ્ગીં વરાધીનાં ચ ચઞ્ચલામ્ ।
પુંસશ્ચ સઙ્ગિરીં શશ્વદ્રહસ્યે રતિસઙ્ગિનીમ્

સસ્મિતાં સકટાક્ષાં ચ ચચ઼ઞ્ચલેક્ષણવીક્ષતામ્ ।
એવં શ્રુત્વા લજ્જિતશ્ચ બાણસ્તત્ર ચુકોપ હ

યુદ્ધાય ચ મતિં ચક્રે વારિતઃ શભુના ભૃશમ્ ।
વારિતશ્ચ ગણેશેન સ્કન્દેન શિવયા તથા

ભૈરવ્યા ભદ્રકાલ્યા ચ યોગિનીભિશ્ચ સંતતમ્ ।
અષ્ટભિર્ભૈરવૈશ્ચૈવ રુદ્રૈરેકાદશાત્મકૈઃ

ભૂતૈઃ પ્રેતૈશ્ચ કૂષ્માણ્ડૈર્વેતાલૈર્બ્રહ્મરાક્ષસૈઃ ।
યોસીન્દ્રૈરપિ સિદ્ધેન્દ્રૈ રુદ્રૈશ્ચણ્ડાદિભિસ્તથા

કોટર્યા પ્રામદેવ્યા ચ યથા માત્રા હિતાય ચ ।
ઉવાચ શંકરો બાણં મૂઢં પણ્ડિતમાનિનમ્
હિતં સત્યં નીતિશાસ્ત્રં પરિણામસુખાવહમ્

મહાદેવ ઉવાચ
શૃણુ બાણ પ્રવક્ષ્યામિ કથામેતાં પુરાતનીમ્ ।
ભુવો ભારાવતરણે ભારતે સ્વયમીશ્વરઃ

નિહત્ય સર્વાન્રાજેન્દ્રાન્દ્વારકાયાં વિરાજતે ।
યસ્ય લોમસુ વિશ્વાનિ તસ્ય વાસઃ સદીશ્વરઃ

વાસુદેવ ઇતિ ખ્યાતઃ કથ્યતે તેન કોવિદૈઃ ।
ધાતુર્વિધાતા ભગવાંશ્ચક્રપાણિઃ સ્વયં ભુવિ

બ્રહ્મવિષ્ણુશિવાદીનામીશ્વરઃ પ્રકૃતેઃ પરઃ ।
નિર્ગુણશ્ચ નિરીહશ્ચ ભક્તાનુગ્રહવિગ્રહઃ

પરં બ્રહ્મ પરં ધામ પરમાત્મા ચ દેહિનઃ ।
યસ્મિન્ગતે શવો જીવો સંગ્રામસ્તેન સંભવેત્

શસ્ત્રવિદ્ધો મહાકાશો યથા મૂઢ દિશસ્તથા ।
તથાઽઽત્મા ચ નિરાકારો દેહી ચ ધ્યાનહેતુના

તસ્ય પુત્રોઽનિરુદ્ધશ્ચ મહાબલપરાક્રમઃ ।
ત્રૈલોક્યમપિ સંહર્તું ક્ષણેન ચ ક્ષમઃ સ્વયમ્

સર્વે વેવાશ્ચ દૈત્યાશ્ચ બલવન્તો મહારથાઃ ।
તે સર્વે ચાનિરુદ્ધસ્ય કલાં નાર્હન્તિ ષોડશીમ્

યયોરેવ સમં વિત્તં યયોરેવ સમં બલમ્ ।
તયોર્વિવાહો મૈત્રી ચ ન તુ પુષ્ટવિપુષ્ટયોઃ

બલિઃ પિતા તે દૈત્યાનાં સારભૂતો મહારથઃ ।
ક્ષણેન યેન નીતશ્ચ સુતલં સ હરેઃ કલા

સર્વે ચાંશકલાઃ પુંસઃ પરિપૂર્ણતમસ્ય ચ ।
વૃન્દાવનેશ્વરસ્યાપિ કૃષ્ણસ્ય પરમાત્મનઃ

પાર્વત્યુવાચ
ધ્યાયતે ધ્યાનનિષ્ઠશ્ચ હૃત્પદ્મે ચ દિવાનિશ્મ્ ।
બ્રહ્મા મહેશઃ મેષશ્ચ ભગવન્તં સનાતનમ્

દિનેશશ્ચ ગણેશશ્ચ યોગીન્દ્રાણાં ગુરોર્ગુરુઃ ।
ધ્યાયતે પરમાત્માનં ભગવન્તં સનાતનમ્

સનત્કુમારઃ કપિલો નરો નારાયણસ્તથા ।
ધ્યાયતે હૃદયામ્ભોજે ભગવન્તં સઓ

મનવશ્ચ મુનીન્દ્રાશ્ચ સિદ્ધેન્દ્રા યોગિનાં વરાઃ ।
ધ્યાનાસાધ્યં ચ ધ્યાયન્તે ભગવન્તં સઓ

સર્વાદિં સર્વબીજં ચ સર્વેશં ચ પરાત્પરમ્ ।
ધ્યાયન્તે જ્ઞાનિનઃ સર્વે ભગવન્તં સઓ

ગણેશ ઉવાચ
અભાગ્યં ચ બલેશ્ચાપિ વૈષ્ણવસ્ય મહાત્મનઃ ।
મૂઢોઽયમીદૃશઃ પુત્રઃ પ્રહ્લાદસ્ય ચ ધીમતઃ

સ્કન્દ ઉવાચ
અયે ભ્રાતર્ન શ્રુતા ચ હિરણ્યકશિપોઃ કથા ।
હિરણ્યાક્ષસ્ય ચ મધોઃ કૈટભસ્ય મહાત્મનઃ

પૂર્વજાસ્તેઽપિ તે દૈત્યા મહાબલપરાક્રમાઃ ।
ક્રમેણ વિષ્ણુના નીતા લીલયા યમસાદનમ્

ભગવાન્યસ્ય સંહર્તા સ્વયં નારાયણઃ પ્રભુઃ ।
તસ્ય કો રક્ષિતા ભ્રાતર્નિવર્તસ્વ શુભાયચ

તેષાં ચ વચનં શ્રુત્વા તાનુવાચાસુરેશ્વરઃ ।
કોપરક્તાસ્યનયનો ધનુષ્પાણિર્યથાઽન્તકઃ

બાણ ઉવાચ
શૃણુ માતઃ પ્રવક્ષ્યામિ શૃણુ તાત મહેશ્વર ।
શૃણુ ભ્રાતર્ગણપતે શૃણુ ભ્રાતશ્ચ કાર્તિક

શુભશુભં પ્રાક્તનેન પ્રાણિનાં કર્મિણાં તથા ।
કૃતકર્માતિરિક્તં ચ કાર્ય કેષાં ચ વર્તતે

નાપ્રાપ્તકાલો મ્રિયતે વિદ્ધઃ શરશતૈરપિ ।
તૃણાગ્રેણાપિ સંસ્પૃષ્ટઃ પ્રાપ્તકાલો ન જીવતિ

યસ્માચ્ચ યસ્ય નિર્વાણં વિધાત્રા લિખિતં પુરા ।
તદેવ નિત્યં સત્યં ચ નિષેકઃ કેન વાર્યતે

સંગ્રામે કાતરો યો હિ નિષ્ફલં તસ્ય જીવનમ્ ।
જયી યશસ્ચ લભતે મૃતઃ સ્વર્ગં ચ ગચ્છતિ

પ્રવિશ્ય કન્યાં ગૃહ્ણાતિ નગરં શિવરક્ષિતમ્ ।
પાર્વત્યા ચ ગણેશેન યુદ્ધેન બલિના તથા

કો વા ગૃહ્ણાતિ કન્યાં ચ કસ્ય વા જીવિતસ્ય ચ ।
સગર્ભા તવ કન્યેતિ સભાયાં રક્ષકો વદેત્

ઇતિ મે વજ્રતુલ્યં ચ શ્રુતિકૌટં પરં વચઃ ।
અતોઽનિરુદ્વં હત્વા ચ ઘાતયિષ્યામિ કન્યકામ્
અન્યથા જ્વલદગ્નૌ ચ ત્યક્ષ્યામિ ચ કલેવરમ્

કોટર્યુવાચ
શૃણુ વત્સ પ્રવક્ષ્યામિ માતાઽહં તેઽપિ ધર્મતઃ ।
તુરન્તેનાપિ પૃત્રેણ પિત્રોર્દુઃર્ખ પદે પદે

કન્યા પરગૃહીતા સાઽપ્યન્યસ્મૈ દાતુમક્ષમા ।
શ્રીકૃષ્ણસ્યાપિ પૌત્રાય પ્રદ્યુમ્નસ્ય સુતાય ચ

અનિરુદ્ધાય મહતે સ્વેચ્છયા દેહિ કન્યકામ્ ।
પૂતોઽસિ ભારતે વર્ષે સપ્તભિઃ પિતૃભિઃ સહ

યૌતુકં દેહિ સર્વસ્વં યશસે મહસે ભુવિ ।
અન્યથા રણમધ્યે ચ ત્વાં હનિષ્યતિ માધવઃ

સુદશંનેન ચકેણ કો વા ત્વાં રક્ષિતું ક્ષમઃ ।
કોટરીવચનં શ્રુત્વા ચુકોપ દૈત્યપુંગવઃ

પ્રયયૌ રથમારુહ્ય યત્ર પૌત્રો હરેર્મુને ।
સ્કન્દઃ સેનાપતિર્ભૂત્વા પ્રયયૌ શંકરાજ્ઞયા

બાણઃ સ્વસ્ત્યયનં ચક્રે ગણેશશ્ચ શિવઃ સ્વયમ્ ।
બાણં શુભાશિષં ચક્રે પાર્વતી કોટરી તથા

અષ્ટૌ ચ ભૈરવાશ્ચૈવ રુદ્રાશ્ચૈકાદશૈવ તે ।
સર્વે યુદ્ધાય હન્તારો બભૂવુઃ શસ્ત્રપાણયઃ

એતસ્મિન્નન્તરે દૂતોઽપ્યનિરુદ્ધમુવાચ હ ।
પાર્વત્યા પ્રેરિતશ્ચૈવ બાણપત્ન્યા ચ સત્વરમ્

દૂત ઉવાચ
અનિરુદ્ધોત્તિષ્ઠ ભદ્રં પાર્વતીવચનં શૃણુ ।
ભવ સાંનાહિકો વત્સ કુરુ યુદ્ધં બહિર્ભવ

ભીતોષા રુદતી ત્રસ્તા સસ્માર પાર્વતીં સતીમ્ ।
રક્ષ રક્ષ મહામાયે મત્પ્રણેશ્વરમીપ્સિતમ્

અભેયેઽપ્યભયં દેહિ સંગ્રામે ઘોરદારુણે ।
ત્વમેવ જગતાં માતા સ્નેહસ્તે સર્વતઃ સમઃ

અથાનિરુદ્ધઃ સંનાહી શસ્ત્રપાણિર્બભૂવ હ ।
ઊષાદત્તં રથં પ્રાપ્ય ચકારાઽઽરોહણં મુદા

બહિઃ સંભૂય શિબિરાદ્દદર્શ બાણમીશ્વરઃ ।
સાંનાહિકં શસ્ત્રપાણિં રક્તાસ્યલોચનં પરમ્

દૃષ્ટ્વાઽનિરુદ્ધં બાણશ્ચ તમુવાચ રુષાઽન્વિતઃ ।
ઘોરસંગ્રામમધ્યે ચ વિષોક્તિં પ્રજ્વલન્નિવ

બાણ ઉવાચ
અયે વીર મહાદુષ્ટ નીતિશાસ્ત્રવિવર્જિત ।
ચન્દ્ર વંશકુલાઙ્ગાર પુણ્યક્ષેત્રેઽયશસ્કર

પિતા તે શમ્બરં હત્વા જગ્રાહ તસ્ય કામિનીમ્ ।
તતો જાતો ભવનેવ નિરોધં સ્વકુલક્ષમમ્

પિતામહો વાસુદેવો મથુરાયાં ચ ક્ષત્રિયઃ ।
ગોકુલે વૈશ્યપુત્રશ્ચ નામ્ના ચ નન્દનન્દનઃ

વૃન્દાવને ચ ગોપસ્ય નન્દસ્ય પશુરક્ષકઃ ।
સાક્ષાજ્જારશ્ચ ગોપીનાં દુષ્ટઃ પરમલમ્પટઃ

જઘાન પૂતનાં સદ્યો નારીઘાતી હ્યધાર્મિકઃ ।
આગત્ય મથુરાં કુબ્જાં જઘાન મૈથુનેન ચ

દુર્બલં નરકં હત્વા સ્ત્રીસમૂહં મનોહરમ્ ।
જગ્રાહ યોનિલુબ્ધશ્ચ સ્વપુત્રમતિનિષ્ઠુરઃ

ભીષ્મકં માનવં જિત્વા તત્પુત્રં ચાપિ દુર્બલમ્ ।
જગ્રાહ કન્યકાં તસ્ય દેવયોગ્યાં ચ રુક્મિણીમ્

સત્રાજિતઃ સૂર્યભૃત્યો દેવાત્પ્રાપ મણીશ્વરમ્ ।
ઘાતયિત્વા હ્યુપાયેન જગ્રાહ મણિકન્યકામ્

કુરુપાણ્ડવયુદ્ધં ચ કારયિત્વા ચ દારુણમ્ ।
યુધિષ્ઠિરસ્ય યજ્ઞે ચ શિશુપાલં જઘાન સઃ

દન્તવક્ત્રં ચ શાલ્બં ચ જરાસંધં ચ દારુણઃ ।
સંજહાર ભુવો ભૂપસમૂહમતિદારુણમ્

ઉપાયાન્નરકં હત્વા સર્વસ્વં તજ્જહાર સઃ ।
દુર્બલો રાજભીતશ્ચસમુદ્રં શરણં ગતઃ

જિત્વા ચ ભ્રાતરં શક્રં ભાર્યાયા વચનેન ચ ।
જગ્રાહ પારિજાતં ચ પુષ્પં ચ સ્વર્ગદુર્લભમ્

કંસં નિહત્યાધર્મિષ્ઠો ભ્રાતરં માતુરેવ ચ ।
જગ્રાહ તસ્ય સર્વસ્વં પરં કિં કથયામિ તે

જત્વા ચ ભલ્લુકં યુદ્ધે જગ્રાહ તસ્ય કન્યકામ્ ।
તત્પિતુર્ભગિની કુન્તી ચતુર્ણાં કામિની ભુવિ

દ્રૌપદી ભ્રાતૃપત્ની ચ પપ઼ઞ્ચાનાં કામિની તથા ।
ગોષ્ઠીનો યોનિલુબ્ધશ્ચ શશ્વત્પરમલમ્પટઃ

તજ્જ્યેષ્ઠો બરદેવશ્ચ શશ્વત્પિબતિ વારુણીમ્ ।
યમુનાં ભ્રાતૃપત્નીં ચ કરોત્યાહ્વાનમીપ્સિતમ્

જહાર ભગિનીં તસ્ય કૌઃતેયઃ શક્રનન્દનઃ ।
સુભદ્રાં માતુલસુતાં સંનિબોધ કુલક્રમમ્

બાણસ્ય વચનં શ્રુત્વા ચુકોપ કામનન્દનઃ ।
ઉવાચ પરમાર્થં ચ યોગ્યં પ્રત્યુત્તરં મુને

અનિરુદ્ધ ઉવાચ
પિતા મે કામદેવશ્ચ બ્રહ્મપુત્રઃ પુરા શુચિઃ ।
યસ્યાસ્ત્રેણ વશીભૂતં ત્રૈલોક્યં સતતં શૃણુ

શિવકોપાનલેનૈવ ભસ્મીભૂતઃ સ્વકર્મતઃ ।
કૃષ્ણસ્ય પુત્રોઽપ્યધુના સર્વેષાં પરમાત્મનઃ

પતિવ્રતા રતિર્માતા પતિશોકેન સાંપ્રતમ્ ।
શમ્બરસ્ય ગૃહે તસ્થૌ હૃતા તેન બલેન ચ

છાયાં માયાવતીં દત્ત્વા માયયા શયનેન ચ ।
રતિં સ્વધર્મ સંરક્ષ્ય ધર્મસાક્ષી ચ તદ્ગૃહે

નિહત્ય શમ્બરં શત્રું ગૃહીત્વા સ્વપ્રિયાં સતીમ્ ।
આજગામ દ્વારકાં ચ ચન્દ્રસુર્યૌ ચ સાક્ષિણૌ

પિતામહં વાસુદેવં ત્વં કિં જાનામિ મૂઢવત્ ।
યં ચ સન્તોન જાનન્તિ વેદાશ્ચત્વાર એવ ચ

વાસુઃ સર્વનિવાસશ્ચ વિશ્વાનિ યસ્ય લોમસુ ।
તસ્ય દેવઃ પરં બ્રહ્મ વાસુદેવ ઇતિ સ્મૃતઃ

શંકરં પૃચ્છ સાક્ષાચ્ચ યસ્ય ભૃત્યોઽધુના ભવાન્ ।
કૃષ્ણભૃત્યસ્ય ચ બલેઃ પુત્રોઽસિ કિંકરાત્મજઃ

ગોકુલે વૈશ્યપુત્રત્વં બ્રૂહિ ત્વં જ્ઞાનદુર્બલ ।
ભોજનં વેદવિહિતં શશ્વત્ક્ષત્ત્રિયવૈશ્યયોઃ

દ્રોણઃ પ્રજાપતિઃ શ્રેષ્ઠા ધરા તસ્ય પ્રિયા સતી ।
પુત્રં ચ તપસા લેભે પરમાત્માનમીશ્વરમ્

દ્રોણો નન્દો વૈશ્યરાજો યશોદા સા ધરા સતી ।
વૃષભાનસુતા રાધા સુદામ્નઃ શાપકારણાત્

ત્રિંશત્કોટિં ચ ગોપીનાં ગૃહીત્વા ભર્તુરાજ્ઞયા ।
પુણ્યં ચ ભારતં ક્ષેત્રં ગોલોકાદાજગામસા

તાભિઃ સાર્ધ સ રેમે ચ સ્વપત્નીભિર્મુદાઽન્વિતઃ ।
પાણિં જગ્રાહ રાધાયાઃ સ્વયં બ્રહ્મા પુરોહિતઃ

ગોપકોટિશ્ચ ગોલોકાદાજગામ્ મૃદાઽન્વિતા ।
તેજસા હરિતુલ્યાસ્તે પાર્ષદપ્રવરા હરેઃ

ગોરક્ષણં હરેરેવ ગોપવેષસ્ય ચાઽઽત્મનઃ ।
ગોપાનાં શિશુરક્ષાર્થં માયેશસ્યાપિ માયયા

પૂતના બલિકન્યા ચ ભગિની ચ તવાસુર ।
દૃષ્ટ્વા ચ વામનં વિન્ધ્યા ચકાર પુત્રમાનસમ્

એવંભૂતો યદિ મમ પુત્રો ભવતિ સાંપ્રતમ્ ।
સ્તનં દદામિ તનયં કૃત્વા વક્ષસિ સુન્દરમ્

તસ્યાઃપૂર્ણં માનસં ચ ચકાર ભગવાન્પ્રભુઃ ।
સ્તનં દત્ત્વા ચ ગોલોકં યયૌ સા રત્નયાનતઃ

કુબ્જા સા ભગિની પૂર્વં રાવણસ્ય દુરાત્મનઃ ।
શ્રીરામં ચકમે કામાન્નામ્ના શૂર્પણખા સતી

નાસાં ચિચ્છેદ તસ્યાશ્ચ લક્ષ્મણો ધાર્મિકેશ્વરઃ ।
તપસા ચ વરં લેભે બ્રહ્મણઃ પ્રિયમીશ્વરમ્

તેન પુણ્યેન તંલબ્ધ્વા ગોલોકં સા જગામ હ ।
ગોપી બભૂવ ગોલોકે કૃષ્ણસ્યાઽઽલિઙ્ગનેન ચ

નરકો હરિવધ્યશ્ચ સ્વપૂર્વપ્રાક્તનેન ચ ।
પાણિં જગ્રાહ કન્યાનાં સાક્ષિણૌ શશિભાસ્કરૌ

ભીષ્મકન્યા મહાલક્ષ્મીઃ શીકૃષ્ણસ્ય પ્રિયા સતી ।
વૈકુણ્ઠાદાગતા સાધ્વી બ્રહ્મણોઽનૃમતેન ચ

સત્રાજિતસ્ય કન્યા સા સત્યભામા વસુંધર ।
દદૌ કૃષ્ણાય રાજા સ તં મણિં યૌતુકેન ચ

ભુવો ભારાવતરણહેતુના ગમનં હરેઃ ।
સંજહાર ભુવો ભારં કુરુપાણ્ડવયુદ્ધતઃ

શિશુપાલો દન્તવક્ત્રો જયો વિજય એવ ચ ।
દ્વારિણૌ દ્વારષટ્કે ચ વૈકુણ્ઠે શ્રીહરેરપિ

કુમારશાપાત્પતિતૌ પ્રાપ્ય જન્મત્રયં ધ્રુવમ્ ।
હિરણ્યકશિપુશ્ચૈવ તવૈવ પૂર્વપૂરુષઃ

તસ્ય ભ્રાતા હિરણ્યાક્ષસ્તેનૈવ વરુણો જિતઃ ।
હરિર્નૃસિંહરૂપેણ તં જઘાનાવલીલયા

સૂકરેણ હતોઽન્યશ્ચ પૂર્વજન્મકથાં શૃણુ ।
દ્વિતીયે જન્મનિ પુરા રાવણઃ કુમ્ભકર્ણકઃ

શ્રીરામેણ હતૌ તૌ દ્વૌ શેષજન્મ કલૌ તયોઃ ।
શ્રીકૃષ્ણેન હતૌ તૌ દ્વૌ ધર્મપુત્રાવુભૌ તથા

જરાસંધશ્ચ શાલ્વશ્ચ દુરાત્મા કંસ એવ ચ ।
પ્રાક્તનાત્તસ્ય વધ્યાસ્તે ભુવો ભારજિહીર્ષયા

માંધાતુઃ સુતમધ્યે ચ યવનશ્ચાપિ પ્રાક્તનાત્ ।
લક્ષ્મીશ્વરસ્ય કૃષ્ણસ્ય ધનેન કિં પ્રયોજનમા

પ્રતિજ્ઞયા ચ સત્યાયાઃ પુણ્યકવ્રતકારણાત્ ।
પારિજાતં સમનીય ચકાર સ્વાત્મનો વ્રતમ્

સ્વયં જામ્બવતી દેવી દુર્ગાંશા ભલ્લુકાત્મજા ।
પાણિં જગ્રાહ તસ્યાશ્ચ તપસા ભારતે હરિઃ

કુન્ત્યાશ્ચ ક્ષેત્રજાઃ પુત્રાઃ કેવલં ભર્તુરાજ્ઞયા ।
કલૌ નિષિદ્ધં ત્રિયુગે પ્રસિદ્ધં પલપૈતૃકમ્

યુધિષ્ઠિરો ધર્મપુત્રો ભીમશ્ચ પવનાત્મજઃ ।
મહેન્દ્રપુત્રો ધર્મિષ્ઠઃ ફાલ્ગુનો વિજયી ભુવિ

યસ્મૈ પાશુપતં શંભુઃ પ્રદદૌ ચ સ્વયં પુરા ।
અશ્વમેધં ગવાલમ્ભં સંન્યાસં પલપૈતૃકમ્

દેવરેણ સુતોત્પત્તિં કલૌ પઞ્ચ વિવર્જયેત્ ।
દ્રૌપદ્યાઃ પઞ્ચ ભર્તારઃ શંકરસ્ય વરેણ ચ

બલદેવઃ પુષ્પમધુ પૂતં પિબતિ નિત્યશઃ ।
ચકાર યમુનાહ્વાનં સ્નાનાર્થં ધાર્મિકઃ શુચિઃ

સુભદ્રાં ચ દદૌ કૃષ્ણઃ ફાલ્ગુનાય મહાત્મને ।
કન્યકાં માતુલાનાં ચ દાક્ષિણાત્યઃ પરિગ્રહઃ

દેશેષ્વન્યેષુ દોષોઽયમિત્યાહ કમલોદ્ભવઃ

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ વાણાનિરુદ્ધસંઓ
પઞ્ચદશાધિકશતતમોઽધ્યાયઃ