ભગવદ્ગીતા · અધ્યાય 50

વિશ્વનાથઃ :
ષષ્ઠેષુ યોગિનો યોગ-પ્રકાર-વિજિતાત્મનઃ ।
મનસશ્ ચઞ્ચલસ્યાપિ નૈશ્ચલ્યોપાય ઉચ્યતે ॥
અષ્ટાઙ્ગ-યોગાભ્યાસે પ્રવૃત્તેનાપિ ચિત્ત-શોધકં નિષ્કામ-કર્મ ન ત્યાજ્યમ્ ઇત્ય્ આહ કર્મ-ફલમ્ આશ્રિતો ઽનપેક્ષમાણઃ કાર્યમ્ અવશ્ય-કર્તવ્યત્વેન શાસ્ત્ર-વિહિતં કર્મ યઃ કરોતિ, સ એવ કર્મ-ફલ-સંન્યાસાત્ સંન્યાસી, સ એવ વિષય-ભોગેષુ ચિત્તાભાવાદ્ યોગી ચોચ્યતે । ન ચ નિરગ્નિર્ અગ્નિહોત્રાદિ-કર્મ-માત્ર-ત્યાગવાન્ એવ સન્ન્યાસ્ય્ ઉચ્યતે । ન ચાક્રિયો ન દૈહિક-ચેષ્ટા-શૂન્યો ઽર્ધ-નિમીલિત-નેત્ર એવ યોગી ચોચ્યતે