ભાગવત પુરાણ · અધ્યાય 10.32

યત્ તે સુજાત-ચરણામ્બુરુહં સ્તનેષુ $ ભીતાઃ શનૈઃ પ્રિય દધીમહિ કર્કશેષુ &અમ્પ્;
તેનાટવીમ્ અટસિ તદ્ વ્યથતે ન કિં સ્વિત્ % કૂર્પાદિભિર્ ભ્રમતિ ધીર્ ભવદ્-આયુષાં નઃ ॥ ભ્પ્_10.31.019*
0 શ્રી-શુક ઉવાચ
ઇતિ ગોપ્યઃ પ્રગાયન્ત્યઃ પ્રલપન્ત્યશ્ ચ ચિત્રધા ।
રુરુદુઃ સુ-સ્વરં રાજન્ કૃષ્ણ-દર્શન-લાલસાઃ

તાસામ્ આવિરભૂચ્ છૌરિઃ સ્મયમાન-મુખામ્બુજઃ ।
પીતામ્બર-ધરઃ સ્રગ્વી સાક્ષાન્ મન્મથ-મન્મથઃ

તં વિલોક્યાગતં પ્રેષ્ઠં પ્રીત્ય્-ઉત્ફુલ્લ-દૃશો ઽબલાઃ ।
ઉત્તસ્થુર્ યુગપત્ સર્વાસ્ તન્વઃ પ્રાણમ્ ઇવાગતમ્

કાચિત્ કરામ્બુજં શૌરેર્ જગૃહે ઽઞ્જલિના મુદા ।
કાચિદ્ દધાર તદ્-બાહુમ્ અંસે ચન્દન-ભૂષિતમ્

કાચિદ્ અઞ્જલિનાગૃહ્ણાત્ તન્વી તામ્બૂલ-ચર્વિતમ્ ।
એકા તદ્-અઙ્ઘ્રિ-કમલં સન્તપ્તા સ્તનયોર્ અધાત્

એકા ભ્રુ-કુટિમ્ આબધ્ય પ્રેમ-સંરમ્ભ-વિહ્વલા ।
ઘ્નન્તીવૈક્ષત્ કટાક્ષેપૈઃ સન્દષ્ટ-દશન-ચ્છદા

અપરાનિમિષદ્-દૃગ્ભ્યાં જુષાણા તન્-મુખામ્બુજમ્ ।
આપીતમ્ અપિ નાતૃપ્યત્ સન્તસ્ તચ્-ચરણં યથા

તં કાચિન્ નેત્ર-રન્ધ્રેણ હૃદિ કૃત્વા નિમીલ્ય ચ ।
પુલકાઙ્ગ્ય્ ઉપગુહ્યાસ્તે યોગીવાનન્દ-સમ્પ્લુતા

સર્વાસ્ તાઃ કેશવાલોક- પરમોત્સવ-નિર્વૃતાઃ ।
જહુર્ વિરહ-જં તાપં પ્રાજ્ઞં પ્રાપ્ય યથા જનાઃ

તાભિર્ વિધૂત-શોકાભિર્ ભગવાન્ અચ્યુતો વૃતઃ ।
વ્યરોચતાધિકં તાત પુરુષઃ શક્તિભિર્ યથા

તાઃ સમાદાય કાલિન્દ્યા નિર્વિશ્ય પુલિનં વિભુઃ ।
વિકસત્-કુન્દ-મન્દાર સુરભ્ય્-અનિલ-ષટ્પદમ્

શરચ્-ચન્દ્રાંશુ-સન્દોહ- ધ્વસ્ત-દોષા-તમઃ શિવમ્ ।
કૃષ્ણાયા હસ્ત-તરલા ચિત-કોમલ-વાલુકમ્

તદ્-દર્શનાહ્લાદ-વિધૂત-હૃદ્-રુજો મનોરથાન્તં શ્રુતયો યથા યયુઃ ।
સ્વૈર્ ઉત્તરીયૈઃ કુચ-કુઙ્કુમાઙ્કિતૈર્ અચીકૢપન્ન્ આસનમ્ આત્મ-બન્ધવે

તત્રોપવિષ્ટો ભગવાન્ સ ઈશ્વરો યોગેશ્વરાન્તર્-હૃદિ કલ્પિતાસનઃ ।
ચકાસ ગોપી-પરિષદ્-ગતો ઽર્ચિતસ્ ત્રૈલોક્ય-લક્ષ્મ્ય્-એક-પદં વપુર્ દધત્

સભાજયિત્વા તમ્ અનઙ્ગ-દીપનં સહાસ-લીલેક્ષણ-વિભ્રમ-ભ્રુવા ।
સંસ્પર્શનેનાઙ્ક-કૃતાઙ્ઘ્રિ-હસ્તયોઃ સંસ્તુત્ય ઈષત્ કુપિતા બભાષિરે

ભ્પ્_10.32.016।0 શ્રી-ગોપ્ય ઊચુઃ
ભજતો ઽનુભજન્ત્ય્ એક એક એતદ્-વિપર્યયમ્ ।
નોભયાંશ્ ચ ભજન્ત્ય્ એક એતન્ નો બ્રૂહિ સાધુ ભોઃ

ભ્પ્_10.32.017।0 શ્રી-ભગવાન્ ઉવાચ
મિથો ભજન્તિ યે સખ્યઃ સ્વાર્થૈકાન્તોદ્યમા હિ તે ।
ન તત્ર સૌહૃદં ધર્મઃ સ્વાર્થાર્થં તદ્ ધિ નાન્યથા

ભજન્ત્ય્ અભજતો યે વૈ કરુણાઃ પિતરૌ યથા ।
ધર્મો નિરપવાદો ઽત્ર સૌહૃદં ચ સુ-મધ્યમાઃ

ભજતો ઽપિ ન વૈ કેચિદ્ ભજન્ત્ય્ અભજતઃ કુતઃ ।
આત્મારામા હ્ય્ આપ્ત-કામા અકૃત-જ્ઞા ગુરુ-દ્રુહઃ

નાહં તુ સખ્યો ભજતો ઽપિ જન્તૂન્ ભજામ્ય્ અમીષામ્ અનુવૃત્તિ-વૃત્તયે ।
યથાધનો લબ્ધ-ધને વિનષ્ટે તચ્-ચિન્તયાન્યન્ નિભૃતો ન વેદ

એવં મદ્-અર્થોજ્ઝિત-લોક-વેદ સ્વાનામ્ હિ વો મય્ય્ અનુવૃત્તયે ઽબલાઃ ।
મયાપરોક્ષં ભજતા તિરોહિતં માસૂયિતું માર્હથ તત્ પ્રિયં પ્રિયાઃ

ન પારયે ઽહં નિરવદ્ય-સંયુજાં સ્વ-સાધુ-કૃત્યં વિબુધાયુષાપિ વઃ ।
યા માભજન્ દુર્જર-ગેહ-શૃઙ્ખલાઃ સંવૃશ્ચ્ય તદ્ વઃ પ્રતિયાતુ સાધુના