ભાગવત પુરાણ · અધ્યાય 10.19

ભ્પ્_10.19.001।0 શ્રી-શુક ઉવાચ
ક્રીડાસક્તેષુ ગોપેષુ તદ્-ગાવો દૂર-ચારિણીઃ ।
સ્વૈરં ચરન્ત્યો વિવિશુસ્ તૃણ-લોભેન ગહ્વરમ્

અજા ગાવો મહિષ્યશ્ ચ નિર્વિશન્ત્યો વનાદ્ વનમ્ ।
ઈષીકાટવીં નિર્વિવિશુઃ ક્રન્દન્ત્યો દાવ-તર્ષિતાઃ

તે ઽપશ્યન્તઃ પશૂન્ ગોપાઃ કૃષ્ણ-રામાદયસ્ તદા ।
જાતાનુતાપા ન વિદુર્ વિચિન્વન્તો ગવાં ગતિમ્

તૃણૈસ્ તત્-ખુર-દચ્-છિન્નૈર્ ગોષ્-પદૈર્ અઙ્કિતૈર્ ગવામ્ ।
માર્ગમ્ અન્વગમન્ સર્વે નષ્ટાજીવ્યા વિચેતસઃ

મુઞ્જાટવ્યાં ભ્રષ્ટ-માર્ગં ક્રન્દમાનં સ્વ-ગોધનમ્ ।
સમ્પ્રાપ્ય તૃષિતાઃ શ્રાન્તાસ્ તતસ્ તે સન્ન્યવર્તયન્

તા આહૂતા ભગવતા મેઘ-ગમ્ભીરયા ગિરા ।
સ્વ-નામ્નાં નિનદં શ્રુત્વા પ્રતિનેદુઃ પ્રહર્ષિતાઃ

તતઃ સમન્તાદ્ દવ-ધૂમકેતુર્ યદૃચ્છયાભૂત્ ક્ષય-કૃદ્ વનૌકસામ્ ।
સમીરિતઃ સારથિનોલ્બણોલ્મુકૈર્ વિલેલિહાનઃ સ્થિર-જઙ્ગમાન્ મહાન્

તમ્ આપતન્તં પરિતો દવાગ્નિં ગોપાશ્ ચ ગાવઃ પ્રસમીક્ષ્ય ભીતાઃ ।
ઊચુશ્ ચ કૃષ્ણં સ-બલં પ્રપન્ના યથા હરિં મૃત્યુ-ભયાર્દિતા જનાઃ

કૃષ્ણ કૃષ્ણ મહા-વીર હે રામામોઘ વિક્રમ ।
દાવાગ્નિના દહ્યમાનાન્ પ્રપન્નાંસ્ ત્રાતુમ્ અર્હથઃ

નૂનં ત્વદ્-બાન્ધવાઃ કૃષ્ણ ન ચાર્હન્ત્ય્ અવસાદિતુમ્ ।
વયં હિ સર્વ-ધર્મ-જ્ઞ ત્વન્-નાથાસ્ ત્વત્-પરાયણાઃ

ભ્પ્_10.19.011।0 શ્રી-શુક ઉવાચ
વચો નિશમ્ય કૃપણં બન્ધૂનાં ભગવાન્ હરિઃ ।
નિમીલયત મા ભૈષ્ટ લોચનાનીત્ય્ અભાષત

તથેતિ મીલિતાક્ષેષુ ભગવાન્ અગ્નિમ્ ઉલ્બણમ્ ।
પીત્વા મુખેન તાન્ કૃચ્છ્રાદ્ યોગાધીશો વ્યમોચયત્

તતશ્ ચ તે ઽક્ષીણ્ય્ ઉન્મીલ્ય પુનર્ ભાણ્ડીરમ્ આપિતાઃ ।
નિશમ્ય વિસ્મિતા આસન્ન્ આત્માનં ગાશ્ ચ મોચિતાઃ

કૃષ્ણસ્ય યોગ-વીર્યં તદ્ યોગ-માયાનુભાવિતમ્ ।
દાવાગ્નેર્ આત્મનઃ ક્ષેમં વીક્ષ્ય તે મેનિરે ઽમરમ્

ગાઃ સન્નિવર્ત્ય સાયાહ્ને સહ-રામો જનાર્દનઃ ।
વેણું વિરણયન્ ગોષ્ઠમ્ અગાદ્ ગોપૈર્ અભિષ્ટુતઃ

ગોપીનાં પરમાનન્દ આસીદ્ ગોવિન્દ-દર્શને ।
ક્ષણં યુગ-શતમ્ ઇવ યાસાં યેન વિનાભવત્