ભેલસંહિતા · અધ્યાય 6.9

ઉક્તં રૂપં સમુત્થાનમપસ્મારસ્ય કૃત્સ્નશઃ ।
નિદાનેષુ, ચિકિત્સાં તુ વિસ્તરેણ નિબોધ મે ॥

ગજાશ્વયાનાત્પતનાદભિઘાતાત્ ભ્રમાદ્ અપિ ।
ઇષ્ટદ્રવ્યવિનાશાચ્ ચ ચિત્તં વિભ્રમમૃચ્છતિ ॥

તસ્ય ચિત્તે પરિભ્રાન્તે હૃદયં પરિશુષ્યતિ ।
રુણદ્ધિ વાયુરૂષ્માણં નાડીં પ્રાપ્ય જલાવહામ્ ॥

ભૃશં તૃષ્ણાપરીતઃ સ મોહં ગચ્છત્યપસ્મરન્ ।
અપસ્મરત્યપસ્મારી ફેનં મુઞ્ચતિ વેપતે ॥

સેવેત તૈલં શૈરીષં ઘૃતં કલ્યાણકં તથા ।
મહાપૈશાચિકં વાપિ મહાક્ષારં ચ દાધિકમ્ ॥

શણબીજાનિ કૈડર્યં ।.. ।.. ચાપલૂનકમ્ ।
રૂપસ્થા ચ વયસ્થા ચ પૂતના કેશમારિણી ॥

ત્રિફલા ત્ર્યૂષણં મુસ્તા લશુનં પાપચેલિકા ।
એતાનિ સમભાગાનિ વસાતૈલઘૃતાનિ ચ ॥

ઊર્ણકં ચ તથૈકધ્યં પચેદ્ ગોમૂત્રસંયુતમ્ ।
યદા પ્રજ્વલિતં શાન્તમથૈનમવતારયેત્ ॥

બિડાલપદમાત્રં તુ ક્ષારસ્યાસ્ય સુખામ્બુના ।
પિબેદ્ અપસ્મારહરમ્ ઉન્માદસ્ય ચ નાશનમ્ ।
અર્શાંસિ ગુલ્માન્મેહાંશ્ ચ પ્લીહાનમુદરામયમ્ ॥ ॥ દશમો ઽ ધ્યાયઃ ॥