ભિક્ષુણીવિનય · અધ્યાય 8

પાચત્તિકધર્મ 135
વર્ષાવુસ્તા
246. ભગવાન્ શ્રાવસ્તીયમ્ વિહરતિ । ભિક્ષુણીયો દાનિ શ્રાવસ્તીયં વર્ષોષિતાઃ વૈશાલીમ્ આગતાઃ । તાયો ભદ્રાયે કાપિલેયીયે જ્ઞાતિકુલં પ્રવિષ્ટાઃ । તા સ્ત્રિયો આહંસુઃ । કહિં આર્યમિશ્રિકા વર્ષોષિતાઃ । તા દાન્ આહંસુઃ । શ્રાવસ્તીયં । આહંસુઃ । કીદૃશી શ્રાવસ્તી । આહંસુઃ । ઇદૃશી ચ ઇદૃશી ચ એવમ્ આરામરમણીયા । એવં । જેતવનં । એવં ગન્ધકુટી । એવમ્ ભગવાન્ વિહરતિ । એવમ્ આર્યમિશ્રિકા શારિપુત્રમૌદ્ગલ્યાયનાઃ । યદિ પ્રવ્રજ્યા એષા પ્રવ્રજ્યા ઇયં પુનર્ અસ્માકમ્ આર્યધીતા ઇહૈવ જાતા । ઇહૈવ સમ્વૃદ્ધા । નૈવ કહિઞ્ચિ ગચ્છતિ કૂપમણ્ડૂક ઇવ તિષ્ઠતિ અનિઃક્રમા । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । યાવદ્ ભગવાન્ આહ । તેન હિ વર્ષાવુસ્તાયા ભિક્ષુણીય ચારિકા પ્રક્રમિતવ્યા । યાવદ્ ભગવાન્ આહ ।
યા પુન ભિક્ષુણી વર્ષાવુસ્તા ચારિકાં ન પ્રક્રમેય પાચત્તિકં ।
યા પુન ભિક્ષુણીતિ ઉપસમ્પન્ના । વર્ષોષિતેતિ વાર્ષિકાં ત્રયો માસાન્ ચારિકાં ન પ્રક્રમેયા તિ અન્તમસતો ગ્રામાન્તરં પિ વા પાચત્તિકં યાવત્ પ્રજ્ઞપ્તિઃ । સા એષા ભિક્ષુણી એવં રાત્રં પિ પ્રક્રમતિ પાચત્તિકં । અથ દાનિ જરાદુર્બલા વા વ્યાધિદુર્બલા વા ભોતિ ન પ્રતિબલા ગન્તું કિઞ્ચાપિ ગચ્છતિ અનાપત્તિઃ । ભિક્ષુર્ અપિ વર્ષાવુસ્તો ચારિકાં ન પ્રક્રમતિ વિનયાતિક્રમમ્ આસાદયતિ । તેન ભગવાન્ આહ ।
યા પુન ભિક્ષુણી વર્ષાવુસ્તા ચારિકાં ન પ્રક્રમેય પાચત્તિકં ॥ ણ્ક ॥
પાચત્તિકધર્મ 136
ઉદ્વહેય
247. ભગવાન્ શ્રાવસ્તીયમ્ વિહરતિ । સ્થૂલનન્દાય ભિક્ષુણીય જેતા ભિક્ષુણી રાજગૃહં ગચ્છમાની નિવારિતા । ઇહાર્યાય વર્ષા વસિતવ્યા તાય સા કુલેહિ સમ્વર્ણિતા । આર્યા જેતા ભદ્રિકા ગુણવતી અનુબદ્ધા તા સંવૃતા ચ । એતાય અધિકારં કરોથ સા દાનિ કુલાનિ ઉપસંક્રમતિ પ્રાસાદિકેન અતિક્રાન્તેન પ્રતિક્રાન્તેન અવલોકિતેન વ્યવલોકિતેન સમ્મિઞ્જિતપ્રસારિતેન સંઘાટીપાત્રચીવરધારણેન અનુબદ્ધા અનુન્નડા અચપલા અમુખરા અપ્રકીર્ણવાચા । સા પ્રાસાદિકા તિ પ્રસન્ના દેવમનુષ્યાઃ । તે તંહિ કારાં કુર્વન્તિ । પ્રત્યાલપન્તિ પ્રત્યુત્થિહેન્તિ નિમન્ત્રયન્તિ પાત્રેણ ચીવરેણ ગ્લાનપ્રત્યયભૈષજ્ય પરિષ્કારેહિ । સ્થૂલનન્દા ભિક્ષુણિ અનાકલ્પસંપન્ના અનીર્યાપથસમ્પન્ના ઓમલિનમલિનેહિ ચીવરેહિ પાટિતવિપાટિતેહિ વડ્ડડિઙ્ગરપુષ્ટાલંબેહિ સ્તનેહિ વડ્ઢેહિ સ્ફિચકેહિ ઉદ્ધતા ઉન્નડા ચપલા મુખરા પ્રકીર્ણવાચા । તે તસ્યા ન ગૌરવં કુર્વન્તિ ન નિમન્ત્રયન્તિ । સા દાનિ તાં ઉદ્વહતિ કાયેન વાચા । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । યાવદ્ ભગવાન્ આહ । શબ્દાપયથ નન્દાં સા દાનિ શબ્દાપિતા તદ્ એવ સર્વં પૃચ્છીયતીતિ યાવદ્ આમ ભગવન્ । ભગવાન્ આહ દુષ્કૃતં તે નન્દે યાવત્ ।
યા પુન ભિક્ષુણી ભિક્ષુણીમ્ એવમ્ ઉક્ત્વા ઇહાર્યે વર્ષં વસિતવ્યં ઇત્ય્ ઉક્ત્વા પશ્ચાદ્ ઉદ્વહેય વા ઉદ્વહાપેય વા પાચત્તિકં ।
યા પુન ભિક્ષુણીતિ ઉપસમ્પન્ના । ભિક્ષુણીમ્ એવમ્ વદે ઇહાર્યે વર્ષાં વસિતવ્યમ્ ઇતિ ત્રયો માસાં ઉક્ત્વેતિ નિવારયિત્વા પશ્ચાદ્ ઉદ્વહેય વા તિ કાયેન વા વાચા વા સ્વયં ઉદ્વહતિ । ઉદ્વાહાપેય વા તિ પરેણ કાયેન વા વાચાય પાચત્તિકં । યાવત્ પ્રજ્ઞપ્તિઃ । ન ક્ષમતિ નિવારયિત્વા પશ્ચાદ્ ઉદ્વહિતું અથ ભવતિ શિથિલિકા વા બાહુલિકા વા અશિક્ષાકામા વા કલહકારિકા વા પશ્યતિ યદીહ વશિષ્યતિ આશ્રયમ્ ઉત્પાદયિષ્યતીતિ । કિઞ્ચાપિ ઉદ્વહતિ અનાપત્તિઃ । સા એષા ભિક્ષુણી ભિક્ષુણીમ્ ઉદ્વહતિ પાચત્તિકં । શ્રામણેરીમ્ વા શિક્ષમાણાં વા ઉદ્વહતિ વિનયાતિક્રમઃ । અન્તમસતો ગૃહિણી પિ ઉદ્વહતિ સમ્વરગામીવિનયાતિક્રમમ્ આસાદયતિ ।
યા પુન ભિક્ષુણી યેવમ્ વદિત્વા ઇહાર્યે વર્ષમ્ વસિતવ્યન્ તિ ઉક્ત્વા પશ્ચાદ્ ઉદ્વહેય વા ઉદ્વહાપેય વા પાચત્તિકં ॥ તૃ ॥
પાચત્તિકધર્મ 137
પૂર્વોપગતં
248. ભગવાન્ શ્રાવસ્તીયમ્ વિહરતિ । અથ કાલી નામ ભિક્ષુણી । સા ઉપગચ્છતિ । તા કાલં ગ્રામાન્તરં ગતા । સા ભિક્ષુણીહિ ઉપગતાહિ આગતા । તત્ર ચ ભિક્ષુણીહિ વિહારોદ્દેશઃ શયનાસનોદ્દેશઃ કૃતઃ । સા દાન્ આહ । આર્યે મહ્યં વિહારં દેથ । સા વિહારં ન લભતિ । આહંસુઃ । કહિં આર્યા વર્ષોપનાયિકા કાલઙ્ ગતા । સા કલહં કરોતિ । અપરા દાનિ ભિક્ષુણી યોગાચારા । સા દાન્ આહ । આર્યે અયં મમ વિહારો । અત્ર મઞ્ચકં પ્રવેશેહિ સહિતિકા વસિષ્યામઃ । તયા તહિં મઞ્ચકો પ્રવેશિતો । સા કાષ્ઠખણ્ડા તિ યત્ર શાખાનિ પ્રવેશયતિ । સા દાન્ આહ । આર્યે મા વિહારે ઓવિલયં કરેહિ । સા દાન્ આહ । ભદ્રાયણિ કિન્ ત્વયા વિહારો કૃતો કિમ્ વિક્રીતો । સાંઘિકો વિહારો કિમ્ અર્થં ન પ્રવેશયિષ્યમ્ । સા ઉદ્વહતિ કાયેનાપિ વાચાયે પિ । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । યાવત્ શબ્દાપયથ કાલિં સા દાનિ શબ્દાપિતા । એતદ્ એવ સર્વં પૃચ્છીયતિ । યાવદ્ આમ ભગવન્ । ભગવાન્ આહ । દુષ્કૃતં તે કાલિ ।
યા પુન ભિક્ષુણી જાનન્તી ભિક્ષુણીં પૂર્વોપગતાં પશ્ચાદ્ આગત્વા ઉદ્વહેય વા ઉદ્વહાપેય વા કાયેન વા વાચાય વા પાચત્તિકં ।
યા પુન ભિક્ષુણીતિ ઉપસમ્પન્ના । જાનન્તીતિ સ્વયં વા જાનેય પરતો વા શ્રુણેય । ભિક્ષુણીમ્ પૂર્વોપગતામ્ ઇતિ પુરિમિકાયાં વર્ષોપનાયિકાયાં । પશ્ચાદ્ આગત્વેતિ પશ્ચિમિકાયાં । ઉદ્વહેય વા તિ સ્વયં । ઉદ્વહાપેય । વા તિ પરેણ કાયેણ વા વાચા વા પાચત્તિકં યાવત્ પ્રજ્ઞપ્તિઃ । સા એષા ભિક્ષુણીમ્ ઉદ્વહતિ પાચત્તિકં । શ્રામણેરીમ્ વા શિક્ષમાણામ્ વા ઉદ્વહતિ દેશનાગામિવિનયાતિક્રમમ્ આસાદયતિ । અન્તમસતો ગૃહિણીં પિ ઉદ્વહતિ સમ્વરગામિવિનયાતિક્રમઃ । તેન ભગવાન્ આહ ।
યા પુન ભિક્ષુણી જાનન્તી ભિક્ષુણીં પૂર્વોપગતાં પશ્ચાદ્ આગત્વા ઉદ્વહેય વા ઉદ્વહાપેય વા કાયેન વા વાચા વા પાચત્તિકં ॥ ફુ ॥
પાચત્તિકધર્મ 138
વિઘસં
249. ભગવાન્ કાશિષુ વિહરતિ । અપરાય દાનિ ભિક્ષુણીય ઉચ્ચારમલ્લકં અપ્રત્યવેક્ષિત્વા રથ્યાયાં છોરિતં । તહિં દાનિ અપરો બ્રાહ્મણો શીર્ષસ્નાતો આહતવસ્ત્રનિવસ્ત્રો તાય રથ્યાય અતિક્રમતિ । ઉચ્ચારમલ્લકં તસ્ય શીર્ષે પતિતં । તસ્ય શીર્ષં વસ્ત્રાણિ ચ વિનાશિતાનિ । જનેન ચોપહાસિતં બ્રાહ્મણ સુસ્નાતઃ સુવિલિપ્તસ્ ત્વમ્ ઇતિ । સો દાનિ તામ્ આક્રોશતિ । આહ । ઇતિકિતિકાય ધીતે શ્રમણિકે ન પશ્યસિ મમ શીર્ષં વસ્ત્રાણિ ચ વિષ્ઠેન વિનાશિતાનિ । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । પે । યાવદ્ આમ ભગવન્ । ભગવાન્ આહ । દુસ્કૃતન્ તે એવન્ નામ ત્વમ્ અપ્રત્યવેક્ષિય છોરેસિ । તેન હિ ન ક્ષમતિ અપ્રત્યવેક્ષિય છોરયિતું । અથ ખલુ ભગવાન્ યાવત્ પર્યવદાતાનિ ભવિષ્યન્તિ ।
યા પુન ભિક્ષુણી તિરોકુડ્યં ઉચ્ચારમ્ વા પ્રાસ્રાવમ્ વા ખેટકમ્ વા સિંઘાણકમ્ વા વિઘસમ્ વા સંકારમ્ વા અપ્રત્યવેક્ષિત્વા છોરયેત્ પાચત્તિકં ।

યા પુન ભિક્ષુણીતિ ઉપસમ્પન્ના । તિરોકુડ્યન્ તિ તિરઃપ્રકારમ્ ઉચ્ચારમ્ વા પ્રસ્રાવમ્ વા ખેટમ્ વા સિંઘાણકમ્ વા વિઘસમ્ વા સંકારમ્ વા વસ્ત્રધોવનમ્ વા ભાણ્ડધોવનમ્ વા કેશાન્ વા નખાન્ વા । અપ્રત્યવેક્ષિત્વેતિ અનિરીક્ષ્ય । છોરેયા તિ ઉજ્ઝેય । પાચત્તિકં યાવત્ પ્રજ્ઞપ્તિઃ । યદિ કિઞ્ચિત્ ઉજ્ઝિતુકામો ભવતિ પ્રત્યવેક્ષિતવ્યં । યદિ તાવદ્ આકીર્ણબહુજનમનુષ્યા રથ્યા ભવન્તિ આરામયિતવ્યં । અથ દાનિ અનાકીર્ણા ભવન્તિ કિઞ્ચાપિ છોરયત્ય્ અનાપત્તિઃ । તં પિ દાનિ ન ક્ષમતિ અશબ્દકર્ણિકાયે છોરયિતું અપિ તુ અચ્છટિકા દાતવ્યા ઉક્કાસિતવ્યમ્ વા । સા એષા ભિક્ષુણી નૈવ પ્રત્યવેક્ષતિ નાપિ અચ્છટિકાં દત્ત્વા છોરયતિ પાચત્તિકમ્ આસાદયતિ । ભિક્ષુર્ અપિ અપ્રત્યવેક્ષ્ય અચ્છટિકામ્ અકૃત્વા છોરયતિ વિનયાતિક્રમમ્ આસાદયતિ । તેન ભગવાન્ આહ ।
યા પુન ભિક્ષુણી તિરોકુડ્યં ઉચ્ચારમ્ વા પ્રસ્રાવમ્ વા ખેટં વા સિંઘાણકમ્ વા વિઘસમ્ વા સંકારમ્ વા અપ્રત્યવેક્ષ્ય છોરેય પાચત્તિકં ॥ ગ્રા ॥
પાચત્તિકધર્મ 139, 140
હરિત તૃણે
ઉદક
250. ભગવાન્ શ્રાવસ્તીયં વિહરતિ । રાજ્ઞો દાનિ પ્રસેનજિતસ્ય કોશલસ્ય પૂર્વકોષ્ઠકં નામ ઉદ્યાનમ્ પુષ્કિરિણીસમ્પન્નં । અનાવૃતં ભિક્ષૂનાં ભિક્ષુણીનાં આવૃતં ઇતરાયે જનતાયે । રાજા દાનિ આરામિકસ્યાહ । હો ભણે આરામિક પૂર્વકોષ્ઠકમ્ ઉદ્યાનં સિક્તસંસૃષ્ટં કરેહિ । શ્વો હં સાન્તઃપુરો નિર્યાસ્યં । તં દાનિ ષડ્વર્ગિણીહિ શ્રુતં । શ્વો રાજા સાન્તઃપુરો ઉદ્યાનભૂમિન્ નિર્યાસ્યતીતિ । તાયો દાનિ પ્રતિકૃત્ય્ એવ ગત્વા તહિં હરિતશાદ્વલોપસ્તરાણાયાં પક્વખેટેન ચ પક્વસિંઘાણકેન ચ વિનાશયિત્વા પદુમપત્રેહિ ઉચ્ચારસ્ય પુટકાનિ બન્ધિત્વા પુષ્કિરિણીયં પ્રવાહયેંસુઃ । તાયો દાનિ દિવસં તહિં કાકાવાહાં ભઞ્જિય સાયાહ્નસમયે નગરં પ્રવિષ્ટાઃ રાજા દાનિ પ્રસેનજિત કોશલો અપરેજ્જુકાતો નિરગતો સાન્તઃપુરો । તાયો દાનિ અન્તઃપુરિકાયો કથઞ્ચિદ્ એવ સમ્રોધાદ્ અવમુક્તા રન્ધનમોક્ષમ્ ઇવ મન્યમાનાઃ ચઞ્ચૂર્યન્તે । કાશ્ચિન્ નિષણ્ણાઃ કાશ્ચિન્ નિપન્નાઃ । કાશ્ચિદ્ ઇતો ચ ઇતો ચ ધાવન્તિ અવકાશં ગૃહ્ણન્તિ શાદ્વલોપસ્તરણે પરિભ્રામન્તિ । તાસાં દાનિ પક્વખેટેન પક્વસિંઘાણકેન વસ્ત્રાણિ વિનાશિતાનિ । પુષ્કિરિણીં ઓતીર્ણાઃ સ્નાનાય । તાયો પશ્યન્તિ પુટકાન્ પ્લવમાનાન્ । તાસાં ભવતિ કુલપુત્રકેહિ શ્રુતં શ્વો રાજા સાન્તઃપુરો ઉદ્યાનં પ્રવેક્ષ્યતીતિ તેહિ એતે ગન્ધપુટકાઃ પ્રવાહિતા ઇતિ કૃત્વા તાયો ગૃહ્ણન્તિ । તે ઉદકેન ક્લિન્ના ઉચ્ચારેણ ચા ખાદિતાઃ પ્રકૃતિસુકુમારં ચ પદ્મપત્રં । ગૃહીતમાત્રમ્ એવ વિલીનં । હી હી વિષ્ઠં તા દાનિ રાજ્ઞો ઉપસંક્રાન્તા આહંસુ । મહારાજ એષ તાવદ્ ઈદૃશી અવસ્થા રાજા આહ શબ્દાપયથ આરામિકં । સો દાનિ શબ્દાપિતો । રાજા આહ । હો ભણે આરામિક કેન ઉદ્યાનં વિટ્ટાલિતં । આહ ષડ્વર્ગિણીયો શ્રમણીયો એવ દિવસં કાકવાહા ભઞ્જિત્વા ગતાઃ । રાજા હસિત્વા આહ । તાસામ્ અવિનીતાનાં કર્મ ભવિષ્યતિ । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । મહાપ્રજાપતી પિ ગૌતમી ભગવતો આરોચયેત્ । યાવદ્
યા પુન ભિક્ષુણી હરિતે તૃણે ઉચ્ચારમ્ વા પ્રસ્રાવમ્ વા ખેટમ્ વા સિંઘાણકમ્ વા કુર્યાત્ પાચત્તિકં ॥
યા પુન ભિક્ષુણી ઉદકે ઉચ્ચારમ્ વા પ્રસ્રાવમ્ વા ખેટમ્ વા સિંઘાણકમ્ વા કુર્યાત્ પાચત્તિકં ॥
યા પુન ભિક્ષુણીતિ ઉપસમ્પન્ના । ઉચ્ચારન્ તિ ગૂથં । પ્રસ્રાવન્ તિ મૂત્રં । ખેટમ્ ઇતિ શ્લેષ્મા । સિંઘાણકન્ તિ પક્વસિંઘાણકં । હરિતે તૃણે ઇતિ શાદ્વલે અચ્છિન્નાલૂનસ્મિં ઉદન્ તિ ઉદકાનિ નામ દશ । નાદિકં તાડાગં ઔદુપાનિકં શ્વભ્રોદકં પ્રઘારિમં વૃષ્ટિસ્થિતં ઉચ્છોદકં અન્તરીક્ષપાનીયં હિમવિલીનં સામુદ્રમ્ વા ઉચ્ચારમ્ વા પ્રસ્રાવં વા કુર્યાત્ પાચત્તિકં યાવત્ પ્રજ્ઞપ્તિઃ । અથ દાનિ પ્રાવૃષેણ્યા સે સર્વભુમિઃ શાદ્વલોપસ્તરેણા ભવતિ યહિં પ્રદેશે સ્વલ્પહરિતમ્ ભવતિ તહિં કર્તવ્યં । અથ દાનિ અલ્પહરિતં ન ભવતિ કટાહકે વા ઇષ્ટકાયમ્ વા ઉપલે વા શુષ્કતૃણે વા કાષ્ઠખણ્ડે વા યત્ર વા અન્યેન ઉચ્ચારો કૃતો ભવતિ બલીવર્દેન વા । યત્ર વા અન્યેન મનુષ્યેન કૃતો તહિં કર્તવ્યં અથ દાનિ એવં ન ભવતિ અન્તમસતો કનીયસિં પિ અઙ્ગુલિં ઉપદ્રાહયિત્વા કર્તવ્યં । તથા કર્તવ્યં યથા તહિમ્ પ્રથમમ્ નિપતતિ । અથ દાનિ ચઙ્ક્રમતિ ન ક્ષમતિ હરિતશાદ્વલે શ્લેષ્મં છોરયિતું । અથ ખુ કટે વા પત્રપુટિકાયાં વા છોરયિતવ્યં । તેન ભગવાન્ આહ ।
યા પુન ભિક્ષુણી હરિતે તૃણે ઉચ્ચારમ્ વા પ્રસ્રાવમ્ વા ખેટમ્ વા સિંઘાણકમ્ વા કુર્યાત્ પાચત્તિકં ।
યા પુન ભિક્ષુણી ઉદકે ઉચ્ચારમ્ વા પ્રસ્રાવમ્ વા ખેટમ્ વા સિંઘાણકમ્ વા કુર્યાત્ પાચત્તિકં ॥
પાચત્તિકધર્મ 141
ગણલાભ
251. ભગવાન્ શ્રાવસ્તીયમ્ વિહરતિ । તાયો દાનિ ષડ્વર્ગિણીયો છન્દકં અણ્વન્તિ । આહંસુઃ । પ્રજાપતિ દેથ ચ્છન્દકં આર્યમિશ્રિકાણાં ભક્તં કરિષ્યામઃ । તા દાનિ સ્ત્રિયો પ્રયચ્છન્તિ । તા દાન્ આહંસુઃ આર્યા યં દિવસં સંઘભક્તં કરિષ્યથ તદાસ્માકમ્ અપિ આરોચયેથ । વયમ્ અપિ પરિવેષકા આગમિષ્યામો તિ । તાહિ દાનિ નિમન્ત્રિતાઃ । આયુષ્મન્તો શારિપુત્રમૌદ્ગલ્યાયનૌ અનિરુદ્ધો રેવતઃ કપ્ફિણો શ્રોણકોટીવિંશ ઉપવાનો આયુષ્માન્ રાહુલો ષડ્વર્ગિકાશ્ ચ । તાહિ દાનિ દ્વેઆસનપ્રજ્ઞપ્તી કૃતા । એકા સ્થવિરાણાં અપરા ષડ્વર્ગિકાણાં । તહિં દાનિ ભિક્ષૂ કાલસ્યૈવ નિવાસયિત્વા પ્રાવરિત્વા ચ પ્રવિષ્ટાઃ । તતો આયુષ્મતો શારિપુત્રસ્ય દાતું શાલિનામોદનં મુદ્ગાનાં સૂપો ઘૃતં દધિ ચ । આયુષ્મતો મૌદ્ગલ્યાયનસ્ય યવકોદનો માષસૂપો તૈલં ચ । અપરેષામ્ ષષ્ટિકોદનો સૂપો ચ । અપરેષાં કોદ્રવોદનો । અપરેષાં વ્યઞ્જનાનિ દિન્નાનિ ઓદનો ન દીયતે । અપરેષાં શાકં દિન્નં ઓદનો ન દીયતે । અપરેષાં વાટિકોદનો વ્યઞ્જનં ન દીયતે । આયુષ્મતો રાહુલસ્ય પિ શ્યાકશાકં

તા દાનિ સ્ત્રિયો ભક્ષ્યભોજ્યમ્ આદાય ગતાઃ પૃચ્છન્તિ । કહિન્ તે આર્યમિશ્રિકાઃ । તાયો દાનિ સ્થવિરાન્ ભિક્ષૂન્ આવરિત્વા ષડ્વર્ગિકાન્ દર્શેન્તિ । તતસ્ તેષાન્ દીયતે શાલિના મોદનં મુદ્ગાનાં સૂપો ઘૃતં । નવનીતં અમ્બુ મધુરાણિ ગૌડન્ દધિ શ્વેતં દધિ ક્ષીરં સમિતાસમિતં યસ્યાર્થં યાવ્ અર્થં દીયતિ । યત્ કિઞ્ચિત્ પ્રણીતસમ્મતં ભક્ષ્યભોજ્યં પેયં ચોષ્મં તં ષડ્વર્ગિકાણાન્ દાપયન્તિ । ઇમે તે આર્યમિશ્રિકાઃ ભિક્ષૂ પિ ભુક્તવિભુક્તકાઃ ઉત્થાયોત્થાય ભગવતઃ પાદવન્દા ઉપસંક્રાન્તા । ભગવાન્ જાનન્તો યેવ પૃચ્છતિ । અપિ તુ શારિપુત્ર શોભને માસિ મૃષ્ટમ્ વા પ્રણીતમ્ વા પ્રભૂતમ્ વા । સ્થવિરો આહ । કૃતં ભગવન્ આહારેણાહારકૃત્યં । દ્વિતીયમ્ પિ તૃતીયમ્ પિ । ભગવાન્ આહ । થેરો આહ । લબ્ધો ભગવન્ શાલિનામોદનં મુદ્ગાનાં સૂપો નવનીતં અમ્બુ મધુરાણિ વ્યઞ્જનનિ ગૌડન્ દધિ ક્ષીરં યસ્યાર્થં યાવદ્ અર્થં દીયતિ યથાપીદં ભગિનીનાં શ્રદ્ધાપ્રસન્નાનાં પરિગ્રહે । ભગવાન્ આહ । કે તહિં સંઘસ્થવિરો ભૂત । આયુષ્માં ચ્છારિપુત્રો । ભગવાન્ આહ । સત્યં શારિપુત્ર આહ । આમ ભગવન્ । ભગવાન્ આહ । દુર્ભુક્તં તે શારિપુત્ર એવં ચ નામ ત્વં ભિક્ષુસંઘં વિહેઠયન્તં અધ્યુપેક્ષસિ । યસ્ય ભગવાન્ દુર્ભુક્તમ્ ઇત્ય્ આહ તસ્ય તં કલ્પમ્ વા કલ્પાવશેષમ્ વા તિષ્ઠેય નૈવ જરા ગચ્છેય । સ્થવિરેણ કાકપોટં દત્ત્વા સર્વ દરદરાય વાન્તં । ભગવાન્ આહ । શબ્દાપયથ ભિક્ષુણીયો તાયો શબ્દાપિતાઃ । એતદ્ એવ પૃચ્છીયન્તિ । આહંસુઃ । આમ ભગવન્ । ભગવાન્ આહ દુષ્કૃતં વો ભિક્ષુણીયો એવમ્ ચ નામ યૂયં જાનન્તીયો ગણલાભં ગણસ્ય પરિણામયથ । તેન હિ ન ક્ષમતિ । અથ ખલુ ભગવાન્ યાવત્ પર્યવદાતાનિ ભવિષ્યન્તિ ।
યા પુન ભિક્ષુણી જાનન્તી ગણલાભં ગણસ્ય પરિણતં ગણસ્ય પરિણામયેત્ પાચત્તિકમ્ ।
યા પુન ભિક્ષુણીતિ ઉપસમ્પન્ના । જાનન્તીતિ સ્વયમ્ વા જાનેય પરતો વા શ્રુણેય । ગણલાભમ્ ઇતિ ભિક્ષુગણસ્ય ભિક્ષુણીગણસ્ય । લાભમ્ ઇતિ અષ્ટ લાભાઃ યાવત્ કાલિકો યામયામિકો યાવત્ કલ્પિકાકલ્પિકો પરિણતન્ તિ પરિનિષ્પન્નં । ગણસ્ય પરિણામયેત્ પાચત્તિકં યાવત્ પ્રજ્ઞપ્તિઃ । એષ દાનિ કોચિદ્ આગચ્છતિ દેયધર્મં દાતુકામો । આહ । આર્યે ઇચ્છામિ પરિગૃહ્યમાણન્ તિ પરિગૃહ્ણીતવ્યં ।
પ્રાતિદેશનિકા ધર્મા 18
સર્પિસ્ તૈલં એત્ચ્
252. તિ । તે દાનિ ભિક્ષૂ ષડ્વર્ગિકાઃ સર્પિકેહિ સર્પિ તૈલકેહિ તૈલં ગૌડકેહિ ગુડં માધુકેહિ મધું માત્સિકેહિ મત્સ્યં માંસિકેહિ માંસં દુગ્ધિકેહિ દુગ્ધં દોધિકેહિ દધિં વિજ્ઞપિય ખાદન્તિ । જનો દાનિ ઓજ્ઝાયતિ । પશ્યથ ભણે શ્રમણો ગૌતમો ઽનેકપર્યાયેણાલ્પેચ્છતાય વર્ણવાદી યાવચ્ છિક્ષાપદં પ્રજ્ઞપ્તં । તસ્માદ્ ઇહ ગૌતમિ ભિક્ષુણીભિર્ અવિ અત્રૈવ શિક્ષિતવ્યં ।
એષૈવાર્થોત્પત્તિઃ । એકમ્ ઇદમ્ ગૌતમિ સમયં તથાગતો શાક્યેષુ વિહરતિ । યાવદ્ ભગવાન્ મહાપ્રજાપતીં ગૌતમીમ્ આમન્ત્રયતિ । સન્નિપાતય ગૌતમિ ભિક્ષુણીયો યાવત્ પર્યવદાતાનિ ભવિષ્યન્તિ ।
યા પુન ભિક્ષુણી આત્માર્થાય અગિલાના કુલેહિ સર્પિં વિજ્ઞાપેત્વા વા વિજ્ઞાપાયેત્વા વા ખાદેય વા ભુઞ્જેય વા પ્રતિદેશયિતવ્યં તાય ભિક્ષુણીય અસંપ્રેયમ્ મે આર્યમિશ્રિકા પ્રાતિદેશનિકં ધર્મમ્ આપન્ના તન્ ધર્મં પ્રતિદેશયામિ । અયન્ ધર્મો પ્રાતિદેશનિકો ।
એવમ્ સર્પિસ્ [1] । તૈલં [2] । મધુ [3] । ફાણિતં [4] । દુગ્ધં [5] । દધિ [6] । મત્સ્યં [7] । માંસં [8] ।
યા પુન ભિક્ષુણીતિ ઉપસમ્પન્ના । આત્માર્થાયેતિ આત્માનં સન્ધાય આત્માનમ્ ઉપનિધ્યાય । અગિલાના તિ પ્રત્યુદ્ધૃતં ભગવતા પદં અનાપત્તિ ગિલાનાય । કિન્ તાવદ્ અત્ર ગૈલાન્યમ્ અભિપ્રેતમ્ । જરાદુર્બલા વા વ્યાધિદુર્બલા તા વિરેચનપીતા વા શિરાવિદ્ધા વા શ્લેષ્મા વા સન્નિપાતા વા । કુલેહીતિ ક્ષત્રિયકુલાનિ વા બ્રાહ્મણકુલાનિ વા યાનિ વા પુનર્ અન્યાન્ય્ અપિ કાનિચિત્ કુલાનિ । સર્પીતિ સર્પિન્ નામ ગાવિય માહિષીયે અજાયે એડકાય ઉષ્ટ્રીય । વિજ્ઞપેત્વા તિ સ્વયં વિજ્ઞાપેત્વા । વિજ્ઞપાયેત્વા તિ પરેણ વિજ્ઞપાયેત્વા । ખાદેયા તી યં ખાદનીયં । ભોજનીયન્ તિ યં ભોજનીયં । પ્રતિદેશયિતવ્યં તાય ભિક્ષુણીય યાવદ્ અયમ્ ધર્મો પ્રાતિદેશનિકો ।
અથ દાનિ પિત્તસંક્ષોભો ભવતિ લભ્યા સર્પિ વિજ્ઞાપેતું પેયાલં । અથ દાનિ પિણ્ડપાતમ્ અણ્વન્તિ પશ્યતિ ઘૃતં વિક્રાયન્તં ન દાનિ વક્તવ્યં । "દિર્ઘાયુઃ લાભો લભ્યતુ બહુઞ્ ચ ભવતુ ।" લબ્ધો ચ સ્થાવરો ભવતુ । અથ દાન્ આહ । કેનાર્થો આર્યાયે । વક્તવ્યં પિણ્ડચારં અણ્વામિ । અથ દાન્ આહ । અર્થો આર્યાય સર્પિણા યદ્ય્ અર્થિકા ભોતિ । વક્તવ્યમ્ અર્થો । યદિ પૂરં પિ પાત્રં લભતિ અનાપત્તિઃ । અથ દાનિ અપરા પિ કાચિદ્ ભવતિ લભ્યા પ્રત્યુત્પન્નપ્રાયેણ (!) વક્તું ઇમાયે પિ દેહીતિ ।
એવં તૈલં । યદિ વાતવિકારો ભવતિ લભ્યા તૈલં વિજ્ઞપયિતું તં પિ દાનિ ન તૈલપીડકાનાં તેન વિજ્ઞપયિતવ્યં । અથ દાનિ પિણ્ડચારમ્ અણ્વન્તિ પશ્યતિ તૈલં માપિયન્તં યાવત્ પૂરં પિ પાત્રં લભતિ અનાપત્તિઃ । યાવત્ લભ્યા પ્રત્યુત્પન્નપ્રયોગેણ વક્તું ઇમાયે પિ દેહીતિ ।
એવં મધુ । યદિ શ્લેષ્મવિકારો ભવતિ લભ્યં મધુ વિજ્ઞપયિતું । તં પિ દાનિ ના ક્ષમતિ મધુઘાતકાનાં તેન વિજ્ઞપયિતું ।
એવં ફાણિતં । યદિ ગિલાના ભવતિ વૈદ્યો આહ આર્યે ગુડપ્રયોગં કરોહીતિ લભ્યં ગુડં વિજ્ઞપયિતું ।
એવમ્ દુગ્ધં । લભ્યં દુગ્ધં પિયયિતું । અથ દાનિ પિણ્ડચારમ્ અણ્વતિ પશ્યતિ યો કુલેહિ ગાવો દુહ્યન્તાં ન દાનિ વક્તવ્યં । બહુલાભો લભ્યતુ ક્ષેમેણ ગાવો ચરન્તુ । આહંસુઃ । કેન આર્યાયે અર્થો । વક્તવ્યં । પિણ્ડચારમ્ અણ્વામિ । આહંસુઃ । અર્થો આર્યાયે દુગ્ધેનાપૂરમ્ પિ પાત્રં પ્રતીચ્છત્ય્ અનાપત્તિઃ યાવત્ પ્રત્યુત્પન્નપ્રયોગેન લભ્યા વક્તું ઇમાય પિ દેહીતિ । અથ દાનિ શ્વેતમયં સિક્ષતિ । નાસ્તિ શ્વેતમયં । ઇચ્છસિ દુગ્ધં । આહ । ઇચ્છામિ । પૂરમ્ પિ પાત્રં લભતિ અનાપત્તિઃ ।
અથ દાનિ પ્રતિશ્યાયો ભવતિ । વૈદ્યો આહ દધિકૃત્યં કરોહીતિ લભ્યં દધિ વિજ્ઞપયિતું । અથ દાનિ પિણ્ડચારમ્ અણ્વતિ પશ્યતિ દધિ માપીયમાનં લભ્યા મસ્તુ વિજ્ઞપયિતું । અથ દાન્ આહ । નાસ્તિ મસ્તુ ઇચ્છસિ દધિં । આહ ઇચ્છામિ । પૂરં પિ પાત્રં પ્રતિગૃહ્ણાતિ અનાપત્તિઃ ।
અથ દાનિ ભિક્ષુણી વમનં વિરેચનં વા કર્તુકામા ભવતિ વૈદ્યો જલ્પતિ આર્યે અભિષ્યન્દેહિ મત્સ્યરસેહીતિ । યાવન્ ન ક્ષમતિ કૈવર્તાનાં વિજ્ઞપયિતું । અથ દાનિ પિણ્ડચારમ્ અણ્વતિ લભ્યં આમ્બૂકાઞ્જિકં વિજ્ઞપયિતું ।
અથ દાનિ સિરાવિદ્ધિકા ભવતિ । વિરેચનપીતિકા ભવતિ । વૈદ્યો આહ । આર્યે માંસરસં પ્રતિસેવાહિ । લભ્યં માંસરસં વિજ્ઞપયિતું । ન ક્ષમતિ ઓરોભ્રિકાનાં તેન । અથ દાનિ પિણ્ડચારમ્ અણ્વતિ લભ્યં શાકરસં વિજ્ઞપયિતું । અથ દાન્ આહ । નાસ્તિ આર્યે શાકરસો ઇચ્છસિ માંસરસં । આહ । ઇચ્છામિ । પૂરં પિ પાત્રં લભતિ અનાપત્તિઃ ।

અથ દાનિ જાનાતિ અમુકસ્મિં કાલે કદાચિદ્ ગૈલાન્યં ભવિષ્યતિ ઇમાનિ ભૈષજ્યાનિ દુર્લભાનિ ભવિષ્યન્તીતિ પ્રતિકૃત્ય્ એવ યાચતિ અનાપત્તિઃ । ગ્લાના વિજ્ઞપિય અગિલાના ખાદતિ વિનયાતિક્રમઃ । અગિલાના વિજ્ઞપિય ગ્લાના ખાદતિ અનાપત્તિઃ । અગ્લાના વિજ્ઞાપિય અગ્લાના ખાદતિ પ્રતિદેશયિતવ્યં ।
અસંપ્રેયં સિદ્ધં સંપ્રેયં ખાદતિ અનાપત્તિઃ । સંપ્રેયં સિદ્ધં । અસંપ્રેયં સિદ્ધં । અસંપ્રેયં ખાદતિ વિનયાતિક્રમઃ । સંપ્રેયં સિદ્ધં સંપ્રેયં ખાદતિ અનાપત્તિઃ । પરપ્રતિબદ્ધાય જીવિકાય અનાપત્તિઃ । તેન ભગવાન્ આહ ।
યાનિ ખો પુનર્ ઇમાનિ પ્રણીતસમ્મતાનિ ભોજનાનિ ભવન્તિ સય્યથ્ઽ ઈદં સર્પિઃ એવંરૂપં તં ભિક્ષુણી અગિલાના કુલેહિ વિજ્ઞપેત્વા વા વિજ્ઞાપાયેત્વા વા ખાદેય વા ભુઞ્જેય વા પ્રતિદેશયિતવ્યં તાય ભિક્ષુણીય । અસંપ્રેયમ્ મે આર્યે ગાર્હ્યં પ્રાતિદેશનિકં ધર્મમ્ આપન્ના તં ધર્મં પ્રતિદેશયામિ । અયં ધર્મો પ્રાતિદેશનિકો ।
એવં તૈલેન કર્તવ્યં । મધુફાણિતં દુગ્ધં દધિ મત્સ્યં માંસં ।
યાનિ ખો પુનર્ ઇમાનિ પ્રણીતસમ્મતાનિ ભોજનાનિ ભવન્તિ સય્યથ્ઽ ઈદં માંસં એવંરૂપં ભિક્ષુણી અગિલાના કુલેહિ વિજ્ઞપેત્વા વા વિજ્ઞપાયેત્વા વા ખાદેય વા ભુઞ્જેય વા પ્રતિદેશયિતવ્યં તાય ભિક્ષુણીય । અસંપ્રેયમ્ મે આર્યે ગાર્હ્યં પ્રાતિદેશનિકં ધર્મપર્યાયં વા તન્ ધર્મં પ્રતિદેશયામિ । અયં પિ ધર્મો પ્રાતિદેશનિકો ॥
ઉદ્દાનં ।
સરિપિસ્ [1] । તૈલં [2] । મધુ [3] । ફાણિતં [4] । દુગ્ધમ્ [5] દધિ [6] । મત્સ્ય [7] । માંસં [8] । ઇદમ્ અષ્ટમં । ભિક્ષુણીનાં પ્રાતિદેશનિકાં ॥
શૈક્ષા ધર્મા 166
253. શૈક્ષા વિસ્તરેણ કર્તવ્યા યથા ભિક્ષુણાં સર્વે ષડ્વર્ગાહ્ સ્થાપયિત્વા હરિતોદકે ।
ઉદ્દાનમ્ ।
નિવાસનં [1] । પ્રાવરણં [2] । સુસંવૃતં [3] । ચક્ષુઃ [4] । શબ્દં [5] । નોચ્ચગ્ઘિકા [6] । નોગુણ્ઠિકા [7] । નોત્ક્ષિપ્તિકા [8] । ન ઉત્કુટુકે [9] । ન ખમ્ભ [10] । ન કાય [11] । ન શીર્ષ [12] । ન બાહુકેન [13] ॥ પ્રથમો વર્ગઃ ॥
ઉદ્દાનં ।
સુસંવૃતા [14] । ચક્ષુઃ [15] । ન શબ્દ [16] । ઉચ્ચગ્ઘયિકા [17] । ન ઓગુણ્ઠિકા [18] । નોત્ક્ષિપ્તિકા [19] । ન ઓસક્તિકા [20] । ન પલ્લત્થિકા [21] । ન ખમ્ભ [22] । ન હસ્તપાદકૌકૃત્યેન [23] । દ્વિતીયો વર્ગઃ ॥
ઉદ્દાનં ।
દ્વે સત્કૃત્ય [24, 25] । સમસૂપ [26] । ન સ્તૂપ [27] । નાવકીર્ણ [28] । નાવગણ્ડ [29] । ન જિહ્વા [30] । નાતિમહન્ત [31] । નાનાગત [32] । ન કવડોત્ક્ષેપક [33] । ન કવડચ્છેદક [34] । ન સકવડેન [35] । તૃતીયો વર્ગઃ ॥
ઉદ્દાનં ॥
ત્રયો નિર્લેહા [36, 37, 38] । ચુચ્ચુ [39] । સુરુસુરુ [40] । ગુલુગુલુ [41] । ન હસ્ત [42] । ન સિત્થ [43] । નોધ્યાયન [44] । પાત્રસંજ્ઞી [45] । વિજ્ઞપ્તિ [46] । છાદયતિ [47] । ન પાત્રોદકે [48] । ન સસિત્થેન [49] । ચતુર્થો વર્ગઃ ॥
ઉદ્દાનં ।
ન સ્થિતા [50] । ન નિષણ્ણા [51] । ન ઉચ્ચાસના [52] । ઉપનહ [53] । ન પાદુકા [54] । ન ઓગુણ્ઠિકા [55] । ન સંમુખ [56] । ન ઓસક્તિકા [57] । ન પલ્લત્થિકા [58] । પૂર્યતે પઞ્ચમો વર્ગઃ ॥
ઉદ્દાનં ।
ન શસ્ત્રાયુધ [59, 60] । દણ્ડ [61] । છત્ર [62] । ઉત્પથ [63] । પૃષ્ઠતો [64] । યાન [65] । સ્થિતકેન [66] । ષષ્ઠો વર્ગઃ ॥
સપ્ત અધિકરણસમથા ધર્મા
ધર્મા અનુધર્મા
254. સપ્તાધિકરણસમથા ધર્મા યથા ભિક્ષૂણાં ।
સમ્મુખ [1] । સ્મૃતિ [2] । અમૂઢ [3] । પ્રતિજ્ઞા [4] । તસ્ય પાપેયશિક [5] । યો ભુયસિક [6] । તૃણપ્રસ્તારકો [7] ચ સપ્તમઃ ॥
ધર્મશ્ ચાનુધર્મશ્ ચ યથા ભિક્ષૂણાં ।
સમાપ્તો ભિક્ષુણીનાં પ્રાતિમોક્ષવિભઙ્ગઃ ॥
ભિક્ષુણી પ્રકીર્ણક 1
નિષદ્યાપ્રતિસંયુક્તં
255. આર્યમહાસાંઘિકાનાં લોકોત્તરવાદિનાં ભિક્ષુણીપ્રકીર્ણકસ્યાદિઃ ।
ભગવાન્ શ્રાવસ્તીયમ્ વિહરતિ । તાયો દાનિ ભિક્ષુણીયો પશ્ચિમં પ્રહાણં સ્વસ્તિકપર્યઙ્કેન નિષીદન્તિ । અથાપરાયે દાનિ ભિક્ષુણીયે વ્રણમુખેન દીર્ઘકો ઽનુસ્રોતેન પ્રવિષ્ટો । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । મહાપ્રજાપતી ગૌતમી ભગવતો આરોચયેત્ । ભગવાન્ આહ । ગચ્છથ તાયે અમુકં ભૈષજ્યં દેથ તતો સો દીર્ઘકો નિષ્ક્રમિષ્યતિ । તાયે દાનિ તં ભૈષજ્યં દિન્નં પિબનાયે । સો દીર્ઘકો અનુસ્રોતમ્ આગતો ન ચ મૃતો । ભગવાન્ આહ । એવં ચ નામા યૂયં સ્વસ્તિકપર્યઙ્કેન નિષીદથ । તેન હિ ન ક્ષમતિ સ્વસ્તિકપર્યઙ્કેન નિષીદિતું । નિષદ્યાપ્રતિસંયુક્તં । ન ક્ષમતિ ભિક્ષુણીયે પર્યઙ્કેન નિષીદિતું । અથ ખલ્વ્ એકિના પદેન પર્યઙ્કો બદ્ધવ્યઃ । અપરાય પાર્ષ્ણિકાય વ્રણમુખં પિથયિતવ્યં । સા એષા ભિક્ષુણી સ્વસ્તિકપર્યઙ્કેન નિષીદતિ વિનયાતિક્રમમ્ આસાદયતિ । ઇદમ્ ઉચ્યતે નિષદ્યાપ્રતિસંયુક્તં ॥
ભિક્ષુણીપ્રકિર્ણક 2
કઠિનપ્રતિસંયુક્તં
256. ભગવાન્ શ્રાવસ્તીયમ્ વિહરતિ । તા દાનિ ભિક્ષુણીયો કઠિને ચીવરં નિક્ષિપિય સીવન્તિ । અપરાયે ભિક્ષુણીયે વંસવિદલિકાય વ્રણમુખેન કૃતં રુધિરમ્ ઉત્પાદિતં । એતં પ્રકરણં । પેયાલં । ભગવાન્ આહ । તેન હિ ન ક્ષમતિ કઠિને નિષીદિતું । કઠિનપ્રતિસંયુક્તં । એતા દાનિ ભિક્ષુણીયો ચીવર નિષીદિતુકામા ભવન્તિ । ન ક્ષમતિ કઠિને નિષીદિતું । અથ ખુ ઉપસ્થાનશાલાયામ્ વા પ્રાસાદે વા પ્રહાણશાલાયામ્ વા આકાર્ષાન્ દત્ત્વા ચીવરકં પ્રજ્ઞપિય સીવિતવ્યં । અથ એવં પિ ન ભવતિ । પીઠસ્ય વા મઞ્ચસ્ય વા ઉપરિ પ્રજ્ઞપયિત્વા સીવિતવ્યં । અથૈવં પિ ન ભવતિ જાનુકાનામ્ ઉપરિ સ્થાપય્યિત્વા સીવિતવ્યં । સા એષા ભિક્ષુણી કઠિને નિષીદતિ વિનયાતિક્રમમ્ આસાદયતિ । ઇદમ્ ઉચ્યતે કઠિનપ્રતિસંયુક્તં

ભિક્ષુણીપ્રકીર્ણક 3
વેઠકપ્રતિસંયુક્તં
257. ભગવાન્ શ્રાવસ્તીયમ્ વિહરતિ । સ્થૂલનન્દા દાનિ ભિક્ષુણી સંબહુલાનિ સ્ત્રીહિ સાર્ધં નદીમ્ અજિરાવતીઙ્ ગત્વા એકાન્તે ચીવરકાણી નિક્ષિપિય સ્નાનાયાવતીર્ણા । સા દાનિ પ્રતિકૃત્યેવોત્તરિત્વા વેઠકેન કાયં વેઠયિત્વા સ્ત્રીણામ્ આહ । પ્રજાપતિ નિધ્યાપયથ માં । કિમ્ અહં શોભામિ ન શોભામીતિ । તા દાન્ આહંસુઃ । કિમ્ પુનર્ આર્યાય મુણ્ડાય પિણ્ડિલિકાય એતેન કાર્યં । વયં કામોપભોગનીયા માનાર્થાય એવં કરોમઃ । કુટુમ્બિકાનાં પ્રિયતરિકા ભવિષ્યામો તિ । આર્યે કિમ્ એતેન । યં તાહિ સ્ત્રીહિ અવધ્યાપિતં તં દાનિ ભિક્ષુણીહિ શ્રુતં । એતં પ્રકરણં । પે । યાવદ્ આમ ભગવન્ । ભગવાન્ આહ । દુષ્કૃતં તે નન્દે યાવત્ તેન હિ ન ક્ષમતિ વેઠકેન કાયં વેઠયિતું । વેઠકપ્રતિસંયુક્તં । સા એષા ભિક્ષુણી વેઠકેન પટ્ટકેન વા કાયં વેઠયતિ વિનયાતિક્રમમ્ આસાદયતિ । અથ દાનિ પટ્ટિકાય વા લોહકેન વા કાયં વેઠયતિ । ન ક્ષમતિ દ્વિર્ અપિ વેલ્લકં ત્રિર્ અપિ વેલ્લકં વેઠયિતું । અથ ખુ એક પરિવેલ્લકં વેઠયિતવ્યં । અથ દાનિ વાતેન પાર્શ્વં ગૃહીતં ભવતિ । ગણ્ડમ્ વા પિટકમ્ વા ક્ષતમ્ વા ઉપહતમ્ વા ભવતિ કિઞ્ચાપિ પટ્ટકેન કાયં વેઠયત્ય્ અનાપત્તિઃ । ઇદમ્ ઉચ્યતે વેઠકપ્રતિસંયુક્તં