ભાગવત પુરાણ · અધ્યાય 10.65

ભ્પ્_10.65.001।0 શ્રી-શુક ઉવાચ
બલભદ્રઃ કુરુ-શ્રેષ્ઠ ભગવાન્ રથમ્ આસ્થિતઃ ।
સુહૃદ્-દિદૃક્ષુર્ ઉત્કણ્ઠઃ પ્રયયૌ નન્દ-ગોકુલમ્

પરિષ્વક્તશ્ ચિરોત્કણ્ઠૈર્ ગોપૈર્ ગોપીભિર્ એવ ચ ।
રામો ઽભિવાદ્ય પિતરાવ્ આશીર્ભિર્ અભિનન્દિતઃ

ચિરં નઃ પાહિ દાશાર્હ સાનુજો જગદ્-ઈશ્વરઃ ।
ઇત્ય્ આરોપ્યાઙ્કમ્ આલિઙ્ગ્ય નેત્રૈઃ સિષિચતુર્ જલૈઃ

ગોપ-વૃદ્ધાંશ્ ચ વિધિ-વદ્ યવિષ્ઠૈર્ અભિવન્દિતઃ ।
યથા-વયો યથા-સખ્યં યથા-સમ્બન્ધમ્ આત્મનઃ

સમુપેત્યાથ ગોપાલાન્ હાસ્ય-હસ્ત-ગ્રહાદિભિઃ ।
વિશ્રાન્તમ્ સુખમ્ આસીનં પપ્રચ્છુઃ પર્યુપાગતાઃ

પૃષ્ટાશ્ ચાનામયં સ્વેષુ પ્રેમ-ગદ્ગદયા ગિરા ।
કૃષ્ણે કમલ-પત્રાક્ષે સન્ન્યસ્તાખિલ-રાધસઃ

કચ્ચિન્ નો બાન્ધવા રામ સર્વે કુશલમ્ આસતે ।
કચ્ચિત્ સ્મરથ નો રામ યૂયં દાર-સુતાન્વિતાઃ

દિષ્ટ્યા કંસો હતઃ પાપો દિષ્ટ્યા મુક્તાઃ સુહૃજ્-જનાઃ ।
નિહત્ય નિર્જિત્ય રિપૂન્ દિષ્ટ્યા દુર્ગં સમાશ્રીતાઃ

ગોપ્યો હસન્ત્યઃ પપ્રચ્છૂ રામ-સન્દર્શનાદૃતાઃ ।
કચ્ચિદ્ આસ્તે સુખં કૃષ્ણઃ પુર-સ્ત્રી-જન-વલ્લભઃ

કચ્ચિત્ સ્મરતિ વા બન્ધૂન્ પિતરં માતરં ચ સઃ ।
અપ્ય્ અસૌ માતરં દ્રષ્ટું સકૃદ્ અપ્ય્ આગમિષ્યતિ ।
અપિ વા સ્મરતે ઽસ્માકમ્ અનુસેવાં મહા-ભુજઃ

માતરં પિતરં ભ્રાતૄન્ પતીન્ પુત્રાન્ સ્વસૄન્ અપિ ।
યદ્-અર્થે જહિમ દાશાર્હ દુસ્ત્યજાન્ સ્વ-જનાન્ પ્રભો

તા નઃ સદ્યઃ પરિત્યજ્ય ગતઃ સઞ્છિન્ન-સૌહૃદઃ ।
કથં નુ તાદૃશં સ્ત્રીભિર્ ન શ્રદ્ધીયેત ભાષિતમ્

કથં નુ ગૃહ્ણન્ત્ય્ અનવસ્થિતાત્મનો $ વચઃ કૃત-ઘ્નસ્ય બુધાઃ પુર-સ્ત્રિયઃ &અમ્પ્;
ગૃહ્ણન્તિ વૈ ચિત્ર-કથસ્ય સુન્દર- % સ્મિતાવલોકોચ્છ્વસિત-સ્મરાતુરાઃ ॥ ભ્પ્_10.65.013* ॥
કિં નસ્ તત્-કથયા ગોપ્યઃ કથાઃ કથયતાપરાઃ ।
યાત્ય્ અસ્માભિર્ વિના કાલો યદિ તસ્ય તથૈવ નઃ

ઇતિ પ્રહસિતં શૌરેર્ જલ્પિતં ચારુ-વીક્ષિતમ્ ।
ગતિં પ્રેમ-પરિષ્વઙ્ગં સ્મરન્ત્યો રુરુદુઃ સ્ત્રિયઃ

સઙ્કર્ષણસ્ તાઃ કૃષ્ણસ્ય સન્દેશૈર્ હૃદયં-ગમૈઃ ।
સાન્ત્વયામ્ આસ ભગવાન્ નાનાનુનય-કોવિદઃ

દ્વૌ માસૌ તત્ર ચાવાત્સીન્ મધું માધવં એવ ચ ।
રામઃ ક્ષપાસુ ભગવાન્ ગોપીનાં રતિમ્ આવહન્

પૂર્ણ-ચન્દ્ર-કલા-મૃષ્ટે કૌમુદી-ગન્ધ-વાયુના ।
યમુનોપવને રેમે સેવિતે સ્ત્રી-ગણૈર્ વૃતઃ

વરુણ-પ્રેષિતા દેવી વારુણી વૃક્ષ-કોટરાત્ ।
પતન્તી તદ્ વનં સર્વં સ્વ-ગન્ધેનાધ્યવાસયત્

તં ગન્ધં મધુ-ધારાયા વાયુનોપહૃતં બલઃ ।
આઘ્રાયોપગતસ્ તત્ર લલનાભિઃ સમં પપૌ

ઉપગીયમાનો ગન્ધર્વૈર્ વનિતા-શોભિ-મણ્ડલે ।
રેમે કરેણુ-યૂથેશો માહેન્દ્ર ઇવ વારણઃ

નેદુર્ દુન્દુભયો વ્યોમ્નિ વવૃષુઃ કુસુમૈર્ મુદા ।
ગન્ધર્વા મુનયો રામં તદ્-વીર્યૈર્ ઈડિરે તદા

ઉપગીયમાન-ચરિતો વનિતાભિર્ હલાયુધ ।
વનેષુ વ્યચરત્ ક્ષીવો મદ-વિહ્વલ-લોચનઃ

સ્રગ્વ્ય્ એક-કુણ્ડલો મત્તો વૈજયન્ત્યા ચ માલયા ।
બિભ્રત્ સ્મિત-મુખામ્ભોજં સ્વેદ-પ્રાલેય-ભૂષિતમ્

સ આજુહાવ યમુનાં જલ-ક્રીડાર્થમ્ ઈશ્વરઃ ।
નિજં વાક્યમ્ અનાદૃત્ય મત્ત ઇત્ય્ આપગાં બલઃ

અનાગતાં હલાગ્રેણ કુપિતો વિચકર્ષ હ ।
પાપે ત્વં મામ્ અવજ્ઞાય યન્ નાયાસિ મયાહુતા ।
નેષ્યે ત્વાં લાઙ્ગલાગ્રેણ શતધા કામ-ચારિણીમ્

એવં નિર્ભર્ત્સિતા ભીતા યમુના યદુ-નન્દનમ્ ।
ઉવાચ ચકિતા વાચં પતિતા પાદયોર્ નૃપ

રામ રામ મહા-બાહો ન જાને તવ વિક્રમમ્ ।
યસ્યૈકાંશેન વિધૃતા જગતી જગતઃ પતે

પરં ભાવં ભગવતો ભગવન્ મામ્ અજાનતીમ્ ।
મોક્તુમ્ અર્હસિ વિશ્વાત્મન્ પ્રપન્નાં ભક્ત-વત્સલ

તતો વ્યમુઞ્ચદ્ યમુનાં યાચિતો ભગવાન્ બલઃ ।
વિજગાહ જલં સ્ત્રીભિઃ કરેણુભિર્ ઇવેભ-રાટ્

કામં વિહૃત્ય સલિલાદ્ ઉત્તીર્ણાયાસીતામ્બરે ।
ભૂષણાનિ મહાર્હાણિ દદૌ કાન્તિઃ શુભાં સ્રજમ્

વસિત્વા વાસસી નીલે માલાં આમુચ્ય કાઞ્ચનીમ્ ।
રેયે સ્વ્-અલઙ્કૃતો લિપ્તો માહેન્દ્ર ઇવ વારણઃ

અદ્યાપિ દૃશ્યતે રાજન્ યમુનાકૃષ્ટ-વર્ત્મના ।
બલસ્યાનન્ત-વીર્યસ્ય વીર્યં સૂચયતીવ હિ

એવં સર્વા નિશા યાતા એકેવ રમતો વ્રજે ।
રામસ્યાક્ષિપ્ત-ચિત્તસ્ય માધુર્યૈર્ વ્રજ-યોષિતામ્