બ્રહ્મવૈવર્ત પુરાણ · અધ્યાય 3.31

નારદ ઉવાચ॥
ભગવઞ્છ્રોતુમિચ્છામિ કિં મન્ત્રં ભગવાન્હરઃ ॥
કૃપયાઽદાત્પરશુરામાય સ્તોત્રં ચ વર્મ ચ

કો વાઽસ્ય મન્ત્રસ્યારાધ્યઃ કિં ફલં કવચસ્ય ચ ॥
સ્તવનસ્ય ફલં કિં વા તદ્ભવાન્વક્તુમર્હતિ

નારાયણ ઉવાચ ॥
મન્ત્રારાધ્યો હિ ભગવાન્પરિપૂર્ણતમઃ સ્વયમ્ ॥
ગોલોકનાથઃ શ્રીકૃષ્ણો ગોપગોપીશ્વરઃ પ્રભુઃ

ત્રૈલોક્યવિજયં નામ કવચં પરમાદ્ભુતમ્ ॥
સ્તવરાજં મહાપુણ્યં ભૂતિયોગસમુદ્ભવમ્

મન્ત્રં કલ્પતરું નામ સર્વકામફલપ્રદમ્ ॥
દદૌ પરશુરામાય રત્નપર્વતસન્નિધૌ

સ્વયંપ્રભાનદીતીરે પારિજાતવનાન્તરે ॥
આશ્રમે લોકદેવસ્ય માધવસ્ય ચ સન્નિધૌ

મહાદેવ ઉવાચ ॥ વત્સાગચ્છ મહાભાગ ભૃગુવંશસમુદ્ભવ ॥
પુત્રાધિકોઽસિ પ્રેમ્ણા મે કવચગ્રહણં કુરુ

શૃણુ રામ પ્રવક્ષ્યામિ બ્રહ્માણ્ડે પરમાદ્ભુતમ્ ॥
ત્રૈલોક્યવિજયં નામ શ્રીકૃષ્ણસ્ય જયાવહમ્

શ્રીકૃષ્ણેન પુરા દત્તં ગોલોકે રાધિકાશ્રમે ॥
રાસમણ્ડલમધ્યે ચ મહ્યં વૃન્દાવને વને

અતિગુહ્યતરં તત્ત્વં સર્વમન્ત્રૌઘવિગ્રહમ્ ॥
પુણ્યાત્પુણ્યતરં ચૈવ પરં સ્નેહાદ્વદામિ તે

યદ્ધૃત્વા પઠનાદ્દેવી મૂલપ્રકૃતિરીશ્વરી ॥
શુમ્ભં નિશુમ્ભં મહિષં રક્તબીજં જઘાન હ

યદ્ધૃત્વાઽહં ચ જગતાં સંહર્ત્તા સર્વતત્ત્વવિત્॥
અવધ્યં ત્રિપુરં પૂર્વં દુરન્તમપિ લીલયા

યદ્ધૃત્વા પઠનાદ્બ્રહ્મા સસૃજે સૃષ્ટિમુત્તમામ્ ॥
યદ્ધૃત્વા ભગવાઞ્છેષો વિધત્તે વિશ્વમેવ ચ

યદ્ધૃત્વા કૂર્મરાજશ્ચ શેષં ધત્તે હિ લીલયા ॥
યદ્ધૃત્વા ભગવાન્વાયુર્વિશ્વાધારો વિભુઃ સ્વયમ્

યદ્ધૃત્વા વરુણઃ સિદ્ધઃ કુબેરશ્ચ ધનેશ્વરઃ ॥
યદ્ધૃત્વા પઠનાદિન્દ્રો દેવાનામધિપઃ સ્વયમ્ ॥

યદ્ધૃત્વા ભાતિ ભુવને તેજોરાશિઃ સ્વયં રવિઃ ॥
યદ્ધૃત્વા પઠનાચ્ચન્દ્રો મહાબલપરાક્રમઃ

અગસ્ત્યઃ સાગરાન્સપ્ત યદ્ધૃત્વા પઠનાત્પપૌ ॥
ચકાર તેજસા જીર્ણં દૈત્યં વાતાપિસંજ્ઞકમ્

યદ્ધૃત્વા પઠનાદ્દેવી સર્વાધારા વસુન્ધરા ॥
યદ્ધૃત્વા પઠનાત્પૂતા ગઙ્ગા ભુવનપાવની

યદ્ધૃત્વા જગતાં સાક્ષી ધર્મો ધર્મભૃતાં વરઃ॥
સર્વવિદ્યાધિદેવી સા યચ્ચ ધૃત્વા સરસ્વતી

યદ્ધૃત્વા જગતાં લક્ષ્મીરન્નદાત્રી પરાત્પરા ॥
યદ્ધૃત્વા પઠનાદ્વેદાન્સાવિત્રી સા સુષાવ ચ

વેદાશ્ચ ધર્મ્મવક્તારો યદ્ધૃત્વા પઠનાદ્ ભૃગો ॥
યદ્ધૃત્વા પઠનાચ્છુદ્ધસ્તેજસ્વી હવ્યવાહનઃ ॥
સનત્કુમારો ભગવાન્યદ્ધૃત્વા જ્ઞાનિનાં વરઃ

દાતવ્યં કૃષ્ણભક્તાય સાધવે ચ મહાત્મને ॥
શઠાય પરશિષ્યાય દત્ત્વા મૃત્યુમવાપ્નુયાત્

ત્રૈલોક્યવિજયસ્યાસ્ય કવચસ્ય પ્રજાપતિઃ ॥
ઋષિશ્છન્દશ્ચ ગાયત્રી દેવો રાસેશ્વરઃ સ્વયમ્

ત્રૈલોક્યવિજયપ્રાપ્તૌ વિનિયોગઃ પ્રકીર્ત્તિતઃ ॥
પરાત્પરં ચ કવચં ત્રિષુ લોકેષુ દુર્લભમ્

પ્રણવો મે શિરઃ પાતુ શ્રીકૃષ્ણાય નમઃ સદા ॥
પાયાત્કપાલં કૃષ્ણાય સ્વાહા પઞ્ચાક્ષરઃ સ્મૃતઃ

કૃષ્ણેતિ પાતુ નેત્રે ચ કૃષ્ણ સ્વાહેતિ તારકમ્ ॥
હરયે નમ ઇત્યેવં ભ્રૂલતાં પાતુ મે સદા

ૐ ગોવિંદાય સ્વાહેતિ નાસિકાં પાતુ સન્તતમ્ ॥
ગોપાલાય નમો ગણ્ડૌ પાતુ મે સર્વતઃ સદા

ૐ નમો ગોપાઙ્ગનેશાય કર્ણૌ પાતુ સદા મમ ॥
ૐ કૃષ્ણાય નમઃ શશ્વત્પાતુ મેઽધરયુગ્મકમ્

ૐ ગોવિન્દાય સ્વાહેતિ દન્તૌઘં મે સદાઽવતુ ॥
પાતુ કૃષ્ણાય દન્તાધો દન્તોર્ધ્વં ક્લીં સદાઽવતુ

ૐ શ્રીકૃષ્ણાય સ્વાહેતિ જિહ્વિકાં પાતુ મે સદા॥
રાસેશ્વરાય સ્વાહેતિ તાલુકં પાતુ મે સદા

રાધિકેશાય સ્વાહેતિ કણ્ઠં પાતુ સદા મમ ॥
નમો ગોપાઙ્ગનેશાય વક્ષઃ પાતુ સદા મમ

ૐ ગોપેશાય સ્વાહેતિ સ્કન્ધં પાતુ સદા મમ॥
નમઃ કિશોરવેષાય સ્વાહા પૃષ્ઠં સદાઽવતુ

ઉદરં પાતુ મે નિત્યં મુકુન્દાય નમઃ સદા॥
ૐ હ્રીં ક્લીં કૃષ્ણાય સ્વાહેતિ કરૌ પાતુ સદા મમ

ૐ વિષ્ણવે નમો બાહુયુગ્મં પાતુ સદા મમ॥
ૐ હ્રીં ભગવતે સ્વાહા નખરં પાતુ મે સદા

ૐ નમો નારાયણાયેતિ નખરન્ધ્રં સદાઽવતુ॥
ૐ હ્રીં હ્રીં પદ્મનાભાય નાભિં પાતુ સદા મમ

ૐ સર્વેશાય સ્વાહેતિ કઙ્કાલં પાતુ મે સદા ॥
ૐ ગોપીરમણાય સ્વાહા નિતમ્બં પાતુ મે સદા

ૐ ગોપીરમણનાથાય પાદૌ પાતુ સદા મમ ॥
ૐ હ્રીં ક્લીં રસિકેશાય સ્વાહા સર્વં સદાઽવતુ

ૐ કેશવાય સ્વાહેતિ મમ કેશાન્સદાઽવતુ ॥
નમઃ કૃષ્ણાય સ્વાહેતિ બ્રહ્મરન્ધ્રં સદાઽવતુ

ૐ માધવાય સ્વાહેતિ મે લોમાનિ સદાઽવતુ॥
ૐ હ્રીં શ્રીં રસિકેશાય સ્વાહા સર્વં સદાઽવતુ

પરિપૂર્ણતમઃ કૃષ્ણઃ પ્રાચ્યાં માં સર્વદાઽવતુ ॥
સ્વયં ગોલોકનાથો મામાગ્નેય્યાં દિશિ રક્ષતુ

પૂર્ણબ્રહ્મસ્વરૂપશ્ચ દક્ષિણે માં સદાઽવતુ ॥
નૈરૃત્યાં પાતુ માં કૃષ્ણઃ પશ્ચિમે પાતુ માં હરિઃ

ગોવિન્દઃ પાતુ માં શશ્વદ્વાયવ્યાં દિશિ નિત્યશઃ ॥
ઉત્તરે માં સદા પાતુ રસિકાનાં શિરોમણિઃ

ઐશાન્યાં માં સદા પાતુ વૃન્દાવનવિહારકૃત્ ॥
વૃન્દાવનીપ્રાણનાથઃ પાતુ મામૂર્ધ્વદેશતઃ

સદૈવ માધવઃ પાતુ બલિહારી મહાબલઃ ॥
જલે સ્થલે ચાન્તરિક્ષે નૃસિંહઃ પાતુ માં સદા

સ્વપ્ને જાગરણે શશ્વત્પાતુ માં માધવઃ સદા ॥
સર્વાન્તરાત્મા નિર્લિપ્તઃ પાતુ માં સર્વતો વિભુઃ

ઇતિ તે કથિતં વત્સ સર્વમન્ત્રૌઘવિગ્રહમ્ ॥
ત્રૈલોક્યવિજયં નામ કવચં પરમાદ્ભુતમ્

।
મયા શ્રુતં કૃષ્ણવક્ત્રાત્પ્રવક્તવ્યં ન કસ્યચિત્ ॥
ગુરુમભ્યર્ચ્ય વિધિવત્કવચં ધારયેત્તુ યઃ

કણ્ઠે વા દક્ષિણે બાહૌ સોઽપિ વિષ્ણુર્ન સંશયઃ ॥
સ ચ ભક્તો વસેદ્યત્ર લક્ષ્મીર્વાણી વસેત્તતઃ

યદિ સ્યાત્સિદ્ધકવચો જીવન્મુક્તો ભવેત્તુ સઃ ॥
નિશ્ચિતં કોટિવર્ષાણાં પૂજાયાઃ ફલમાપ્નુયાત્

રાજસૂયસહસ્રાણિ વાજપેયશતાનિ ચ॥
અશ્વમેધાયુતાન્યેવ નરમેધાયુતાનિ ચ

મહાદાનાનિ યાન્યેવ પ્રાદક્ષિણ્યં ભુવસ્તથા ॥
ત્રૈલોક્યવિજયસ્યાસ્ય કલાં નાર્હન્તિ ષોડશીમ્

વ્રતોપવાસનિયમં સ્વાધ્યાયાધ્યયનં તપઃ ॥
સ્નાનં ચ સર્વતીર્થેષુ નાસ્યાર્હન્તિ કલામપિ ॥ ૫૨ ॥।
સિદ્ધત્વમમરત્વં ચ દાસત્વં શ્રીહરેરપિ ॥
યદિ સ્યાત્સિદ્ધકવચઃ સર્વં પ્રાપ્નોતિ નિશ્ચિતમ્॥
સ ભવેત્સિદ્ધકવચો દશલક્ષં જપેત્તુ યઃ॥
યો ભવેત્સિદ્ધકવચઃ સર્વજ્ઞઃ સ ભવેદ્ધ્રુવમ્

ઇદં કવચમજ્ઞાત્વા ભજેત્કૃષ્ણં સુમન્દધીઃ॥
કોટિકલ્પં પ્રજપ્તોઽપિ ન મન્ત્રઃ સિદ્ધિદાયકઃ

ગૃહીત્વા કવચં વત્સ મહીં નિઃક્ષત્રિયાં કુરુ॥
ત્રિસ્સપ્તકૃત્વો નિશ્શંકઃ સદાનન્દો હિ લીલયા

।
રાજ્યં દેયં શિરો દેયં પ્રાણા દેયાશ્ચ પુત્રક ॥।
એવંભૂતં ચ કવચં ન દેયં પ્રાણસંકટે

ઇતિ શ્રીબ્રહ્મવૈવર્તે મહાપુરાણે તૃતીયે ગણપતિખણ્ડે નારદનારાયણસંવાદે પરશુરામાય શ્રીકૃષ્ણકવચપ્રદાનં નામૈકત્રિંશત્તમોઽધ્યાયઃ