ભિક્ષુણીવિનય · અધ્યાય 5

ઉદ્દાનં ।
સમ્મુખમ્ [91] । ઊનદ્વાદશવર્ષા [92] ।
અનઙ્ગોપેતા [93] । અસમ્મતા [94] । દુઃશીલા [95] ।
ઊનવિંશતિવર્ષા કુમારીભૂતા [96] ।
અદેશિતશિક્ષા [97] । અપરિપૂરશિક્ષા [98] ।
અસમ્મતા [99] । ઊનદ્વાદશવર્ષા ગૃહિચરિતાય [100]
પૂર્યતે દશમો વર્ગઃ ॥
પાચત્તિકધર્મ 101
અદેશિતશિક્ષા
215. ભગવાન્ શ્રાવસ્તીયમ્ વિહરતિ । ભગવતા શિક્ષાપદં પ્રજ્ઞપ્તં । ન ક્ષમતિ ઊનદ્વાદશવર્ષાં ગૃહિચરિતામ્ ઉપસ્થાપયિતુન્ તિ । તાયો દાનિ ભિક્ષુણીયો પૂરદ્વાદશવર્ષાં ગૃહિચરિતામ્ ઉપસ્થાપયન્તિ । ભિક્ષુણીયો દાનિ ઓજ્ઝાયન્તિ । કો જાનાતિ પૂરદ્વાદશવર્ષા વા ન વેતિ । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । પે । યથા કુમારિભૂતાય અષ્ટાદશવર્ષાય દ્વે વર્ષાણિ શિક્ષાદેશનાસમ્મુતિર્ યાચિતવ્યા । વિસ્તરેણ । તેન ભગવાન્ આહ ।
પૂરદ્વાદશવર્ષા પિ ચ ભવતિ ગૃહિચરિતા તાં ચાદેશિતશિક્ષામ્ ઉપસ્થાપયેત્ પાચત્તિકં

પાચત્તિકધર્મ 102
અપરિપૂરશિક્ષા
216. ભગવાન્ શ્રાવસ્તીયમ્ વિહરતિ । સુદિન્ના નામ અભટગણકભાર્યા પ્રવ્રજિતા । તાય કલ્યાયે શિક્ષા દેશિતા । તાય દાનિ ગૃહિભૂતાય કુક્ષિ પ્રતિલબ્ધો । સો પિ વૃદ્ધો । ભિક્ષુણીયો દાનિ ઓજ્ઝાયન્તિ । ઇયન્ તાવ દેશિતશિક્ષા । ઇયં ચ કુક્ષિવતી । સ નિર્વેઠેતિ । આર્યમિશ્રિકાયો યતો હં પ્રવ્રજિતા નામભિજાનામ્ય્ અહં એતદ્ ધર્મમ્ પ્રતિષેવિતું । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । પેયાલં યાવદ્ ભગવાન્ આહ । યતો દાનિ એષા પ્રવ્રજિતા । ન એષા જાનાત્ય્ એતં ધર્મ પ્રતિષેવિતું । ગૃહિભૂતાય એતાય કુક્ષિઃ પ્રતિલબ્ધો । યા દાનિ એષા ઈદૃશી ભવતિ ન ક્ષમતિ ઉપસ્થાપયિતું । અથ ખલુ યદિ તાવદ્ દારિકાં જનયતિ યદા સ્તનિકા ગૃહાન્ નિર્ગતા ભવતિ તતો ઉપસ્થાપયિતવ્યા । અથ દારકં જનયતિ યદા અયં સ્તનીભૂતો ભવતિ તતો ઉપસ્થાપયિતવ્યા । અથ દાનિ તાયે સાલોહિતો ભવતિ જ્ઞાતિકો વા આહંસુઃ । વયં એતન્ દારકમ્ ઉપસ્થાસ્યામ ઇતિ ઉપસંપાદયિતવ્યા । અથ ખલુ ભગવાન્ મહાપ્રજાપતીં ગૌતમીમ્ આમન્ત્રયતિ । તથૈવ કર્તવ્યં યથા કુમારીભૂતાયે । તેન ભગવાન્ આહ ।
દેશિતશિક્ષા પિ ચ ભવતિ ગૃહિચરિતા નાં અપરિપૂરશિક્ષામ્ ઉપસ્થાપયેત્ પાચત્તિકં

પાચત્તિકધર્મ 103
અસમ્મતા
217. ભગવાન્ શ્રાવસ્તીયમ્ વિહરતિ । ભગવતા શિક્ષાપદં પ્રજ્ઞપ્તં । ન ક્ષમતિ ઊનદ્વાદશવર્ષામ્ ગૃહિચરિતામ્ ઉપસ્થાપયિતુન્ તિ । તા દાનિ ભિક્ષુણીયો પૂરદ્વાદશવર્ષાં ગૃહિચરિતાં દેશિતશિક્ષામ્ ઉપસ્થાપયન્તિ । તા દાનિ ભિક્ષુણીયો ઓજ્ઝાયન્તિ । અસ્ત્ય્ એષા દેશિતશિક્ષા ન તુ જાનામ પરિપૂરશિક્ષ વા ન વેતિ । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । પેયાલં । યથા કુમારીભૂતાયે યાવત્ તેન ભગવાન્ આહ ।
પરિપૂરશિક્ષા પિ ચ ભવતિ ગૃહિચરિતા । તાં ચાસમ્મતામ્ ઉપસ્થાપયેત્ પાચત્તિકં

પાચત્તિકધર્મ 104
નાનુશાસેત્
218. ભગવાન્ શ્રાવસ્તીયમ્ વિહરતિ । તાયો દાનિ ભિક્ષુણીયો ઉપસ્થાપિય ઉપસ્થાપિય નાવવદન્તિ નાનુશાસન્તિ । તાયો દાનિ ઇન્દ્રગવા ઇવ વર્ધન્તિ યાવત્ કથં સંઘાટીપાત્રચીવરધારણે પ્રતિપત્તવ્યં । પેયાલં । યાવદ્ ભગવાન્ આહ । દુષ્કૃતં વો ભિક્ષુણીયો એવઞ્ ચ નામા યૂયં ઉપસ્થાપયિત્વા નાવવદથ નાનુશાસથ । તેન હિ દ્વે વર્ષાણિ ઓવદિતવ્યા અનુશાસિતવ્યા ।
અથ ખલુ ભગવાન્ મહાપ્રજાપતીં ગૌતમીમ્ આમન્ત્રયતિ । સન્નિપાતય ગૌતમિ યાવત્ પર્યવદાતાનિ ભવિષ્યન્તિ ।
યા પુન ભિક્ષુણી ઉપસ્થાયિકા ઉપસ્થાપિતાં દ્વે વર્ષાણિ નાવવદેય નાનુશાસયેત્ પાચત્તિકં ।
યા પુન ભિક્ષુણીતિ ઉપસમ્પન્ના । પેયાલં । ઉપસ્થાયિકા તિ ઉપાધ્યાયિની । ઉપસ્થાપિતાન્ તિ સાર્ધં વિહારિણી । દ્વે વર્ષાણીતિ દ્વે દકવર્ષાણિ । નાવવદેદ્ ઇતિ અભિધર્મે વા અભિવિનયે વા । અભિધર્મો નામ નવવિધઃ સૂત્રાન્તઃ ।
અભિવિનયો નામ પ્રાતિમોક્ષઃ વિસ્તરપ્રભેદેન । નાનુશાસેદ્ ઇતિ આચારમ્ અકુર્વન્તીમ્ અનાચારં કુર્વન્તીં ન નિર્દ્ધમેયા ન દણ્ડકર્મ દદ્યાત્ પાચત્તિકં । અથ દાનિ સા ઉપસ્થાપિતા દુર્વચા ભવતિ શૈથિલિકા વા બાહુલિકા વા અશિક્ષાકામા નિર્દ્ધમિતવ્યા । ભિક્ષુર્ અપિ સાર્ધં વિહારિનં નાવાવદતિ નાનુશાસતિ વિનયાતિક્રમમ્ આસાદયતિ । તેન ભગવાન્ આહ ।
યા પુન ભિક્ષુણી ઉપસ્થાયિકા ઉપસ્થાપિતાં દ્વે વર્ષાણિ નાવવદેન્ નાનુશાસેત્ પાચત્તિકં

પાચત્તિકધર્મ 105
નોપસ્થિહેત્
219. ભગવાન્ શ્રાવસ્તીયમ્ વિહરતિ । તા દાનિ ભિક્ષુણીયો ઉપસ્થાપિતાઃ અન્યેન ગચ્છન્તિ । તા દાનિ ઉપાધ્યાયિનીયો ઓજ્ઝાયન્તિ । અસ્માકં ભગવતા દણ્ડકર્મ પ્રજ્ઞપ્તં । ઇમા સામોક્તિકા । યા દાનિ ઉપસ્થાપિતા અન્યેન ગચ્છન્તિ । કથમ્ ઇમાઃ અસ્માભિર્ અવવદિતવ્યાયો અનુશાસિતવ્યાયો । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । પેયાલં । યાવચ્ છબ્દાપિતા । તદ્ એવ સર્વં પૃચ્છીયન્તિ । આમ ભગવન્ । ભગવાન્ આહ । દુષ્કૃતં વો ભિક્ષુણીયો એવં નામ યૂયમ્ ઉપસ્થાપિતાઃ અન્યેન ગચ્છથ । તેન હિ ઉપસ્થાપિતાય ઉપસ્થાયિકા દ્વે વર્ષાણિ અનુબન્ધિતવ્યા । અથ ખલુ ભગવાન્ મહાપ્રજાપતીં ગૌતમીમ્ આમન્ત્રયતિ । સન્નિપાતય ગૌતમિ ભિક્ષુણીયો યાવત્ પર્યવદાતાનિ ભવિષ્યન્તિ ।
યા પુન ભિક્ષુણી ઉપસ્થાપિતા ઉપસ્થાયિકાં દ્વે વર્ષાણિ નોપસ્થિહેન્ નાનુબન્ધેત્ પાચત્તિકં ।
યા પુન ભિક્ષુણીતિ ઉપસમ્પન્ના । ઉપસ્થાપિતેતિ સાર્ધવિહારિણી । ઉપસ્થાયિકામ્ ઇતિ ઉપાધ્યાયિની । દ્વે વર્ષાણીતિ દ્વે વર્ષાણી । નોપસ્થિહેદ્ ઇતિ કાયપરિચર્યાં કુર્યાત્ । નાનુબન્ધેદ્ ઇતિ યેન ગચ્છતિ તેન ન ગચ્છતિ પાચત્તિકં । યાવત્ પ્રજ્ઞપ્તિઃ । અથ દાનિ સા ઉપસ્થાયિકા અશિક્ષાકામા ભવતિ શૈથિલિકા વા બાહુલિકા વા । ભિક્ષુણી પશ્યતિ । સા મે બ્રહ્મચર્યાન્તરાયો ભવેય દૃષ્ટ્વાનુકૃતિમ્ આપદ્યન્તીયેતિ અન્યેન ગચ્છતિ અનાપત્તિઃ । ભિક્ષુણી ઉપસ્થાયિકાં નોપસ્થિહતિ નાનુબન્ધતિ પાચત્તિકં । ભિક્ષુર્ અપિ ઉપાધ્યાયં દ્વે વર્ષાન્ નોપસ્થિહતિ નાનુબન્ધતિ વિનયાતિક્રમમ્ આસાદયતિ । તેન ભગવાન્ આહ ।
યા પુન ભિક્ષુણી ઉપસ્થાપિતા ઉપસ્થાયિકાં દ્વે વર્ષાણી નોપસ્થિહેન્ નાનુબન્ધેત્ પાચત્તિકં

પાચત્તિકધર્મ 106
અનુવર્ષમ્
220. ભગવાન્ શ્રાવસ્તીયમ્ વિહરતિ । તા દાનિ ભિક્ષુણીયો અનુવર્ષમ્ ઉપસ્થાપયન્તિ । તાસાં દાનિ કૌકૃત્યં । કિન્ નુ ખલ્વ્ એતં લભ્યં કર્તું । ઉતાહો ન લભ્યં । પેયાલં । યાવદ્ ભગવાન્ આહ । તેન હિ ન ક્ષમતિ અનુવર્ષમ્ ઉપસ્થાપયિતું । અથ ખલુ વીચિઃ કર્તવ્યા ।
યા પુન ભિક્ષુણી અનુવર્ષમ્ ઉપસ્થાપયેત્ પાચત્તિકં ।
યા પુન ભિક્ષુણીતિ ઉપસમ્પન્ના । અનુવર્ષન્ તિ અનુસમ્વત્સરં । ઉપસ્થાપયેદ્ ઇતિ ઉપસ્થાપયેત્ પાચત્તિકં । યાવત્ પ્રજ્ઞપ્તિઃ । સા એષા ભિક્ષુણી અનુવર્ષમ્ ઉપસ્થાપયેતિ પાચત્તિકં । એકં વર્ષમ્ ઉપસ્થાપયિતવ્યં । અપરવર્ષે વીચિઃ કર્તવ્યા । અથ દાનિ ભિક્ષુણી કૃતપુણ્યા ભવતિ એકં વર્ષં શિક્ષા દેશયિતવ્યા । અપરં વર્ષમ્ ઉપસ્થાપયિતવ્યા । કિઞ્ચાપિ ભિક્ષુઃ અનુવર્ષમ્ ઉપસ્થાપયેદ્ અનાપત્તિઃ । તેન ભગવાન્ આહ ।
યા પુન ભિક્ષુણી અનુવર્ષમ્ ઉપસ્થાપયેત્ પાચત્તિકમ્

પાચત્તિકધર્મ 107
એકતો વિશુદ્ધાં
221. ભગવાન્ રાજગૃહે વિહરતિ । તહિં દાનિ જેતા નામ ભિક્ષુણી । સા અન્તેવાસિનીં ભિક્ષુણીહિ ઉપસંપાદીયાન સ્થૂલનન્દાં ભિક્ષુણીમ્ આહ । આર્યે મમ અન્તેવાસિની ઉપસમ્પાદ્યા સાધુ આર્યે આર્યમિશ્રિકાનાં ગણં પર્યેષેહિ । તાય ગત્વા ષદ્વર્ગિકા ભિક્ષૂ આનીતા । સા દાન્ આહ । નાહમ્ એતેહિ ઉપસંપાદયેયં । તાય દાનિ અપરં દિવસં ભદ્રકાણાં ભિક્ષુણાં ગણં સમુદાનયિત્વા ઉપસંપાદયિત્વા । એતં પ્રકરણં ભિક્ષુણીયો મજાપ્રજાપતીયે ગૌતમીયે આરોચયેંસુઃ । યાવદ્ ભગવાન્ આહ । દુષ્કૃતં તે જેતે એવન્ નામ ત્વં એકતો વિશુદ્ધાં પરિવાસિકિનીમ્ ઉપસ્થાપયસિ । એવન્ નામ ત્વં ગણમ્ અવજાનાસિ । તેન હિ ન ક્ષમતિ ગણમ્ અવજાનિતું । પેયાલં । યાવદ્ ભગવાન્ આહ ।
યા પુન ભિક્ષુણી એકતો વિશુદ્ધાં પરિવાસિકિનીમ્ ઉપસ્થાપયેત્ પાચત્તિકં ।
યા પુન ભિક્ષુણીતિ ઉપસમ્પન્ના । એકતો વિશુદ્ધામ્ ઇતિ ભિક્ષુણીગણેનોપસમ્પન્નાં । પારિવાસિકિનીમ્ ઇતિ પરિવસિતરાત્રિં । ઉપસ્થાપયેદ્ ઇતિ ઉપસમ્પાદયેન્ ન ભિક્ષુગણેન પારાજિકં । યાવત્ પ્રજ્ઞપ્તિઃ । ન ક્ષમતિ એકતો પારિવાસિકિનીમ્ ઉપસ્થાપયિતું । નાપિ ક્ષમતિ અપરિશુદ્ધેન ઉપસંપાદયિતું । અથ ખલુ પ્રતિકૃત્ય્ એવ તાવ ભદ્રકાણાં ભિક્ષૂણાં ગણો સમુદાનયિતવ્યો । અથ દાનિ અન્યે ભદ્રકાઃ અન્યે અભદ્રકાઃ તથા કર્તવ્યં યથા ભદ્રોત્તરાણિ કર્માણિ ભવન્તિ । ભિક્ષુણા પિ ભદ્રોત્તરાણિ કર્માણિ કર્તવ્યાનિ । અથ દાનિ ગણમ્ અવજાનાતિ વિનયાતિક્રમમ્ આસાદયતિ । અથ દાનિ સેનાભયં વા ભવતિ પરચક્રભયં વા નગરોપરોધો વા કિઞ્ચાપિ પારિવાસિકિનીમ્ ઉપસ્થાપયેત્ય્ અનાપત્તિઃ । તેન ભગવાન્ આહ ।
યા પુન ભિક્ષુણી એકતો વિશુદ્ધાં પારિવાસિકીનીમ્ ઉપસ્થાપયેત્ પાચત્તિકં

પાચત્તિકધર્મ 108
ષટ્પઞ્ચ યોજના
222. ભગવાન્ વૈશાલીયમ્ વિહરતિ । યા સા કાલીય ત્રિયન્તરા લેચ્છવિધીતા ઉપસ્થાપિતા । સા દાનિ આગારિકેહિ ચ સાર્ધં સંસૃષ્ટા વિહરતિ । સા ભિક્ષુણીહિ વુચ્ચતિ । આર્યે કાલિ યા દાનિ ઉપસ્થાપિતા ત્વં જાનાસિ આગારિકેહિ ચ પરિવ્રાજકેહિ ચ સંષૃષ્ટાં । કિમ્ અર્થં ન વ્યપકર્ષસિ ન વ્યપકર્ષાપયસિ । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । યાવદ્ ભગવાન્ આહ । દુષ્કૃતં તે કાલિ યાવત્ પર્યવદાતાનિ ભવિષ્યન્તિ
યા પુન ભિક્ષુણી ઉપસ્થાયિકા ઉપસ્થાપિતાં તથારૂપાસુ આપદાસુ ન વ્યપકર્ષેન્ ન વ્યપકર્ષાપયેદ્ અન્તશઃ ષટ્પઞ્ચ યોજના તિ પાચત્તિકં ।
યા પુન ભિક્ષુણીતિ ઉપસમ્પન્ના । ઉપસ્થાયિકા તિ ઉપાધ્યાયિની । ઉપસ્થાપિતા તિ સાર્ધેવિહારિણી । તથારૂપાસુ આપદાસૂ તિ સ્વયમ્ વા પ્રત્યોધાવિતુકામા જ્ઞાતિકા વા પ્રત્યોધાવયિતુકામા અન્યેહિ વા સંસૃષ્ટા ભવતિ । ન વ્યુપકર્ષતીતિ સ્વયં ન વ્યુપકર્ષાપયતીતિ પરેહિ । અન્તમસતો ષટ્પઞ્ચ યોજના તિ ન દાનિ ષટ્પઞ્ચ ચ પરમં । ષડ્ એવ પાચત્તિકં । યાવત્ પ્રજ્ઞપ્તિઃ । એષા દાનિ ભિક્ષુણીયે સાર્ધમ્ વિહારિણી વા અન્તેવાસિની વા સંસૃષ્ટા ભવતિ વ્યપકર્ષિતવ્યા વા વ્યપકર્ષાપયિતવ્યા વા ચારિકાય વર્ણો ભાષિતવ્યઃ । અથ દાનિ જરાદુર્બલાવા વ્યાધિદુર્બલા વા ભોતિ અન્યાહિ ભિક્ષુણીહિ વ્યક્પકર્ષયિતવ્યા । વક્તવ્યા । ચેતીય વન્દના ભવિષ્યતિ । ભિક્ષુદર્શનમ્ ભવિષ્યતિ । યદા વયં તરુણીયો આસિ એવમ્ અસ્માભિર્ અટિતં ।
ભિક્ષુર્ અપિ સાર્ધં વિહારિં ઉત્કણ્ઠિતન્ ન વ્યપકર્ષયતિ ન વ્યપકર્ષાપયતિ વિનયાતિક્રમમ્ આસાદયતિ । તેન ભગવાન્ આહ ।
યા પુન ભિક્ષુણી ઉપસ્થાયિકા ઉપસ્થાપિતાં તથારૂપાસ્વ્ આપદાસુ ન વ્યપકર્ષયેત્ ન વ્યપકર્ષાપયેત્ અન્તમસતો ષટ્પઞ્ચ યોજના તિ પાચત્તિકં

પાચત્તિકધર્મ 109
કિં પુનઃ
223. ભગવાન્ શ્રાવસ્તીયમ્ વિહરતિ । સ્થૂલનન્દા નામ ભિક્ષુણી અનઙ્ગોપેતા ઉપસ્થાપયતિ । સા નાવવદતિ નાનુશાસતિ । તા ઇન્દ્રગવા વિય વર્ધન્તિ શિવચ્છગલા વિય વર્ધન્તિ । પેયાલં । યાવત્ કથં સંઘાટીપાત્રચીવરધારણે પ્રતિપદ્યિતવ્યં । સા દાનિ ભિક્ષુણીહિ વુચ્ચતિ કિમ્ પુનર્ આર્યાયે અનઙ્ગોપેતાયે ઉપસ્થાપિતેન યં આર્યામેવં વક્તવ્યા અનુશાસિતવ્યા । સા દાન્ આહ । કિં ભદ્રાયિણીયો ઇર્ષ્યાપથા મમ પર્ષામ્ ઉપસ્થાપયન્તીયો । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । યાવદ્ ભગવાન્ આહ । દુષ્કૃતં તે નન્દે એવન્ નામ ત્વં ક્ષિયાધર્મમ્ આપદ્યેસિ । તેન હિ ન ક્ષમતિ ક્ષિયાધર્મમ્ આપદ્યિતું । અથ ખલુ ભગવાન્ મહાપ્રજાપતીં ગૌતમીમ્ આમન્ત્રયતિ । સન્નિપાતય ગૌતમિ । યાવત્ પર્યવદાતાનિ ભવિષ્યન્તિ ।
યા પુન ભિક્ષુણી ભિક્ષુણીહિ એવમ્ ઉચ્યમાના । હિમ્ પુનર્ આર્યાયે અનઙ્ગોપેતાયે ઉપસ્થાપિતેન । યં આર્યા એવમ્ વક્તવ્યા અનુશાસિતવ્યેત્ય્ ઉક્તા સમાના ક્ષિયાધર્મમ્ આપદ્યેય પાચત્તિકં ।
યા પુન ભિક્ષુણીતિ ઉપસમ્પન્ના । ભિક્ષુણીહીતિ સંઘેન મહાજનેન એકપુદ્ગલેન । કિમ્ પુનર્ આર્યાયે અનઙ્ગોપેતાયે તિ દશહિ અઙ્ગેહિ સમન્વાગતા અઙ્ગોપેતા । પ્રાતિમોક્ષસમ્વરસમ્વૃતા ભવતિ [1] । બહુશ્રુતા ભવત્ય્ અભિધર્મે [2] । બહુશ્રુતા ભવત્ય્ અભિવિનયે [3] । યાવત્ । દ્વાદશ વર્ષા ચ ભવતિ [10] । યસ્યા ઇમાનિ દશાઙ્ગાનિ ન સમ્વિદ્યન્તે સા ભવતિ અનઙ્ગોપેતા । ક્ષિયાધર્મમ્ આપદ્યેય તિ વિવાચયેત્ પાચત્તિકં યાવત્ પ્રજ્ઞપ્તિઃ । સા એષા ભિક્ષુણી ભિક્ષુણીહિ યુચ્યમાના કિમ્ પુનર્ આર્યાયે અનઙ્ગોપેતાયે ઉપસ્થાપિતેનેતિ ક્ષિયાધર્મમ્ આપદ્યેય પાચત્તિકં । ભિક્ષુર્ અપિ ભિક્ષૂહિ વુચ્યમાનો કિમ્ પુનર્ આયુષ્મતો અનઙ્ગોપેતસ્ય ઉપસ્થાપિતેનેતિ ક્ષિયાધર્મમ્ આપદ્યેય વિનયાતિક્રમમ્ આસાદયતિ । તેન ભગવાન્ આહ ।
યા પુન ભિક્ષુણી ભિક્ષુણીહિ એવં વુચ્યમાના કિમ્ પુનર્ આર્યાયે અનઙ્ગોપેતાયે ઉપસ્થાપિતેનેતિ ઉક્તા ક્ષિયાધર્મમ્ આપદ્યેય પાચત્તિકં

પાચત્તિકધર્મ 110
ન વિસર્જયેત્
224. ભગવાન્ વૈશાલીયમ્ વિહરતિ । અપરા દાનિ શિક્ષમાણા સ્થૂલનન્દામ્ આહ । સાધુ મે આર્યે નન્દે ઉપસંપાદય માં । સા દાન્ આહ । બાઢં અહં તે ઉપસંપાદયિષ્યન્ તિ । સા વિલક્ષેતિ । નૈવોપસંપાદેતિ ન વિસર્જયતિ । એતં પ્રકરણં ભિક્ષુણીયો મહાપ્રજાપતીયે ગૌતમીયે આરોચયેંસુઃ । પેયાલં । યાવત્ શબ્દાપયથ નન્દાં । સા દાનિ શબ્દાપિતા । તદ્ એવ સર્વં પૃચ્છીયતિ । યાવદ્ આમ ભગવન્ । ભગવાન્ આહ । દુષ્કૃતં તે નન્દે ।
યા પુન ભિક્ષુણી શિક્ષમાણામ્ એવં વાદેત્ । યદા પૂરશિક્ષા ભવિષ્યસિ તતો હમ્ ઉપસ્થાપયિષ્યન્ તિ વદિત્વા નૈવોપસંપાદયેન્ ન વિસર્જયેત્ પાચત્તિકં ।
યા પુન ભિક્ષુણીતિ ઉપસમ્પન્ના । પેયાલં । શિક્ષમાણેતિ અષ્ટાદશેહિ વર્ત્તેહિ દ્વે વર્ષાણિ દેશ્તિતશિક્ષા । એવમ્ વદેયા તિ યથા સ્થૂલનન્દા ભિક્ષુણી । અહન્ તે ઉપસ્થાપયિષ્યન્ તિ ઉપસ્થાપયિતવ્યા । અથ દાનિ ન પ્રતિબલા ભવતિ અન્યા અધ્યેષિતવ્યા । અથ દાનિ નૈવાત્મના ઉપસ્થાપયતિ નાપ્ય્ અન્યાં અધ્યેષયતિ ન વિસર્જયતિ । ગચ્છ યત્રેચ્છસિ તહિં ઉપસમ્પદ્યાહીતિ । સા એષા ભિક્ષુણી શિક્ષમાણામ્ ઉક્ત્વા અહન્ તે ઉપસ્થાપયિષ્યન્ તિ પશ્ચાન્ નોપસમ્પાદયેન્ ન વિસર્જયેત્ પાચત્તિકં