ભેલસંહિતા · અધ્યાય 7.5

વસન્તે વા શરદિ વા કુટજાન્ય્ ઉદ્ધરેદ્ ભિષક્ ।
શુચિશ્શુદ્ધશ્શિરઃસ્નાતઃ પુષ્યેણાશ્વયુજેન વા ॥

પ્રતૂઠાનિ શુચૌ દેશે કુશરોહિષસંસ્કૃતે ।
કૃષ્ણમૃત્સ્નાપ્રભે વાપિ તથા વા સ્વર્ણમૃત્તિકે ॥

વ્યાતપે ન નદીતીરે શ્વભ્રવલ્મીકયોસ્ તથા ।
પરિપૂર્ણાનિ પક્વાનિ તથા જાતરસાનિ ચ ॥

કુટજાનામથૈતેષાં મુષ્ટિં સઙ્ગૃહ્ય સન્નખમ્ ।
કોવિદારકષાયેણ રાત્રિમેકાં નિધાપયેત્ ॥

અથ ચોત્થાય પૂર્વાહ્ણે હસ્તૌ પ્રક્ષાલ્ય મર્દયેત્ ।
પરિસ્રુતં સલવણં મધુયુક્તં પ્રતાપ્ય ચ ॥

પાયયેદ્ આતુરં સ્નિગ્ધં છર્દયેત્ તેન સાધુ સઃ ।
અનેનૈવ ચ કલ્પેન કષાયં કારયેદ્ ભિષક્ ॥

કોવિદારસ્ય બીજૈશ્ ચ નીપસ્ય વિદુલસ્ય ચ ।
ગુલૂચ્યાશ્ચ સુષ્વ્યાશ્ ચ પટોલપિચુમન્દયોઃ ॥

કૃત્વા મધૂલિકાયાશ્ ચ કષાયં તેન છર્દયેત્ ।
એષામ્ એવ ફલાનાન્તુ મુષ્ટિં સંગૃહ્ય સન્નખમ્ ॥

મધુકસ્ય કષાયેણ તચ્ચૂર્ણં પરિમર્દયેત્ ॥

ગુલિકાઃ કારયેત્ તેન કર્કન્ધુબદરોપમાઃ ।
કોવિદારકષાયેણ પૂર્વકલોએન છર્દયેત્ ॥

યથાબલં યથોદ્દિષ્ટં છર્દયેત્ તેન સાધુ સઃ ।
કૃતવેધનકલ્પો ઽ યમુક્તો વમનવિસ્તરે ॥

ય એવં સમ્પ્રજાનાતિ સ રાજ્ઞાં કર્તુમર્હતિ ॥ ઇત્ય્ આહ ભગવાન્ આત્રેયઃ ।
ઇતિ ભેલે કલ્પસ્થાને પઞ્ચમો ઽ ધ્યાયઃ ॥ ॥ ષષ્ઠો ઽ ધ્યાયઃ ॥ અથાતશ્ચતુરઙ્ગુલીયં કલ્પં વ્યાખ્યાસ્યામ ઇતિ હ સ્માહ ભગવાન્ આત્રેયઃ ।