ભેલસંહિતા · અધ્યાય 5.11

શિરસ્યઙ્ગે રક્તવર્ણં યો ઽ નિલં વાપિ પશ્યતિ ।
ઘટિકામેકવર્ણં વા સ પુષ્પિત ઇહોચ્યતે ॥

અષ્ટાપદં વા સુકૃતં જગતીં યઃ પ્રપશ્યતિ ।
સ દૃષ્ટિપરિહીનત્વાત્ પુષ્પિતઃ પ્રોચ્યતે નરઃ ॥

સુપ્તશ્ ચ સંવૃતે ગેહે પશ્યત્યાકાશમ્ એવ યઃ ।
રોમન્થયતિ દન્તૈશ્ ચ સ પુષ્પિત ઇહોચ્યતે ॥

દીપ્યમાનમિવાકાશં પૃથિવીં ચ વનાનિ ચ ।
યો વેત્તિ રોમસંહૃષ્ટઃ પુષ્પિતઃ સ ઇહોચ્યતે ॥

અનુલ્લિપ્તો યથા દેહી વાતિ ચેત્કુણપં યથા ।
સેવન્તે મક્ષિકાશ્ ચૈવ પુષ્પિતઃ સ ઇહોચ્યતે ॥

અવિજ્ઞાતા નરં નારી સ્વપ્ન એવ નિવાસિની ।
દક્ષિણાં દિશમેહીતિ યં બ્રૂયાન્ન સ જીવતિ ॥

પ્રકીર્ણકેશો વિકરઃ સ્વપ્ને યો દક્ષિણાં દિશમ્ ।
પ્રતિપદ્યેત તત્રૈવ ન સ જીવતિ તાદૃશઃ ॥

કુશૈર્ ઇવ નિરૂઢાઙ્ગમાત્માનં સ્વપ્ન ઈક્ષતે ।
ખં વા સધૂમં યો વેત્તિ ન સ જીવતિ તાદૃશઃ ॥

યઃ સ્વપ્ને વૃક્ષમારુહ્ય ન રોગી ત્રાયતે ગૃહે ।
પ્રકીર્ણકેશો વિકચઃ યો ઽ ગ્નિમારુહ્ય રોદિતિ ॥

પ્રાસાદમેકસ્થૂણં તુ સ્વપ્ને યશ્ ચાધિરોહતિ ।
નરો નૃત્યતિ પઙ્કે વા સ પુમાન્ન ચ જીવતિ ॥

સ્વપ્ને પ્રાસાદમારુહ્ય મહાન્તં કાઞ્ચનં તથા ।
યો નૃત્તગીતપાનાન્ની ન સ જીવતિ માનવઃ ॥

ગજેનોષ્ટ્રેણ વા ગચ્છન્ યઃ પશ્યેદ્દક્ષિણાં દિશમ્ ।
જીવેત્ તુ રોગી સપ્તાહં, નીરોગઃ શરદાં શતમ્ ॥

યાતિ યો દુર્દિને વાપિ સ્વપ્ને વા દક્ષિણાં દિશમ્ ।
પ્રતિબુધ્યેત તત્રૈવ ન સ જીવતિ તાદૃશઃ ॥

ભાસૈર્બર્હિવરાહૈશ્ ચ શ્વભિર્ મહિષવાજિભિઃ ।
સમં યો તદ્દિવા યોને સ્વપ્ને યોગફલં ભવેત્ ॥

યદા ગણ્ડં ચ ખડ્ગં ચ સ્વપ્ને ચાશ્નંશ્ ચ પશ્યતિ ।
પ્રકીર્ણકેશમ્ અપિ ચ ન સ જીવતિ તાદૃશઃ ॥

યઃ સ્વપ્ને પુરુષઃ કાલં પીતં વા વસ્ત્રમૃચ્છતિ ।
ગાયન્નચેષ્ટયન્વાપિ ન સ જીવતિ તાદૃશઃ ॥

યઃ સ્વપ્ને વીતકામો ઽ પિ પીતાં પિબતિ વારુણીમ્ ।
ચિત્રકણ્ઠગુણો વાપિ ન સ જીવતિ તાદૃશઃ ॥

આકુલાપાં નદીં સ્વપ્ને યોવગાહેત માનવઃ ।
જીવેત્સરોગસ્સપ્તાહં, નીરોગસ્શરદાં શતમ્ ॥

સ્વપ્ને સ્નાતાનુલિપ્તસ્ય ભ્રંશેદ્યસ્ય તુ વર્ણકઃ ।
ગાત્રસ્ય પુરુષસ્યેહ સ શસ્ત્રેણ વિનશ્યતિ ॥

એતદિન્દ્રિયવિજ્ઞાનં યસ્સમ્યગનુપશ્યતિ ।
જીવિતં ચૈવ મૃત્યું ચ નૃણાં વિદ્યાદ્વિચક્ષણઃ ॥ ઇત્ય્ આહ ભગવાન્ આત્રેયઃ ।
ઇતિ ભેલે ઇન્દ્રિયે એકાદશો ઽ ધ્યાયઃ ॥ ॥ દ્વાદશો ઽ ધ્યાયઃ ॥ અથાતો અવાક્ચિતીયં વ્યાખ્યાસ્યામ ઇતિ હ સ્માહ ભગવાન્ આત્રેયઃ ।