ભાગવત પુરાણ · અધ્યાય 10.17

ભ્પ્_10.17.001।0 શ્રી-રાજોવાચ
નાગાલયં રમણકં કથં તત્યાજ કાલિયઃ ।
કૃતં કિં વા સુપર્ણસ્ય તેનૈકેનાસમઞ્જસમ્

ભ્પ્_10.17.002।0 શ્રી-શુક ઉવાચ
ઉપહાર્યૈઃ સર્પ-જનૈર્ માસિ માસીહ યો બલિઃ ।
વાનસ્પત્યો મહા-બાહો નાગાનાં પ્રાઙ્-નિરૂપિતઃ

સ્વં સ્વં ભાગં પ્રયચ્છન્તિ નાગાઃ પર્વણિ પર્વણિ ।
ગોપીથાયાત્મનઃ સર્વે સુપર્ણાય મહાત્મને

વિષ-વીર્ય-મદાવિષ્ટઃ કાદ્રવેયસ્ તુ કાલિયઃ ।
કદર્થી-કૃત્ય ગરુડં સ્વયં તં બુભુજે બલિમ્

તચ્ છ્રુત્વા કુપિતો રાજન્ ભગવાન્ ભગવત્-પ્રિયઃ ।
વિજિઘાંસુર્ મહા-વેગઃ કાલિયં સમપાદ્રવત્

તમ્ આપતન્તં તરસા વિષાયુધઃ પ્રત્યભ્યયાદ્ ઉત્થિત-નૈક-મસ્તકઃ ।
દદ્ભિઃ સુપર્ણં વ્યદશદ્ દદ્-આયુધઃ કરાલ-જિહ્રોચ્છ્વસિતોગ્ર-લોચનઃ

તં તાર્ક્ષ્ય-પુત્રઃ સ નિરસ્ય મન્યુમાન્ $ પ્રચણ્ડ-વેગો મધુસૂદનાસનઃ &અમ્પ્;
પક્ષેણ સવ્યેન હિરણ્ય-રોચિષા % જઘાન કદ્રુ-સુતમ્ ઉગ્ર-વિક્રમઃ ॥ ભ્પ્_10.17.007* ॥
સુપર્ણ-પક્ષાભિહતઃ કાલિયો ઽતીવ વિહ્વલઃ ।
હ્રદં વિવેશ કાલિન્દ્યાસ્ તદ્-અગમ્યં દુરાસદમ્

તત્રૈકદા જલ-ચરં ગરુડો ભક્ષ્યમ્ ઈપ્સિતમ્ ।
નિવારિતઃ સૌભરિણા પ્રસહ્ય ક્ષુધિતો ઽહરત્

મીનાન્ સુ-દુઃખિતાન્ દૃષ્ટ્વા દીનાન્ મીન-પતૌ હતે ।
કૃપયા સૌભરિઃ પ્રાહ તત્રત્ય-ક્ષેમમ્ આચરન્

અત્ર પ્રવિશ્ય ગરુડો યદિ મત્સ્યાન્ સ ખાદતિ ।
સદ્યઃ પ્રાણૈર્ વિયુજ્યેત સત્યમ્ એતદ્ બ્રવીમ્ય્ અહમ્

તત્ કાલિયઃ પરં વેદ નાન્યઃ કશ્ચન લેલિહઃ ।
અવાત્સીદ્ ગરુડાદ્ ભીતઃ કૃષ્ણેન ચ વિવાસિતઃ

કૃષ્ણં હ્રદાદ્ વિનિષ્ક્રાન્તં દિવ્ય-સ્રગ્-ગન્ધ-વાસસમ્ ।
મહા-મણિ-ગણાકીર્ણં જામ્બૂનદ-પરિષ્કૃતમ્

ઉપલભ્યોત્થિતાઃ સર્વે લબ્ધ-પ્રાણા ઇવાસવઃ ।
પ્રમોદ-નિભૃતાત્માનો ગોપાઃ પ્રીત્યાભિરેભિરે

યશોદા રોહિણી નન્દો ગોપ્યો ગોપાશ્ ચ કૌરવ ।
કૃષ્ણં સમેત્ય લબ્ધેહા આસન્ શુષ્કા નગા અપિ

રામશ્ ચાચ્યુતમ્ આલિઙ્ગ્ય જહાસાસ્યાનુભાવ-વિત્ ।
પ્રેમ્ણા તમ્ અઙ્કમ્ આરોપ્ય પુનઃ પુનર્ ઉદૈક્ષત ।
ગાવો વૃષા વત્સતર્યો લેભિરે પરમાં મુદમ્

નન્દં વિપ્રાઃ સમાગત્ય ગુરવઃ સ-કલત્રકાઃ ।
ઊચુસ્ તે કાલિય-ગ્રસ્તો દિષ્ટ્યા મુક્તસ્ તવાત્મજઃ

દેહિ દાનં દ્વિ-જાતીનાં કૃષ્ણ-નિર્મુક્તિ-હેતવે ।
નન્દઃ પ્રીત-મના રાજન્ ગાઃ સુવર્ણં તદાદિશત્

યશોદાપિ મહા-ભાગા નષ્ટ-લબ્ધ-પ્રજા સતી ।
પરિષ્વજ્યાઙ્કમ્ આરોપ્ય મુમોચાશ્રુ-કલાં મુહુઃ

તાં રાત્રિં તત્ર રાજેન્દ્ર ક્ષુત્-તૃડ્ભ્યાં શ્રમ-કર્ષિતાઃ ।
ઊષુર્ વ્રયૌકસો ગાવઃ કાલિન્દ્યા ઉપકૂલતઃ

તદા શુચિ-વનોદ્ભૂતો દાવાગ્નિઃ સર્વતો વ્રજમ્ ।
સુપ્તં નિશીથ આવૃત્ય પ્રદગ્ધુમ્ ઉપચક્રમે

તત ઉત્થાય સમ્ભ્રાન્તા દહ્યમાના વ્રજૌકસઃ ।
કૃષ્ણં યયુસ્ તે શરણં માયા-મનુજમ્ ઈશ્વરમ્

કૃષ્ણ કૃષ્ણ મહા-ભગ હે રામામિત-વિક્રમ ।
એષ ઘોરતમો વહ્નિસ્ તાવકાન્ ગ્રસતે હિ નઃ

સુ-દુસ્તરાન્ નઃ સ્વાન્ પાહિ કાલાગ્નેઃ સુહૃદઃ પ્રભો ।
ન શક્નુમસ્ ત્વચ્-ચરણં સન્ત્યક્તુમ્ અકુતો-ભયમ્

ઇત્થં સ્વ-જન-વૈક્લવ્યં નિરીક્ષ્ય જગદ્-ઈશ્વરઃ ।
તમ્ અગ્નિમ્ અપિબત્ તીવ્રમ્ અનન્તો ઽનન્ત-શક્તિ-ધૃક્