ભાગવત પુરાણ · અધ્યાય 10.18

ભ્પ્_10.18.001।0 શ્રી-શુક ઉવાચ
અથ કૃષ્ણઃ પરિવૃતો જ્ઞાતિભિર્ મુદિતાત્મભિઃ ।
અનુગીયમાનો ન્યવિશદ્ વ્રજં ગોકુલ-મણ્ડિતમ્

વ્રજે વિક્રીડતોર્ એવં ગોપાલ-ચ્છદ્મ-માયયા ।
ગ્રીષ્મો નામર્તુર્ અભવન્ નાતિ-પ્રેયાઞ્ છરીરિણામ્

સ ચ વૃન્દાવન-ગુણૈર્ વસન્ત ઇવ લક્ષિતઃ ।
યત્રાસ્તે ભગવાન્ સાક્ષાદ્ રામેણ સહ કેશવઃ

યત્ર નિર્ઝર-નિર્હ્રાદ- નિવૃત્ત-સ્વન-ઝિલ્લિકમ્ ।
શશ્વત્ તચ્-છીકરર્જીષ- દ્રુમ-મણ્ડલ-મણ્ડિતમ્

સરિત્-સરઃ-પ્રસ્રવણોર્મિ-વાયુના કહ્લાર-કઞ્જોત્પલ-રેણુ-હારિણા ।
ન વિદ્યતે યત્ર વનૌકસાં દવો નિદાઘ-વહ્ન્ય્-અર્ક-ભવો ઽતિ-શાદ્વલે

અગાધ-તોય-હ્રદિની-તટોર્મિભિર્ દ્રવત્-પુરીષ્યાઃ પુલિનૈઃ સમન્તતઃ ।
ન યત્ર ચણ્ડાંશુ-કરા વિષોલ્બણા ભુવો રસં શાદ્વલિતં ચ ગૃહ્ણતે

વનં કુસુમિતં શ્રીમન્ નદચ્-ચિત્ર-મૃગ-દ્વિજમ્ ।
ગાયન્ મયૂર-ભ્રમરં કૂજત્-કોકિલ-સારસમ્

ક્રીડિષ્યમાણસ્ તત્ ક્ર્ષ્ણો ભગવાન્ બલ-સંયુતઃ ।
વેણું વિરણયન્ ગોપૈર્ ગો-ધનૈઃ સંવૃતો ઽવિશત્

પ્રવાલ-બર્હ-સ્તબક- સ્રગ્-ધાતુ-કૃત-ભૂષણાઃ ।
રામ-કૃષ્ણાદયો ગોપા નનૃતુર્ યુયુધુર્ જગુઃ

કૃષ્ણસ્ય નૃત્યતઃ કેચિજ્ જગુઃ કેચિદ્ અવાદયન્ ।
વેણુ-પાણિતલૈઃ શૃઙ્ગૈઃ પ્રશશંસુર્ અથાપરે

ગોપ-જાતિ-પ્રતિચ્છન્ના દેવા ગોપાલ-રૂપિણૌ ।
ઈડિરે કૃષ્ણ-રામૌ ચ નટા ઇવ નટં નૃપ

ભ્રમણૈર્ લઙ્ઘનૈઃ ક્ષેપૈર્ આસ્ફોટન-વિકર્ષણૈઃ ।
ચિક્રીડતુર્ નિયુદ્ધેન કાક-પક્ષ-ધરૌ ક્વચિત્

ક્વચિન્ નૃત્યત્સુ ચાન્યેષુ ગાયકૌ વાદકૌ સ્વયમ્ ।
શશંસતુર્ મહા-રાજ સાધુ સાધ્વ્ ઇતિ વાદિનૌ

ક્વચિદ્ બિલ્વૈઃ ક્વચિત્ કુમ્ભૈઃ ક્વચામલક-મુષ્ટિભિઃ ।
અસ્પૃશ્ય-નેત્ર-બન્ધાદ્યૈઃ ક્વચિન્ મૃગ-ખગેહયા

ક્વચિચ્ ચ દર્દુર-પ્લાવૈર્ વિવિધૈર્ ઉપહાસકૈઃ ।
કદાચિત્ સ્યન્દોલિકયા કર્હિચિન્ નૃપ-ચેષ્ટયા

એવં તૌ લોક-સિદ્ધાભિઃ ક્રીડાભિશ્ ચેરતુર્ વને ।
નદ્ય્-અદ્રિ-દ્રોણિ-કુઞ્જેષુ કાનનેષુ સરઃસુ ચ

પશૂંશ્ ચારયતોર્ ગોપૈસ્ તદ્-વને રામ-કૃષ્ણયોઃ ।
ગોપ-રૂપી પ્રલમ્બો ઽગાદ્ અસુરસ્ તજ્-જિહીર્ષયા

તં વિદ્વાન્ અપિ દાશાર્હો ભગવાન્ સર્વ-દર્શનઃ ।
અન્વમોદત તત્-સખ્યં વધં તસ્ય વિચિન્તયન્

તત્રોપાહૂય ગોપાલાન્ કૃષ્ણઃ પ્રાહ વિહાર-વિત્ ।
હે ગોપા વિહરિષ્યામો દ્વન્દ્વી-ભૂય યથા-યથમ્

તત્ર ચક્રુઃ પરિવૃઢૌ ગોપા રામ-જનાર્દનૌ ।
કૃષ્ણ-સઙ્ઘટ્ટિનઃ કેચિદ્ આસન્ રામસ્ય ચાપરે

આચેરુર્ વિવિધાઃ ક્રીડા વાહ્ય-વાહક-લક્ષણાઃ ।
યત્રારોહન્તિ જેતારો વહન્તિ ચ પરાજિતાઃ

વહન્તો વાહ્યમાનાશ્ ચ ચારયન્તશ્ ચ ગો-ધનમ્ ।
ભાણ્ડીરકં નામ વટં જગ્મુઃ કૃષ્ણ-પુરોગમાઃ

રામ-સઙ્ઘટ્ટિનો યર્હિ શ્રીદામ-વૃષભાદયઃ ।
ક્રીડાયાં જયિનસ્ તાંસ્ તાન્ ઊહુઃ કૃષ્ણાદયો નૃપ

ઉવાહ કૃષ્ણો ભગવાન્ શ્રીદામાનં પરાજિતઃ ।
વૃષભં ભદ્રસેનસ્ તુ પ્રલમ્બો રોહિણી-સુતમ્

અવિષહ્યં મન્યમાનઃ કૃષ્ણં દાનવ-પુઙ્ગવઃ ।
વહન્ દ્રુતતરં પ્રાગાદ્ અવરોહણતઃ પરમ્

તમ્ ઉદ્વહન્ ધરણિ-ધરેન્દ્ર-ગૌરવં $ મહાસુરો વિગત-રયો નિજં વપુઃ &અમ્પ્;
સ આસ્થિતઃ પુરટ-પરિચ્છદો બભૌ % તડિદ્-દ્યુમાન્ ઉડુપતિ-વાડ્ ઇવામ્બુદઃ ॥ ભ્પ્_10.18.026* ॥
નિરીક્ષ્ય તદ્-વપુર્ અલમ્ અમ્બરે ચરત્ $ પ્રદીપ્ત-દૃગ્ ભ્રુ-કુટિ-તટોગ્ર-દંષ્ટ્રકમ્ &
નિરીક્ષ્ય તદ્-વપુર્ અલમ્ અમ્બરે ચરત્ $ પ્રદીપ્ત-દૃગ્ ભ્રુ-કુટિ-તટોગ્ર-દંષ્ટ્રકમ્ &
જ્વલચ્-છિખં કટક-કિરીટ-કુણ્ડલ- % ત્વિષાદ્ભુતં હલધર ઈષદ્ અત્રસત્ ॥ ભ્પ્_10.18.027* ॥
અથાગત-સ્મૃતિર્ અભયો રિપું બલો વિહાય સાર્થમ્ ઇવ હરન્તમ્ આત્મનઃ ।
રુષાહનચ્ છિરસિ દૃઢેન મુષ્ટિના સુરાધિપો ગિરિમ્ ઇવ વજ્ર-રંહસા

સ આહતઃ સપદિ વિશીર્ણ-મસ્તકો મુખાદ્ વમન્ રુધિરમ્ અપસ્મૃતો ઽસુરઃ ।
મહા-રવં વ્યસુર્ અપતત્ સમીરયન્ ગિરિર્ યથા મઘવત આયુધાહતઃ

દૃષ્ટ્વા પ્રલમ્બં નિહતં બલેન બલ-શાલિના ।
ગોપાઃ સુ-વિસ્મિતા આસન્ સાધુ સાધ્વ્ ઇતિ વાદિનઃ

આશિષો ઽભિગૃણન્તસ્ તં પ્રશશંસુસ્ તદ્-અર્હણમ્ ।
પ્રેત્યાગતમ્ ઇવાલિઙ્ગ્ય પ્રેમ-વિહ્વલ-ચેતસઃ

પાપે પ્રલમ્બે નિહતે દેવાઃ પરમ-નિર્વૃતાઃ ।
અભ્યવર્ષન્ બલં માલ્યૈઃ શશંસુઃ સાધુ સાધ્વ્ ઇતિ