ભેલસંહિતા · અધ્યાય 1.7

ઇન્દ્રિયાણિ હિ સર્વાણિ પરિજીર્યન્તિ જીર્યતઃ ।
તસ્માત્ સર્વત્ર વયસિ યથાકાલં સ્ત્રિયં વ્રજેત્ ॥

ન ત્વનાપ્યાયિતબલઃ સમાગચ્છેત્ તુ યોષિતઃ ।
નાયોનિષુ પ્રયુઞ્જીત તિર્યગ્યોનીશ્ ચ વર્જયેત્ ॥

ન પ્રાપ્તં ધારયેદ્ વેગં ગત્વા શીતોદકં સ્પૃશેત્ ।
ન તુ શ્રાન્તો ન વા ભુક્તો ન ક્લિષ્ટો ઽ પ્યાવિલો ન ચ ॥

કૃશો નાત્યશિતો વાપિ દીનો વા મૈથુનં વ્રજેત્ ।
મિતવાક્ સતતં યઃ સ્યાત્ સ્નિગ્ધાન્નાશી યુવાઆચરેત્ ॥

સુબહુસ્નિગ્ધરેતાશ્ ચ યથર્તુશયનાશનઃ ।
જીર્ણામાસન્નસત્વાં ચ વ્યાધિતાં મલિનાં કૃશામ્ ॥

વ્યઙ્ગિનીં પરકામાં ચ પૂતિકોષ્ઠાં ચ વર્જયેત્ ।
બલમારોગ્યમાયુશ્ ચ વપુસ્તેજશ્ ચ દેહિનામ્ ॥

હીયતે હીદૃશીં ગત્વા પ્રાપ્યાકાલજરામિવ ।
ઋતાવૃતૌ યથાકાલં મૈથુનં ના સમાચરેત્ ॥

વર્ષાસુ નવરાત્રાત્ તુ દશરાત્રાચ્છરદ્ય્ અપિ ।
પઞ્ચાહાદ્ધેમસમયે સપ્તાહાચ્છિશિરે તથા ॥

પક્ષાદ્વસન્તે ગ્રીષ્મે તુ માસિ માસિ સમાચરેત્ ।
નિદાઘે પશ્ચિમે માસે મૈથુનં ચૈવ વર્જયેત્ ॥

અથવા યૌવનોત્સાહબલસ્નેહસમન્વિતઃ ।
શિશિરામ્બુકૃતસ્નાનો હૃદ્યસ્રગનુલેપનઃ ॥

નાતિવ્યાયામનિરતઃ ક્ષીરમાંસઘૃતાશનઃ ।
હૃદ્યમાલ્યામ્બરધરા હૃદ્યાભરણભૂષિતાઃ ॥

હૃદ્યયૌવનસંપન્નાઃ પ્રિયાઃ પ્રિયકથાનુગાઃ ।
હૃષ્ટાઃ સર્વત્ર કાલે અ શક્ત્યર્ધેન વ્રજેત્સ્ત્રિયઃ ॥

ચતુર્દશીં પઞ્ચદશીમષ્ટમીં ચ વિવર્જયેત્ ।
પિબેત્ક્ષીરં ઘૃતં નિત્યમ્ આયુષ્યકરણં હિતમ્ ॥

બલવર્ણકરં હ્યેતદારોગ્યકરણં તથા ।
સંહારયેદ્ રોમનખં ત્રિર્માસસ્ય ચ માનવઃ ॥

ઓષધીશ્ ચ મણીંશ્ ચૈવ મઙ્ગલ્યાન્ ધારયેત્સદા ।
મન્ત્રાનાવર્તયેચ્ ચાપિ બ્રહ્મપ્રોક્તં સનાતનમ્ ॥

સ મે માદ્યાપગાદ્દેહાદ્વાયુઃ પ્રાણાશ્ ચ યે સદા ।
ઇન્દ્રો મે બલમાદદ્યાદ્ શિવં ચાપો દિશન્તુ નઃ ॥

ઇત્ય્ એવં મન્ત્રમાર્ષં વૈ ભુક્ત્વા ગત્વાત્ હવા સ્ત્રિયઃ ।
સંજપન્વૈ સ્પૃશન્ વારિ તથા ઽ સ્યાયુર્ન હીયતે ॥ ઇત્ય્ આહ ભગવાન્ આત્રેયઃ ।
ઇતિ ભેલે સપ્તમો ઽ ધ્યાયઃ ॥ ॥ અષ્ટમો ઽ ધ્યાયઃ ॥ અથાતો માત્રાશિતીયં વ્યાખ્યાસ્યામ ઇતિ હ સ્માહ ભગવાન્ આત્રેયઃ ।